IL-KUMMISSJONI EWROPEA

Brussell, 30.6.2017

COM(2017) 353 final

2017/0146(COD)

Proposta għal

REGOLAMENT TAL-PARLAMENT EWROPEW U TAL-KUNSILL

dwar l-istatistika tat-trasport bil-ferrovija (riformulazzjoni)

MEMORANDUM TA’ SPJEGAZZJONI

1.Fl-isfond ta’ Ewropa tal-poplu, il-Kummissjoni tagħti importanza kbira lissimplifikazzjoni u liċ-ċarezza tal-liġi tal-Unjoni sabiex tkun iktar ċara u iktar aċċessibbli għaċ-ċittadini biex b’hekk toffrilhom opportunitajiet ġodda u ċ-ċans li jagħmlu użu mid-drittijiet speċifiċi li tagħtihom.

Dak l-għan ma jistax jintlaħaq sakemm il-bosta dispożizzjonijiet li ġew emendati ħafna drabi, spiss b’mod sostanzjali, jibqgħu mferrxin bejn l-att oriġinali u atti sussegwenti li jemendaw l-att oriġinali. Hemm bżonn għalhekk ta’ xogħol konsiderevoli ta’ riċerka li jqabbel ħafna atti differenti ma’ xulxin sabiex jiġu identifikati rregoli attwalment fis-seħħ.

Għalhekk huwa essenzjali li ssir kodifikazzjoni ta’ regoli li ġew emendati ta’ sikwit sabiex il-liġi tkun ċara u trasparenti.

2.Fl-1 ta’ April 1987 il-Kummissjoni ddeċidiet 1 li tordna lill-persunal tagħha li kull att għandu jiġi kkodifikat wara mhux iktar minn għaxar emendi, filwaqt li enfasizzat li din hija kundizzjoni minima u li d-dipartimenti għandhom jippruvaw jikkodifikaw ittesti li huma responsabbli għalihom anke f’intervalli iqsar biex jiżguraw li ddispożizzjonijiet tagħhom ikunu ċari u jinftiehmu malajr.

3.Dan ġie kkonfermat mill-Konklużjonijiet tal-Presidenza tal-Kunsill Ewropew ta’ Edinburgu (Diċembru 1992) 2 , filwaqt li saħqu fuq l-importanza talkodifikazzjoni għaliex tagħti ċertezza f’dak li jirrigwarda l-liġi applikabbli għal suġġett partikolari f’mument partikolari.

Il-kodifikazzjoni għandha ssir f’konformità sħiħa mal-proċedura normali għalladozzjoni ta’ atti tal-Unjoni.

4.L-għan ta’ din il-proposta huwa li ssir il-kodifikazzjoni tarRegolament (KE) Nru 91/2003 tal-Parlament Ewropew u tal-Kunsill tas-16 ta' Diċembru 2002 dwar listatistika tat-trasport bil-ferrovija 3 . IrRegolament ilġdid jissostitwixxi d-diversi atti inkorporati fih 4 , billi jżomm ilkontenut kollu tal-atti li qed jiġu kkodifikati. Flistess waqt, huwa xieraq li jiġu introdotti ċerti emendi żgħar sostantivi flArtikolu 4(5) ta' dak irRegolament. Għalhekk, il-proposta qiegħda tiġi ppreżentata fil-forma ta' riformulazzjoni.

5.Il-proposta ta’ riformulazzjoni tħejjiet fuq il-bażi ta’ konsolidazzjoni preliminari, fl24 lingwa uffiċjali tar-Regolament (KE) Nru 91/2003 u tal-atti li jemendawh, magħmula mill-Uffiċċju tal-Pubblikazzjonijiet tal-Unjoni Ewropea, permezz ta’ sistema ta’ pproċessar ta’ dejta. Fejn l-Artikoli ġew innumerati millġdid, ilkorrelazzjoni bejn in-numri qodma u ġodda tidher fit-tabella li tinsab flAnness X tar-Regolament irriformulat.

ê 91/2003 (adattat)

2017/0146 (COD)

Proposta għal

REGOLAMENT TAL-PARLAMENT EWROPEW U TAL-KUNSILL

dwar l-istatistika tat-trasport bil-ferrovija (riformulazzjoni)

IL-PARLAMENT EWROPEW U L-KUNSILL TAL-UNJONI EWROPEA,

Wara li kkunsidraw it-Trattat Ö dwar il-Funzjonament tal-Unjoni Ewropea Õ, u b'mod partikolari l-Artikolu Ö 338(1) Õ tiegħu,

Wara li kkunsidraw il-proposta tal-Kummissjoni,

Wara li l-abbozz tal-att leġiżlattiv intbagħat lill-Parlamenti nazzjonali,

Wara li kkunsidraw l-opinjoni tal-Kumitat Ekonomiku u Soċjali Ewropew 5 ,

Filwaqt li jaġixxu skont il-proċedura leġiżlattiva ordinarja,

Billi:

ò ġdid

(1)Ir-Regolament tal-Kunsill (KE) Nru 91/2003 6 ġie emendat diversi drabi b'mod sostanzjali 7 . Peress li jeħtieġ li jsiru iktar emendi, dak ir-Regolament għandu jiġi riformulat għal iktar ċarezza.

ê 91/2003 premessa 1 (adattat)

(2)Il-ferroviji huma parti importanti fin-networks tat-trasport Ö tal-Unjoni Õ.

