Kawża C‑428/13

Ministero dell’Economia e delle Finanze

u

Amministrazione Autonoma dei Monopoli di Stato (AAMS)

vs

Yesmoke Tobacco SpA

(talba għal deċiżjoni preliminari mressqa mill-Consiglio di Stato)

“Rinviju għal deċiżjoni preliminari — Dispożizzjonijiet fiskali — Armonizzazzjoni tal-leġiżlazzjonijiet — Direttivi 95/59/KE u 2011/64/UE — Struttura u rati tad-dazju tas-sisa fuq it-tabakk immanifatturat — Determinazzjoni ta’ dazju tas-sisa — Prinċipju li jistabbilixxi rata tad-dazju tas-sisa għas-sigaretti kollha — Possibbiltà għall-Istati Membri li jistabbilixxu ammont minimu ta’ dazju tas-sisa — Sigaretti li jaqgħu fl-inqas kategorija ta’ prezz għolja — Leġiżlazzjoni nazzjonali — Kategorija speċifika ta’ sigaretti — Iffissar tad-dazju tas-sisa għal 115 %”

Sommarju — Sentenza tal-Qorti tal-Ġustizzja (Il-Ħames Awla) tad-9 ta’ Ottubru 2014

Dispożizzjonijiet fiskali – Armonizzazzjoni tal-leġiżlazzjonijiet – Taxxi oħra għajr it-taxxi fuq id-dħul mill-bejgħ li jolqtu l-konsum tat-tabakk immanifatturat – Direttiva 2011/64 – Dispożizzjoni nazzjonali li tistabbilixxi dazju tas-sisa minimu li japplika biss għas-sigaretti bi prezz tal-bejgħ bl-imnut iktar baxx minn dak tas-sigaretti fil-kategorija ta’ prezz li għaliha hemm l-ikbar domanda – Inammissibbiltà

(Direttiva tal-Kunsill 2011/64, Artikoli 7(2) u 8(6))

L-Artikoli 7(2) u 8(6) tad-Direttiva 2011/64, dwar l-istruttura u r-rati tad-dazju tas-sisa fuq it-tabakk manifatturat, għandhom jiġu interpretati fis-sens li jipprekludu dispożizzjoni nazzjonali li, minflok ma tistabbilixxi dazju tas-sisa minimu identiku li japplika għas-sigaretti kollha, tistabbilixxi dazju tas-sisa minimu li japplika biss għas-sigaretti bi prezz tal-bejgħ bl-imnut iktar baxx minn dak tas-sigaretti fil-kategorija ta’ prezz li għaliha hemm l-ikbar domanda.

L-Istati Membri jistgħu, fuq bażi fakultattiva, jimponu dazju tas-sisa minimu fuq is-sigaretti, skont l-Artikolu 8(6) tad-Direttiva 2011/64. Dan id-dazju tas-sisa minimu jirrappreżenta livell minimu ta’ tassazzjoni li taħtu ma jistax ikun hemm tnaqqis proporzjonali fit-taxxa dovuta. Fid-dawl tal-fatt li l-impożizzjoni tad-dazju tas-sisa globali hija obbligatorja għas-sigaretti kollha indipendentement mill-karatteristiċi tagħhom u mill-prezz tagħhom, id-dazju tas-sisa minimu għandu japplika għas-sigaretti kollha, indipendentement mill-karatteristiċi tagħhom u mill-prezz tagħhom. L-istabbiliment ta’ dazju tas-sisa minimu biss għal ċerti kategoriji ta’ sigaretti jippermetti li, għal ċerti kategoriji oħra ta’ sigaretti, jiġi impost ammont, bħala dazju tas-sisa globali, li jkun iktar baxx mid-dazju tas-sisa minimu, minkejja li, skont id-Direttiva 2011/64, l-introduzzjoni ta’ dan id-dazju tas-sisa minimu għandha tfittex li tevita, f’kuntest ta’ prezz baxx, li ma jkunx jista’ jkun hemm tnaqqis proporzjonali tat-taxxa dovuta taħt dan il-livell u b’hekk tevita li l-livell ta’ tassazzjoni tal-inqas sigaretti għaljin ikun baxx wisq. Jekk l-Istati Membri jagħmlu użu mill-possibbiltà li jistabbilixxu dazju tas-sisa minimu, skont l-Artikolu 8(6) tad-Direttiva 2011/64, tali leġiżlazzjoni għandha tidħol fil-qafas iddefinit minn din id-direttiva u ma tistax tmur kontra l-għanijiet ta’ din tal-aħħar. Issa l-istabbiliment ta’ livelli minimi ta’ tassazzjoni differenti skont il-karatteristiċi jew il-prezz tas-sigaretti jwassal għal distorsjoni tal-kompetizzjoni bejn id-diversi sigaretti u għalhekk imur kontra l-għan li jiġu żgurati l-funzjonament tajjeb tas-suq intern u kundizzjonijiet newtrali tal-kompetizzjoni, li d-Direttiva 2011/64 tfittex li tilħaq.

Barra minn hekk, id-Direttiva 2011/64 tieħu inkunsiderazzjoni, skont il-premessi 2, 14 u 16 tagħha, l-għan tal-protezzjoni tas-saħħa pubblika. Sakemm il-miżuri nazzjonali jidħlu fil-qafas iddefinit minnha, id-Direttiva 2011/64 ma timpedixxix lill-Istati Membri milli jiġġieldu kontra t-tipjip u milli jiżguraw livell għoli ta’ protezzjoni tas-saħħa pubblika permezz tal-impożizzjoni ta’ dazji tas-sisa.

