Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32018R0084

Regolament ta' Implimentazzjoni tal-Kummissjoni (UE) 2018/84 tad-19 ta' Jannar 2018 li jemenda r-Regolament (UE) Nru 540/2011 fir-rigward tal-estensjoni tal-perjodi ta' approvazzjoni tas-sustanzi attivi klorpirifos, klorpirifos-metil, klotijanidin, komposti tar-ram, dimoksistrobina, mankożeb, mekoprop-p, metiram, oksamil, petoksamid, propikonażol, propineb, propiżamid, piraklostrobina u żoksamid (Test b'rilevanza għaż-ŻEE. )

C/2018/0185

ĠU L 16, 20.1.2018, p. 8–10 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

Legal status of the document In force

ELI: http://data.europa.eu/eli/reg_impl/2018/84/oj

20.1.2018   

MT

Il-Ġurnal Uffiċjali tal-Unjoni Ewropea

L 16/8

REGOLAMENT TA' IMPLIMENTAZZJONI TAL-KUMMISSJONI (UE) 2018/84

tad-19 ta' Jannar 2018

li jemenda r-Regolament (UE) Nru 540/2011 fir-rigward tal-estensjoni tal-perjodi ta' approvazzjoni tas-sustanzi attivi klorpirifos, klorpirifos-metil, klotijanidin, komposti tar-ram, dimoksistrobina, mankożeb, mekoprop-p, metiram, oksamil, petoksamid, propikonażol, propineb, propiżamid, piraklostrobina u żoksamid

(Test b'rilevanza għaż-ŻEE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (KE) Nru 1107/2009 tal-Parlament Ewropew u tal-Kunsill tal-21 ta' Ottubru 2009 dwar it-tqegħid fis-suq ta' prodotti għall-protezzjoni tal-pjanti u li jħassar id-Direttivi tal-Kunsill 79/117/KEE u 91/414/KEE (1), u b'mod partikolari l-ewwel paragrafu tal-Artikolu 17 tiegħu,

Billi:

(1)

Il-Parti A tal-Anness tar-Regolament ta' Implimentazzjoni tal-Kummissjoni (UE) Nru 540/2011 (2) tistabbilixxi s-sustanzi attivi meqjusin approvati skont ir-Regolament (KE) Nru 1107/2009.

(2)

Il-perjodi ta' approvazzjoni tas-sustanzi attivi mekoprop-p, propikonażol, propineb, propiżamid u żoksamid ġew estiżi l-aħħar bir-Regolament ta' Implimentazzjoni tal-Kummissjoni (UE) 2016/2016 (3). Il-perjodi tal-approvazzjoni ta' dawk is-sustanzi se jiskadu fil-31 ta' Jannar 2018.

(3)

Il-perjodi ta' approvazzjoni tas-sustanzi attivi klorpirifos, klorpirifos-metil, mankożeb u metiram ġew estiżi bir-Regolament ta' Implimentazzjoni tal-Kummissjoni (UE) Nru 762/2013 (4). Il-perjodi tal-approvazzjoni ta' dawk is-sustanzi se jiskadu fil-31 ta' Jannar 2018.

(4)

Il-perjodi ta' approvazzjoni tas-sustanzi attivi klotijanidin, dimoksistrobina, oksamil u petoksamid ġew estiżi bir-Regolament ta' Implimentazzjoni tal-Kummissjoni (UE) Nru 1136/2013 (5). Il-perjodi ta' approvazzjoni ta' dawk is-sustanzi se jiskadu fil-31 ta' Jannar 2018.

(5)

Il-perjodu ta' approvazzjoni tas-sustanza attiva tal-komposti tar-ram ġie estiż bir-Regolament ta' Implimentazzjoni tal-Kummissjoni (UE) Nru 85/2014 (6). Il-perjodu ta' approvazzjoni ta' dik is-sustanza se jiskadi fil-31 ta' Jannar 2018.

(6)

L-applikazzjonijiet għat-tiġdid tal-approvazzjoni tas-sustanzi msemmija fil-Premessi 2 sa 5 tressqu skont ir-Regolament ta' Implimentazzjoni tal-Kummissjoni (UE) Nru 844/2012 (7).

