21999D0177

Deċiżjoni tal-Kumitat Konġunt taż-ŻEE

Nru 177/1999

tas-17 ta' Diċembru 1999

li temenda l-Anness XIII (Trasport) għall-Ftehim taż-ŻEE

IL-KUMITAT KONĠUNT TAŻ-ŻEE,

Wara li kkunsidra l-Ftehim dwar iż-Żona Ekonomika Ewropea, kif aġġustat bil-Protokoll li jaġġusta l-Ftehim għaż-Żona Ekonomika Ewropea, minn hawn iżjed 'il quddiem issir referenza għalih bħala "l-Ftehim", u b'mod partikolari l-Artikolu 98 tiegħu,

Billi:

(1) L-Anness XIII għall-Ftehim ġie emendat bid-Deċiżjoni tal-Kumitat Konġunt taż-ŻEE Nru 169/1999 tas-26 ta' Novembru 1999 [1];

(2) D-Direttiva tal-Kunsill 1999/37/KE tad-29 ta' April 1999 dwar ir-reġistrazzjoni tad-dokumenti għall-vetturi [2] għandha tiġi nkorporata fil-Ftehim,

IDDEĊIEDA KIF ĠEJ:

Artikolu 1

Il-punt li ġej għandu jiġi mdaħħal wara l-punt 24b (Regolament tal-Kunsill (KE) Nru 2411/98) fl-Anness XIII għall-Ftehim:

"24c. 399 L 0037: Id-Direttiva tal-Kunsill 1999/37/KE tad-29 ta' April 1999 dwar ir-reġistrazzjoni ta' dokumenti (ĠU L 138, ta' l-1.6.1999, p. 57).

Id-dispożizzjonijiet tad-Direttiva għandhom, għall-għanijiet tal-Ftehim preżenti, jinqraw bl-addattamenti li ġejjin:

L-Istati ta' l-EFTA għandhom joħorġu ċertifikati ta' reġistrazzjoni bbażati fuq il-mudell fl-Anness I għad-Direttiva jew ibbażati fuq il-mudell deskritt fl-Annessi I u II tad-Direttiva u addattati kif ġej:

(a) fil-Punt IV, it-tieni inċiż ta' l-Anness II, li ġej għandu jiżdied fit-tieni inċiż:

"IS L-Islanda

FL Il-Liechtenstein

N In-Norveġja";

(b) fil-Punt IV, ir-raba' inċiż ta' l-Anness I, il-kliem "lingwi oħra tal-Komunità Ewropea" għandhom jiġu mibdula bi "lingwi tal-Komunità Ewropea u ta' l-Istati ta' l-EFTA l-oħra";

(ċ) fil-Punt IV, il-ħames inċiż ta' l-Anness I, il-kliem "il-Komunità Ewropea" għandu jiġi mibdul bi "iż-Żona Ekonomika Ewropea";

(d) fil-Punt IV, it-tieni inċiż ta' l-Anness II, li ġej għandu jiżdied fit-tieni inċiż:

"IS L-Islanda

FL Il-Liechtenstein

N In-Norveġja";

(e) fil-Punt IV, ir-raba' inċiż ta' l-Anness II, il-kliem "lingwi oħra tal-Komunità Ewropea" għandhom jiġu mibdula bi "lingwi tal-Komunità Ewropea u ta' l-Istati ta' l-EFTA l-oħra";

(f) fil-Punt IV, il-ħames inċiż ta' l-Anness II, il-kliem "il-Komunità Ewropea" għandu jiġi mibdul bi "iż-Żona Ekonomika Ewropea";"

Artikolu 2

It-testi tad-Direttiva tal-Kunsill 1999/37/KE fil-lingwa Islandiża u f'dik Norveġiża, li huma annessi għall-verżjonijiet rispettivi tal-lingwa għal din id-Deċiżjoni, huma awtentiċi.

Artikolu 3

Din id-Deċiżjoni għandha tidħol fis-seħħ nhar l-18 ta' Diċembru 1999, sakemm ikunu saru n-notifiki kollha taħt l-Artikolu 103(1) tal-Ftehim lill-Kumitat Konġunt taż-ŻEE.

Artikolu 4

Din id-Deċiżjoni għandha tiġi ppubblikata fit-Taqsima taż-ŻEE ta', u fis-Suppliment taż-ŻEE għall-Ġurnal Uffiċjali tal-Komunitajiet Ewropej.

Magħmula fi Brussel, fis-17 ta' Diċembru 1999.

Għall-Kumitat Konġunt taż-ŻEE

Il-President

N. v. Liechtenstein

[1] ĠU L 61, ta' l-1.3.2001, p. 25.

[2] ĠU L 138, ta' l-1.6.1999, p. 57.

--------------------------------------------------