2.10.2014

MT

Il-Ġurnal Uffiċjali tal-Unjoni Ewropea

C 345/5

---

ASSEMBLEA PARLAMENTARI KONĠUNTA TAL-FTEHIM TA’ SĦUBIJA KONKLUŻ BEJN IL-MEMBRI TAL-GRUPP TAL-ISTATI AFRIKANI, TAL-KARIBEW U TAL-PAĊIFIKU, MINN NAĦA, U TAL-UNJONI U L-ISTATI MEMBRI TAGĦHA, MIN-NAĦA L-OĦRA

MINUTI TAS-SEDUTA TAT-TLIETA, IT-18 TA’ MARZU 2014

2014/C 345/02

Werrej

1.	Sorsi tal-enerġija rinnovabli u t-tibdil fil-klima: sfidi tekonoloġiċi u umani għall-pajjiżi tal-AKP – esperjenza Griega u Ewropea

2.	Sessjonijiet ta’ ħidma – rapport fil-qosor

3.	Estrazzjoni għaż-żejt u l-minerali minn qiegħ il-baħar fil-kuntest tal-iżvilupp sostenibbli

4.	Il-ġlieda kontra l-AIDS

5.	Dikjarazzjoni mis-Sur Andris Piebalgs, Membru tal-Kummissjoni responsabbli għall-iżvilupp

6.	Dibattitu ma’ Andris Piebalgs, Membru tal-Kummissjoni responsabbli għall-iżvilupp (-proċedura “catch-the-eye)

7.	Ħin għall-mistoqsijiet lill-Kummissjoni

8.	Azzjoni meħuda mill-Kummissjoni dwar ir-riżoluzzjonijiet adottati fis-26 sessjoni tal-Assemblea Parlamentari Konġunta

9.	Il-firxa globali tat-terroriżmu: ir-rwol tal-Internet u l-midja soċjali Kumitat dwar Affarijiet Politiċi

10.	Rapport dwar il-11-il Laqgħa Reġjonali

MINUTI TAS-SEDUTA TAT-TLIETA, it-18 TA’ MARZU 2014

Is-seduta nfetħet fid-09.15 ta’ filgħodu

PRESIDENZA: Fitz A. JACKSON

Kopresident

1.   Sorsi tal-enerġija rinnovabbli u t-tibdil fil-klima: sfidi tekonoloġiċi u umani għall-pajjiżi tal-AKP – esperjenza Griega u Ewropea

Skambju ta’ fehmiet ma’ Kyriakos Gerontopoulos, Deputat Ministru għall-Affarijiet Barranin, il-Greċja

Kyriakos Gerontopoulos, Deputat Ministru għall-Affarijiet Barranin tal-Ġreċja, ta preżentazzjoni dwar is-suġġett tas-sorsi tal-enerġija rinnovabbli u t-tibdil fil-klima.

Kelliema: Gay Mitchell, Picewell Forbes (Bahamas), Norbert Neuser, Olle Schmidt, Abdourahamane Chegou (Niger), Komi Selom Klassou (Togo), Makhosini Hlongwane (Zimbabwe), Christa Klaß, Nita R. K. Deerpalsing (il-Mawrizju) and Ana Rita Geremias Sithole (il-Możambik).

Il-membri talbu aktar investiment kemm fis-sorsi tal-enerġija rinnovabbli kif ukoll fil-miżuri preventivi bħalma huma t-tnaqqis tar-riskju tad-diżastri u l-ġlieda kontra t-tibdil fil-klima. Huma talbu koordinazzjoni aħjar bejn l-Unjoni Ewropea u l-azzjonijiet individwali tal-Istati Membri għall-ottimizzazzjoni tal-użu tar-riżorsi. Ġie ssuġġerit ukoll li l-programmi ta’ skambji universitarji u arranġamenti ta’ ġemellaġġ għandhom jiġu żviluppati sabiex jiġi ffaċilitat it-trasferiment tal-għarfien u tal-kompetenza.

Is-Sur Gerontopoulos għalaq id-dibattitu.

2.   Sessjonijiet ta’ ħidma – rapport fil-qosor

Ir-rapporteur, Arnaldo Álvaro Ramos (il-Kap Verde), rrappurta oralment dwar is-sessjoni ta’ ħidma “Appoġġ għall-iżvilupp tas-settur privat u l-promozzjoni tal-investimenti f’sorsi tal-enerġija rinnovabbli fil-pajjiżi tal-AKP”.

Din is-sessjoni ta’ ħidma eżaminat soluzzjonijiet ta’ finanzjament u teknoloġiċi innovattivi kif ukoll l-aħjar prattiki mmirati biex jagħlqu id-distakk enerġetiku billi jisfruttaw l-potenzjal tas-sorsi tal-enerġija rinnovabbli.

