This document is an excerpt from the EUR-Lex website
Document 32019R0324
Commission Implementing Regulation (EU) 2019/324 of 25 February 2019 amending Implementing Regulation (EU) No 540/2011 as regards the approval periods of the active substances bifenthrin, carboxin, FEN 560 (also called fenugreek or fenugreek seed powder), pepper dust extraction residue and sodium aluminium silicate (Text with EEA relevance.)
Regolament ta' Implimentazzjoni tal-Kummissjoni (UE) 2019/324 tal-25 ta' Frar 2019 li jemenda r-Regolament ta' Implimentazzjoni (UE) Nru 540/2011 fir-rigward tal-perjodi ta' approvazzjoni tas-sustanzi attivi bifentrin, karbossinu, FEN 560 (magħrufa wkoll bħala fienu jew żerriegħa tal-fienu mitħuna), ir-residwu tal-estrazzjoni tat-trab tal-bżar u l-aluminosilikat tas-sodju (Test b'rilevanza għaż-ŻEE.)
Regolament ta' Implimentazzjoni tal-Kummissjoni (UE) 2019/324 tal-25 ta' Frar 2019 li jemenda r-Regolament ta' Implimentazzjoni (UE) Nru 540/2011 fir-rigward tal-perjodi ta' approvazzjoni tas-sustanzi attivi bifentrin, karbossinu, FEN 560 (magħrufa wkoll bħala fienu jew żerriegħa tal-fienu mitħuna), ir-residwu tal-estrazzjoni tat-trab tal-bżar u l-aluminosilikat tas-sodju (Test b'rilevanza għaż-ŻEE.)
C/2019/1406
ĠU L 57, 26.2.2019, pp. 1–3
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
|
26.2.2019 |
MT |
Il-Ġurnal Uffiċjali tal-Unjoni Ewropea |
L 57/1 |
REGOLAMENT TA' IMPLIMENTAZZJONI TAL-KUMMISSJONI (UE) 2019/324
tal-25 ta' Frar 2019
li jemenda r-Regolament ta' Implimentazzjoni (UE) Nru 540/2011 fir-rigward tal-perjodi ta' approvazzjoni tas-sustanzi attivi bifentrin, karbossinu, FEN 560 (magħrufa wkoll bħala fienu jew żerriegħa tal-fienu mitħuna), ir-residwu tal-estrazzjoni tat-trab tal-bżar u l-aluminosilikat tas-sodju
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 1107/2009 tal-Parlament Ewropew u tal-Kunsill tal-21 ta' Ottubru 2009 dwar it-tqegħid fis-suq ta' prodotti għall-protezzjoni tal-pjanti u li jħassar id-Direttivi tal-Kunsill 79/117/KEE u 91/414/KEE (1), u b'mod partikolari l-ewwel paragrafu tal-Artikolu 17 tiegħu,
Billi:
|
(1) |
Il-Parti A tal-Anness tar-Regolament ta' Implimentazzjoni tal-Kummissjoni (UE) Nru 540/2011 (2) tistabbilixxi s-sustanzi attivi approvati skont ir-Regolament (KE) Nru 1107/2009. Il-Parti B tal-Anness tar-Regolament ta' Implimentazzjoni (UE) Nru 540/2011 tistabbilixxi s-sustanzi attivi approvati skont ir-Regolament (KE) Nru 1107/2009. |
|
(2) |
Il-perjodu ta' approvazzjoni tas-sustanza attiva bifentrin ġie estiż mil-31 ta' Lulju 2019 sal-31 ta' Lulju 2021 permezz tar-Regolament ta' Implimentazzjoni tal-Kummissjoni (UE) 2017/195 (3). |
|
(3) |
Il-perjodi ta' approvazzjoni tas-sustanzi attivi r-residwu tal-estrazzjoni tat-trab tal-bżar u l-aluminosilikat tas-sodju ġew estiżi mill-31 ta' Awwissu 2019 sal-31 ta' Awwissu 2020 permezz tar-Regolament ta' Implimentazzjoni (UE) 2017/195. |
|
(4) |
Il-perjodu ta' approvazzjoni għas-sustanza attiva karbossinu ġie estiż mill-31 ta' Mejju 2021 sal-31 ta' Mejju 2023 permezz tar-Regolament ta' Implimentazzjoni tal-Kummissjoni (UE) 2018/1266 (4). |
|
(5) |
Il-perjodu ta' approvazzjoni tas-sustanza attiva FEN 560 (magħrufa wkoll bħala fienu jew bħala żerriegħa tal-fienu mitħuna) ġie estiż mill-31 ta' Ottubru 2020 sal-31 ta' Ottubru 2021 permezz tar-Regolament ta' Implimentazzjoni tal-Kummissjoni (UE) 2018/184 (5). |
|
(6) |
L-applikazzjonijiet għat-tiġdid tal-approvazzjoni għas-sustanzi attivi bifentrin, karbossinu, FEN 560 (magħrufa wkoll bħala fienu jew bħala żerriegħa tal-fienu mitħuna), ir-residwu tal-estrazzjoni tat-trab tal-bżar u l-aluminosilikat tas-sodju ġew sottomessi skont l-Artikolu 1 tar-Regolament ta' Implimentazzjoni tal-Kummissjoni (UE) Nru 844/2012 (6). Madankollu, għar-residwu tal-estrazzjoni tat-trab tal-bżar u għall-aluminosilikat tas-sodju, ma tressqu l-ebda dossiers supplimentari b'appoġġ għat-tiġdid skont l-Artikolu 6 ta' dak ir-Regolament. Għall-bifentrin, għall-karbossinu, u għall-FEN 560 (magħrufa wkoll bħala fienu jew żerriegħa tal-fienu mitħuna), l-applikanti kkonfermaw li ma għadhomx jappoġġaw it-tiġdid tal-approvazzjoni tas-sustanzi attivi. |
