This document is an excerpt from the EUR-Lex website
Document 22020A0716(01)
Kooperazzjoni bejn l-UE u l-Ġappun dwar is-sikurezza tal-avjazzjoni ċivili
- Datatal-aħħarreviżjoni:
- 08/07/2021
- Data tal-ħolqien inizjali:
- 03/12/2020
- Kodiċitat-taqsira:
-
- 28.11.09.00 Asja tal-Lvant u tax-Xlokk
- EUROVOC descriptor:
- Kodiċi tad-direttorju:
- Dokument(i) mqassar/mqassra:
- Awtur:
- Uffiċċju tal-Pubblikazzjonijiet tal-Unjoni Ewropea
- Entita(jiet) responsabbli:
- Id-Direttorat Ġenerali għall-Mobbiltà u t-Trasport
Kooperazzjoni bejn l-UE u l-Ġappun dwar is-sikurezza tal-avjazzjoni ċivili
SOMMARJU TA’:
Ftehim dwar is-sikurezza tal-avjazzjoni ċivili bejn l-UE u l-Ġappun
X’INHU L-GĦAN TAL-FTEHIM U TAD-DEĊIŻJONIJIET?
- Il-ftehim għandu l-għan li jiffaċilita l-kummerċ fil-inġenji tal-ajru u prodotti relatati bejn l-Unjoni Ewropea (UE) u l-Ġappun.
- Din hija azzjoni stabbilita fl-istrateġija tal-avjazzjoni tal-Kummissjoni Ewropea għall-Ewropa — ara s-sommarju.
- Id-Deċiżjoni tal-Kunsill (UE) 2020/1026 tawtorizza l-iffirmar u l-applikazzjoni proviżorja tal-ftehim mill-UE.
- Id-Deċiżjoni tal-Kunsill (UE) 2021/112 tapprova l-ftehim f’isem l-UE.
PUNTI EWLENIN
Il-ftehim huwa maħsub sabiex:
- inaqqas duplikazzjonijiet mhux meħtieġa tal-evalwazzjonijiet għall-prodotti ajrunawtiċi ċivili*;
- inaqqas l-ispejjeż għall-awtoritjiet u l-industrija tal-avjazzjoni;
- jippromwovi l-kooperazzjoni bejn l-awtoritajiet tal-avjazzjoni ċivili tal-UE, l-Aġenzija tas-Sikurezza tal-Avjazzjoni tal-UE (ara s-sommarju), u l-Uffiċċju tal-Avjazzjoni Ċivili tal-Ġappun.
L-ambitu tal-kooperazzjoni
Il-ftehim jista’ jinludi kooperazzjoni f’għadd ta’ oqsma, inklużi:
- ċertifikati tal-ajrunavigabbiltà u l-monitoraġġ ta’ prodotti ajrunawtiċi ċivili;
- ċertifikati ambjentali u ttestjar ta’ prodotti ajrunawtiċi ċivili;;
- iċ-ċertifikati tad-disinn u l-produzzjoni u l-monitoraġġ ta’ organizzazzjonijiet tad-disinn u l-produzzjoni;
- iċ-ċertifikati tal-organizzazzjoni tal-manutenzjoni u l-monitoraġġ ta’ organizzazzjonijie tal-manutenzjoni;
- il-liċenzjar u t-taħriġ tal-persunal;
- l-evalwazzjoni tal-kwalifiki tas-simulatur tat-titjir;
- it-tħaddim tal-inġenju tal-ajru.
Obbligi ġenerali
L-UE u l-Ġappun jaqblu li jaċċettaw is-sejbiet tal-konformità li saru u ċ-ċertifikati maħruġa mill-awtoritajiet kompetenti tal-parti l-oħra jew organizzazzjonijiet approvati, kif speċifikat fl-anness tal-qbil taċ-ċertifikazzjoni tal-ajrunavigabbiltà u ambjentali.
L-implimentazzjoni tal-ftehim
Kumitat Konġunt magħmul minn rappreżentati tal-UE u l-Ġappun huwa stabbilit biex jiżgura l-implimentazzjoni effettiva tal-ftehim.
DATA TAD-DĦUL FIS-SEĦĦ
Il-ftehim ilu japplika b’mod provviżorju mit-22 ta’ Ġunju 2020.
Dan daħal fis-seħħ fit-30 ta’ Ġunju 2021.
SFOND
- Relazzjonijiet politiċi usa’ bejn l-UE u l-Ġappun huma rregolati minn Ftehim ta’ Sħubija Ekonomika — ara s-sommarju.
- Għal iktar informazzjoni, ara:
- L-Aġenzija tas-Sikurezza fl-Avjazzjoni tal-Unjoni Ewropea
- Il-Politika Esterna dwar l-Avjazzjoni (il-Kummissjoni Ewropea).
TERMINI EWLENIN
DOKUMENTI EWLENIN
Ftehim dwar is-sikurezza tal-avjazzjoni ċivili bejn l-Unjoni Ewropea u l-Ġappun (ĠU L 229, 16.7.2020, pp. 4-25)
Deċiżjoni tal-Kunsill (UE) 2020/1026 tal-24 ta’ April 2020 dwar l-iffirmar, f’isem l-Unjoni, u l-applikazzjoni proviżorja tal-Ftehim dwar is-sikurezza fl-avjazzjoni ċivili bejn l-Unjoni Ewropea u l-Ġappun (ĠU L 229, 16.7.2020, pp. 1-3)
Id-Deċiżjoni tal-Kunsill (UE) 2021/112 tal-25 ta’ Jannar 2021 dwar il-konklużjoni tal-Ftehim dwar is-sikurezza fl-avjazzjoni ċivili bejn l-Unjoni Ewropea u l-Ġappun (ĠU L 36, 2.2.2021, pp. 1-2)
DOKUMENTI RELATATI
Informazzjoni dwar id-dħul fis-seħħ tal-Ftehim dwar is-sikurezza fl-avjazzjoni ċivili bejn l-Unjoni Ewropea u l-Ġappun (ĠU L 230, 30.6.2021, p. 4)
Il-Ftehim bejn l-Unjoni Ewropea u l-Ġappun għal sħubija ekonomika (ĠU L 330, 27.12.2018, pp. 3-899)
Ara l-verżjoni konsolidata.
Ir-Regolament (UE) 2018/1139 tal-Parlament Ewropew u tal-Kunsill tal-4 ta’ Lulju 2018 dwar regoli komuni fil-qasam tal-avjazzjoni ċivili u li jistabbilixxi Aġenzija tas-Sikurezza tal-Avjazzjoni tal-Unjoni Ewropea, u li jemenda r-Regolamenti (KE) Nru 2111/2005, (KE) Nru 1008/2008, (UE) Nru 996/2010, (UE) Nru 376/2014 u d-Direttivi 2014/30/UE u 2014/53/UE tal-Parlament Ewropew u tal-Kunsill, u li jħassar ir-Regolamenti (KE) Nru 552/2004 u (KE) Nru 216/2008 tal-Parlament Ewropew u tal-Kunsill u r-Regolament tal-Kunsill (KEE) Nru 3922/91 (ĠU L 212, 22.8.2018, pp. 1-122)
Ara l-verżjoni konsolidata.
Komunikazzjoni tal-Kummissjoni lill-Parlament Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat tar-Reġjuni: Strateġija tal-Avjazzjoni għall-Ewropa (COM(2015) 598 final, 7.12.2015)
l-aħħar aġġornament 08.07.2021