This document is an excerpt from the EUR-Lex website
Ensuring that EU workers’ rights are respected when working abroad
Kif nassiguraw li d-drittijiet tal-ħaddiema fl-UE jiġu rispettati meta jaħdmu barra minn pajjiżhom.
Kif nassiguraw li d-drittijiet tal-ħaddiema fl-UE jiġu rispettati meta jaħdmu barra minn pajjiżhom.
Fost il-ħafna drittijiet li jgawdu minnhom l-individwi fl-Unjoni Ewropea (UE), hemm il-kapaċità li dak li jkun jgħix u jaħdem fi Stat Membru ieħor tal-UE. Il-leġiżlazzjoni tassigura l-eżistenza ta’ rimedji legali nazzjonali fil-każ li ħaddiema jew il-familji tagħhom jikkunsidraw li dawn id-drittijiet qegħdin jiġu abbużati.
Il-moviment liberu fl-UE u l-prinċipji ta’ kontra d-diskriminazzjoni jiggarantixxu li l-persuni li jgħixu barra minn pajjiżhom ikollhom l-istess drittijiet relatati mal-impjieg bħaċ-ċittadini. Dawn huma stabbiliti fir-Regolament (UE) Nru 492/2011 (ara s-sommarju).
Id-drittijiet tal-ħaddiema
Id-difiża ta’ dawn id-drittijiet
Id-direttiva teħtieġ li l-awtoritajiet nazzjonali jiżguraw li jkun hemm disponibbli proċeduri ġudizzjarji għall-ħaddiema kollha tal-UE li jqisu li b’xi mod qed issir diskriminazzjoni lejhom. Barra minn hekk, l-organizzazzjonijiet, l-assoċjazzjonijiet, it-trade unions u l-korpi ta’ min iħaddem involuti fl-implimentazzjoni tad-direttiva jistgħu jirrappreżentaw jew jappoġġaw lill-ħaddiema tal-UE u l-familji tagħhom fi kwalunkwe azzjoni legali li jistgħu jieħdu.
Il-promozzjoni tat-trattament ugwali
Kull Stat Membru jeħtieġ li jinnomina mill-inqas organizzazzjoni jew punt ċentrali wieħed biex jassigura li l-ħaddiema u l-familji tagħhom ma jsofrux minn diskriminazzjoni jew minn restrizzjonijiet mhux ġustifikati dwar id-dritt tagħhom li jaħdmu fejn jixtiequ minħabba n-nazzjonalità tagħhom.
Dawn l-organizzazzjonijiet għandhom:
Ilha tapplika mill-20 ta’ Mejju 2014 u kellha ssir liġi fl-Istati Membri sal-21 ta’ Mejju 2016.
Għal aktar informazzjoni, ara:
Direttiva 2014/54/UE tal-Parlament Ewropew u tal-Kunsill tas-16 ta’ April 2014 dwar miżuri li jiffaċilitaw l-eżerċizzju tad-drittijiet konferiti fuq ħaddiema fil-kuntest tal-moviment liberu tal-ħaddiema (ĠU L 128, 30.4.2014, pp. 8–14).
Rapport tal-Kummissjoni lill-Parlament Ewropew, lill-Kunsill u lill-Kumitat Ekonomiku u Soċjali Ewropew dwar l-implimentazzjoni tad-Direttiva 2014/54/UE tal-Parlament Ewropew u tal-Kunsill tas-16 ta’ April 2014 dwar miżuri li jiffaċilitaw l-eżerċizzju tad-drittijiet konferiti fuq ħaddiema fil-kuntest tal-moviment liberu tal-ħaddiema (COM(2018) 789 finali, 4.12.2018).
Ir-Regolament (UE) Nru 492/2011 tal-Parlament Ewropew u tal-Kunsill tal-5 ta’ April 2011 dwar il-moviment liberu tal-ħaddiema fi ħdan l-Unjoni (ĠU L 141, 27.5.2011, pp. 1–12).
Emendi suċċessivi għar-Regolament (UE) Nru 492/2011 ġew inkorporati fid-dokument oriġinali. Din il-verżjoni konsolidata għandha valur dokumentarju biss.
l-aħħar aġġornament 28.10.2021