(7)

Il-valutazzjoni tas-sustanzi ddewmet minħabba raġunijiet li ma kinux fil-kontroll tal-applikanti, u għalhekk aktarx li l-approvazzjonijiet ta' dawk is-sustanzi attivi jiskadu qabel ma tkun ittieħdet deċiżjoni dwar it-tiġdid tagħhom. Għaldaqstant jenħtieġ li l-perjodi ta' approvazzjoni tagħhom jiġu estiżi.

(8)

Fid-dawl tal-għan tal-ewwel paragrafu tal-Artikolu 17 tar-Regolament (KE) Nru 1107/2009, fir-rigward ta' każijiet meta l-Kummissjoni tadotta Regolament li jistipula li l-approvazzjoni ta' sustanza attiva msemmija fl-Anness ta' dan ir-Regolament ma tiġġeddidx għax ma jkunux issodisfati l-kriterji tal-approvazzjoni, il-Kummissjoni tistabbilixxi data ta' skadenza li tkun l-istess bħad-data prevista qabel dan ir-Regolament jew inkella, jekk din id-data tiġi aktar tard, fid-data tad-dħul fis-seħħ tar-Regolament li jistipula li l-approvazzjoni tas-sustanza attiva ma tiġġeddidx. Għall-każijiet meta l-Kummissjoni se tadotta Regolament li jistipula t-tiġdid ta' sustanza attiva msemmija fl-Anness ta' dan ir-Regolament, il-Kummissjoni se tipprova tistabbilixxi l-aktar data ta' applikazzjoni kmieni possibbli, kif xieraq skont iċ-ċirkostanzi.

(9)

Peress li l-approvazzjonijiet tas-sustanzi attivi jiskadu fil-31 ta' Jannar 2018, dan ir-Regolament jenħtieġ li jidħol fis-seħħ malajr kemm jista' jkun.

(10)

Għalhekk ir-Regolament ta' Implimentazzjoni tal-Kummissjoni (UE) Nru 540/2011 jenħtieġ li jiġi emendat skont dan.

(11)

Il-miżuri previsti f'dan ir-Regolament huma konformi mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

ADOTTAT DAN IR-REGOLAMENT:

Artikolu 1

Il-Parti A tal-Anness tar-Regolament ta' Implimentazzjoni tal-Kummissjoni (UE) Nru 540/2011 hi emendata skont l-Anness ta' dan ir-Regolament.

Artikolu 2

Dan ir-Regolament għandu jidħol fis-seħħ fit-tielet jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, id-19 ta' Jannar 2018.

Għall-Kummissjoni

Il-President

Jean-Claude JUNCKER

(1)  ĠU L 309, 24.11.2009, p. 1.

(2)  Ir-Regolament ta' Implimentazzjoni tal-Kummissjoni (UE) Nru 540/2011 tal-25 ta' Mejju 2011 li jimplimenta r-Regolament (KE) Nru 1107/2009 tal-Parlament Ewropew u tal-Kunsill f'dak li għandu x'jaqsam mal-lista ta' sustanzi attivi approvati (ĠU L 153, 11.6.2011, p. 1).

(3)  Ir-Regolament ta' Implimentazzjoni tal-Kummissjoni (UE) 2016/2016 tas-17 ta' Novembru 2016 li jemenda r-Regolament (UE) Nru 540/2011 fir-rigward tal-estensjoni tal-perjodi ta' approvazzjoni tas-sustanzi attivi aċetamiprid, l-aċidu benżojku, flażasulfuron, mekoprop-P, mepanipirim, meżosulfuron, propineb, propossikarbażon, propiżammid, propikonażol, ir-razza pseudomonas chlororaphis: MA 342, piraklostrobina, kwinossifen, tijakloprid, tiram, żiram, żossamidu (ĠU L 312, 18.11.2016, p. 21).

(4)  Ir-Regolament ta' Implimentazzjoni tal-Kummissjoni (UE) Nru 762/2013 tas-7 ta' Awwissu 2013 li jemenda r-Regolament ta' Implimentazzjoni (UE) Nru 540/2011 dwar l-estensjoni tal-perjodi ta' approvazzjoni tas-sustanzi attivi klorpirifos, klorpirifos-metil, mankożeb, maneb, MCPA, MCPB u metiram (ĠU L 213, 8.8.2013, p. 14).

(5)  Ir-Regolament ta' Implimentazzjoni tal-Kummissjoni (UE) Nru 1136/2013 tat-12 ta' Novembru 2013 li jemenda r-Regolament ta' Implimentazzjoni (UE) Nru 540/2011 fir-rigward l-estensjoni ta' perjodi ta' approvazzjoni tas-sustanzi attivi klotijanidin, dimossistrobina, oxamyl u pethoxamid (ĠU L 302, 13.11.2013, p. 34).

