02015R2205-20240211

This document is an excerpt from the EUR-Lex website

EUROPA
EUR-Lex home
EUR-Lex - 02015R2205-20240211 - EN

Help

Search tips

Need more search options? Use the Advanced search

Document 02015R2205-20240211

Help

Consolidated text: Regolament delegat tal-Kummissjoni (UE) 2015/2205 tas-6 ta' Awwissu 2015 li jissupplimenta r-Regolament (UE) Nru 648/2012 tal-Parlament Ewropew u tal-Kunsill fir-rigward ta' standards tekniċi regolatorji għall-obbligu tal-ikklerjar (Test b'rilevanza għaż-ŻEE)Test b’relevanza għaż-ŻEE

Access initial legal act

(

Legal status of the document In force

)

11/02/2024

ELI: http://data.europa.eu/eli/reg_del/2015/2205/2024-02-11

HTML

PDF

02015R2205 — MT — 11.02.2024 — 008.001

Dan it-test hu maħsub purament bħala għodda ta’ dokumentazzjoni u m’għandu l-ebda effett legali. L-istituzzjonijiet tal-Unjoni m'għandhom l-ebda responsabbiltà għall-kontenut tiegħu. Il-verżjonijiet awtentiċi tal-atti rilevanti, inklużi l-preamboli tagħhom, huma dawk ippubblikati fil-Ġurnal Uffiċjali tal-Unjoni Ewropea u disponibbli f’EUR-Lex. Dawk it-testi uffiċjali huma aċċessibbli direttament permezz tal-links inkorporati f’dan id-dokument

►B	REGOLAMENT DELEGAT TAL-KUMMISSJONI (UE) 2015/2205 tas-6 ta' Awwissu 2015 li jissupplimenta r-Regolament (UE) Nru 648/2012 tal-Parlament Ewropew u tal-Kunsill fir-rigward ta' standards tekniċi regolatorji għall-obbligu tal-ikklerjar (Test b'rilevanza għaż-ŻEE) (ĠU L 314 1.12.2015, p. 13)

Emendat bi:

		Il-Ġurnal Uffiċjali
		Nru	Paġna	Data
►M1	REGOLAMENT DELEGAT TAL-KUMMISSJONI (UE) 2017/751 tas-16 ta' Marzu 2017	L 113	15	29.4.2017
M2	REGOLAMENT DELEGAT TAL-KUMMISSJONI (UE) 2019/667 tad-19 ta' Diċembru 2018	L 113	1	29.4.2019
►M3	REGOLAMENT DELEGAT TAL-KUMMISSJONI (UE) 2020/447 tas-16 ta’ Diċembru 2019	L 94	5	27.3.2020
►M4	REGOLAMENT DELEGAT TAL-KUMMISSJONI (UE) 2021/237 tal-21 ta’ Diċembru 2020	L 56	6	17.2.2021
►M5	REGOLAMENT DELEGAT TAL-KUMMISSJONI (UE) 2022/750 tat-8 ta’ Frar 2022	L 138	6	17.5.2022
►M6	REGOLAMENT DELEGAT TAL-KUMMISSJONI (UE) 2023/315 tal-25 ta’ Ottubru 2022	L 43	4	13.2.2023
►M7	REGOLAMENT DELEGAT TAL-KUMMISSJONI (UE) 2024/363 tal-11 ta’ Ottubru 2023	L	1	22.1.2024

▼B

REGOLAMENT DELEGAT TAL-KUMMISSJONI (UE) 2015/2205

tas-6 ta' Awwissu 2015

li jissupplimenta r-Regolament (UE) Nru 648/2012 tal-Parlament Ewropew u tal-Kunsill fir-rigward ta' standards tekniċi regolatorji għall-obbligu tal-ikklerjar

(Test b'rilevanza għaż-ŻEE)

Artikolu 1

Klassijiet ta' derivattivi OTC suġġetti għall-obbligu tal-ikklerjar

Il-klassijiet ta' derivattivi barra l-Borża (OTC) elenkati fl-Anness ikunu suġġetti għall-obbligu tal-ikklerjar.

