This document is an excerpt from the EUR-Lex website
Document 22003D0125
Decision of the EEA Joint Committee No 125/2003 of 26 September 2003 amending Annex XX (Environment) to the EEA Agreement
Id-Deċiżjoni tal-Kumitat Konġunt taż-ŻEE Nru 125/2003 tas-26 ta' Settembru 2003 li temenda l-Anness XX (L-ambjent) tal-Ftehim dwar iż-ŻEE
Id-Deċiżjoni tal-Kumitat Konġunt taż-ŻEE Nru 125/2003 tas-26 ta' Settembru 2003 li temenda l-Anness XX (L-ambjent) tal-Ftehim dwar iż-ŻEE
ĠU L 331, 18.12.2003, p. 54–55
(ES, DA, DE, EL, EN, FR, IT, NL, PT, FI, SV) Dan id-dokument ġie ppubblikat f’edizzjoni(jiet) speċjali
(CS, ET, LV, LT, HU, MT, PL, SK, SL, BG, RO, HR)
In force
Official Journal L 331 , 18/12/2003 P. 0054 - 0055
Id-Deċiżjoni tal-Kumitat Konġunt taż-ŻEE Nru 125/2003 tas-26 ta' Settembru 2003 li temenda l-Anness XX (L-ambjent) tal-Ftehim dwar iż-ŻEE IL-KUMITAT KONĠUNT TAŻ-ŻONA EE, Wara li kkunsidra l-Ftehim dwar iż-Żona Ekonomika Ewropea, kif emendat bil-Protokoll li jaġġusta l-Ftehim dwar iż-Żona Ekonomika Ewropea, minn issa 'l quddiem imsejjaħ "il-Ftehim", u b'mod partikolari l-Artikolu 98 tiegħu, Billi: (1) L-Anness XX mal-Ftehim kien emendat bid-Deċiżjoni tal-Kumitat Konġunt taż-ŻEE Nru 93/2003 tal-11 ta' Lulju 2003 [1]. (2) Id-Deċiżjoni tal-Kummissjoni 2003/238/KE tas-27 ta' Frar 2003 li tistabbilixxi l-istandards tal-kodifikazzjoni tal-komponenti u tal-kodifikazzjoni tal-materjali tal-vetturi skond id-Direttiva 2000/53/KE tal-Parlament Ewropew u tal-Kunsill dwar it-tmiem tal-ħajja tal-vetturi [2], trid tiġi inkorporata fil-Ftehim, IDDEĊIEDA DAN LI ĠEJ: Artikolu 1 Il-punt li ġej għandu jiġi mdaħħal wara l-punt 32eb (id-Deċiżjoni tal-Kummissjoni 2002/151/KE) ta' l-Anness XX: "32eċ. it-32003 D 0138: Id-Deċiżjoni tal-Kummissjoni 2003/238/KE tas-27 ta' Frar 2003 li tistabbilixxi l-istandards tal-kodifikazzjoni tal-komponenti u tal-kodifikazzjoni tal-materjali tal-vetturi skond id-Direttiva 2000/53/KE tal-Parlament Ewropew u tal-Kunsill dwar it-tmiem tal-ħajja tal-vetturi, (ĠU L 53, tat-28.2.2003, p. 58)." Artikolu 2 Għandhom ikunu awtentiċi t-testi tad-Direttiva 2003/138/KE fl-ilsien Islandiż u l-ilsien Norveġiż, li jridu jiġu ppubblikati fis-Suppliment taż-ŻEE mal-Ġurnal Uffiċjali tal-Komunitajet Ewropej. Artikolu 3 Din id-Deċiżjoni għandha tidħol fis-seħħ fis-27 ta' Settembru 2003, sakemm in-notifiki kollha skond l-Artikolu 103(1) tal-Ftehim ikunu ġew magħmula lill-Kumitat Konġunt taż-ŻEE [3]. Artikolu 4 Din id-Deċiżjoni għandha tiġi ppubblikata fit-taqsima ŻEE tal-Ġurnal Uffiċjali tal-Komunitajiet Ewropej u fis-Suppliment għaż-ŻEE tiegħu. Magħmula fi Brussel, fis-26 ta' Settembru 2003. Għall-Kumitat Konġunt taż-ŻEE Il-President H. S. H. Prinz Nikolaus von Liechtenstein [1] ĠU L 272, tat-23.10.2003, p. 29. [2] ĠU L 53, tat-28.2.2003, p. 58. [3] Ma huma indikati l-ebda ħtiġiet kostituzzjonali. --------------------------------------------------