(ara l-punti 26‑28, 30, 31, 35‑37)

Kawża C‑428/13

Ministero dell’Economia e delle Finanze

u

Amministrazione Autonoma dei Monopoli di Stato (AAMS)

vs

Yesmoke Tobacco SpA

(talba għal deċiżjoni preliminari mressqa mill-Consiglio di Stato)

“Rinviju għal deċiżjoni preliminari — Dispożizzjonijiet fiskali — Armonizzazzjoni tal-leġiżlazzjonijiet — Direttivi 95/59/KE u 2011/64/UE — Struttura u rati tad-dazju tas-sisa fuq it-tabakk immanifatturat — Determinazzjoni ta’ dazju tas-sisa — Prinċipju li jistabbilixxi rata tad-dazju tas-sisa għas-sigaretti kollha — Possibbiltà għall-Istati Membri li jistabbilixxu ammont minimu ta’ dazju tas-sisa — Sigaretti li jaqgħu fl-inqas kategorija ta’ prezz għolja — Leġiżlazzjoni nazzjonali — Kategorija speċifika ta’ sigaretti — Iffissar tad-dazju tas-sisa għal 115 %”

Sommarju — Sentenza tal-Qorti tal-Ġustizzja (Il-Ħames Awla) tad-9 ta’ Ottubru 2014

Dispożizzjonijiet fiskali — Armonizzazzjoni tal-leġiżlazzjonijiet — Taxxi oħra għajr it-taxxi fuq id-dħul mill-bejgħ li jolqtu l-konsum tat-tabakk immanifatturat — Direttiva 2011/64 — Dispożizzjoni nazzjonali li tistabbilixxi dazju tas-sisa minimu li japplika biss għas-sigaretti bi prezz tal-bejgħ bl-imnut iktar baxx minn dak tas-sigaretti fil-kategorija ta’ prezz li għaliha hemm l-ikbar domanda — Inammissibbiltà

(Direttiva tal-Kunsill 2011/64, Artikoli 7(2) u 8(6))

L-Artikoli 7(2) u 8(6) tad-Direttiva 2011/64, dwar l-istruttura u r-rati tad-dazju tas-sisa fuq it-tabakk manifatturat, għandhom jiġu interpretati fis-sens li jipprekludu dispożizzjoni nazzjonali li, minflok ma tistabbilixxi dazju tas-sisa minimu identiku li japplika għas-sigaretti kollha, tistabbilixxi dazju tas-sisa minimu li japplika biss għas-sigaretti bi prezz tal-bejgħ bl-imnut iktar baxx minn dak tas-sigaretti fil-kategorija ta’ prezz li għaliha hemm l-ikbar domanda.

L-Istati Membri jistgħu, fuq bażi fakultattiva, jimponu dazju tas-sisa minimu fuq is-sigaretti, skont l-Artikolu 8(6) tad-Direttiva 2011/64. Dan id-dazju tas-sisa minimu jirrappreżenta livell minimu ta’ tassazzjoni li taħtu ma jistax ikun hemm tnaqqis proporzjonali fit-taxxa dovuta. Fid-dawl tal-fatt li l-impożizzjoni tad-dazju tas-sisa globali hija obbligatorja għas-sigaretti kollha indipendentement mill-karatteristiċi tagħhom u mill-prezz tagħhom, id-dazju tas-sisa minimu għandu japplika għas-sigaretti kollha, indipendentement mill-karatteristiċi tagħhom u mill-prezz tagħhom. L-istabbiliment ta’ dazju tas-sisa minimu biss għal ċerti kategoriji ta’ sigaretti jippermetti li, għal ċerti kategoriji oħra ta’ sigaretti, jiġi impost ammont, bħala dazju tas-sisa globali, li jkun iktar baxx mid-dazju tas-sisa minimu, minkejja li, skont id-Direttiva 2011/64, l-introduzzjoni ta’ dan id-dazju tas-sisa minimu għandha tfittex li tevita, f’kuntest ta’ prezz baxx, li ma jkunx jista’ jkun hemm tnaqqis proporzjonali tat-taxxa dovuta taħt dan il-livell u b’hekk tevita li l-livell ta’ tassazzjoni tal-inqas sigaretti għaljin ikun baxx wisq. Jekk l-Istati Membri jagħmlu użu mill-possibbiltà li jistabbilixxu dazju tas-sisa minimu, skont l-Artikolu 8(6) tad-Direttiva 2011/64, tali leġiżlazzjoni għandha tidħol fil-qafas iddefinit minn din id-direttiva u ma tistax tmur kontra l-għanijiet ta’ din tal-aħħar. Issa l-istabbiliment ta’ livelli minimi ta’ tassazzjoni differenti skont il-karatteristiċi jew il-prezz tas-sigaretti jwassal għal distorsjoni tal-kompetizzjoni bejn id-diversi sigaretti u għalhekk imur kontra l-għan li jiġu żgurati l-funzjonament tajjeb tas-suq intern u kundizzjonijiet newtrali tal-kompetizzjoni, li d-Direttiva 2011/64 tfittex li tilħaq.

Barra minn hekk, id-Direttiva 2011/64 tieħu inkunsiderazzjoni, skont il-premessi 2, 14 u 16 tagħha, l-għan tal-protezzjoni tas-saħħa pubblika. Sakemm il-miżuri nazzjonali jidħlu fil-qafas iddefinit minnha, id-Direttiva 2011/64 ma timpedixxix lill-Istati Membri milli jiġġieldu kontra t-tipjip u milli jiżguraw livell għoli ta’ protezzjoni tas-saħħa pubblika permezz tal-impożizzjoni ta’ dazji tas-sisa.

(ara l-punti 26‑28, 30, 31, 35‑37)