This document is an excerpt from the EUR-Lex website
Document 22005D0711
2005/711/EC: Decision No 1/2005 of the EC-EFTA Joint Committee on the simplification of formalities in trade in goods of 4 October 2005 inviting Romania to accede to the Convention of 20 May 1987 on the simplification of formalities in trade in goods
2005/711/KE: Deċiżjoni Nru 1/2005 tal-Kumitat Konġunt ke-EFTA dwar is-simplifikazzjoni ta' formalitajiet f'kummerċ ta' merkanzija ta’ l- 4 ta’ Ottubru 2005 li tistieden lir-Rumanija taderixxi mal-Konvenzjoni ta' l- 20 ta' Mejju 1987 dwar is-simplifikazzjoni ta' formalitajiet f'kummerċ ta' merkanzija
2005/711/KE: Deċiżjoni Nru 1/2005 tal-Kumitat Konġunt ke-EFTA dwar is-simplifikazzjoni ta' formalitajiet f'kummerċ ta' merkanzija ta’ l- 4 ta’ Ottubru 2005 li tistieden lir-Rumanija taderixxi mal-Konvenzjoni ta' l- 20 ta' Mejju 1987 dwar is-simplifikazzjoni ta' formalitajiet f'kummerċ ta' merkanzija
ĠU L 352M, 31.12.2008, p. 339–340
(MT)
ĠU L 269, 14.10.2005, p. 44–45
(ES, CS, DA, DE, ET, EL, EN, FR, IT, LV, LT, HU, NL, PL, PT, SK, SL, FI, SV)
In force
31.12.2008 |
MT |
Il-Ġurnal Uffiċjali ta’ l-Unjoni Ewropea |
339 |
DEĊIŻJONI Nru 1/2005 TAL-KUMITAT KONĠUNT KE-EFTA DWAR IS-SIMPLIFIKAZZJONI TA' FORMALITAJIET F'KUMMERĊ TA' MERKANZIJA
ta’ l-4 ta’ Ottubru 2005
li tistieden lir-Rumanija taderixxi mal-Konvenzjoni ta' l-20 ta' Mejju 1987 dwar is-simplifikazzjoni ta' formalitajiet f'kummerċ ta' merkanzija
(2005/711/KE)
IL-KUMITAT KONĠUNT,
Wara li kkunsidra l-Konvenzjoni ta' l-20 ta' Mejju 1987 dwar is-simplifikazzjoni ta' formalitajiet f'kummerċ ta' merkanzija (1), (minn hawn 'il quddiem imsejjħa “il-Konvenzjoni”), u b'mod partikolari l-Artikolu 11(3) tagħha,
Billi:
(1) |
Fit-tħejjija għall-adeżjoni ma’ l-Unjoni Ewropea tar-Rumanija l-iskambju ta' merkanzija ma' dan il-pajjiż jiġi ffaċilitat bis-simplifikazzjoni ta' formalitajiet li jaffettwaw il-kummerċ ta' merkanzija bejn dan il-pajjiż u l-Komunità Ewropea, ir-Repubblika ta' l-Islanda, ir-Renju tan-Norveġja u l-Konfederazzjoni Svizzera. |
(2) |
Bil-ħsieb li tinkiseb tali faċilità hu xieraq li r-Rumanija tiġi mistiedna taderixxi mal-Konvenzjoni, |
IDDEĊIEDA KIF ĠEJ:
Artikolu 1
Ir-Rumanija hi mistiedna, fil-forma ta' skambju ta' ittri bejn il-Kunsill ta' l-Unjoni Ewropea u r-Rumanija mehmuża ma' din id-Deċiżjoni, biex taderixxi mal-Konvenzjoni skond l-Artikolu 11a tal-Konvenzjoni mill-1 ta’ Jannar 2006.
Artikolu 2
Din id-Deċiżjoni għandha tidħol fis-seħħ fid-data ta' l-adozzjoni tagħha.
Magħmul f’Basel, 4 ta’ Ottubru 2005.
Għall-Kumitat Konġunt
Il-President
Rudolf DIETRICH
(1) ĠU L 134, 22.5.1987, p. 2. Konvenzjoni kif emendata l-aħħar bid-Deċiżjoni Nr 2/95 tal-Kumitat Konġunt KE-EFTA (ĠU L 117, 14.5.1996, p. 18).
Sinjur,
Għandi l-unur ninfurmak dwar id-Deċiżjoni Nru 1/2005 tal-Kumitat Konġunt KE-EFTA dwar is-simplifikazzjoni ta' formalitajiet f'kummerċ ta' merkanzija ta' l-4 ta’ Ottubru 2005 li tistieden lir-Rumanija biex taderixxi mal-Konvenzjoni ta' l-20 ta' Mejju 1987 dwar is-simplifikazzjoni ta' formalitajiet f'kummerċ ta' merkanzija.
L-adeżjoni tar-Rumanija mal-Konvenzjoni tista' ssir billi tiddepożita l-Istrument ta' Adeżjoni tagħha mas-Segretarjat Ġenerali tal-Kunsill ta' l-Unjoni Ewropea flimkien ma' traduzzjoni tal-Konvenzjoni fil-Lingwa Uffiċjali tar-Rumanija skond l-Artikolu 11a tal-Konvenzjoni.
Għoddni dejjem tiegħek,
Is-Segretarju Ġenerali Segretarjat Ġenerali tal-
Kunsill ta' l-Unjoni Ewropea
Rumanija,
Li tirrikonoxxi d-Deċiżjoni Nru 1/2005 tal-Kumitat Konġunt KE-EFTA dwar is-simplifikazzjoni ta' formalitajiet f'kummerċ ta' merkanzija ta' l-4 ta’ Ottubru 2005 li tistieden lir-Rumanija biex taderixxi mal-Konvenzjoni ta' l-20 ta' Mejju 1987 dwar is-simplifikazzjoni ta' formalitajiet f'kummerċ ta' merkanzija,
Li tixtieq issir Parti Kontraenti għall-Konvenzjoni,
HAWNHEKK
Taderixxi mal-Konvenzjoni;
Tehmeż ma' dan l-Istrument traduzzjoni tal-Konvenzjoni fil-lingwa uffiċjali tar-Rumanija;
Tiddikjara li taċċetta r-Rakkomandazzjonijiet u d-Deċiżjonijiet kollha tal-Kumitat Konġunt KE-EFTA dwar is-simplifikazzjoni ta' formalitajiet f'kummerċ ta' merkanzija bejn l-4 ta’ Ottubru 2005 u d-data li fiha l-Adeżjoni tar-Rumanija ssir effettiva skond l-Artikolu 11a tal-Konvenzjoni.
Magħmul fi …
Għar-Rumanija