ê 91/2003 premessa 2

(3)L-istatistika dwar it-trasport tal-merkanzija u tal-passiġġieri bil-ferrovija hija neċessarja sabiex il-Kummissjoni tkun tista' timmonitorja u tiżviluppa l-politika ta' trasport komuni, kif ukoll l-elementi ta' trasport ta' dawk il-politiki li jirrigwardaw irreġjuni u n-netwerks transEwropej.

ê 91/2003 premessa 3

(4)L-istatistika dwar is-sikurezza ferrovjarja hija neċessarja wkoll sabiex il-Kummissjoni tkun tista' tħejji u timmonitorja l-azzjoni tal-Unjoni fil-qasam tas-sikurezza tattrasport. L-Aġenzija tal-Unjoni Ewropea għall-Ferroviji tiġbor data dwar linċidenti li jaqgħu taħt l-Anness I tad-Direttiva 2004/49/KE tal-Parlament Ewropew u tal-Kunsill 8 fir-rigward tal-indikaturi komuni tas-sigurtà u l-metodi komuni għallkalkolu tal-ispejjeż tal-inċidenti.

(5)L-istatistika at Ö fil-livell tal-Unjoni Õ dwar it-trasport bil-ferrovija hija meħtieġa ukoll sabiex twettaq il-kompiti tal-monitoraġġ stipulati fl-Artikolu 15 tadDirettiva 2012/34/KE tal-Parlament Ewropew u tal-Kunsill 9 .

ê 91/2003 premessa 5 (adattat)

(6)L-istatistika Ö fil-livell tal-Unjoni Õ dwar il-mezzi kollha tat-trasport għandha tinġabar skond kunċetti u standards komuni, bl-għan li jkun hemm paragunabbiltà prattika sħiħa kemm jista' jkun bejn il-mezzi tat-trasport.

ê 2016/2032 premessa 4

(7)Hu importanti li jiġi evitat ix-xogħol doppju u li jsir l-aħjar użu tal-informazzjoni eżistenti li tkun tista' tintuża għall-finijiet ta' statistika. Għal dak il-għan, u bil-ħsieb li tkun provduta informazzjoni faċilment aċċessibbli u utli għaċ-ċittadini tal-Unjoni u partijiet ikkonċernati oħra dwar is-sikurezza tat-trasport ferrovjarju u l-interoperabbiltà tas-sistema ferrovjarja, inklużi l-infrastruttura ferrovjarja, jenħtieġ li jiġu stabbiliti, bejn is-servizzi tal-Kummissjoni u l-entitajiet rilevanti, inkluż fil-livell internazzjonali, ftehimiet ta' kooperazzjoni adatti dwar l-attivitajiet ta' statistika.

ê 2016/2032 premessa 6

(8)Għandu jintlaħaq bilanċ bejn il-bżonnijiet tal-utenti u l-piż fuq ir-rispondenti meta tiġi prodotta statistika Ewropea.

ê 2016/2032 premessa 8

(9)Fir-rapport tagħha lill-Parlament Ewropew u lill-Kunsill dwar l-esperjenza tagħha miksuba fl-applikazzjoni tar-Regolament (KE) Nru 91/2003, il-Kummissjoni semmiet il-fatt li l-iżviluppi fuq terminu twil probabbilment iwasslu għas-soppressjoni jew issimplifikazzjoni tad-data diġà miġbura skont dak ir-Regolament, u li l-għan huwa li jitnaqqas il-perijodu ta' trażmissjoni tad-data għad-data annwali dwar il-passiġġieri bilferrovija. Il-Kummissjoni għandha tkompli tipprovdi rapporti f'intervalli regolari dwar l-implimentazzjoni ta'.dan ir-Regolament.

ê 91/2003 premessa 7

(10)Il-koeżistenza ta' impriżi ferrovjarji pubbliċi u privati li joperaw fis-suq tat-trasport kummerċjali bil-ferrovija jeħtieġ speċifikazzjoni espliċita dwar it-tagħrif statistiku li jenħtieġ li jkun ipprovdut mill-impriżi kollha tal-ferroviji u mxerred mill-Eurostat.

ê 91/2003 premessa 8 (adattat)

(11)Skond il-prinċipju tas-sussidjarjetà stabbilit fl-Artikolu 5 tat-Trattat Ö dwar l-Unjoni Ewropea Õ, il-ħolqien ta' standards statistiċi komuni li jippermettu li jkun hemm data armonizzata huwa possibbli li jsir biss fil-livell Ö tal-Unjoni Õ. Dawk listandards għandhom jiġu implimentati minn kull Stat Membru taħt l-awtorità talkorpi u listituzzjionijiet li huma responsabbli mill-istatistika uffiċjali.

ê 91/2003 premessa 9

(12)Ir-Regolament (KE) Nru 223/2009 tal-Parlament Ewropew u tal-Kunsill 10 , jipprovdi qafas ta' riferiment għad-dispożizzjonijiet stabbiliti f'dan ir-Regolament.

