Kawża C‑750/21 P

Pilatus Bank plc

vs

Bank Ċentrali Ewropew (BĊE)

Sentenza tal-Qorti tal-Ġustizzja (It-Tieni Awla) tat‑8 ta’ Frar 2024

“Appell – Politika ekonomika u monetarja – Sorveljanza prudenzjali tal-istituzzjonijiet ta’ kreditu – Kompiti tal-Bank Ċentrali Ewropew (BĊE) – Regolament (UE) Nru 1024/2013 – Artikolu 6(5)(b) – Sorveljanza ta’ istituzzjoni ta’ kreditu direttament mill-BĊE – Kundizzjonijiet – Rikors għal annullament – Inammissibbiltà – Rappreżentanza ta’ parti – Mandat mogħti lill-avukat – Rappreżentant b’mandat irregolari”

1. Proċedura ġudizzjarja – Rappreżentanza tal-partijiet – Rikors ta’ persuna ġuridika rregolata mid-dritt privat – Mandat mogħti lill-avukat – Ħtieġa li jiġi pprovat li l-mandat mogħti lill-avukat ingħata b’mod regolari – Obbligu tal-qorti tal-Unjoni li tivverifika ex officio r-regolarità tal-mandat ikkonċernat – Kundizzjoni – Preżenza ta’ natura manifestament irregolari jew ta’ fatturi li jistgħu jqajmu dubji serji dwar ir-regolarità tal-imsemmi mandat

   (Statut tal-Qorti tal-Ġustizzja, Artikolu 19; Regoli tal-Proċedura tal-Qorti Ġenerali, Artikoli 51(3) u l-ewwel paragrafu tal-Artikolu 53)

   (ara l-punti 36 sa 46)

2. Proċedura ġudizzjarja – Rappreżentanza tal-partijiet – Rikors ta’ persuna ġuridika rregolata mid-dritt privat – Mandat mogħti lill-avukat – Validità – Awtorizzazzjoni tal-korpi tal-persuna ġuridika rregolata mid-dritt privat li jippreżentaw rikors – Istituzzjoni ta’ kreditu li l-awtorizzazzjoni tagħha ġiet irtirata mill-Bank Ċentrali Ewropew (BĊE) – Ħatra mill-awtorità nazzjonali kompetenti ta’ persuna responsabbli għall-ġestjoni ta’ din l-istituzzjoni, inkluż ir-rappreżentanza legali u ġudizzjarja tagħha – Mandat mogħti mill-Bord tad-Diretturi tal-istituzzjoni ta’ kreditu wara din il-ħatra – Assenza – Inammissibbiltà tar-rikors

   (Statut tal-Qorti tal-Ġustizzja, Artikolu 19; Regoli tal-Proċedura tal-Qorti Ġenerali, Artikoli 51(3) u l-ewwel paragrafu tal-Artikolu 53)

   (ara l-punti 56, 60, 69 u 70)

Ara t-test tad-deċiżjoni.