This document is an excerpt from the EUR-Lex website
Document 02015R0949-20170717
Commission Implementing Regulation (EU) 2015/949 of 19 June 2015 approving the pre-export checks carried out on certain food by certain third countries as regards the presence of certain mycotoxins (Text with EEA relevance)
Consolidated text: Regolament ta' Implimentazzjoni tal-Kummissjoni (UE) 2015/949 tad- 19 ta' Ġunju 2015 li japprova l-kontrolli ta' qabel l-esportazzjoni mwettqa fuq ċertu ikel minn ċerti pajjiżi terzi għall-preżenza ta' ċerti mikotossini (Test b'rilevanza għaż-ŻEE)
Regolament ta' Implimentazzjoni tal-Kummissjoni (UE) 2015/949 tad- 19 ta' Ġunju 2015 li japprova l-kontrolli ta' qabel l-esportazzjoni mwettqa fuq ċertu ikel minn ċerti pajjiżi terzi għall-preżenza ta' ċerti mikotossini (Test b'rilevanza għaż-ŻEE)
02015R0949 — MT — 17.07.2017 — 001.001
Dan it-test hu maħsub purament bħala għodda ta’ dokumentazzjoni u m’għandu l-ebda effett legali. L-istituzzjonijiet tal-Unjoni m'għandhom l-ebda responsabbiltà għall-kontenut tiegħu. Il-verżjonijiet awtentiċi tal-atti rilevanti, inklużi l-preamboli tagħhom, huma dawk ippubblikati fil-Ġurnal Uffiċjali tal-Unjoni Ewropea u disponibbli f’EUR-Lex. Dawk it-testi uffiċjali huma aċċessibbli direttament permezz tal-links inkorporati f’dan id-dokument
|
REGOLAMENT TA' IMPLIMENTAZZJONI TAL-KUMMISSJONI (UE) 2015/949 tad-19 ta' Ġunju 2015 li japprova l-kontrolli ta' qabel l-esportazzjoni mwettqa fuq ċertu ikel minn ċerti pajjiżi terzi għall-preżenza ta' ċerti mikotossini (ĠU L 156 20.6.2015, p. 2) |
Emendat bi:
|
|
|
Il-Ġurnal Uffiċjali |
||
|
Nru |
Paġna |
Data |
||
|
REGOLAMENT TA' IMPLIMENTAZZJONI TAL-KUMMISSJONI (UE) 2017/1269 tat-13 ta' Lulju 2017 |
L 183 |
9 |
14.7.2017 |
|
REGOLAMENT TA' IMPLIMENTAZZJONI TAL-KUMMISSJONI (UE) 2015/949
tad-19 ta' Ġunju 2015
li japprova l-kontrolli ta' qabel l-esportazzjoni mwettqa fuq ċertu ikel minn ċerti pajjiżi terzi għall-preżenza ta' ċerti mikotossini
(Test b'rilevanza għaż-ŻEE)
Artikolu 1
L-approvazzjoni tal-kontrolli ta' qabel l-esportazzjoni
1. Il-kontrolli ta' qabel l-esportazzjoni mwettqa qabel l-esportazzjoni lejn l-Unjoni mill-Kummissjoni Kanadiża għall-Qamħ, bħala awtorità kompetenti, fir-rigward tal-okratossina A fil-qamħ u fid-dqiq tal-qamħ imniżżla fl-Anness I u prodotti fit-territorju tal-Kanada huma approvati.
2. Il-kontrolli li ġejjin ta' qabel l-esportazzjoni, mwettqa qabel l-esportazzjoni lejn l-Unjoni mid-Dipartiment tal-Agrikoltura tal-Istati Uniti (USDA), bħala awtorità kompetenti, huma approvati:
(a) il-kontrolli ta' qabel l-esportazzjoni fir-rigward tal-aflatossini fil-karawett imniżżla fl-Anness I u prodotti fuq it-territorju tal-Istati Uniti;
(b) il-kontrolli ta' qabel l-esportazzjoni fir-rigward tal-aflatossini fil-lewż imniżżla fl-Anness I u prodotti fit-territorju tal-Istati Uniti.