ê 2016/2032 premessa 10 (adattat)

(13)Sabiex jiġu riflessi l-iżviluppi l-ġodda fl-Istati Membri filwaqt li, fl-istess ħin, jinżamm il-ġbir armonizzat tad-data dwar it-trasport ferrovjarju fl-Unjoni kollha, u bilħsieb li tinżamm il-kwalità tajba tad-data mibgħuta mill-Istati Membri, is-setgħa li jiġu adottati atti f'konformità mal-Artikolu 290 tat-Trattat Ö dwar il-Funzjonament talUnjoni Ewropea Õ jenħtieġ li tiġi delegata lill-Kummissjoni fir-rigward talemendar ta' dan ir-Regolament biex jiġu adattati d-definizzjonijiet tekniċi u biex jiġu stabbiliti definizzjonijiet tekniċi addizzjonali. Hu ta' importanza partikolari li lKummissjoni twettaq konsultazzjonijiet adatti waqt il-ħidma preparatorja tagħha, inkluż fil-livell tal-esperti, u li dawk il-konsultazzjonijiet jitwettqu f'konformità malprinċipji stabbiliti fil-Ftehim Interistituzzjonali tat-13 ta' April 2016 dwar it-Tfassil Aħjar tal-Liġijiet 11 . B'mod partikolari, biex tiġi żgurata parteċipazzjoni ugwali fittħejjija ta' atti delegati, il-Parlament Ewropew u l-Kunsill jirċievu d-dokumenti kollha fl-istess ħin li jirċevuhom l-esperti tal-Istati Membri, u l-esperti tagħhom ikollhom aċċess sistematiku għal-laqgħat tal-gruppi tal-esperti tal-Kummissjoni li jittrattaw ittħejjija ta' atti delegati.

ê 2016/2032 premessa 11

(14)Jentħieġ li l-Kummissjoni tiżgura li dawk l-atti delegati ma jimponux piż amministrattiv addizzjonali sinifikanti fuq l-Istati Membri jew fuq ir-rispondenti.

ê 2016/2032 premessa 12

(15)Sabiex ikun żgurat li jkun hemm kondizzjonijiet uniformi għall-implimentazzjoni ta' dan ir-Regolament, jenħtieġ li jingħataw setgħat ta' implimentazzjoni lill-Kummissjoni fir-rigward tal-ispeċifikazzjoni tal-informazzjoni li għandha tingħata għar-rapporti dwar il-kwalità u l-komparabbiltà tar-riżultati, u l-arranġamenti għat-tixrid ta' dawk irriżultati mill-Kummissjoni (Eurostat). Dawk is-setgħat jenħtieġ li jkunu eżerċitati f'konformità mar-Regolament (UE) Nru 182/2011 tal-Parlament Ewropew u talKunsill 12 .

ê 2016/2032/ premessa 13

(16)Il-Kumitat tas-Sistema Ewropea tal-Istatistika ġie kkonsultat,

ê 91/2003 (adattat)

ADOTTAW DAN IR-REGOLAMENT:

Artikolu 1

L-għan

L-għan ta' dan ir-Regolament huwa li jistabbilixxi regoli komuni għat-tħejjija tal-istatistika tat-trasport bil-ferrovija Ö fil-livell tal-Unjoni Õ.

Artikolu 2

Kamp ta' applikazzjoni

Dan ir-Regolament għandu jkopri l-ferroviji kollha fil- Ö fl-Unjoni Õ. Kull Stat Membru għandu jirrapporta l-istatistika li għandha x'taqsam mat-trasport bil-ferrovija fit-territorju nazzjonali tiegħu. Meta impriża tal-ferroviji topera f'iktar minn Stat Membru wieħed, lawtoritajiet nazzjonali interessati għandhom jeħtieġu li l-impriża tipprovdi d-data b'mod separat għal kull pajjiż li topera fih sabiex tkun tista' tinġbar l-istatistika nazzjonali.

L-Istati Membri jistgħu jeskludu mill-iskop ta' dan ir-Regolament:

(a)l-impriżi tal-ferroviji li joperaw fl-intier tagħhom jew fil-biċċa l-kbira ġewwa installazzjonijiet industrijali u f'oħrajn bħalhom, inklużi l-portijiet;

(b)l-impriżi tal-ferroviji li jipprovdu prinċipalment servizzi turistiċi lokali, bħalma huma l-ferroviji storiċi tal-istim miżmuma tajjeb.

Artikolu 3

Definizzjonijiet

ê 1192/2003 Art. 1.1. (adattat)

1. Għall-għanijiet ta' dan ir-Regolament, għandhom japplikaw id-definizzjonijiet li ġejjin:

(1)“pajjiż li jirrapporta” ifisser l-Istat Membru li jittrasmetti data lill-Eurostat;

(2)“awtoritajiet nazzjonali” ifissru istituti nazzjonali tal-istatistika u korpi oħra responsabbli f'kull Stat Membru biex jipproduċu statistiċi tal- Ö Ewropej Õ;

(3)“ferrovija” tfisser linja ta' komunikazzjoni magħmula minn binarji esklussivament għall-użu ta' vetturi tal-ferrovija;

(4)“vettura tal-ferrovija” tfisser tagħmir mobbli li jopera esklussivament fuq il-binarji, li jimxi bis-saħħa tiegħu stess (vetturi tractive) jew li jinġibed minn vettura oħra (karozzi tal-linja privati, karrijiet tar-railcar, vannijiet u vaguni);

(5)“impriża ferrovjarja” tfisser kwalunkwe impriża pubblika jew privata li tipprovdi servizzi għat-trasport ta' merkanzija u/jew passiġġieri fuq il-binarji. Impriżi li nnegozju tagħhom huwa biss li jipprovdu servizzi għat-trasport ta' passiġġieri bilmetro, tram u/jew light rail huma esklużi;

(6)“trasport ta merkanzija bil-ferrovija” ifisser il-moviment ta' merkanzija permezz ta' vetturi tal-ferrovija bejn il-post ta' tagħbija u l-post tal-ħatt;

