31.12.2008   

MT

Il-Ġurnal Uffiċjali ta’ l-Unjoni Ewropea

530

(1)

Il-Protokoll 31 tal-Ftehim kien emendat bid-Deċiżjoni tal-Kumitat Konġunt taż-ŻEE Nru 72/2005 tad-29 ta’ April 2005 (1).

(2)

Ikun xieraq li l-kooperazzjoni tal-Partijiet Kontraenti tal-Ftehim tiġi estiża biex tkun tinkludi l-azzjoni preparatorja tar-riċerka Ewropea dwar is-Sigurtà (2006).

(3)

Il-Protokoll 31 tal-Ftehim għandu għalhekk jiġi emendat sabiex jippermetti li sseħħ din il-kooperazzjoni estiża b’effett mill-1 ta’ Jannar 2006,

1)

it-test tal-paragrafu 1 għandu jiġi sostitwit b’dan li ġej:

“1.   L-Istati EFTA għandhom, mill-1 ta’ Jannar 1994, jipparteċipaw fl-implimentazzjoni tal-programmi ta’ qafas ta’ l-attivitajiet tal-Komunità fil-qasam tar-riċerka u ta’ l-iżvilupp teknoloġiku msemmi fil-paragrafu 5 u, mill-1 ta’ Jannar 2005 u mill-1 ta’ Jannar 2006, fl-attivitajiet imsemmija fil-paragrafi 9 u 10 rispettivament permezz tal-parteċipazzjoni fil-programmi speċifiċi tagħhom.”;

2)

it-test tal-paragrafu 2 għandu jiġi sostitwit b’dan li ġej:

“2.   L-Istati ta’ l-EFTA għandhom jikkontribwixxu b’mod finanzjarju għall-attivitajiet imsemmija fil-paragrafi 5, 9 u 10 f’konformità ma’ l-Artikolu 82 (1) (a) tal-Ftehim.”;

3)

it-test tal-paragrafu 6 għandu jiġi sostitwit b’dan ġej:

“6.   L-Evalwazzjoni u l-bidla kbira fid-direzzjoni ta’ l-attivitajiet fil-programmi ta’ qafas ta’ l-attivitajiet tal-Komunità fil-qasam tar-riċerka u ta’ l-iżvilupp teknoloġiku msemmi fil-paragrafi 5, 9 u 10 għandhom jiġu regolati bil-proċedura msemmija fl-Artikolu 79(3) tal-Ftehim.”;

4)

il-paragrafu li ġej għandu jiġi inkluż fil-paragrafu 9:

“10.   L-Istati ta’ l-EFTA għandhom, mill-1 ta’ Jannar 2006, jipparteċipaw fl-azzjonijiet tal-Komunità relatati mal-linja tal-baġit li ġejja, imdaħħla fil-baġit ġenerali ta’ l-Unjoni Ewropea għas-sena finanzjarja 2006: