This document is an excerpt from the EUR-Lex website
Document 32023D2700
Council Decision (CFSP) 2023/2700 of 4 December 2023 amending Decision (CFSP) 2020/1515 establishing a European Security and Defence College
Deċiżjoni tal-Kunsill (PESK) 2023/2700 tal-4 ta’ Diċembru 2023 li temenda d-Deċiżjoni (PESK) 2020/1515 li tistabbilixxi Kulleġġ Ewropew ta’ Sigurtà u ta’ Difiża
Deċiżjoni tal-Kunsill (PESK) 2023/2700 tal-4 ta’ Diċembru 2023 li temenda d-Deċiżjoni (PESK) 2020/1515 li tistabbilixxi Kulleġġ Ewropew ta’ Sigurtà u ta’ Difiża
ST/15374/2023/INIT
ĠU L, 2023/2700, 5.12.2023, ELI: http://data.europa.eu/eli/dec/2023/2700/oj (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
No longer in force, Date of end of validity: 08/12/2024; Impliċitament imħassar minn 32024D3116
|
Il-Ġurnal Uffiċjali |
MT Serje L |
|
2023/2700 |
5.12.2023 |
DEĊIŻJONI TAL-KUNSILL (PESK) 2023/2700
tal-4 ta’ Diċembru 2023
li temenda d-Deċiżjoni (PESK) 2020/1515 li tistabbilixxi Kulleġġ Ewropew ta’ Sigurtà u ta’ Difiża
IL-KUNSILL TAL-UNJONI EWROPEA,
Wara li kkunsidra t-Trattat dwar l-Unjoni Ewropea, u b’mod partikolari l-Artikoli 28(1) u 42(4) tiegħu,
Wara li kkunsidra l-proposta mir-Rappreżentant Għoli tal-Unjoni għall-Affarijiet Barranin u l-Politika ta’ Sigurtà,
Billi:
|
(1) |
Fid-19 ta’ Ottubru 2020, il-Kunsill adotta d-Deċiżjoni (PESK) 2020/1515 (1). |
|
(2) |
Il-Kulleġġ Ewropew ta’ Sigurtà u ta’ Difiża (KESD) espanda l-attivitajiet tiegħu b’mod sinifikanti f’dawn l-aħħar snin u jospita għadd akbar ta’ esperti nazzjonali ssekondati miegħu mill-Istati Membri, wara bosta talbiet għal attivitajiet ġodda ta’ taħriġ u edukazzjoni. |
|
(3) |
Il-KESD jeħtieġ li jsaħħaħ l-istruttura ta’ appoġġ amministrattiv tiegħu kif xieraq, inkluż sabiex jiżgura aktar operazzjonalizzazzjoni tiegħu sabiex jilħaq l-objettivi tiegħu. |
|
(4) |
Jenħtieġ li jiġi stabbilit ammont ta’ referenza finanzjarja ġdid għall-perjodu mill-1 ta’ Jannar 2024 sal-31 ta’ Diċembru 2024. |
|
(5) |
Għalhekk jenħtieġ li d-Deċiżjoni (PESK) 2020/1515 tiġi emendata skont dan, |
ADOTTA DIN ID-DEĊIŻJONI:
Artikolu 1
L-Artikolu 16 tad-Deċiżjoni (PESK) 2020/1515 huwa sostitwit b’dan li ġej:
“Artikolu 16
Kontribuzzjoni mill-baġit ġenerali tal-Unjoni Ewropea
1. Il-KESD għandu jirċievi kontribuzzjoni annwali jew pluriennali mill-baġit ġenerali tal-Unjoni Ewropea. Dik il-kontribuzzjoni tista’ tkopri, b’mod partikolari, l-ispejjeż ta’:
|
(a) |
l-appoġġ għall-attivitajiet ta’ taħriġ u edukazzjoni; |
|
(b) |
esperti nazzjonali ssekondati mill-Istati Membri mal-KESD; |
|
(c) |
sa erba’ membri tal-persunal kuntrattwali impjegati mill-KESD jew issekondati mis-SEAE mal-KESD, fuq talba tal-Kap tal-KESD u soġġett għall-approvazzjoni tal-Kumitat ta’ Tmexxija tal-KESD; għall-fini tal-issekondar tiegħu lill-KESD, il-persunal kuntrattwali ssekondat mis-SEAE għandu jkun impjegat skont il-Kundizzjonijiet tal-Impjieg ta’ Aġenti Oħra tal-Unjoni Ewropea stipulati fir-Regolament tal-Kunsill (KEE, Euratom, KEFA) Nru 259/68. |
2. L-ammont ta’ referenza finanzjarja maħsub biex ikopri n-nefqa tal-KESD matul il-perjodu mill-1 ta’ Jannar 2024 sal-31 ta’ Diċembru 2024 għandu jkun ta’ EUR 2 933 304,01.
3. L-ammont ta’ referenza finanzjarja biex ikopri n-nefqa tal-KESD għal perjodi sussegwenti għandu jiġi deċiż mill-Kunsill.
4. Wara d-deċiżjoni mill-Kunsill imsemmija fil-paragrafi 2 u 3, għandu jiġi konkluż ftehim ta’ finanzjament bejn il-KESD u l-Kummissjoni.”.
Artikolu 2
Din id-Deċiżjoni għandha tidħol fis-seħħ fid-data tal-adozzjoni tagħha.
Magħmul fi Brussell, l-4 ta’ Diċembru 2023.
Għall-Kunsill
Il-President
O. PUENTE SANTIAGO
(1) Id-Deċiżjoni tal-Kunsill (PESK) 2020/1515 tad-19 ta’ Ottubru 2020 li tistabbilixxi Kulleġġ Ewropew ta’ Sigurtà u ta’ Difiża, u li tħassar id-Deċiżjoni (PESK) 2016/2382 (ĠU L 348, 20.10.2020, p. 1).
ELI: http://data.europa.eu/eli/dec/2023/2700/oj
ISSN 1977-074X (electronic edition)