Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 22011D0049

Deċiżjoni tal-Kumitat Konġunt taż-ŻEE Nru 49/2011 tal- 20 ta’ Mejju 2011 li temenda l-Anness II (Regolamenti tekniċi, standards, ittestjar u ċertifikazzjoni) mal-Ftehim taż-ŻEE

ĠU L 196, 28.7.2011, p. 27–28 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

⏵Dan id-dokument ġie ppubblikat f’edizzjoni(jiet) speċjali (HR)

Legal status of the document In force

ELI: http://data.europa.eu/eli/dec/2011/49(2)/oj

28.7.2011   

MT

Il-Ġurnal Uffiċjali tal-Unjoni Ewropea

L 196/27

DEĊIŻJONI TAL-KUMITAT KONĠUNT TAŻ-ŻEE

Nru 49/2011

tal-20 ta’ Mejju 2011

li temenda l-Anness II (Regolamenti tekniċi, standards, ittestjar u ċertifikazzjoni) mal-Ftehim taż-ŻEE

IL-KUMITAT KONĠUNT TAŻ-ŻEE,

Wara li kkunsidra l-Ftehim dwar iż-Żona Ekonomika Ewropea, kif emendat mill-Protokoll li jaġġusta l-Ftehim dwar iż-Żona Ekonomika Ewropea, minn issa ’l quddiem imsejjaħ “il-Ftehim”, u b’mod partikolari l-Artikolu 98 tiegħu,

Billi:

(1)

L-Anness II tal-Ftehim ġie emendat bid-Deċiżjoni tal-Kumitat Konġunt taż-ŻEE Nru 125/2009 tal-4 ta’ Diċembru 2010 (1).

(2)

Id-Direttiva 2009/3/KE tal-Parlament Ewropew u l-Kunsill tal-11 ta’ Marzu 2009 li temenda d-Direttiva tal-Kunsill 80/181/KEE dwar l-approssimazzjoni tal-liġijiet tal-Istati Membri dwar l-unitajiet ta’ kejl (2) għandha tiġi inkorporata fil-Ftehim.

(3)

Id-Direttiva 2009/23/KE tal-Parlament Ewropew u tal-Kunsill tat-23 ta’ April 2009 dwar strumenti tal-użin mhux awtomatiċi (3) għandha tiġi inkorporata fil-Ftehim.

(4)

Id-Direttiva 2009/34/KE tal-Parlament Ewropew u tal-Kunsill tat-23 ta’ April 2009 dwar dispożizzjonijiet komuni kemm għall-istrumenti tal-kejl kif ukoll għall-metodi ta’ kontroll metroloġiku (4) għandha tiġi inkorporata fil-Ftehim.

(5)

Id-Direttiva tal-Kummissjoni 2009/137/KE tal-10 ta’ Novembru 2009 li temenda d-Direttiva 2004/22/KE tal-Parlament Ewropew u tal-Kunsill dwar l-istrumenti tal-kejl fir-rigward tal-isfruttar tal-għadd massimu ta’ żbalji permissibbli, f’dak li għandu x’jaqsam mal-annessi speċifiċi għall-istrumenti MI-001 sa MI-005 (5) għandha tiġi inkorporata fil-Ftehim.

(6)

Id-Direttiva 2009/23/KE tirrevoka d-Direttiva tal-Kunsill 90/384/KEE (6) li hija inkorporata fil-Ftehim u li konsegwentament għandha titħassar skont il-Ftehim,

(7)

Id-Direttiva 2009/34/KE tirrevoka d-Direttiva tal-Kunsill 71/316/KEE (7) li hija inkorporata fil-Ftehim u li konsegwentament għandha titħassar skont il-Ftehim,

IDDEĊIEDA KIF ĠEJ:

Artikolu 1

Il-Kapitolu IX tal-Anness II mal-Ftehim għandu jiġi emendat kif ġej:

1.