Artikolu 2
Id-dokumenti ta' akkumpanjament u l-identifikazzjoni tal-kunsinni
1. Kull kunsinna tal-prodotti msemmija fl-Artikolu 1 għandha tkun akkumpanjata minn:
(a) rapport li jkun fih ir-riżultati tat-teħid ta' kampjuni u tal-analiżi mwettqa f'konformità mad-dispożizzjonijiet tar-Regolament tal-Kummissjoni (KE) Nru 401/2006 ( 1 ), jew b'rekwiżiti ekwivalenti, minn laboratorju approvat għal dak il-għan mill-awtorità kompetenti;
(b) ċertifikat skont il-mudell stabbilit fl-Anness II, li jkun imtela, ġie vverifikat u ġie ffirmat minn rappreżentant tal-awtorità kompetenti; iċ-ċertifikat ikun validu għal erba' xhur mid-data tal-ħruġ.
2. Kull kunsinna ta' prodotti msemmija fl-Artikolu 1 għandu jkollha kodiċi ta' identifikazzjoni li għandu jerġa' jitniżżel fuq ir-rapport u fuq iċ-ċertifikat, imsemmija fil-paragrafu 1. Kull basket individwali, jew forma oħra ta' imballaġġar, jew imballaġġar li jgħaqqad diversi entitajiet individwali f'imballaġġ wieħed, tal-kunsinna għandu jiġi identifikat bl-istess kodiċi.
Artikolu 3
Il-qsim tal-kunsinni
Jekk kunsinna tinqasam, il-kopji taċ-ċertifikat previsti fl-Artikolu 2(1)(b) u ċċertifikati mill-awtorità kompetenti tal-Istat Membru li fit-territorju tiegħu jkun seħħ il-qsim, għandhom jakkumpanjaw kull parti tal-kunsinna maqsuma sakemm tiġi rilaxxata għaċ-ċirkolazzjoni libera.
Artikolu 4
Il-kontrolli uffiċjali
F'konformità mad-dispożizzjonijiet tal-Artikolu 16(2) u tal-Artikolu 23(2) tar-Regolament (KE) Nru 882/2004, il-frekwenza tal-kontrolli fiżiċi mwettqa mill-Istati Membri fuq il-kunsinni tal-prodotti msemmija fl-Artikolu 1 u ppreżentati f'konformità mal-Artikolu 2 għandha titnaqqas għall-perċentwali massimu tal-għadd ta' kunsinni ppreżentati kif previst fl-Anness I.
Artikolu 5
It-tħassir
Id-Deċiżjoni 2008/47/KE u r-Regolament ta' Implimentazzjoni (UE) Nru 844/2011 huma b'dan imħassra.
Ir-referenzi għad-Deċiżjoni u għar-Regolament ta' Implimentazzjoni mħassra għandhom jiġu interpretati bħala referenzi għal dan ir-Regolament.
Artikolu 6
Id-dħul fis-seħħ
Dan ir-Regolament jidħol fis-seħħ fl-għoxrin jum wara l-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament jorbot fl-intier tiegħu u japplika direttament fl-Istati Membri kollha.
ANNESS I
Il-prodotti msemmija fl-Artikolu 1 u l-frekwenza tal-kontrolli fiżiċi msemmija fl-Artikolu 4:
|
L-ikel |
Il-kodiċi tan-NM (Nomenklatura Magħquda) |
Is-sottodiviżjoni tat-TARIC (Tariffa Integrata tal-Komunità Ewropea) |
Il-pajjiż tal-oriġini |
Il-mikotossina |
Il-frekwenza tal-kontrolli fiżiċi (%) waqt l-importazzjoni |
|
— Qamħ |
— 1001 |
|
Il-Kanada |
Okratossina A |
< 1 |
|
— Dqiq tal-qamħ |
— 1101 00 |
||||
|
▼M1 ————— |
|||||
|
— Lewż, bil-qoxra |
— 0802 11 |
|
L-Istati Uniti tal-Amerka |
Aflatossini |
< 1 |
|
— Lewż, bla qoxra |
— 0802 12 |
||||
ANNESS II
( 1 ) Ir-Regolament tal-Kummissjoni (KE) Nru 401/2006 tat-23 ta' Frar 2006 li jistabbilixxi l-metodi tat-teħid ta' kampjuni u l-metodi ta' analiżi għall-kontroll uffiċjali tal-livelli ta' mikotossini fl-oġġetti tal-ikel (ĠU L 70, 9.3.2006, p. 12).