Kelliema: Kopresident Fitz A. Jackson.

3.   Estrazzjoni għaż-żejt u l-minerali minn qiegħ il-baħar fil-kuntest tal-iżvilupp sostenibbli

Kumitat għall-Affarijiet Soċjali u l-Ambjent

Korapporteurs: Joe Koim Komun (Papwa Ginea Ġdida) u Christa Klaß

Joe Koim Komun (Papwa Ginea Ġdida) u Horst Schnellhardt (minflok Christa Klaß) ippreżentaw ir-rapport.

Kelliema: Alban Sumana Kingsford Bagbin (il-Gana), Jutta Haug, Dharamkumar Seeraj (il-Gujana), Olle Schmidt, Ousmane Kaba (il-Ginea), Mohamed El Moctar Zamel (il-Mawritanja), Carlos Manuel (il-Możambik), Lautafi Fio Selafi Purcell (Samoa), Peter Štastný, Ibrahim Bundu (Sjerra Leone), Adjedoue Weidou (iċ-Ċad), Maria Fernanda Lay (Timor Leste), Nita R. K. Deerpalsing (il-Mawrizju) and Armando Astudillo González (il-Kummissjoni Ewropea).

Il-Membri nnotaw l-opportunitajiet u l-isfidi tal-minjieri għaż-żejt u l-minerali f’qiegħ il-baħar. Huma enfasizzaw il-kontribut tar-rapport għat-tiswir ta’ dan il-qasam emerġenti u l-ħtieġa li parlamenti nazzjonali jiżviluppaw oqfsa regolatorji li jiżguraw l-akbar rispett għall-istandards ambjentali, kif ukoll it-trasparenza ta’ kuntratti ta’ sfruttament u r-ritorn tad-dħul lill-komunitajiet lokali. Il-membri enfasizzaw li l-iżvilupp tal-kapaċità, it-taħriġ u t-trasferimenti tat-teknoloġija huma essenzjali biex jiżguraw li attivitajiet fil-minjieri f’qiegħ il-baħar jikkontribwixxu għal żvilupp sostenibbli.

Joe Koim Komun (Papwa Ginea Ġdida) għalaq id-dibattitu.

4.   Il-ġlieda kontra l-AIDS

Dibattitu ewlieni

Michel Sidibe, Direttur Eżekuttiv tal-Programm Konġunt tan-Nazzjonijiet Uniti dwar l-HIV u l-AIDS (UNAIDS), ta preżentazzjoni dwar is-sitwazzjoni attwali rigward il-ġlieda kontra l-AIDS.

Kelliema: Mariya Gabriel, Michael Cashman, Achille Marie Joseph Tapsoba (Burkina Faso), Nathalie Griesbeck, Dambert René Ndouane (ir-Repubblika tal-Kongo), Musa Hussein Naib (l-Eritrea), Alban Sumana Kingsford Bagbin (il-Gana), Michel Sidibé, Picewell Forbes (il-Baħamas), Abdikadir Omar Aden (il-Kenja), Louis Michel, Abdourahamane Chegou (in-Niġer), Horst Schnellhardt, Mohammed Mukhtar Ahmed (in-Niġerja), Gay Michell, Ibrahim Bundu (Sjerra Leone), Komi Selom Klassou (it-Togo), Jacob Oulanyah (l-Uganda), Kennedy K. Hamudulu (iż-Żambja), Makhosini Hlongwane (iż-Żimbabwe), Nita R. K. Deerpalsing (il-Mawrizju) u Christophe Apala Pen’Apala Lutundula (ir-Repubblika Demokratika tal-Kongo).

Il-Membri faħħru l-isforzi tal-ġlieda globali kontra l-HIV/AIDS taħt it-tmexxija u l-viżjoni tal-UNAIDS. Infaħħra bħala storja ta’ suċċess ta’ Solidarjetà Globali, il-kampanja hija prova li ż-żieda fir-riżorsi domestiċi u l-impenn, fit-tmexxija u attiviżmu globali ta’ livell bażiku. Il-Membri emfasizzaw li l-impenn attiv tal-ġenerazzjonijiet żgħażugħa, inizjattivi ta’ informazzjoni, il-prevenzjoni u l-aċċess effettiv għal trattament, inklużi l-popolazzjonijiet rurali l-aktar vulnerabbli, huma kruċjali biex ikompli jsir progress biex l-għan ta’ żero infezzjonijiet ġodda, isir realtà. Kien hemm dibattitu animat dwar il-kwistjoni kontroversjali tal-liġijiet fl-Uganda u n-Niġerja li jiddiskriminaw kontra gruppi ta’ minoranza, inklużi l-omosesswali. Kważi il-membri kollha tennew l-appoġġ tagħhom għall-għażliet leġiżlattivi ta’ tolleranza tal-pajjiżi individwali tagħhom b’kunsiderazzjoni għad-diversità kulturali. Oħrajn beżgħu li kwalunkwe att li jwassal għal stigmatizzazzjoni jista’ jipperikola l-aċċess għat-trattament u l-kura u l-isforzi kollha biex tintemm l-epidemija.

