21994D1217(03)

Deċiżjoni tal-Kumitat Konġunt taż-ŻEE

Nru 15/94

tat-28 ta' Ottubru 1994

li temenda l-Anness II (Regolamenti, standards, ittestjar u ċertifikazzjoni tekniċi) għall-Ftehim taż-ŻEE

IL-KUMITAT KONĠUNT TAŻ-ŻEE,

Wara li kkunsidra l-Ftehim dwar iż-Żona Ekonomika Ewropea, kif aġġustat bil-Protokoll li Jaġġusta l-Ftehim għaż-Żona Ekonomika Ewropea, minn hawn iżjed 'il quddiem issir referenza għalih bħala l-Ftehim, u b'mod partikolari l-Artikolu 98 tiegħu,

Billi l-Anness II għall-Ftehim ġie emendat bid-Deċiżjoni tal-Kumitat Konġunt taż-ŻEE Nru 7/94 tal-21 ta' Marzu 1994 li jemenda l-Protokoll 47 u ċerti l-Annessi għall-Ftehim taż-ŻEE [1],

Billi r-Regolament tal-Kummissjoni (KE) Nru 41/94 tal-11 ta' Jannar 1994 li jemenda l-Anness II għar-Regolament tal-Kunsill (KEE) Nru 2455/92 dwar l-esportazzjoni u l-importazzjoni ta' ċerti sostanzi kimiċi perikolużi [2] għandu jiġi nkorporat fil-Ftehim,

IDDEĊIEDA DAN LI ĠEJ:

Artikolu 1

Dan li ġej għandu jiddaħħal wara l-punt 12ċ (Ir-Regolament tal-Kunsill (KEE) 2455/92) tal-Kapitolu XV ta' l-Anness II għall-Ftehim:

", kif emendat bi:

- 394 R 0041: ir-Regolament tal-Kummissjoni (KE) Nru 41/94 tal-11 ta' Jannar 1994 (ĠU L 8, tat-12.1.1994, p. 1)."

.

Artikolu 2

It-testi tar-Regolament tal-Kummissjoni (KE) Nru 41/94 fil-lingwa Finlandiża, Islandiża, Norveġiża u Svediża, li huma annessi għall-verżjonijiet tal-lingwi rispettivi ta' din id-Deċiżjoni huma awtentiċi.

Artikolu 3

Din id-Deċiżjoni għandha tidħol fis-seħħ nhar l-1 ta' Diċembru 1994, sakemm ikunu ġew magħmula n-notifiki kollha taħt l-Artikolu 103(1) tal-Ftehim għall-Kumitat Konġunt taż-ŻEE.

Artikolu 4

Din id-Deċiżjoni għandha tiġi ppubblikata fis-Sezzjoni taż-ŻEE ta', u fis-Suppliment taż-ŻEE għall-Ġurnal Uffiċjali tal-Komunitajiet Ewropej.

Magħmula fi Brussel, fit-28 ta' Ottubru 1994.

Għall-Kumitat Konġunt taż-ŻEE

Il-President

H. Hafstein

[1] ĠU L 160, tat-28.6.1994, p. 1.

[2] ĠU L 8, tat-12.1.1994, p. 1.

--------------------------------------------------