Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 32007L0045

Deregolamentazzjoni tal-qisien tal-pakketti

Datatal-aħħarreviżjoni:
17/06/2021
Data tal-ħolqien inizjali:
21/10/2011
Dokument(i) mqassar/mqassra:
Awtur:
Uffiċċju tal-Pubblikazzjonijiet tal-Unjoni Ewropea
Entita(jiet) responsabbli:
Direttorat Ġenerali għas-Suq Intern, l-Industrija, l-Intraprenditorija u l-SMEs

Deregolamentazzjoni tal-qisien tal-pakketti

 

SOMMARJU TA’:

Direttiva 2007/45/KE li tistabbilixxi regoli dwar il-kwantitajiet nominali għal prodotti mballati minn qabel

X’INHU L-GĦAN TAD-DIRETTIVA?

  • Hija tistabilixxi regoli dwar il-kwantitajiet nominali għal prodotti li huma mballati minn qabel* biex tiffaċilita aċċess għas-swieq fi Stati Membri differenti tal-UE.
  • Tilliberalizza l-qisien tal-pakketti għal biċċa l-kbira tas-setturi tal-ikel u tax-xorb.
  • Tiġġestjona biss kwantitajiet nominali obbligatorji għal numru limitat ħafna ta’ affarijiet, l-iktar inbid u spirti.

PUNTI EWLENIN

Pajjiżi tal-Unjoni Ewropea (UE) ma jistgħux jipprojbixxu jew jirrestrinġu t-tqegħid fis-suq ta’ prodotti mballati minn qabel u imballaġġ ippreparat minn qabel ġos-suq uniku tal-UE.

Qisien nazzjonali għal prodotti tneħħew.

Każijiet speċjali

Inbejjed u spirti li huma ppreżentati mballati minn qabel iridu jirrispettaw il-firxa ta’ kwantitajiet nominali preskritti fl-anness tad-direttiva għat-tqegħid fis-suq. (Din id-direttiva ma tapplikax għal prodotti meta jinbiegħu fi ħwienet tal-bejgħ mingħajr dazju għal konsum barra mis-suq tal-UE jew jekk l-imballaġġ ikollu inqas minn 5 g jew 5 ml jew iktar minn 10 kg jew 10 l).

Dispensuri tal-ajrusols iridu jindikaw il-kapaċità nominali totali tal-kontenitur flimkien mal-indikazzjoni tal-volum nominali tal-kontenut. Indikazzjoni tal-piż nominali tal-kontenut hi fakultattiva.

MINN META TAPPLIKA D-DIRETTIVA?

Din kellha ssir liġi fl-Istati Membri sal-11 ta’ Ottubru 2008 u r-regoli tad-direttiva kellhom jiġu applikati sal-11 ta’ April 2009.

Direttiva 2007/45/KE rrevokat Direttivi 75/106/KEE:(dwar il-fabrikazzjoni permezz tal-volum ta’ ċerti likwidi mballati minn qabel) u 80/232/KEE (dwar il-firxiet ta’ kwantitajiet u kapaċitajiet nominali applikabbli għal ċerti prodotti).

SFOND

Għal aktar informazzjoni, ara:

TERMINI EWLENIN

Prodott imballat minn qabel: Prodott hu mballat minn qabel meta prodott jitqiegħed f’imballaġġ ta’ kwalunkwe natura mingħajr ma jkun preżenti x-xerrej u l-kwantità ta’ prodott li jkun hemm fl-imballaġġ ikollha valur iddeterminat minn qabel u ma tkunx tista’ tinbidel qabel l-imballaġġ jinfetaħ jew jgħaddi minn modifika perċettibbli.

DOKUMENT EWLIENI

Id-Direttiva 2007/45/KE tal-Parlament Ewropew u tal-Kunsill tal-5 ta’ Settembru 2007 li tistabilixxi r-regoli dwar kwantitajiet nominali għal prodotti mballati minn qabel u li tirrevoka Direttivi tal-Kunsill 75/106/KEE u 80/232/KEE, u temenda Direttiva tal-Kunsill 76/211/KEE (ĠU L 247, 21.9.2007, pp. 17-20)

DOKUMENTI RELATATI

Id-Direttiva tal-Kunsill 76/211/KEE tal- 20 ta’ Jannar 1976 dwar l-approssimazzjoni tal-liġijiet tal-Istati Membri relatati mal-fabrikazzjoni skont l-użin jew volum ta’ ċerti prodotti mballati minn qabel (ĠU L 46, 21.2.1976, pp. 1-11)

Emendi suċċesivi u korrezzjonijiet għad-Direttiva 76/211/KEE ġew inkorporati fit-test oriġinali. Din il-verżjoni konsolidata għandha valur dokumentarju biss.

l-aħħar aġġornament 17.06.2021

Fuq