It-test fil-punt 1 (Direttiva tal-Kunsill 71/316/KEE) għandu jiġi sostitwit bi:

“32009 L 0034: Id-Direttiva 2009/34/KE tal-Parlament Ewropew u tal-Kunsill tat-23 ta’ April 2009 dwar dispożizzjonijiet komuni kemm għall-istrumenti tal-kejl kif ukoll għall-metodi ta’ kontroll metroloġiku (tfassil mill-ġdid) (ĠU L 106, 28.4.2009, p. 7).

Id-dispożizzjonijiet tad-Deċiżjoni għandhom, għar-raġunijiet ta’ dan il-Ftehim, jinqraw bl-adattamenti li ġejjin:

(a)

Fl-ewwel inċiż tal-punt 3.1 tal-Anness I u għall-ewwel inċiż tal-punt 3.1.1.1(a) tal-Anness II, għandu jiżdied dan li ġej mat-test fil-parenteżi:

‘FL għal-Liechtenstein, IS għall-Islanda, N għan-Norveġja’,

(b)

Id-disinji li għalihom jirreferi l-Anness II fil-punt 3.2.1, għandhom jiġu ssupplimentati bl-ittri meħtieġa għas-sinjali FL, IS, N.”

2.

L-inċiż li ġej għandu jiżdied fil-punt 24 (Direttiva tal-Kunsill 80/181/KEE):

“—

32009 L 0003: Id-Direttiva 2009/3/KE tal-Parlament Ewropew u tal-Kunsill tal-11 ta’ Marzu 2009 (ĠU L 114, 7.5.2009, p. 10).”

3.

It-test fil-punt 27 (Direttiva tal-Kunsill 90/384/KEE) għandu jiġi sostitwit bi:

“32009 L 0023: Id-Direttiva 2009/23/KE tal-Parlament Ewropew u tal-Kunsill tat-23 ta’ April 2009 dwar strumenti tal-użin mhux awtomatiċi (ĠU L 122, 16.5.2009, p. 6).”.

4.

L-inċiż li ġej għandu jiżdied fil-punt 27b (Direttiva 2004/22/KE tal-Parlament Ewropew u tal-Kunsill):

“—

32009 L 0137: Id-Direttiva tal-Kummissjoni 2009/137/KE tal-10 ta’ Novembru 2009 (ĠU L 294, 11.11.2009, p. 7).”

Artikolu 2

It-testi tad-Direttiva 2009/3/KE, 2009/23/KE, 2009/34/KE and 2009/137/KE bl-ilsien Islandiż u dak Norveġiż, li għandhom ikunu ppubblikati fis-Suppliment taż-ŻEE ta’ Il-Ġurnal Uffiċjali tal-Unjoni Ewropea, għandhom jitqiesu li huma awtentiċi.

Artikolu 3

Din id-Deċiżjoni għandha tidħol fis-seħħ fil-21 ta’ Mejju 2011, sakemm in-notifiki kollha skont l-Artikolu 103(1) tal-Ftehim ikunu saru lill-Kumitat Konġunt taż-ŻEE (*).

Artikolu 4

Din id-Deċiżjoni għandha tiġi ppubblikata fit-Taqsima taż-ŻEE ta’ Il-Ġurnal Uffiċjali tal-Unjoni Ewropea u fis-Suppliment taż-ŻEE tiegħu.

Magħmul fi Brussell, l-20 ta’ Mejju 2011.

Għall-Kumitat Konġunt taż-ŻEE

L-Aġent President

Gianluca GRIPPA

(1)  ĠU L 62, 11.3.2010, p. 11.

(2)  ĠU L 114, 7.5.2009, p. 10.

(3)  ĠU L 122, 16.5.2009, p. 6.

(4)  ĠU L 106, 28.4.2009, p. 7.

(5)  ĠU L 294, 11.11.2009, p. 7.

(6)  ĠU L 189, 20.7.1990, p. 1.

(7)  ĠU L 202, 6.9.1971, p. 1.

(*)  L-ebda rekwiżiti kostituzzjonali ma huma indikati.

Top