Michel Sidibé wieġeb il-mistoqsijiet li saru mill-membri.

(Is-seduta ġiet aġġornata fil-13.05 u kompliet fit-15.00)

Fitz A. JACKSON Louis MICHEL	Alhaj Muhammad MUMUNI u Luis Marco AGUIRIANO NALDA
Kopresidenti	Kosegretarji Ġenerali

PRESIDENZA: Louis MICHEL

Kopresident

5.   Dikjarazzjoni minn Andris Piebalgs, Membru tal-Kummissjoni Ewropea b’responsabbiltà għall-iżvilupp

Is-Sur Piebalgs evalwa l-progress li sar minn mindu ġew adottati l-Għanijiet ta’ Żvilupp tal-Millennju. Huwa faħħar il-ħidma tal-Grupp ta’ Ħidma Miftuħ dwar l-Għanijiet ta’ Żvilupp Sostenibbli u l-kontribut siewi tal-pajjiżi tal-AKP fit-tiswir tal-qafas wara l-2015. Is-Sur Piebalgs fakkar li filwaqt li, f’kuntest globali li qed jinbidel malajr u profondament, ħafna pajjiżi kienu kisbu tkabbir, ħafna oħrajn kienu għadhom qed jitħabtu biex jiżviluppaw. L-Unjoni Ewropea pprovdiet appoġġ sinifikanti permezz ta’ finanzjament ta’ kooperazzjoni. L-aġenda tagħha għall-Bidla u l-impenn tagħha għal koerenza politika ippermettew li l-għajnuna tkun iffukati fuq pajjiżi ifqar. Bl-istess mod, il-valuri universali bħal non-diskriminazzjoni kellhom ikunu rispettati Il-Kummissarju talab djalogu miftuħ dwar kwistjonijiet li jifirdu f’dan ir-rigward fix-xhieda tal-maturità tas-sħubija bejn il-pajjiżi tal-AKP u l-UE.

6.   Dibattitu ma’ Andris Piebalgs, Membru tal-Kummissjoni Ewropea responsabbli għall-iżvilupp – proċedura (“catch-the eye”)

L-iskambju ta’ fehmiet iffoka fuq suġġetti fosthom: Ir-relazzjonijiet bejn l-Unjoni Ewropea u l-Kuba; id-drittijiet tal-minoranzi sesswali skont il-Ftehim ta’ Cotonou; l-effikaċja tal-proġetti għall-iżvilupp; appoġġ għall-SMEs u titjib fis-sjieda tal-proprjetà fil-kuntest tal-miri ta’ żvilupp sostenibbli; l-importanza tal-infrastruttura u t-tranżizzjoni għall-enerġija ekoloġika; appoġġ għas-settur privat u l-ħolqien tal-impjiegi; finanzjament għall-produtturi agrikoli żgħar; il-potenzjal futur ta’ servizzi bankarji agri; u l-isfida li pajjiżi jżgħar jattiraw investimenti ta’ skala kbira.

Kelliema: Miguel Angel Martínez Martínez, Michael Cashman, Mohamed El Moctar Zamel (il-Mawritanja), Gay Mitchell, Horst Schnellhardt, Arnaldo Andrade Ramos (il-Kap Verde), Dalton Tagelagi (Nju), Ahamada Soukouna (Mali), Ousmane Kaba (il-Papwa Ginea Ġdida) and Nita R. K. Deerpalsing (il-Mawrizju).

Il-Kummissarju Piebalgs wieġeb il-mistoqsijiet imqajma mill-membri skont il-proċedura “catch-the-eye”.

7.   Ħin għall-mistoqsijiet lill-Kummissjoni Ewropea

Total ta’ 16 mistoqsija tressqu lill-Kummissjoni Ewropea.

Il-Kummissjoni kienet wieġbet għall-mistoqsijiet bil-miktub. Il-Kummissarju ta tweġibiet orali għall-mistoqsijiet supplimentari mressqa mill-awturi li ġejjin:

Mistoqsija Nru 5 minn Mariya Gabriel dwar l-impenn tal-UE fir-Repubblika Demokratika tal-Kongo, b’mod partikolari fil-Lvant tal-pajjiż;

Mistoqsija Nru 6 minn Olle Schmidt dwar it-traffikar tal-bnedmin fid-deżert ta’ Sinaj.