(7)“trasport ta' passiġġieri bil-ferrovija” ifisser il-moviment ta' passiġġieri permezz ta' vetturi tal-ferrovija bejn il-post tal-imbark u l-post tal-iżbark. It-trasport ta' passiġġieri bil-metro, tram u/jew light rail huwa eskluż;

(8)"metro" (magħruf ukoll bħala “subway”, “linja tal-ferrovija metropolitana” jew “sotterran”) tfisser linja tal-ferrovija tal-elettriku għat-trasport ta' passiġġieri b'kapaċita ta' volum kbir ta' traffiku u karatterizzata permezz ta' drittijiet ta' mogħdija esklussivi, ferroviji b'ħafna vaguni, aċċellerazzjoni b'veloċita għolja u rapida, sinjalar sofistikat kif ukoll l-assenza ta' qsim tal-linja fuq livell wieħed biex tiġi permessa frekwenza għolja ta' ferroviji u tagħbija kbira ta' pjattaforma. Il-metros huma karatterizzati wkoll minn stazzjonijiet viċin xulxin, li normalment ifisser distanza ta' 700 sa 1 200 m bejn l-istazzjonijiet. “Veloċita għolja” tirreferi għall-paragun ma' trammijiet u light rail, u tfisser hawnhekk approssimament 30 sa 40 km/h fuq distanzi iqsar, 40 sa 70 km/h fuq distanzi itwal;

(9)“tram (streetcar)” tfisser vettura tat-triq tal-passiġġieri disinjata biex joqogħdu aktar minn disa' persuni (inkluż is-sewwieq), li hija konnessa ma' kondutturi tal-elettriku jew taħdem permezz ta' magna tad-diesel u li timxi fuq il-binarji;

(10)“light rail” tfisser ferrovija għat-trasport ta' passiġġieri li ħafna drabi tuża karozzi li jimxu fuq il-binarji li jaħdmu bl-elettriku li joperaw weħidhom jew f'ferroviji qosra fuq linji b'żewġ binarji fissi. Ġeneralment ikun hemm distanza ta' inqas minn 1 200 m bejn l-istazzjonijiet/waqfiet. Meta mqabbel ma' metros, il-light rail huwa mibni b'mod aktar ħafif, huwa disinjat għal volumi ta' traffiku iżgħar u normalment jivvjaġġa b'inqas veloċità. Huwa xi kultant diffiċli li ssir distinzjoni preċiża bejn light rail u trammijiet; it-trammijiet ġeneralment mhumiex mifruda mit-traffiku tat-triq, filwaqt li light rail jista' jiġi mifrud minn sistemi oħra;

(11)“trasport nazzjonali” tfisser trasport bil-ferrovija bejn żewġ postijiet (post ta' tagħbija u imbark u post ta' ħatt/żbark) lokalizzat fil-pajjiż li jirrapporta. Jista' jinvolvi transitu f'pajjiż ieħor;

(12)“trasport internazzjonali” tfisser trasport bil-ferrovija bejn post (ta' tagħbija/imbark jew ta' ħatt/żbark) fil-pajjiż li qed jirrapporta u post (ta' tagħbija/imbark jew ta' ħatt/żbark) f'pajjiż ieħor;

(13)“transitu” ifisser trasport bil-ferrovija li jgħaddi mill-pajjiż li qed jirrapporta bejn żewġ postijiet (post ta' tagħbija u imbark u post ta' ħatt/żbark) li jinstabu barra millpajjiż li jirrapporta. Operazzjonijiet ta' trasport li jinvolvu tagħbija/imbark jew ħatt/żbark ta' merkanzija/passiġġieri fil-fruntiera tal-pajjiż li qed jirrapporta minn/fuq mod ieħor ta' trasport mhumiex meqjusa bħala transitu;

(14)“passiġġier tal-ferrovija” tfisser kull persuna, minbarra membri ta'l-ekwipaġġ talferrovija, li jagħmel vjaġġ bil-ferrovija. Għal statistika ta' inċidenti, passiġġieri li jipprovaw jimbarkaw/jiżbarkaw fuq/minn fuq ferrovija li qed timxi huma inklużi;

(15)“numru ta' passiġġieri” tfisser l-għadd ta' vjaġġi minn passiġġieri tal-ferrovija, fejn kull vjaġġ huwa definit bħala l-moviment minn post ta' imbark sal-post tal-iżbark, bi trasferimenti jew mingħajr trasferimenti minn vettura waħda tal-ferrovija għal fuq oħra. Jekk passiġġieri jużaw is-servizzi ta' aktar minn impriża waħda tal-ferrovija, fejn ikun possibbli ma jiġux magħduda aktar minn darba;

(16)“passiġġier-kilometru” tfisser l-unità ta' miżuri li tirrappreżenta t-trasport ta' passiġġier wieħed permezz tal-ferrovija fuq distanza ta' kilometru wieħed. Għandha titqies biss id-distanza fit-territorju nazzjonali tal-pajjiż li qed jirrapporta;

(17)“piż" tfisser il-kwantità ta' merkanzija espressa f'tunnellati (1 000 kilogramma). Il-piż li jrid jitqies jinkludi, b'żieda mal-piż tal-merkanzija trasportata, il-piż tal-materjal użat għall-ipakkjar u t-toqol tare ta” kontenituri, swap bodies, sodod ċatti tal-injam (pallets) kif ukoll vetturi tat-triq trasportati bil-ferrovija matul il-kors ta' operati ta' trasport kombinati. Jekk il-merkanzija hija trasportata permezz tas-servizzi ta' aktar minn impriża waħda tal-ferrovija, meta jkun possibbli t-toqol ta' merkanzija ma tiġix magħduda aktar minn darba;