▼M3 —————

▼B

Artikolu 2

Għall-iskopjiet tal-Artikoli 3 u 4, il-kontropartijiet suġġetti għall-obbligi tal-ikklerjar ikunu maqsuma fil-kategoriji li ġejjin:

(a)

Il-Kategorija 1, li tinkludi l-kontropartijiet li, fid-data tad-dħul fis-seħħ ta' dan ir-Regolament ikunu membri li jikklerjaw, fi ħdan it-tifsira tal-Artikolu 2(14) tar-Regolament (UE) Nru 648/2012, għal mill-anqas klassi waħda ta' derivattivi OTC elenkati fl-Anness ta' dan ir-Regolament, ta' mill-anqas waħda mis-CCPs awtorizzati jew rikonoxxuti qabel dik id-data li jikklerjaw tal-anqas waħda minn dawk il-klassijiet;

(b)

Il-kategoriji 2 tinkludi kontropartijiet li ma jappartjenux għall-Kategorija 1 li jappartjenu għal grupp li l-medja aggregata fi tmiem ix-xahar tiegħu ta' ammont nozzjoni gross pendenti ta' derivattivi kklerjati mhux ċentralment għal Jannar, Frar u Marzu 2016 tkun aktar minn EUR 8 biljun u li jkunu xi waħda mis-segwenti:

(i)

Kontropartijiet finanzjarji;

(ii)

Fondi alternattivi ta' investiment kif definiti fl-Artikolu 4(1)(a) tad-Direttiva 2011/61/UE tal-Parlament Ewropew u tal-Kunsill ( 1 ) li jkunu kontropartijiet mhux finanzjarji.

(c)

Il-Kategorija 3 li tinkludi kontropartijiet li ma jappartjenux għall-Kategorija 1 jew Kategorija 2 li jkunu xi waħda minn dawn li ġejjin:

(i)

Kontropartijiet finanzjarji;

(ii)

Fondi alternattivi ta' investiment kif definiti fl-Artikolu 4(1)(a) tad-Direttiva 2011/61/UE li jkunu kontropartijiet mhux finanzjarji.

(d)

Il-Kategorija 4 li tinkludi kontropartijiet mhux finanzjarji li ma jappartjenux għall-Kategorija 1, il-Kategorija 2 jew il-Kategorija 3.

Għall-iskop tal-kalkolu tal-medja aggregata fi tmiem ix-xahar tal-grupp ta' ammont nozzjonali pendenti gross imsemmija fil-punt (b) tal-paragrafu 1, id-derivattivi kklerjati mhux ċentralment tal-grupp, inklużi antiċipi ta' skambju tal-munita, swaps u currency swaps, ikunu inklużi.

Fejn il-kontropartijeti ikunu fondi alternattivi ta' investiment kif definiti fl-Artikolu 4(1)(a) tad-Direttiva 2011/61/UE jew impriżi ta' investiment kollettiv f'titoli trasferibbli kif definiti fl-Artikolu 1(2) tad-Direttiva 2009/65/KE tal-Parlament Ewropew u tal-Kunsill ( 2 ), l-għatba ta' EUR 8 biljun imsemmija fil-punt (b) tal-paragrafu 1 ta' dan l-Artikolu tapplika b'mod individwali fil-livell ta' fond.

Artikolu 3

Id-data li minnha jibda l-obbligu tal-ikklerjar.

Għar-rigward ta' kuntratti li jappartjenu għal klassi ta' derivattivi OTC elenkati fl-Anness, l-obbligu tal-ikklerjar jidħol fis-seħħ:

(a)

fil-21 ta' Ġunju 2016 fil-każ ta' kontropartijiet fil-Kategorija 1;

(b)

fil-21 ta' Diċembru 2016 fil-każ ta' kontropartijiet fil-Kategorija 2;

▼M1

(c)

fil-21 ta' Ġunju 2019 fil-każ ta' kontropartijiet fil-Kategorija 3;

▼B

(d)

fil-21 ta' Diċembru 2018 fil-każ ta' kontropartijiet fil-Kategorija 4.

Meta kuntratt jiġi konkluż bejn żewġ kontropartijiet inklużi f'kategoriji differenti ta' kontropartijiet, id-data li minnha jidħol fis-seħħ l-obbligu tal-ikklerjar għal dak il-kuntratt tkun id-data tal-aħħar.

▼M5

1a.

Permezz ta’ deroga mill-paragrafu 1, għar-rigward ta’ kuntratti li jappartjenu għal klassi ta’ derivattivi OTC stabbiliti fl-Anness fir-ringieli D.4.1, D.4.2 tat-Tabella 4, l-obbligu tal-ikklerjar għal tali kuntratti għandu jidħol fis-seħħ fit-18 ta’ Mejju 2022.

1b.

