Espożizzjoni għal vibrazzjoni mekkanika

PUNTI EWLENIN

Min jimpjega jenħtieġ:

• jivvaluta u, jekk ikun hemm bżonn, ikejjel il-livelli tal-vibrazzjoni mekkanika li għaliha huma esposti l-ħaddiema;
• iżomm għajnejh fuq l-impatt fiżiku possibbli li l-makkinarju jista’ jkollu, jiddependi fuq il-prattiċi tax-xogħol, it-tip ta’ tagħmir u l-kundizzjonijiet tal-użu;
• juża mezzi u metodi xierqa biex jitkejjel l-impatt tal-vibrazzjonijiet;
• jiżgura individwi kompetenti biex iwettqu valurazzjonijiet u kejl “f’intervalli xierqa”;
• iżomm rekord tas-sejbiet għal konsultazzjoni futura possibbli;
• jagħti attenzjoni partikolari, meta tkun qed issir valutazzjoni tar-riskju, għal ċerti fatturi, l-aktar:
  • il-livell, tip u tul tal-espożizzjoni,
  • effetti indiretti possibbli,
  • informazzjoni pprovduta mill-manifattur tat-tagħmir,
  • l-eżistenza ta’ tagħmir ta’ sostituzzjoni;
• iżomm il-valutazzjoni tar-riskju aġġornata;
• jidentifika l-miżuri neċessarji biex jitnaqqsu r-riskju;
• jintroduċi bidliet tekniċi u organizzazzjonali jekk il-limiti tal-vibrazzjonijiet jinqabżu. Dawn jistgħu jinkludu:
  • metodi oħrajn ta’ ħidma jew tagħmir iddisinjat aħjar,
  • installazzjonijiet ta’ siġġijiet u mankijiet fuq it-tagħmir biex titnaqqas il-pressjoni fuq il-ġisem jew fuq id-dirgħajn tal-utent,
  • programmi ta’ manutenzjoni,
  • jerġa’ jinħaseb id-disinn u t-tqassim tal-postijiet tax-xogħol u tal-istazzjonijiet tax-xogħol,
  • limitazzjoni tat-tul u tal-intensità tal-espożizzjoni għall-vibrazzjonijiet,
  • implimentazzjoni ta’ skedi tax-xogħol u perjodi ta’ mistrieħ xierqa,
  • jiġi pprovdut ilbies għall-protezzjoni ta’ ħaddiema esposti għall-kesħa u l-umdità;
• jiġu pprovduti informazzjoni u taħriġ għall-impjegati. Dan għandu jinkludi:
  • miżuri meħuda għall-eliminazzjoni tar-riskji jew biex dawn jitnaqqsu għal minimu,
  • dettalji għal-limiti tal-espożizzjoni,
  • riżultati tal-eżerċizzji ta’ valutazzjoni u kejl,
  • possibbiltà ta’ riskji ta’ korrimenti u kif dawn jistgħu jintgħarfu u jiġu rrappurtati,
  • prattiċi tax-xogħol siguri,
  • konsultazzjoni regolari u parteċipazzjoni tal-impjegati u/jew ir-rappreżentanti tagħhom.

Pajjiżi tal-UE għandhom jistabbilixxu miżuri biex jiżguraw is-sorveljanza tas-saħħa xierqa tal-ħaddiema, b’mod partikolari meta:

• tista’ tiġi stabbilita rabta bejn il-vibrazzjonijiet u mard jew effetti tas-saħħa negattivi identifikabbli;
• teżisti l-probabbiltà li l-mard jew l-effetti avversi huma minħabba kundizzjonijiet tax-xogħol speċifiċi;
• tekniki ttestjati jistgħu jintużaw biex jiġi rilevat mard jew biex jiġu rilevati impatti fuq is-saħħa.

Meta tabib jikkunsidra li ħaddiem għandu mard identifikabbli jew qed ibati minn saħħa ħażina minħabba l-vibrazzjonijiet:

• l-impjegat jiġi infurmat u avżat dwar kwalunkwe sorveljanza tas-saħħa li tista’ tkun neċessarja,
• l-impjegat huwa infurmat u għandu jieħu azzjoni biex jelimina jew inaqqas ir-riskji identifikati.

Pajjiżi tal-UE jistgħu jagħmlu eżenzjoni għat-trasport bil-baħar jew bl-ajru mid-direttiva diment li jiġu ssodisfati ċerti kundizzjonijiet.

Id-direttiva tistabbilixxi valuri ta’ azzjoni tal-espożizzjoni differenti skont jekk il-vibrazzjonijiet jaffettwawx id-driegħ u l-id jew il-ġisem sħiħ tal-utent matul ġurnata tipika ta’ 8 sigħat.