(18)“tunnellata mettrika-kilometru” tfisser l-unità ta' miżura ta' trasport ta' merkanzija li tirrappreżenta t-trasport ta' tunnellata mettrika waħda (1 000 kilogramma) ta' merkanzija permezz tal-ferrovija fuq distanza ta' kilometru wieħed. Għandha titqies biss id-distanza fit-territorju nazzjonali tal-pajjiż li qed jirrapporta;

(19)“tren” tfisser vettura waħda jew aktar tal-ferrovija li jinġibdu minn lokomottiva jew railcar waħda jew aktar li tivvjaġġa waħedha, li topera skond numru prestabbilit jew indikat speċifikament minn punt inizjali fiss sa punt terminali fiss. Lokomottiva żgħira, jiġifieri lokomottiva li tivvjaġġa waħedha, mhijiex meqjusa tren;

(20)“tren-kilometru” tfisser l-unità ta' miżura li tirrappreżenta l-moviment ta' tren fuq kilometru wieħed. Id-distanza wżata hija d-distanza li tkun attwalment imxiet, jekk disponibbli, inkella d-distanza tan-network stabbilita bejn l-oriġini u d-destinazzjoni għandha tintuża. Għandha titqies biss id-distanza fit-territorju nazzjonali tal-pajjiż li qed jirrapporta;

(21)“tagħbija sħiħa tal-ferrovija” tfisser kull kunsinja li tikkomprendi tagħbija ta' vagun waħda jew aktar trasportati fl-istess ħin minn l-istess mittent (sender) fl-istess stazzjon u tintbagħat mingħajr l-ebda bidla fil-komposizzjoni tat-tren lill-indirizz talistess destinatarju fl-istess stazzjon tad-destinazzjoni;

(22)“tagħbija sħiħa tal-vagun” tfisser kull kunsinja ta' merkanzija għal liema l-użu esklussiv ta' vagun huwa meħtieġ, kemm jekk il-kapaċita totali ta' tagħgija hija utilizzata jew le;

(23)“UEG (Unità Ekwivalenti ta' Għoxrin-pied)” tfisser unità standard ibbażata fuq kontenitur ISO twil 20 pied (6.10 m), użata bħala miżura tal-istatistika tal-fluss tattraffiku jew kapaċitajiet. Kontenitur wieħed standard 40' ISO Serje 1 huwa ugwali għal żewġ UEG. Swap bodies ta' inqas minn 20 pied huma ekwivalenti għal 0,75 UEG, bejn 20 pied u 40 pied għal 1,5 UEG u aktar minn 40 pied għal 2,25 UEG.

ê 2032/2016 Art. 1.1.(b)

2. Il-Kummissjoni hija mogħtija s-setgħa li tadotta atti delegati f'konformità malArtikolu 10 rigward l-emendar ta' dan l-Artikolu sabiex tadatta d-definizzjonijiet tekniċi li jinsabu filpunti 8, 9 10, 21, 22 u 23 tal-paragrafu 1, u tipprevedi definizzjonijiet tekniċi addizzjonali meta jkun meħtieġ biex jitqiesu żviluppi ġodda li jirrikjedu d-definizzjoni ta' ċertu livell ta' dettall tekniku sabiex tiġi żgurata l-armonizzazzjoni tal-istatistika.

Meta teżerċita dik is-setgħa, il-Kummissjoni għandha tiżgura li l-atti delegati ma jimponux piż amministrattiv addizzjonali sinifikanti fuq l-Istati Membri jew fuq ir-rispondenti. Barra minn hekk, il-Kummissjoni għandha tiġġustifika debitament l-azzjonijiet statistiċi previsti f'dawk l-atti delegati, bl-użu, fejn adatt, ta' analiżi tal-kosteffettività, inkluż valutazzjoni talpiż fuq ir-rispondenti u tal-ispejjeż tal-produzzjoni, kif imsemmi fl-Artikolu 14(3)(c) tarRegolament (KE) Nru 223/2009.

ê 91/2003

Artikolu 4

Il-ġbir ta' data

1. L-istatistiċi li jridu jinġabru huma stabbiliti fl-Annessi ma' dan ir-Regolament. Għandhom ikopru t-tipi ta' data li ġejjin:

(a)l-istatistiċi annwali dwar it-trasport tal-merkanzija – rappurtaġġ iddettaljat (lAnness I);

ê 91/2003

(b)l-istatistiċi annwali dwar it-trasport tal-passiġġieri – rappurtaġġ iddettaljat (lAnness II);

ê 91/2003

(ċ)l-istatistiċi ta' kull tliet xhur dwar it-trasport tal-merkanzija u tal-passiġġieri (lAnness III);

(d)l-istatistiċi reġjonali dwar it-trasport tal-merkanzija u l-passiġġieri (l-Anness IV);

(e)l-istatistiċi dwar il-fluss tat-traffiku fuq in-network tal-ferroviji (l-Anness V).