Permezz ta’ deroga mill-paragrafu 1, għar-rigward ta’ kuntratti li jappartjenu għal klassi ta’ derivattivi OTC stabbiliti fl-Anness fir-ringieli D.4.3 tat-Tabella 4, l-obbligu tal-ikklerjar għal tali kuntratti għandu jidħol fis-seħħ fit-18 ta’ Awwissu 2022.

▼M7

1c.

B’deroga mill-paragrafu 1, u bl-esklużjoni tal-kuntratti msemmijin fil-paragrafu 1b, fir-rigward ta’ kuntratti li jappartjenu għal klassi ta’ derivattivi OTC stabbiliti fl-Anness fir-ringieli E.4.1 u E.4.2 tat-Tabella 4, l-obbligu tal-ikklerjar għal tali kuntratti għandu jidħol fis-seħħ fil-11 Frar 2024.

▼M5

B’deroga mill-paragrafi 1, 1a u 1b, għar-rigward ta’ kuntratti li jappartjenu għal klassi ta’ derivattivi OTC msemmija fl-Anness u konklużi bejn kontropartijiet li jkunu parti mill-istess grupp u meta kontroparti waħda tkun stabbilita f’pajjiż terz u l-kontroparti l-oħra tkun stabbilita fl-Unjoni, l-obbligu tal-ikklerjar jidħol fis-seħħ:

▼M6

(a)

fit-30 ta’ Ġunju 2025, fil-każ li ma tkun ġiet adottata l-ebda deċiżjoni dwar l-ekwivalenza skont l-Artikolu 13(2) tar-Regolament (UE) Nru 648/2012 għall-iskopijiet tal-Artikolu 4 ta’ dak ir-Regolament li tkun tkopri l-kuntratti ta’ derivattivi OTC elenkati fl-Anness ta’ dan ir-Regolament fir-rigward tal-pajjiż terz relevanti;

▼M5

(b)

l-aktar waħda tard fost id-dati segwenti fil-każ li tkun ġiet adottata deċiżjoni ta’ ekwivalenza skont l-Artikolu 13(2) tar-Regolament (UE) Nru 648/2012 għall-iskopijiet tal-Artikolu 4 ta’ dak ir-Regolament li tkun tkopri kuntratti ta’ derivattivi OTC li ssir referenza għalihom fl-Anness ta’ dan ir-Regolament fejn jidħol il-pajjiz terz relevanti;

(i)

60 ġurnata wara d-data tad-dħul fis-seħħ tad-deċiżjoni ta’ ekwivalenza adottata skont l-Artikolu 13(2) tar-Regolament (UE) Nru 648/2012 għall-iskopijiet tal-Artikolu 4 ta’ dak ir-Regolament li jkopri kuntratti ta’ derivattivi OTC msemmija fl-Anness ta’ dan ir-Regolament fejn jidħol il-pajjiz terz relevanti;

(ii)

id-data li fiha jidħol fis-seħħ l-obbligu tal-ikklerjar skont il-paragrafu 1.

▼B

Din id-deroga tapplika biss meta l-kontropartijiet jissodisfaw il-kundizzjonijiet li ġejjin:

(a)

Il-kontroparti stabbilita f'pajjiż terz tkun jew kontroparti finanzjarja jew kontroparti mhux finanzjarja;

(b)

Il-kontroparti stabbilita fl-Unjoni tkun:

(i)

Kontroparti finanzjarja, kontroparti mhux finanzjarja, kumpanija finanzjarja possedenti, istituzzjoni finanzjarja jew impriża ta' servizzi anċillari suġġetta għal rekwiżiti prudenzjali xierqa u l-kontroparti msemmija fil-punt (a) tkun kontroparti finanzjarja; jew

(ii)

Jew kontroparti finanzjarja jew kontroparti mhux finanzjarja u l-kontroparti msemmija fil-punt (a) tkun kontroparti mhux finanzjarja;

(c)

Iż-żewġ kontropartijiet ikunu inklużi fl-istess konsolidazjoni fuq bażi sħiħa skont l-Artikolu 3(3) tar-Regolament (UE) Nru 648/2012;

(d)

Iż-żewġ kontropartijiet ikunu soġġetti għal proċeduri ċentralizzati ta' evalwazzjoni, kejl u kontroll tar-riskju;

(e)

Il-kontroparti stabbilita fl-Unjoni tkun innotifikat lill-awtorità kompetenti tagħha bil-miktub li l-kundizzjonijiet stabbiliti fil-punti (a), (b), (c) u (d) ikunu ssodisfati u, fi żmien 30 jum tal-kalendarju wara l-wasla tan-notifika, l-awtorità kompetenti tkun ikkonfermat li dawk il-kundizzjonijiet ikunu ġew issodisfati.

