This document is an excerpt from the EUR-Lex website
Document 32002F0475
Regoli tal-UE dwar reati terroristiċi u pieni relatati
Din it-taqsira ġiet arkivjata u mhux se tkun aġġornata Ara
'Ġlieda kontra t-terroriżmu - definizzjonijiet ta’ reati terroristiċi u appoġġ għall-vittmi'
għall-informazzjoni aġġornata dwar is-suġġett.
- Datatal-aħħarreviżjoni:
- 26/06/2015
- Data tal-ħolqien inizjali:
- 18/08/2010
- Kodiċitat-taqsira:
-
- 23.99.00.00 Taqsiriet arkivjati
- EUROVOC descriptor:
- Kodiċi tad-direttorju:
- Dokument(i) mqassar/mqassra:
- Awtur:
- Uffiċċju tal-Pubblikazzjonijiet tal-Unjoni Ewropea
Regoli tal-UE dwar reati terroristiċi u pieni relatati
Din id-deċiżjoni ta' qafas (2002/475/ĠAI) u Deċiżjoni Emendatorja (2008/919/ĠAI) teħtieġ li l-pajjiżi tal-UE jallinjaw il-leġislazzjoni tagħhom u jdaħħlu pieni minimi dwar reati terroristiċi. Id-Deċiżjonijiet jiddefinixxu reati terroristiċi, kif ukoll reati relatati ma’ gruppi terroristiċi jew reati relatati ma’ attivitajiet terroristiċi, u jistabbilixxu r-regoli għat-traspożizzjoni fil-pajjiżi tal-UE.
ATT
Id-Deċiżjoni kwadru tal-Kunsill 2002/475/ĠAI tat-13 ta' Ġunju 2002 dwar il-ġlieda kontra t-terroriżmu.
SOMMARJU
Din id-deċiżjoni ta' qafas (2002/475/ĠAI) u Deċiżjoni Emendatorja (2008/919/ĠAI) teħtieġ li l-pajjiżi tal-UE jallinjaw il-leġislazzjoni tagħhom u jdaħħlu pieni minimi dwar reati terroristiċi. Id-Deċiżjonijiet jiddefinixxu reati terroristiċi, kif ukoll reati relatati ma’ gruppi terroristiċi jew reati relatati ma’ attivitajiet terroristiċi, u jistabbilixxu r-regoli għat-traspożizzjoni fil-pajjiżi tal-UE.
X’JAGĦMLU DAWN ID-DEĊIŻJONIJIET QAFAS?
Id-deċiżjonijiet jiddefinixxu dawn li ġejjin:
|
— |
Il-kunċett ta’ reat terroristiku bħala taħlita ta’:
|
|
— |
Grupp terroristiku bħala grupp strutturat ta’ żewġ persuni jew aktar, imwaqqaf fuq perjodu ta’ żmien u li jaġixxi bi skop li jwettaq reati terroristiċi.
|
Jeħtieġu wkoll li kull pajjiż tal-UE:
|
— |
jikkriminalizza atti preparatorji bħala reati marbuta ma’ attivitajiet terroristiċi - eżempji jinkludu provokazzjoni pubblika sabiex jitwettaq reat terroristiku, reklutaġġ u taħriġ għat-terroriżmu u serq, estorsjoni jew falsifikazzjoni bil-għan li jitwettqu reati terroristiċi;
|
|
— |
jikkriminalizza tixwix jew għajnuna jew kompliċità, kif ukoll tentattivi biex jitwettqu ċerti tipi ta’ reati;
|
|
— |
jistabbilixxi responsabbiltà kriminali għal persuni ġuridiċi u jistabbilixxi regoli u limiti għal pieni u sanzjonijiet;
|
|
— |
jistabbilixxi ġurisdizzjoni fir-rigward ta’ reati terroristiċi meta r-reat jitwettaq fit-territorju tiegħu jew abbord bastiment jew inġenju tal-ajru li jtajjar il-bandiera tiegħu;
|
|
— |
jistabbilixxi ġurisdizzjoni jekk it-trasgressur ikun ċittadin jew residenti tiegħu, ir-reat ikun sar għall-benefiċċju ta’ entità legali stabbilita fit-territorju tiegħu jew ir-reat isir kontra persuni jew istituzzjonijiet ta’ pajjiż tal-UE, jew kontra istituzzjoni tal-UE bbażata f'dak il-pajjiż;
|
|
— |
jistabbilixxi ġurisdizzjoni f’każijiet meta jirrifjuta li jgħaddi jew jestradixxi persuna suspettata jew misjuba ħatja ta’ reat terroristiku;
|
|
— |
jikkoopera ma’ pajjiżi oħra tal-UE u jiddeċiedi liema pajjiż jieħu ġurisdizzjoni meta f’każ partikolari jkun hemm diversi pajjiżi nvoluti;
|
|
— |
jadotta miżuri biex tiġi żgurata għajnuna xierqa għall-familji tal-vittmi.
|
PUNTI EWLENIN
|
— |
Fir-rapport tagħha ta’ Settembru 2014 dwar l-implimentazzjoni tad-deċiżjoni qafas tal-2008, il-Kummissjoni Ewropea tinnota li ħafna mill-pajjiżi tal-UE (minbarra l-Irlanda u l-Greċja) adottaw miżuri għall-kriminalizzazzjoni tar-reati li għadhom kemm ġew introdotti ta’ provokazzjoni pubblika, reklutaġġ u taħriġ għat-terroriżmu.