ê 2032/2016 Art. 1.2(b)

2. L-Istati Membri għandhom jirrapportaw skont l-Annessi I u II d-data dwar impriżi li għandhom:

(a)volum totali ta' trasport ta' merkanzija ta' mill-anqas 200 000 000 tunnellata mettrika-kilometrujew mill-anqas 500 000 tunnellata;

(b)volum totali ta' trasport ta' passiġġieri ta' mill-anqas 100 000 000 passiġġier-km.

Ir-rapportar taħt l-Annessi I u II għandu jkun fakultattiv fir-rigward ta' impriżi li jaqgħu taħt il-livelli limitu msemmija fil-punti (a) u (b).

ê 2032/2016 Art. 1.2(c)

3. L-Istati Membri għandhom jirrapportaw skont l-Anness VIII id-data kollha għall-impriżi li jaqgħu taħt il-limit msemmija fil-paragrafu 2 jekk dik id-data ma tiġix irrapportata skont lAnnessi I u II, kif speċifikat fl-Anness VIII.

ê 91/2003

4. Għall-għanijiet ta' dan ir-Regolament, il-merkanzija għandha tiġi kklassifikata skond lAnness VI. Il-merkanzija perikoluża għandha tiġi kklassifikata wkoll skond l-Anness VII.

ê 219/2009Art. 1 u Anness 4(4)

5.    Il-kontenut tal-Annessi jista' jiġi adattat mill-Kummissjoni. Dawk il-miżuri, mfassla biex jemendaw l-elementi mhux essenzjali ta' dan ir-Regolament, għandhom jiġu adottati skont il-proċedura regolatorja bi skrutinju msemmija fl-Artikolu 11(3).

ê 91/2003

Artikolu 5

L-għejun tad-data

1. L-Istati Membri għandhom jinnominaw organizzazzjoni pubblika jew privata sabiex tieħu sehem fil-ġbir tad-data meħtieġa skont dan ir-Regolament.

2. Id-data meħtieġa tista' tinkiseb bl-użu ta' kwalunkwe kumbinazzjoni tal-għejun li ġejjin:

(a)l-istħarriġiet obbigatorji;

ê 2016/2032 Art. 1.3

(b)data amministrattiva, li tinkludi d-data miġbura mill-awtoritajiet regolatorji, b'mod partikolari l-polza tat-tagħbija tal-merkanzija ferrovjarja jekk tkun disponibbli;

ê 91/2003 (adattat)

(c)il-proċeduri ta' stimi msejsa fuq statistika;

(d)id-data pprovduta mill-organizzazzjonijiet professjonali fl-industrija tal-ferroviji;

(e)studji ad hoc.

3. L-awtoritajiet Ö nazzjonali Õ għandhom jieħdu miżuri sabiex jikkoordinaw lgħejun taddata użati u sabiex jiżguraw il-kwalità tal-istatistika mibgħuta lill-Eurostat.

Artikolu 6

It-trasmissjoni tal-istatistika lill-Eurostat

1. L-Istati Membri għandhom jibgħatu lill-Eurostat l-istatistika msemmija fl-Artikolu 4.

2. L-arranġamenti biex titbagħat l-istatistika msemmija fl-Artikolu 4 għandhom jiġu stabbiliti skond il-proċedura Ö ta' eżami Õ msemmija fl-Artikolu 11(2).

ê 2016/2032 Art. 1.4

Artikolu 7

Tixrid

L-istatistika bbażata fuq id-data speċifikata fl-Annessi I sa V, u VIII għandha tiġi mxerrda mill-Kummissjoni (Eurostat).

Il-Kummissjoni għandha tadotta atti ta' implimentazzjoni li jistabbilixxu l-arranġamenti għattixrid tar-riżultati. Dawk l-atti ta' implimentazzjoni għandhom jiġu adottati f'konformità malproċedura ta' eżami msemmija fl-Artikolu 11(2).

ê 91/2003 (adattat)

Artikolu 8

Il-kwalità tal-istatistika

1. Sabiex jgħin lill-Istati Membri jżommu l-livell ta' kwalità fl-istatistika fl-isfera tal-kontroll tat-trasport bil-ferrovija, l-Eurostat għandha tiżviluppa u tippubblika rakkommandazzjonijiet metodoloġiċi. Dawk ir-rakkommandazzjonijiet għandhom iqisu laħjar Ö prattiki Õ talawtoritajiet nazzjonali, tal-impriżi tal-ferroviji u talorganizzazzjonijiet professjonali tal-industrija tal-ferroviji.

ê 2016/2032 Art. 1.5(a)

2. L-Istati Membri għandhom jieħdu l-miżuri kollha meħtieġa sabiex jiżguraw il-kwalità taddata mibgħuta.

ê 91/2003 (adattat)

3. Il-kwalità tad data statistika għandha tiġi vvalutata mill-Eurostat. Għal dak il-għan, fuq talba mill-Eurostat, l-Istati Membri għandhom Ö jipprovdu Õ tagħrif dwar il-metodi użati fit-tħejjija tal-istatistika.

ê 2016/2032 Art. 1.5(b)

4. Għall-għanijiet ta' dan ir-Regolament, il-kriterji ta' kwalità li għandhom jiġu applikati għaddata li għandha tintbagħat huma dawk imsemmija fl-Artikolu 12(1) tar-Regolament (KE) Nru 223/2009.

5. Il-Kummissjoni għandha tadotta atti ta' implimentazzjoni li jispeċifikaw larranġamenti dettaljati, l-istruttura, il-perjodiċità u l-elementi ta' komparabbiltà għar-rapporti ta' kwalità standard. Dawk l-atti ta' implimentazzjoni għandhom jiġu adottati f'konformità mal-proċedura ta' eżami msemmija fl-Artikolu 11(2).