|
(7) |
Fid-dawl tal-għan tal-ewwel paragrafu tal-Artikolu 17 tar-Regolament (KE) Nru 1107/2009, l-estensjonijiet tal-perjodi ta' approvazzjoni għal dawk is-sustanzi attivi, previsti fir-Regolamenti ta' Implimentazzjoni (UE) 2017/195, (UE) 2018/1266 u (UE) 2018/184, ma għadhomx iġġustifikati. Għalhekk jixraq li jiġi previst li l-approvazzjonijiet għall-bifentrin, għall-karbossinu, għall-FEN 560 (magħrufa wkoll bħala fienu jew bħala żerriegħa tal-fienu mitħuna), għar-residwu tal-estrazzjoni tat-trab tal-bżar u għall-aluminosilikat tas-sodju jiskadu fid-dati li fihom kienu se jiskadu mingħajr l-estensjoni. |
|
(8) |
Għaldaqstant, ir-Regolament ta' Implimentazzjoni (UE) Nru 540/2011 jenħtieġ li jiġi emendat skont dan. |
|
(9) |
Il-miżuri previsti f'dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DAN IR-REGOLAMENT:
Artikolu 1
L-Anness tar-Regolament ta' Implimentazzjoni (UE) Nru 540/2011 huwa emendat skont l-Anness ta' dan ir-Regolament.
Artikolu 2
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, il-25 ta' Frar 2019.
Għall-Kummissjoni
Il-President
Jean-Claude JUNCKER
(1) ĠU L 309, 24.11.2009, p. 1.
(2) Ir-Regolament ta' Implimentazzjoni tal-Kummissjoni (UE) Nru 540/2011 tal-25 ta' Mejju 2011 li jimplimenta r-Regolament (KE) Nru 1107/2009 tal-Parlament Ewropew u tal-Kunsill f'dak li għandu x'jaqsam mal-lista ta' sustanzi attivi approvati (ĠU L 153, 11.6.2011, p. 1).
(3) Ir-Regolament ta' Implimentazzjoni tal-Kummissjoni (UE) 2017/195 tat-3 ta' Frar 2017 li jemenda r-Regolament (UE) Nru 540/2011 fir-rigward tal-estensjoni tal-perjodi ta' approvazzjoni ta' bosta sustanzi attivi elenkati fil-Parti B tal-Anness tar-Regolament ta' Implimentazzjoni (UE) Nru 686/2012 (il-programm ta' tiġdid AIR IV) (ĠU L 31, 4.2.2017, p. 21).
(4) Ir-Regolament ta' Implimentazzjoni tal-Kummissjoni (UE) 2018/1266 tal-20 ta' Settembru 2018 li jemenda r-Regolament ta' Implimentazzjoni (UE) Nru 540/2011 fir-rigward tal-estensjoni tal-perjodi ta' approvazzjoni tas-sustanzi attivi 1-dekanol, 6-benżiladenina, sulfat tal-aluminju, ażadiraktin, bupirimat, karbossinu, kletodim, ċiklossidim, dażomet, diklofop, ditijanon, dodina, fenażakwin, fluwometuron, flutriafol, eżitijażoss, imessażol, aċidu indolibutriku, isossaben, kubrit tal-ġir, metaldeid, paklobutrażol, penċikuron, sintofen, tau fluvalinat u tebufenożur (ĠU L 238, 21.9.2018, p. 81).
(5) Ir-Regolament ta' Implimentazzjoni tal-Kummissjoni (UE) 2018/184 tas-7 ta' Frar 2018 li jemenda r-Regolament ta' Implimentazzjoni tal-Kummissjoni (UE) Nru 540/2011 fir-rigward tal-estensjoni tal-perjodi ta' approvazzjoni għas-sustanzi attivi FEN 560 (magħruf ukoll bħala żerriegħa tal-fienu mitħuna) u s-sulfuryl fluoride (ĠU L 34, 8.2.2018, p. 10).
(6) Ir-Regolament ta' Implimentazzjoni tal-Kummissjoni (UE) Nru 844/2012 tat-18 ta' Settembru 2012 li jistabbilixxi d-dispożizzjonijiet meħtieġa għall-implimentazzjoni tal-proċedura ta' tiġdid għas-sustanzi attivi, kif previst fir-Regolament (KE) Nru 1107/2009 tal-Parlament Ewropew u tal-Kunsill dwar it-tqegħid fis-suq ta' prodotti għall-protezzjoni tal-pjanti (ĠU L 252, 19.9.2012, p. 26).
ANNESS
L-Anness tar-Regolament ta' Implimentazzjoni (UE) Nru 540/2011 huwa emendat kif ġej:
|
(1) |
Il-Parti A hija emendata kif ġej:
|
|
(2) |
Fil-Parti B, fir-ringiela 23 relatata mal-Bifentrin, id-data mniżżla fis-sitt kolonna “Skadenza tal-approvazzjoni” hija sostitwita bil-“31 ta' Lulju 2019”. |