Mistoqsija Nru 9 minn Michael Cashman dwar leġiżlazzjoni li tikkrimina l-omosesswalità u l-Artikolu 96 tal-Ftehim ta’ Cotonou;

Mistoqsija Nru 10 mill-pajjiżi Horst Schnellhardt dwar il-Ġlieda kontra l-Faqar permezz ta’ sforzi tagħhom stess;

Mistoqsija Nru 11 minn Fiona Hall (issostitwita minn Olle Schmidt) dwar il-pastoraliżmu.

L-awturi tal-Mistoqsijiet Nri 1, 3, u 4 ma kellhomx mistoqsijiet supplimentari.

L-awturi tal-Mistoqsijiet Nri 2, 7, 8, 12, 13, 14, 15 u 16 ma kinux preżenti.

8.   Azzjoni meħuda mill-Kummissjoni dwar ir-riżoluzzjonijiet adottati fis-26 sessjoni tal-Assemblea Parlamentari Konġunta

Dokument dwar is-segwitu għar-riżoluzzjonijiet adottati f’Addis Ababa kien ġie trażmess lill-Assemblea. Il-Kopresident irringrazzja lis-Sur Andris Piebalgs, membru tal-Kummissjoni Ewropea b’responsabilità għall-iżvilupp, għax-xogħol kuxjenzjuż u l-impenn profond tiegħu matul il-mandat tiegħu ta’ ħames snin.

9.   Il-firxa globali tat-terroriżmu: ir-rwol tal-Internet u l-midja soċjali

Korapporteurs: Moses Kollie (Liberja) u Zita Gurmai

Mosè Kollie (Liberja) u Miguel Angel Martínez Martínez (li ħadet post Zita Gurmai) ippreżenta r-rapport.

Il-Membri enfasizzaw l-importanza tal-Internet u netwerks soċjali bħala għodda b’potenzjal benefiku enormi għas-soċjetajiet kemm pajjiżi tal-AKP kif ukoll tal-UE. Madankollu, huma ddikjaraw li dawn l-għodda qegħdin jiġu abbużati minn għadd żgħir ta’ nies għall-propogazzjoni ta’ ideoloġiji estremisti u l-organizzazzjoni ta’ attakki terroristiċi. Il-memberi talbu għat-tisħiħ tal-kooperazzjoni internazzjonali biex jiġu ostakolati attivitajiet kriminali onlajn. Huma wissew kontra gvernijiet li jużaw it-theddida tat-terroriżmu bħala skuża għar-restrizzjoni tal-libertajiet fundamentali. L-isfida hija li titfassal u tġi implimentata leġiżlazzjoni ta’ natura bilanċjata li tippermetti l-ġlieda effettiva kontra t-terroriżmu filwaqt li tissalvagwardja d-drittijiet tal-privatezza u attivitajiet politiċi leġittimi.

Kelliema: Boniface Yehouetome (Benin), Mariya Gabriel, Mohamed Youssouf Goumaneh (Djibouti), Abadula Gemeda Dago (l-Etijopja), Olle Schmidt, Abdikadir Omar Aden (il-Kenja), Mohamed El Moctar Zamel (il-Mawritanja), Mohammed Mukhtar Ahmed (in-Niġerja), Michael Gahler, Abdirizak Osman Hassan (is-Somalja), Mahamat Togoi Tekilio (iċ-Ċad), Makhosini Hlongwane (iż-Żimbabwe) u Vincent Ringenberg (SEAE).

Moses Kollie (il-Liberja) u Miguel Ángel Martínez Martínez għalqu d-dibattitu.

10.   Rapport dwar il-11-il Laqgħa Reġjonali (Reġjun tal-Afrika tal-Lvant) li sar f’Port Louis (il-Mawrizju) mit-12 sal-14 ta’ Frar 2014 – rapport mill-Kopresidenti

Kopresident Fitz A. Jackson. Jackson irrapporta oralment dwar il-laqgħa reġjonali, fejn enfasizza s-soġġetti ewlenin li ġew diskussi.

Il-Membri rringrazzjaw u kkongratulaw il-Mawrizju tgħall-organizzazzjoni ta’ suċċess tal-laqgħa. Huma esprimew is-sodisfazzjoni tagħhom għad-dibattiti, li kienu ffukati inter alia fuq l-importanza tal-integrazzjoni reġjonali, it-theddida tat-terrorożmu u l-piraterija, u l-produzzjoni taz-zokkor fil-pajjiżi tal-AKP

Kelliema: Christa Klaß, Kopresident Louis Michel, Nita R. K. Deerpalsing (il-Mawrizju), Miguel Ángel Martínez Martínez u Kopresident Fitz A. Jackson.

(Is-seduta ntemmet fil-17.35)

---