▼M5

Permezz ta’ deroga mill-paragrafi 1, 1a, 1b u 2, għar-rigward ta’ kuntratti li jappartjenu għal klassi ta’ derivattivi OTC msemmija fl-Anness, l-obbligu tal-ikklerjar għandu jidħol fis-seħħ mit-18 ta’ Frar 2022 meta jiġu ssodisfati l-kundizzjonijiet li ġejjin:

(a)

l-obbligu tal-ikklerjar ma jkunx ġie skattat sat-18 ta’ Frar 2021;

(b)

il-kuntratti jiġu nnovati għall-iskop uniku li tiġi sostitwita l-kontroparti stabbilita fir-Renju Unit ma’ kontroparti stabbilita f’xi Stat Membru.

▼M4 —————

▼B

Artikolu 5

Id-dħul fis-seħħ

Dan ir-Regolament jidħol fis-seħħ fl-għoxrin jum wara l-pubblikazzjoni tiegħu f'Il-Ġurnal Uffiċjali tal-Unjoni Ewropea.

Dan ir-Regolament ikun vinkolanti fl-intier tiegħu u japplika direttament fl-Istati Membri kollha.

▼M5

ANNESS

Klassijiet ta’ derivattivi b’rata tal-imgħax OTC suġġetti għall-obbligu tal-ikklerjar

Tabella 1

Klassijiet bażiċi ta’ swaps

id	Tip	Indiċi ta’ Referenza	Munita ta’ Saldu	Maturità	Tip ta’ Munita ta’ Saldu	Opzjonalità	Tip Nozzjonali
A.1.1	Klassijiet bażiċi ta’ swaps	Euribor	EUR	28D-50Y	Il-munita unika	Le	Kostanti jew varjabbli

Tabella 2

Klassijiet ta’ Fixed-to-Float interest rate swaps

id	Tip	Indiċi ta’ Referenza	Munita ta’ Saldu	Maturità	Tip ta’ Munita ta’ Saldu	Opzjonalità	Tip Nozzjonali
A.2.1	Fixed-to-float	Euribor	EUR	28D-50Y	Il-munita unika	Le	Kostanti jew varjabbli

Tabella 3

Klassijiet ta’ forward rate agreement

id	Tip	Indiċi ta’ Referenza	Munita ta’ Saldu	Maturità	Tip ta’ Munita ta’ Saldu	Opzjonalità	Tip Nozzjonali
A.3.1	FRA	Euribor	EUR	3D-3Y	Il-munita unika	Le	Kostanti jew varjabbli

Tabella 4

Klassijiet ta’ overnight index swap

id	Tip	Indiċi ta’ Referenza	Munita ta’ Saldu	Maturità	Tip ta’ Munita ta’ Saldu	Opzjonalità	Tip Nozzjonali
A.4.2	OIS	FedFunds	USD	7D-3Y	Il-munita unika	Le	Kostanti jew varjabbli
D.4.1	OIS	EURSTR	EUR	7D-3Y	Il-munita unika	Le	Kostanti jew varjabbli
D.4.2	OIS	SONIA	GBP	7D-50Y	Il-munita unika	Le	Kostanti jew varjabbli
▼M7 —————
▼M7
E.4.1	OIS	SOFR	USD	7D-50Y	Munita unika	Le	Kostanti jew varjabbli
E.4.2	OIS	TONA	JPY	7D-30Y	Munita unika	Le	Kostanti jew varjabbli

( 1 ) Id-Direttiva 2011/61/UE tal-Parlament Ewropew u tal-Kunsill tat-8 ta' Ġunju 2011 dwar Maniġers ta' Fondi ta' Investiment Alternattivi u li temenda d-Direttivi 2003/41/KE u 2009/65/KE u r-Regolamenti (KE) Nru 1060/2009 u (UE) Nru 1095/2010 ĠU L 174, 1.7.2011, p. 1).

( 2 ) Id-Direttiva 2009/65/KE tal-Parlament Ewropew u tal-Kunsill tat-13 ta' Lulju 2009 dwar il-koordinazzjoni ta' liġijiet, regolamenti u dispożizzjonijiet amministrattivi fir-rigward tal- impriżi ta' investiment kollettiv f'titoli trasferibbli (UCITS) ĠU L 302, 17.11.2009, p. 32).

Top

Choose the experimental features you want to try