21996D0208(01)

Deċiżjoni tal-Kumitat Konġunt taż-ŻEE

Nru 49/95

tat-22 ta' Ġunju 995

li temenda l-Anness VI (Sigurta Soċjali) mal-Ftehim dwar iż-ŻEE

IL-KUMITAT KONĠUNT TAŻ-ŻEE,

Wara li kkunsidra l-Ftehim dwar iż-Żona Ekonomika Ewropea, kif emendat bil-Protokoll li jaġġusta l-Ftehim dwar iż-Żona Ekonomika Ewropea, minn hawn 'il quddiem issir referenza għalih bħala "il-Ftehim", u b'mod partikolari l-Artikolu 98 tiegħu,

Billi l-Anness VI tal-Ftehim kien emendat bid-Deċiżjoni tal-Kumitat Konġunt taż-ŻEE Nru 24/94 [1];

Billi d-Deċiżjoni Nru 151 tat-22 ta' April 1993 dwar l-applikazzjoni ta' l-Artikolu 10a tar-Regolament (KEE) Nru 1408/71 u ta' l-Artikolu 2 tar-Regolament (KEE) Nru 1247/92 adottata mill-Kummissjoni Amministrattiva tal-Komunitajiet Ewropej dwar is-Sigurta Soċjali għal Ħaddiema Emigranti [2] għandha tkun inkorporata fil-Ftehim,

IDDEĊIEDA KIF ĠEJ:

Artikolu 1

Il-punt li ġej għandu jkun inserit wara l-punt 42.C (Deċiżjoni Nru 150) fl-Anness VI mal-Ftehim:

"42d. 394 D 0602: Id-Deċiżjoni Nru 151 tat-22 ta' April 1993 dwar l-applikazzjoni ta' l-Artikolu 10a tar-Regolament (KEE) Nru 1408/71 u ta' l-Artikolu 2 tar-Regolament (KEE) Nru 1247/92 (ĠU L 244, tad-19.9.1994, p. 1).

Id-dispożizzjonijiet tad-Deċiżjoni għandhom, għall-fini tal-Ftehim preżenti, jinqraw bl-adattament li ġejja:

Il-punti li ġejjin għandhom jinżdiedu ma' l-Anness:

13. L-Islanda:

- Tryggingastofnun ríkisins (L-Istitut Statali tas-Sigurta Soċjali)

Laugavegur 114, 150 Reykjavík.

14. In-Norveġja

- Folketrygdkontoret for utenlandssaker, Oslo.

15. Il-Liechtenstein

- Amt für Volkswirtschaft, (Uffiċċju ta' l-Ekonomija Nazzjonali) dwar l-allowances (konċessjonijiet) tal-maternita,

- Liechtensteinische Alters- und Hinterlassenenversicherung (Assigurazzjoni tax-Xjuħija u Superstiti tal-Liechtenstein) dwar allowances (konċessjonijiet) għar-romol irġiel, benefiċċji supplimentarji għax-xjuħija, assigurazzjoni għas-superstiti u ta' l-invalidita u dwar allowances (konċessjonjiet) għal inkapaċita,

- Liechtensteinische Invalidenversicherung (Assigurazzjoni għal Invalidita) dwar allowances (konċessjonijiet) għal persuni għomja (neqsin mid-dawl)."

Artikolu 2

Din id-Deċiżjoni għandha tidħol fis-seħħ fl-1 ta' Lulju 1995, sakemm in-notifiki kollha taħt l-Artikolu 103(1) tal-Ftehim ikunu saru (ntbagħtu) lill-Kumitat Konġunt taż-ŻEE.

Artikolu 3

Din id-Deċiżjoni għandha tkun ippubblikata fit-Taqsima taż-ŻEE ta', u fis-Suppliment taż-ŻEE ma', il-Ġurnal Uffiċjali tal-Komunitajiet Ewropej.

Magħmula fi Brussel, fit-22 ta' Ġunju 1995.

Għall-Kumitat Konġunt taż-ŻEE

Il-President

P. Benavides

[1] ĠU L 339, tad-29.12.1994, p. 83.

[2] ĠU L 244, tad-19.9.1994, p. 1.

--------------------------------------------------