(6)  Ir-Regolament ta' Implimentazzjoni tal-Kummissjoni (UE) Nru 85/2014 tat-30 ta' Jannar 2014 li jemenda r-Regolament ta' Implimentazzjoni (UE) Nru 540/2011 fir-rigward tal-estensjoni tal-perjodu ta' approvazzjoni tas-sustanza attiva komposti tar-ram (ĠU L 28, 31.1.2014, p. 34).

(7)  Ir-Regolament ta' Implimentazzjoni tal-Kummissjoni (UE) Nru 844/2012 tat-18 ta' Settembru 2012 li jistabbilixxi d-dispożizzjonijiet meħtieġa għall-implimentazzjoni tal-proċedura ta' tiġdid għas-sustanzi attivi, kif previst fir-Regolament (KE) Nru 1107/2009 tal-Parlament Ewropew u tal-Kunsill dwar it-tqegħid fis-suq ta' prodotti għall-protezzjoni tal-pjanti (ĠU L 252, 19.9.2012, p. 26).

ANNESS

Il-Parti A tal-Anness tar-Regolament ta' Implimentazzjoni tal-Kummissjoni (UE) Nru 540/2011 hija emendata kif ġej:

(1)

fis-sitt kolonna, Skadenza tal-approvazzjoni, fir-ringiela 54, id-data tal-Propineb tinbidel bid-data “31 ta' Jannar 2019”;

(2)

fis-sitt kolonna, Skadenza tal-approvazzjoni, fir-ringiela 55, id-data tal-Propiżamid tinbidel bid-data “31 ta' Jannar 2019”;

(3)

fis-sitt kolonna, Skadenza tal-approvazzjoni, fir-ringiela 57, id-data tal-Mekoprop-P tinbidel bid-data “31 ta' Jannar 2019”;

(4)

fis-sitt kolonna, Skadenza tal-approvazzjoni, fir-ringiela 58, id-data tal-Propikonażol tinbidel bid-data “31 ta' Jannar 2019”;

(5)

fis-sitt kolonna, Skadenza tal-approvazzjoni, fir-ringiela 77, id-data taż-Żoksamid tinbidel bid-data “31 ta' Jannar 2019”;

(6)

fis-sitt kolonna, Skadenza tal-approvazzjoni, fir-ringiela 81, id-data tal-Piraklostrobina tinbidel bid-data “31 ta' Jannar 2019”;

(7)

fis-sitt kolonna, Skadenza tal-approvazzjoni, fir-ringiela 111, id-data tal-Klorpirifos tinbidel bid-data “31 ta' Jannar 2019”;

(8)

fis-sitt kolonna, Skadenza tal-approvazzjoni, fir-ringiela 112, id-data tal-Klorpirifos-metil tinbidel bid-data “31 ta' Jannar 2019”;

(9)

fis-sitt kolonna, Skadenza tal-approvazzjoni, fir-ringiela 114, id-data tal-Mankożeb tinbidel bid-data “31 ta' Jannar 2019”;

(10)

fis-sitt kolonna, Skadenza tal-approvazzjoni, fir-ringiela 115, id-data tal-Metiram tinbidel bid-data “31 ta' Jannar 2019”;

(11)

fis-sitt kolonna, Skadenza tal-approvazzjoni, fir-ringiela 116, id-data tal-Oksamil tinbidel bid-data “31 ta' Jannar 2019”;

(12)

fis-sitt kolonna, Skadenza tal-approvazzjoni, fir-ringiela 121, id-data tal-Klotijanidin tinbidel bid-data “31 ta' Jannar 2019”;

(13)

fis-sitt kolonna, Skadenza tal-approvazzjoni, fir-ringiela 122, id-data tal-Petoksamid tinbidel bid-data “31 ta' Jannar 2019”;

(14)

fis-sitt kolonna, Skadenza tal-approvazzjoni, fir-ringiela 128, id-data tad-Dimoksistrobina tinbidel bid-data “31 ta' Jannar 2019”;

(15)

fis-sitt kolonna, Skadenza tal-approvazzjoni, fir-ringiela 277, id-data tal-Komposti tar-ram tinbidel bid-data “31 ta' Jannar 2019”.
Top