31.3.2017   

MT

Il-Ġurnal Uffiċjali tal-Unjoni Ewropea

L 87/142

(1)

Sabiex jonqsu l-ispejjeż għall-parteċipanti tas-suq meta jixtru d-dejta, ir-Regolament (UE) Nru 600/2014 jistipula li dejta tat-trasparenza ta' qabel in-negozjar u wara n-negozjar għandha titqiegħed għad-dispożizzjoni tal-pubbliku b'mod “mhux iggruppat” għal elementi ta' dejta separati. Huwa meħtieġ li jiġi speċifikat il-livell ta' diżaggregazzjoni li bih iċ-ċentri għandhom joffru d-dejta. Meqjusa x-xhieda ta' domanda għal tali dejta minn partijiet ikkonċernati oħra, operaturi tas-suq u ditti tal-investiment li joperaw ċentri tan-negozjar għandhom jiddiżaggregaw id-dejta skont il-klassi ta' assi, skont il-pajjiż tal-ħruġ, skont il-munita li fiha strument finanzjarju jiġi nnegozjat, u skont jekk id-dejta tkunx ġejja minn irkantijiet skedati ta' kuljum jew minn negozjar kontinwu.

(2)

Biex jiġi żgurat li d-dejta ta' qabel in-negozjar u ta' wara n-negozjar offruta tkun taqbel b'mod xieraq mad-domanda minn parteċipanti fis-suq, operaturi tas-suq u ditti tal-investiment li joperaw ċentru tan-negozjar għandhom joffru kull kombinazzjoni ta' kriterji ta' diżaggregazzjoni fuq bażi kummerċjali raġonevoli.

(3)

Għal xi strumenti finanzjarji bħad-derivattivi mhux dejjem jista' jkun possibbli li tiġi ddeterminata mingħajr ambigwità l-klassi tal-assi partikolari li għaliha jkun jappartjeni dak l-istrument billi d-determinazzjoni ta' klassi tal-assi tiddependi fuq liema karatteristiċi tal-istrumenti finanzjarji jkunu meqjusa li huma dawk deċiżivi. Bl-istess mod, jista' ma jkunx dejjem possibbli li jiġi ddeterminat mingħajr ambigwità liema kriterji oħra tip ta' dejta jissodisfa. Sabiex jiġi żgurat li l-parteċipanti fis-suq li jixtru dejta minn ċentru partikolari tan-negozjar jirċievu sett ta' dejta konsistenti, jeħtieġ li l-operaturi tas-suq jew id-ditti tal-investiment li joperaw ċentru tan-negozjar ikunu obbligati jiddeterminaw, f'dawk il-każijiet fejn il-kriterji tad-diżaggregazzjoni ma jkunux jistgħu jiġu applikati b'mod mhux ambigwu, liema kriterji strument finanzjarju jew tip ta' dejta għandhom jitqiesu li jissodisfaw.

(4)

Għal raġunijiet ta' konsistenza u sabiex ikun żgurat il-funzjonament bla xkiel tas-swieq finanzjarji, huwa meħtieġ li d-dispożizzjonijiet stabbiliti f'dan ir-Regolament u d-dispożizzjonijiet stabbiliti fir-Regolament (UE) Nru 600/2014 japplikaw mill-istess data.

(5)

Dan ir-Regolament huwa bbażat fuq l-abbozz tal-istandards tekniċi regolatorji ppreżentat mill-Awtorità Ewropea tat-Titoli u s-Swieq (ESMA) lill-Kummissjoni.

(6)

L-ESMA għamlet konsultazzjonijiet pubbliċi miftuħa dwar l-abbozz ta' standards tekniċi regolatorji li fuqu huwa bbażat dan ir-Regolament, analizzat il-kostijiet u l-benefiċċji potenzjali relatati u talbet l-opinjoni tal-Grupp tal-Partijiet Ikkonċernati tat-Titoli u s-Swieq stabbilit bl-Artikolu 37 tar-Regolament (UE) Nru 1095/2010 tal-Parlament Ewropew u tal-Kunsill (2),

(a)

in-natura tal-klassi tal-assi:

(b)

il-pajjiż tal-ħruġ għall-ishma u d-dejn sovran;

(c)

il-munita li fiha huwa nnegozjat l-istrument finanzjarju;

(d)

irkantijiet skedati ta' kuljum u mhux kummerċ kontinwu.

(a)

derivattivi tal-ekwità;

(b)

derivattivi tar-rati tal-imgħax;

(c)

derivattivi tal-kreditu;

(d)

derivattivi tal-kambju;

(e)

derivattivi tal-komoditajiet u tal-kwoti tal-emissjonijiet:

(f)

derivattivi oħra.