IL-KUNSILL TAL-KOMUNITAJIET EWROPEJ,

Wara li kkunsidra t-Trattat li jistabbilixxi l-Komunità Ekonomika Ewropea, u b’mod partikolari l-Artikolu 235 tiegħu,

Wara li kkunsidra l-proposta mill-Kummissjoni,

Wara li kkunsidra l-opinjoni tal-Parlament Ewropew ( 1 ),

Billi, biex jiġu evitati diffikultajiet tekniċi rigward il-klassifika doganali, id-Deċiżjoni tal-Kunsill tat-12 ta’ Diċembru 1964 ( 2 ) u l-introduzzjoni ta’ xi emendi għat-Tariffa Komuni tad-Dwana, ipprovdiet biex il-glukosju, il-ġulepp tal-glukosju, il-lattosju u l-ġulepp tal-lattosju jaqgħu taħt intestatura waħda filwaqt li l-glukosju u l-lattosju kimikament puri jaqgħu f’oħra;

Billi, iżda, il-glukosju u l-lattosju li jaqgħu rispettivament fis-subintestaturi 17.02 BII u 17.02 AII huma elenkati fl-Anness II li jinsab mat-Trattat u huma għalhekk suġġetti għas-sistema tal-kummerċ ma’ pajjiżi terzi kif hemm previst taħt l-organizzazzjoni komuni tas-swieq li tagħhom jagħmlu parti, fil-waqt li l-glukosju u l-lattosju kimikament puri mhux elenkati fl-Anness II tat-Trattat huma soġġetti għas-sistema tad-dazji tad-dwana, li l-inċidenza ekonomika tagħhom tista’ tkun differenti ġmielha;

Billi din is-sistema toħloq diffikultajiet li huma akbar minħabba li l-prodotti inkwistjoni, ikun x’ikun il-grad tal-purità tagħhom, huma derivati mill-istess prodott bażiku; billi l-kriterji għall-klassifika tad-dwana bejn dawk il-prodotti kemm dawk li jkunu kif ukoll dawk li ma jkunux kimikament puri huwa grad ta’ 99 % ta’ purità; billi prodotti li għandhom grad ta’ purità marġinalment ogħla jew aktar baxxa jista’ jkollhom l-istess użu ekonomiku; billi, għalhekk, l-applikazzjoni ta’ sistemi differenti twassal għal tgħawwiġ fil-kompetizzjoni li hu akbar minħabba li dawn jistgħu jinbidlu ma’ xulxin;

Billi l-unika soluzzjoni għal dawn id-diffikultajiet hija li tiġi segwita d-Deċiżjoni tal-Kunsill tat-12 ta’ Diċembru 1964 billi jingħata lill-prodotti l-istess trattament ekonomiku jkun xi jkun il-grad tal-purità tagħhom jew, safejn dan ikun jidher biżżejjed, billi jiġi armonizzat it-trattament mogħti lil dawn iż-żewġ gruppi ta’ prodotti;

Billi t-Trattat ma jipprovdix speċifikament l-awtorità meħtieġa biex tittieħed din l-azzjoni; billi fiċ-ċirkostanzi l-miżuri meħtieġa għandhom jittieħdu fuq il-bażi ta’ l-Artikolu 235 tat-Trattat; billi l-aktar miżuri approprijati huma dawk li jestendu t-trattament mogħti lill-glukosju kimikament pur għal dak mogħti lil glukosju ieħor taħt ir-Regolament tal-Kunsill (KEE) Nru 2727/75 ( 3 ) tad-29 ta’ Ottubru 1975 dwar l-organizzazzjoni komuni fis-suq taċ-ċereali, u li jestendu t-trattament mogħti lil-lattosju kimikament pur għal dak ta’ lattosju ieħor taħt ir-Regolament tal-Kunsill (KEE) Nru 804/68 ( 4 ) tas-27 ta’ Ġunju 1968 dwar l-organizzazzjoni komuni tas-suq fil-ħalib u l-prodotti tal-ħalib, kif l-aħħar emendat bir-Regolament (KEE) Nru 740/75 ( 5 ),

ADOTTA DAN IR-REGOLAMENT