EUR-Lex Access to European Union law
This document is an excerpt from the EUR-Lex website
Document 21999D0729(03)
Decision of the EEA Joint Committee No 102/98 of 30 October 1998 amending Annex II (Technical regulations, standards, testing and certification) to the EEA Agreement
Deċiżjoni tal-Kumitat Konġunt taż-ŻEE Nru 102/98 tat-30 ta' Ottubru 1998 li temenda l-Anness II (Regolamenti tekniċi, standards, ittestjar u ċertifikazzjoni) għall-Ftehim ŻEE
Deċiżjoni tal-Kumitat Konġunt taż-ŻEE Nru 102/98 tat-30 ta' Ottubru 1998 li temenda l-Anness II (Regolamenti tekniċi, standards, ittestjar u ċertifikazzjoni) għall-Ftehim ŻEE
ĠU L 197, 29.7.1999, p. 54–54
(ES, DA, DE, EL, EN, FR, IT, NL, PT, FI, SV) Dan id-dokument ġie ppubblikat f’edizzjoni(jiet) speċjali
(CS, ET, LV, LT, HU, MT, PL, SK, SL, BG, RO, HR)
In force
Official Journal L 197 , 29/07/1999 P. 0054 - 0054
Deċiżjoni tal-Kumitat Konġunt taż-ŻEE Nru 102/98 tat-30 ta' Ottubru 1998 li temenda l-Anness II (Regolamenti tekniċi, standards, ittestjar u ċertifikazzjoni) għall-Ftehim ŻEE IL-KUMITAT KONĠUNT TAŻ-ŻEE, Wara li kkunsidra l-Ftehim dwar iż-Żona Ekonomika Ewropea, kif aġġustat mill-Protokoll li jaġġusta l-Ftehim dwar iż-Żona Ekonomika Ewropea, hawnhekk iżjed 'il quddiem msejjaħ "il-Ftehim", u partikolarment l-Artikolu 98 tiegħu, Billi l-Anness II għall-Ftehim ġie emendat mid-Deċiżjoni tal-Kumitat Konġunt taż-ŻEE Nru 50/98 tad-29 ta' Mejju 1998 [1]; Billi d-Deċiżjoni tal-Kummissjoni 96/335/KE tat-8 ta' Mejju 1996 li tistabbilixxi inventarju u nomenklatura komuni ta' ingredjenti użati fi prodotti kosmetiċi [2], għandha tiġi inkorporata fil-Ftehim, IDDEĊIEDA DAN LI ĠEJ: Artikolu 1 Il-punt li ġej għandu jiġi mdaħħal wara l-punt 9 (Id-Direttiva tal-Kummissjoni 95/17/KE) tal-Kapitolu XVI ta' l-Anness II għall-Ftehim: "10. 396 D 0335: Id-Deċiżjoni tal-Kummissjoni 96/335/KE tat-8 ta' Mejju 1996 li tistabbilixxi inventarju u nomenklatura komuni ta' ingredjenti użati fi prodotti kosmetiċi (ĠU L 132, ta' l-1.6.1996, p. 1)." Artikolu 2 It-testijiet tad-Deċiżjoni tal-Kummissjoni 96/335/KE fl-ilsna ta' l-Islanda u n-Norveġiż, li huma annessi mall-verżjonijiet ta' din id-Deċiżjoni fl-ilsna rispettivi, huma awtentiċi. Artikolu 3 Din id-Deċiżjoni għandha tidħol fis-seħħ fil-31 ta' Ottubru 1998, previst li n-notifiki kollha taħt l-Artikolu 103(1) tal-Ftehim ġew magħmula lill-Kumitat Konġunt taż-ŻEE. Artikolu 4 Din id-Deċiżjoni għandha tiġi ppubblikata fit-Taqsima taż-ŻEE tal-, u fis-Suppliment taż-ŻEE għall-, Ġurnal Uffiċjali tal-Komunitajiet Ewropej. Magħmul fi Brussel, 30 Ottubru 1998. Għall-Kumitat Konġunt taż-ŻEE Il-President N. v. Liechtenstein [1] ĠU L 30, ta'l-4.2.1999, p. 51. [2] ĠU L 132, ta' l-1.6.1996, p. 1. --------------------------------------------------