|
|
— |
Għad hemm xi kwistjonijiet miftuħa dwar kif l-implimentazzjoni ta’ din id-deċiżjoni qafas fil-liġijiet nazzjonali tal-pajjiżi tal-UE se taffettwa l-“provokazzjoni indiretta”* u l-kriminalizzazzjoni ta’ atti mwettqa mill-hekk imsejħa “atturi solitarji”**. Madankollu, il-Kummissjoni Ewropea stiednet lill-pajjiżi tal-UE biex jiċċaraw il-kwistjonijiet sabiex tkun tista' tiffinalizza l-valutazzjoni tagħha.
|
|
— |
Ir-rapport enfasizza l-ħtieġa għal approċċ aktar komprensiv għall-infurzar tal-liġi biex jiffoka fuq il-prevenzjoni bikrija tar-radikalizzazzjoni u r-reklutaġġ għat-terroriżmu.
|
|
— |
Ir-rapport iħeġġeġ lill-pajjiżi tal-UE biex jimmonitorjaw u jivvalutaw l-applikazzjoni ta’ miżuri tal-liġi kriminali dwar it-terroriżmu, billi tingħata kunsiderazzjoni mistħoqqa lill-protezzjoni tad-drittijiet fundamentali.
|
|
— |
Ħarsa ġenerali aktar dettaljata tal-miżuri ta’ traspożizzjoni fil-pajjiżi tal-UE tinsab fid-dokument ta’ ħidma tal-persunal tal-Kummissjoni, maħruġ biex jakkumpanja r-rapport.
|
|
— |
Fl-2015, il-Kummissjoni se twettaq valutazzjoni tal-impatt bil-ħsieb li fl-2016 tiġi aġġornata d-Deċiżjoni Qafas 2008/919/ĠAI. Dan se jsir bil-għan li tiġi żgurata koerenza fost il-liġijiet tal-UE kontra reati relatati ma’ ġellieda terroristiċi barranin.
|
|
— |
Il-Kunsill qed jikkunsidra li għan-nom tal-UE jiffirma l-Konvenzjoni tal-Kunsill tal-Ewropa dwar il-Prevenzjoni tat-Terroriżmu (CETS Nru196) u l-Protokoll Addizzjonali miegħu. Dan tal-aħħar jindirizza l-fenomenu ta’ ġellieda terroristiċi barranin filwaqt li jqis ir-Riżoluzzjoni tal-Kunsill tas-Sigurtà tan-Nazzjonijiet Uniti 2178(2014) tal-24 ta’ Settembru 2014.
|
SFOND
F’konformità mal-konklużjonijiet tal-Kunsill Ewropew ta’ Tampere fl-1999 li identifika t-terroriżmu bħala wieħed mill-aktar vjolazzjonijiet serji tal-libertajiet fundamentali, tad-drittijiet tal-bniedem u tal-prinċipji u wara l-pjan ta’ azzjoni approvat mil-laqgħa straordinarja tal-Kunsill Ewropew fil-21 ta’ Settembru 2001, ġiet adottata d-Deċiżjoni Kwadru 2002/475/ĠAI biex it-terroriżmu jiġi indirizzat b’mod aktar effettiv.
TERMINI EWLENIN
* Provokazzjoni indiretta: diskors li b’mod indirett biss ixewwex jew jirriskja li jinċita atti terroristiċi, eż. meta dikjarazzjonijiet li jkunu saru qabel minn terrorist jistgħu jinftiehmu minn persuni li jappoġġjawh bħala appell għat-tkomplija ta’ attivitajiet terroristiċi.
** Atturi solitarji: terroristi li jaġixxu waħedhom.
Għal aktar tagħrif, ara d-Direttorat Ġenerali għall-Migrazzjoni u l-Affarijiet Interni tal-Kummissjoni Ewropea.
REFERENZI
|
Att |
Dħul fis-seħħ |
Terminu għat-traspożizzjoni fl-Istati Membri |
Il-Ġurnal Uffiċjali |
|
Deċiżjoni kwadru 2002/475/ĠAI |
22.6.2002 |
31.12.2002 |
|
Att(i) li jemenda(w) |
Dħul fis-seħħ |
Terminu għat-traspożizzjoni fl-Istati Membri |
Il-Ġurnal Uffiċjali |
|
Deċiżjoni Kwadru 2008/919/ĠAI |
9.12.2008 |
9.12.2010 |
ATTI RELATATI
Rapport mill-Kummissjoni ibbażat fuq l-Artikolu 11 tad-Deċiżjoni Qafas tal-Kunsill tat-13 ta’ Ġunju 2002 dwar il-ġlieda kontra t-terroriżmu (COM(2007) 681 final tas-6.11.2007).
Rapport mill-Kummissjoni ibbażat fuq l-Artikolu 11 tad-Deċiżjoni ta' Qafas tal-Kunsill tat-13 ta' Ġunju 2002 dwar il-ġlieda kontra t-terroriżmu (COM(2004) 409 final tat-8.6.2004).
Rapport tal-Kummissjoni lill-Parlament Ewropew u lill-Kunsill dwar l-implimentazzjoni tad-Deċiżjoni Kwadru tal-Kunsill 2008/919/ĠAI tat-28 ta' Novembru 2008 li temenda d-Deċiżjoni Kwadru 2002/475/ĠAI dwar il-ġlieda kontra t-terroriżmu (COM(2014) 554 final tal-5 ta’ Settembru 2014).
Dokument ta’ ħidma tal-persunal tal-Kummissjoni li Jakkumpanja d-dokument Rapport mill-Kummissjoni lill-Parlament Ewropew u lill-Kunsill dwar l-implimentazzjoni tad-Deċiżjoni Kwadru tal-Kunsill 2008/919/ĠAI li temenda d-Deċiżjoni Kwadru 2002/475/ĠAI dwar il-ġlieda kontra t-terroriżmu (SWD(2014) 270 final tal-5 ta’ Settembru 2014).
L-aħħar aġġornament: 02.06.2015