ê 2016/2032 Art. 1.6

Artikolu 9

Rapporti dwar l-implimentazzjoni

Sal-31 ta' Diċembru 2020 u kull erba' snin wara dan, il-Kummissjoni, wara li tikkonsulta mal-Kumitat tas-Sistema Ewropea tal-Istatistika, għandha tippreżenta rapport lill-Parlament Ewropew u lill-Kunsill dwar l-implimentazzjoni ta' dan ir-Regolament u dwar żviluppi futuri.

F'dak ir-rapport, il-Kummissjoni għandha tqis l-informazzjoni rilevanti provduta mill-Istati Membri li tirrigwarda l-kwalità tad-data mibgħuta, il-metodi li jintużaw għall-ġbir tad-data u informazzjoni dwar il-potenzjal għal titjib u dwar il-ħtiġijiet tal-utenti.

B'mod partikolari, dak ir-rapport għandu:

(a)jivvaluta l-benefiċċji għall-Unjoni, għall-Istati Membri u għall-fornituri u l-utenti tattagħrif statistiku, tal-istatistika mħejjija, meta mqabbla mal-ispejjeż tagħhom;

(b)jivvaluta l-kwalità tad-data mibgħuta, il-metodi użati għall-ġbir taddata u l-kwalità tal-istatistika prodotta.

ê 2016/2032 Art. 1.7

Artikolu 10

Eżerċizzju tad-delega

1. Is-setgħa ta' adozzjoni ta' atti delegati hija mogħtija lill-Kummissjoni suġġett għallkondizzjonijiet stipulati f'dan l-Artikolu.

2. Is-setgħa ta' adozzjoni ta' atti delegati msemmija fl-Artikolu 3(2) għandha tingħata lillKummissjoni għal perijodu ta' ħames snin mit-13 ta' Diċembru 2016. Il-Kummissjoni għandha tfassal rapport fir-rigward tad-delega tas-setgħa mhux aktar tard minn disa' xhur qabel tmiem il-perijodu ta' ħames snin. Id-delega ta' setgħa għandha tiġi estiża awtomatikament għal perijodi ta' żmien identiċi, ħlief jekk il-Parlament Ewropew jew ilKunsill joġġezzjonaw għal dik l-estensjoni mhux aktar tard minn tliet xhur qabel it-tmiem ta' kull perijodu.

3. Id-delega ta' setgħa msemmija fl-Artikolu 3(2) tista' tiġi revokata fi kwalunkwe mument mill-Parlament Ewropew jew mill-Kunsill. Deċiżjoni ta' revoka għandha ttemm iddelega tassetgħa speċifikata f'dik id-deċiżjoni. Din għandha ssir effettiva fil-jum wara dak talpubblikazzjoni tad-deċiżjoni f'Il-Ġurnal Uffiċjali tal-Unjoni Ewropea jew f'data aktar tard speċifikata fiha. Din ma għandhiex taffettwa l-validità ta' kwalunkwe att delegat diġà fis-seħħ.

4. Qabel ma' tadotta att delegat, il-Kummissjoni għandha tikkonsulta esperti nominati minn kull Stat Membru f'konformità mal-prinċipji stabbiliti fil-Ftehim Interistituzzjonali dwar itTfassil Aħjar tal-Liġijiet tat-13 ta' April 2016.

5. Hekk kif tadotta att delegat, il-Kummissjoni għandha tinnotifikah simultanjament lillParlament Ewropew u lill-Kunsill.

6. Att delegat adottat skont l-Artikolu 3(2) għandu jidħol fis-seħħ biss jekk ma tiġix espressa oġġezzjoni mill-Parlament Ewropew jew mill-Kunsill fi żmien xahrejn min-notifika ta' dak latt lill-Parlament Ewropew u lill-Kunsill jew jekk, qabel ma jiskadi' dak il-perijodu, ilParlament Ewropew u l-Kunsill ikunu t-tnejn infurmaw lill-Kummissjoni li mhux ser joġġezzjonaw. Dak il-perijodu għandu jiġi estiż b'xahrejn fuq inizjattiva tal-Parlament Ewropew jew il-Kunsill.

ê 2016/2032 Art. 1.8

Artikolu 11

Proċedura ta' kumitat

1. Il-Kummissjoni għandha tiġi assistita mill-Kumitat tas-Sistema Ewropea tal-Istatistika stabbilit bir-Regolament (KE) Nru 223/2009. Dak il-kumitat għandu jkun kumitat fis-sens tarRegolament (UE) Nru 182/2011.

2. Fejn issir referenza għal dan il-paragrafu, għandu japplika l-Artikolu 5 tar-Regolament (UE) Nru 182/2011.

Artikolu 12

Tħassir

Ir-Regolament (KE) Nru 91/2003 huwa mħassar.

Ir-referenzi għar-Regolament imħassar għandhom jinfthemu bħala referenzi għal dan irRegolament u għandhom jinqraw skont it-tabella ta' korrelazzjoni fl-Anness X.

ê 91/2003 (adattat)

Artikolu 13

Id-dħul fis-seħħ

Dan ir-Regolament għandu jidħol fis-seħħ fl-Ö għoxrin Õ jum wara dak talpubblikazzjoni tiegħu fil-Ġurnal Uffiċjali tal- Ö Unjoni Ewropea Õ.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell,

(1) COM(87) 868 PV.

