EUR-Lex Access to European Union law
This document is an excerpt from the EUR-Lex website
Document 22003D0157
Decision of the EEA Joint Committee No 157/2003 of 7 November 2003 amending Annex XIII (Transport) to the EEA Agreement
Id-Deċiżjoni tal-Kumitat Konġunt ŻEE Nru 157/2003 tas-7 ta' Novembru 2003 li temenda l-Anness XIII (Trasport) tal-Ftehim ŻEE
Id-Deċiżjoni tal-Kumitat Konġunt ŻEE Nru 157/2003 tas-7 ta' Novembru 2003 li temenda l-Anness XIII (Trasport) tal-Ftehim ŻEE
ĠU L 41, 12.2.2004, p. 53–54
(ES, DA, DE, EL, EN, FR, IT, NL, PT, FI, SV) Dan id-dokument ġie ppubblikat f’edizzjoni(jiet) speċjali
(CS, ET, LV, LT, HU, MT, PL, SK, SL, BG, RO, HR)
In force
Official Journal L 041 , 12/02/2004 P. 0053 - 0054
Id-Deċiżjoni tal-Kumitat Konġunt ŻEE Nru 157/2003 tas-7 ta' Novembru 2003 li temenda l-Anness XIII (Trasport) tal-Ftehim ŻEE IL-KUMITAT KONĠUNT ŻEE, Wara li kkunsidra l-Ftehim dwar iż-Żona Ekonimika Ewropea, kif emendat bil-Protokoll li jaġġusta il-Ftehim dwar iż-Żona Ekonomika Ewropea, hawnhekk iżjed 'l quddiem imsejjaħ "il-Ftehim", u b'mod partikolari l-Artikolu 98 tiegħu, Billi: (1) L-Anness XIII li jinsab mal-Ftehim kien emendat bid-Deċiżjoni tal-Kumitat Konġunt ŻEE Nru 119/2003 tas-26 ta' Settembru 2003 [1]. (2) Id-Direttiva 2003/25/KE tal-Parlament Ewropew u tal-Kunsill tal-14 ta' April 2003 dwar ħtiġiet speċifiċi ta' stabilità għall-bastimenti tal-passiġġieri ro-ro [2] għandha tiġi inkorporata fil-Ftehim, IDDEĊIEDA DAN LI ĠEJ: Artikolu 1 Il-punt li ġej huwa mdaħħal wara l-punt 56ca (Direttiva tal-Kunsill 1999/35/KE) tal-Anness XIII li jinsab mal-Ftehim: "56cb. 32003 L 0025: Id-Direttiva 2003/25/KE tal-Parlament Ewropew u tal-Kunsill tal-14 ta' April 2003 dwar ħtiġiet speċifiċi ta' stabilità għall-bastimenti tal-passiġġieri ro-ro (ĠU L 123, tas-17.5.2003, p. 22)." Artikolu 2 It-test tad-Direttiva 2003/25/KE fil-lingwa tal-Iżlanda u tan-Norveġja, li għandhom jiġu ppublikati fis-Suppliment ŻEE tal-Ġurnal Uffiċjali tal-Unjoni Ewropea, għandu jkun awtentiku. Artikolu 3 Din id-Deċiżjoni għandha tidħol fis-seħħ fit-8 ta' Novembru 2003, kemm-il darba n-notifikazzjonijiet kollha taħt l-Artikolu 103(1) tal-Ftehim ikunu saru lill-Kumitat Konġunt ŻEE [3]. Artikolu 4 Din id-Deċiżjoni għandha tiġi ppublikata fit-taqsima ŻEE ta', u fis-Suppliment ŻEE tal-Ġurnal Uffiċjali tal-Unjoni Ewropea. Magħmula fi Brussel, fis-7 ta' Novembru 2003. Għall-Kumitat Konġunt ŻEE Il-President HSH Prinz Nikolaus von Liechtenstein [1] ĠU L 331, 18.12.03, p. 42. [2] ĠU L 123, tas-17.5.2003, p. 22. [3] Ebda ħtiġiet kostituzzjonali ndikati. --------------------------------------------------