EUR-Lex Access to European Union law
This document is an excerpt from the EUR-Lex website
Document 32013D0776
Aġenzija Eżekuttiva għall-Edukazzjoni, l-Awdjoviżiv u l-Kultura
Din it-taqsira ġiet arkivjata u mhux se tkun aġġornata Ara
'Programmi tal-UE — aġenziji'
għall-informazzjoni aġġornata dwar is-suġġett.
L-EACEA hija waħda mill-aġenziji eżekuttivi tal-UE stabbiliti f’konformità mar-Regolament tal-Kunsill (KE) Nru 58/2003. Bħall-aġenziji eżekuttivi l-oħrajn, hija tmexxi l-programmi tal-UE f’isem il-Kummissjoni Ewropea.
Objettivi u kompiti
L-EACEA hija responsabbli mill-ġestjoni ta’ ċerti aspetti mill-programmi tal-UE li ġejjin:
Hija tikkoordina wkoll proġetti fil-qasam tal-edukazzjoni għolja taħt il-baġits segwenti għall-kooperazzjoni esterna tal-UE:
Il-kompiti ta’ ġestjoni tal-EACEA jinkludu:
L-EACEA hija responsabbli għall-ġestjoni tan-netwerk Eurydice li jipprovdi analiżi u data komparabbli dwar is-sistemi u l-politiki tal-edukazzjoni Ewropej.
Struttura, finanzjament u superviżjoni
Sabiex tmexxi l-EACEA, il-Kummissjoni taħtar kumitat ta’ tmexxija kull sentejn u direttur kull erba’ snin.
L-EACEA tirċievi finanzjament mill-baġit ġenerali tal-UE u mill-Fond Ewropew għall-Iżvilupp, kif ukoll minn pajjiżi mhux tal-UE li jipparteċipaw fil-programmi tagħha.
Il-Kummissjoni tissorvelja l-ħidma tal-EACEA. L-EACEA tirrapporta lilha regolarment dwar l-implimentazzjoni tal-programmi li hija responsabbli għalihom.
Id-deċiżjoni ilha tapplika mill-1 ta’ Jannar 2014.
Id-deċiżjoni tissostitwixxi d-Deċiżjoni 2009/336/KE u terġa’ tistabbilixxi l-EACEA għall-perjodu mill-1 ta’ Jannar 2014 sal-31 ta’ Diċembru 2024. L-EACEA, li oriġinarjament ġiet stabbilita fl-2006, hija bbażata Brussell.
Id-Deċiżjoni ta’ Implimentazzjoni tal-Kummissjoni 2013/776/UE tat-18 ta’ Diċembru 2013 li tistabbilixxi “l-Aġenzija Eżekuttiva għall-Edukazzjoni, l-Awdjoviżiv u l-Kultura” u li tħassar id-Deċiżjoni 2009/336/KE (ĠU L 343, 19.12.2013, pp. 46-53)
Emendi suċċessivi għad-Deċiżjoni 2013/776/UE ġew inkorporati fid-dokument oriġinali. Din il-verżjoni kkonsolidata hija ta’ valur dokumentarju biss.
Id-Deċiżjoni ta’ Implimentazzjoni tal-Kummissjoni (UE) 2018/1716 tat-13 ta’ Novembru 2018 li temenda d-Deċiżjoni ta’ Implimentazzjoni 2013/776/UE li tistabbilixxi l-Aġenzija Eżekuttiva għall-Edukazzjoni, l-Awdjoviżiv u l-Kultura (ĠU L 286, 14.11.2018, pp. 33-34)
Ir-Regolament tal-Kunsill (KE) Nru 58/2003 tad-19 ta’ Diċembru 2002 li jfassal l-istatut għall-aġenziji eżekuttivi li jridu jiġu fdati b’ċerti kompiti fit-tmexxija tal-programmi tal-Komunità (ĠU L 11, 16.1.2003, p. 1-8)
l-aħħar aġġornament 03.05.2019