(2) Ara l-Anness 3 tal-Parti A tal-Konklużjonijiet.

(3) Imdaħħal fil-programm leġiżlattiv għall-2017.

(4) Ara l-Anness IX ta' din il-proposta.

(5) ĠU C […], […], p. […].

(6) Ir-Regolament (KE) Nru 91/2003 tal-Parlament Ewropew u tal-Kunsill tas-16 ta' Diċembru 2002 dwar l-istatistika tat-trasport bil-ferrovija (ĠU L 14, 21.1.2003, p. 1).

(7) Ara l-Anness IX.

(8) Id-Direttiva 2004/49/KE tal-Parlament Ewropew u tal-Kunsill tad-29 ta' April 2004 fuq is-sigurtà tallinji tal-ferrovija tal-Komunità u li temenda d-Direttiva tal-Kunsill 95/18/KE fuq l-għoti tal-liċenzi ta' l-impriżi tal-linji tal-ferrovija u d-Direttiva 2001/14/KE fuq l-allokazzjoni tal-kapaċità ta' linfrastruttura tal-linji tal-ferrovija u l-intaxxar tal-piżijiet għall-użu ta' l-infrastruttura tal-linji talferrovija u ċ-ċertifikazzjoni tas-sigurtà (Id-Direttiva tas-Sigurtà Tal-Linji tal-Ferrovija) (ĠU L 164, 30.4.2004, p. 44).

(9) Direttiva 2012/34/UE tal-Parlament Ewropew u tal-Kunsill tal- 21 ta' Novembru 2012 li tistabbilixxi żona ferrovjarja unika Ewropea Test b’relevanza għaż-ŻEE (ĠU L 343, 14.12.2012, p. 32).

(10) Regolament (KE) Nru 223/2009 tal-Parlament Ewropew u tal-Kunsill tal- 11 ta' Marzu 2009 dwar lIstatistika Ewropea u li jħassar ir-Regolament (Euratom, KE) Nru 1101/2008 tal-Parlament Ewropew u tal-Kunsill dwar it-trażmissjoni ta' data suġġetta għall-kunfidenzjalità statistika lill-Uffiċċju talIstatistika tal-Komunitajiet Ewropej, ir-Regolament tal-Kunsill (KE) Nru 322/97 u d-Deċiżjoni talKunsill 89/382/KEE, Euratom li tistabbilixxi Kumitat dwar il-Programmi tal-Istatistika talKomunitajiet Ewropej (ĠU L 87, 31.3.2009, p. 164).

(11) (ĠU L 123, 12.5.2016, p. 1).

(12) Regolament (UE) Nru 182/2011 tal-Parlament Ewropew u tal-Kunsill tas-16 ta’ Frar 2011 li jistabbilixxi r-regoli u l-prinċipji ġenerali dwar il-modalitajiet ta’ kontroll mill-Istati Membri tależerċizzju mill-Kummissjoni tas-setgħat ta’ implimentazzjoni (ĠU L 55, 28.2.2011, p. 13).

IL-KUMMISSJONI EWROPEA

Brussell, 30.6.2017

COM(2017) 353 final

ANNESSI

Proposta għal

REGOLAMENT TAL-PARLAMENT EWROPEW U TAL-KUNSILL

dwar l-istatistika tat-trasport bil-ferrovija (Riformulazzjoni)

ê 91/2003

ANNESS I

_____________

ê 2016/2032 Art. 1.11 u Anness I

ANNESS II

_____________

ê 91/2003

ANNESS III

_____________

ANNESS IV

_____________

ANNESS V

_____________

ê 1304/2007 Art. 3 u Anness

ANNESS VI

NST 2007

_____________

ê 91/2003

ANNESS VII

IL-KLASSIFIKA TAL-MERKANZIJA PERIKOLUŻA

1.    L-isplussivi

2.    Il-gassijiet, ikkompressati, likwefatti jew maħlula taħt il-pressa

3.    Il-likwidi fjammabbli

4.1.    Is-solidi fjammabbli

4.2.    Is-sustanzi li jistgħu jaqbdu b'mod spontanju

4.3.    Is-sustanzi li jtajru gassijiet fjammabbli mal-kuntatt mal-ilma

5.1.    Is-sustanzi tal-ossidazzjoni

5.2.    Il-perossidi organiċi

6.1.    Is-sustanzi tossiċi

6.2.    Is-sustanzi suġġetti li jikkaġunaw infezzjonijiet

7.    Il-materjal radjoattiv

8.    Il-materjali korrużivi

9.    Sustanzi mixellanji oħra perikolużi

Nota:

Dawn il-kategoriji huma dawk iddefiniti fir-regolamenti li jirrigwardaw it-trasport internazzjonali ta' oġġetti perikolużi bil-ferrovija, is-soltu magħrufa bħala r-RID, kif adottati skont id-Direttiva 2008/68/KE tal-Parlament Ewropew u tal-Kunsill 1 .

_____________

ê 2016/2032 Art. 1.12 u Anness II

ANNESS VIII

_____________

é 

ANNESS IX

Ir-Regolament imħassar b'lista tal-emendi suċċessivi tiegħu

_____________

ANNESS X

Tabella ta' korrelazzjoni

_____________

(1) Direttiva 2008/68/KE tal-Parlament Ewropew u tal-Kunsill tal-24 ta’ Settembru 2008 dwar it-trasport intern ta’ oġġetti perikolużi (ĠU L 260, 30.9.2008, p. 13).