This document is an excerpt from the EUR-Lex website
Document 21998D0709(03)
Decision of the EEA Joint Committee No 86/97 of 31 October 1997 amending Protocol 31 to the EEA Agreement on cooperation in specific fields outside the four freedoms
Id-Deċiżjoni tal-Kumitat Konġunt taż-ŻEE Nru 86/97 tal-31 ta' Ottubru 1997 li temenda l-Protokoll 31 tal-Ftehim taż-ŻEE fuq il-koperazzjoni fl-oqsma speċifiċi barra l-erba' libertajiet
Id-Deċiżjoni tal-Kumitat Konġunt taż-ŻEE Nru 86/97 tal-31 ta' Ottubru 1997 li temenda l-Protokoll 31 tal-Ftehim taż-ŻEE fuq il-koperazzjoni fl-oqsma speċifiċi barra l-erba' libertajiet
ĠU L 193, 9.7.1998, p. 40–40
(ES, DA, DE, EL, EN, FR, IT, NL, PT, FI, SV) Dan id-dokument ġie ppubblikat f’edizzjoni(jiet) speċjali
(CS, ET, LV, LT, HU, MT, PL, SK, SL, BG, RO, HR)
In force
Official Journal L 193 , 09/07/1998 P. 0040 - 0040
Id-Deċiżjoni tal-Kumitat Konġunt taż-ŻEE Nru 86/97 tal-31 ta' Ottubru 1997 li temenda l-Protokoll 31 tal-Ftehim taż-ŻEE fuq il-koperazzjoni fl-oqsma speċifiċi barra l-erba' libertajiet IL-KUMITAT KONĠUNT TAŻ-ŻEE, Wara li kkunsidra l-Ftehim fuq iż-Żona Ekonomika Ewropea, kif aġġustat mill-Protokoll li jaġġusta l-Ftehim fuq iż-Żona Ekonomika Ewropea, hawnhekk iżjed 'il quddiem msejjaħ il-Ftehim, u partikolarment l-Artikolu 86 u 98 tiegħu, Billi l-Protokoll 31 tal-Ftehim kien inter alia, emendat mid-Deċiżjoni tal-Kumitat Konġunt taż-ŻEE Nru 8/94 [1]; Billi huwa xieraq li tkun estiża l-koperazzjoni tal-Partijiet Kontraenti tal-Ftehim biex tkun inkluża l-Azzjoni Pilota fuq is-Servizz Volontarju Ewropew għaż-Żgħażagħ fis-sena tal-budget 1997; Billi l-Protokoll 31 tal-Ftehim għandhu għalhekk ikun emendat biex ikun possibbli li din il-koperazzjoni estiża tibda sseħħ mill-1 ta' Jannar 1997; IDDEĊIEDA DAN LI ĠEJ: Artikolu 1 1) Fil-Protokoll 31 tal-Ftehim il-paragrafu li ġej għandu jkun inkluż wara l-Artikolu 4(2): "2bis. L-Istati ta' l-EFTA għandhom, mill-1 ta' Jannar 1997, jipparteċipaw fl-azzjonijiet tal-Komunità relatati mal-limitu tal-budget B3-1011 "Is-Servizz Volontarju Ewropew", mdaħħal fil-budget tal-Komunità għas-sena 1997" . 2) L-Artikolu 4(3) għandu jkun mibdul b'dan li ġej: "3. L-Istati ta' l-EFTA għandhom jikkontribwixxu finanzjarjament skond l-Artikolu 82(1)(a) għall-programmi u l-azzjonijiet msemmija fil-paragrafi 1, 2 u 2bis." Artikolu 2 Din id-Deċiżjoni għandha tidħol fis-seħħ fl-1 ta' Novembru 1997, iżda n-notifikazzjonijiet kollha taħt l-Artikolu 103(1) tal-Ftehim għandhom ikunu magħmula lill-Kumitat Konġunt taż-ŻEE. Għandha tgħodd mill-1 ta' Jannar 1997. Artikolu 3 Din id-Deċiżjoni għandha tkun ippubblikata fit-Taqsima taż-ŻEE, u fis-Suppliment taż-ŻEE, tal-Ġurnal Uffiċjali tal--Komunitajiet Ewropej. Magħmula fi Brussel, fil-31 ta' Ottubru 1997. Għall-Kumitat Konġunt taż-ŻEE Il-President E. Bull [1] ĠU L 198, tat-30.7.1994, p. 142. --------------------------------------------------