EUR-Lex Access to European Union law
This document is an excerpt from the EUR-Lex website
Document 32016D0339
Commission Implementing Decision (EU) 2016/339 of 8 March 2016 on the harmonisation of the 2010-2025 MHz frequency band for portable or mobile wireless video links and cordless cameras used for programme making and special events (notified under document C(2016) 1197) (Text with EEA relevance)
Deċiżjoni ta' Implimentazzjoni tal-Kummissjoni (UE) 2016/339 tat-8 ta' Marzu 2016 dwar l-armonizzazzjoni tal-banda tal-frekwenzi 2010-2025 MHz għal kollegamenti bil-vidjow mingħajr fili portabbli jew mobbli u għal kameras mingħajr fili li jintużaw għall-ħolqien ta' programmi u avvenimenti speċjali (notifikata bid-dokument C(2016) 1197) (Test b'rilevanza għaż-ŻEE)
Deċiżjoni ta' Implimentazzjoni tal-Kummissjoni (UE) 2016/339 tat-8 ta' Marzu 2016 dwar l-armonizzazzjoni tal-banda tal-frekwenzi 2010-2025 MHz għal kollegamenti bil-vidjow mingħajr fili portabbli jew mobbli u għal kameras mingħajr fili li jintużaw għall-ħolqien ta' programmi u avvenimenti speċjali (notifikata bid-dokument C(2016) 1197) (Test b'rilevanza għaż-ŻEE)
C/2016/1197
ĠU L 63, 10.3.2016, p. 5–8
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
10.3.2016 |
MT |
Il-Ġurnal Uffiċjali tal-Unjoni Ewropea |
L 63/5 |
DEĊIŻJONI TA' IMPLIMENTAZZJONI TAL-KUMMISSJONI (UE) 2016/339
tat-8 ta' Marzu 2016
dwar l-armonizzazzjoni tal-banda tal-frekwenzi 2 010-2 025 MHz għal kollegamenti bil-vidjow mingħajr fili portabbli jew mobbli u għal kameras mingħajr fili li jintużaw għall-ħolqien ta' programmi u avvenimenti speċjali
(notifikata bid-dokument C(2016) 1197)
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Deċiżjoni Nru 676/2002/KE tal-Parlament Ewropew u tal-Kunsill tas-7 ta' Marzu 2002 dwar qafas regolatorju għall-politika dwar l-ispettru tar-radju fil-Komunità Ewropea (id-Deċiżjoni dwar l-Ispettri tar-Radju) (1), u b'mod partikolari l-Artikolu 4(3) tagħha,
Billi:
(1) |
L-użu tal-baned tal-frekwenzi 1 900-1 980 MHz, 2 010-2 025 MHz u 2 110-2 170 MHz (flimkien imsejħa “il-banda tat-2 GHz”) kien jiġi kkoordinat bid-Deċiżjoni Nru 128/1999/KE tal-Parlament Ewropew u tal-Kunsill (2). Din id-Deċiżjoni skadiet fit-22 ta' Jannar 2003 iżda l-Istati Membri għadhom jużaw dan l-ispettru b'mod armonizzat. |
(2) |
Sussegwentement, l-użu tas-sub-banda 1 920-1 980 MHz u 2 110-2 170 MHz akkoppjata (“il-banda terrestri akkoppjata tat-2 GHz”) ġie armonizzat bid-Deċiżjoni ta' Implimentazzjoni tal-Kummissjoni 2012/688/UE (3) biex jinżamm aġġornat mal-evoluzzjoni teknoloġika u mal-prinċipji tan-newtralità tat-teknoloġija u tas-servizzi. |
(3) |
Il-parti mhux akkoppjata tal-banda terrestri tat-2 GHz li tinkludi l-baned tal-frekwenzi 1 900-1 920 MHz u 2 010-2 025 MHz, li kienet ġiet allokata lill-operaturi tat-telefonija mobbli fl-Unjoni, fil-biċċa l-kbira tal-Istati Membri ma ntużatx minn-netwerks tat-telefonija mobbli għal aktar minn għaxar snin u allura dan l-ispettru validu ma ntużax biżżejjed. Dan in-nuqqas ta' użu jiġġustifika miżuri ġodda ta' armonizzazzjoni li jiżguraw li l-ispettru jintuża b'mod effettiv u effiċjenti f'konformità mal-għanijiet tal-Programm tal-Politika tal-Ispettru tar-Radju (l-RSPP) (4) pluriennali. Dawn il-miżuri b'mod partikolari huma intenzjonati biex ikun hemm spettru suffiċjenti li jappoġġa l-ħolqien ta' programmi u avvenimenti speċjali (PMSE), f'konformità mas-suq intern u mal-għan li jkun hemm aċċess għall-kultura u biex jiġu żviluppati l-protezzjoni ċivili u l-għajnuna fid-diżastri (PPDR). |
(4) |
B'reazzjoni għall-mandat tal-Kummissjoni maħruġ fl-2011 skont l-Artikolu 4(2) tad-Deċiżjoni Nru 676/2002/KE dwar il-kundizzjonijiet tekniċi għall-alternattivi tal-armonizzazzjoni tal-ispettru għall-mikrofoni tar-radju mingħajr fili u għall-kameras tal-vidjow mingħajr fili (5), il-Konferenza Ewropea tal-Amministrazzjonijiet Postali u tat-Telekomunikazzjoni (CEPT) ippreżentat ir-rapport tagħha Nru 51 (6) li jqis il-banda tal-frekwenzi 2 010-2 025 MHz u baned oħra tal-frekwenzi bħala spettru possibilment ġdid għall-kameras u l-kollegamenti bil-vidjow mingħajr fili, iżda dwar dan irid isir aktar studju. Għalhekk f'Ottubru 2012 (7), il-Kummissjoni ħarġet mandat ulterjuri lis-CEPT biex tistudja l-kundizzjonijiet tekniċi armonizzati għall-baned tal-frekwenzi 1 900-1 920 MHz u 2 010-2 025 MHz fl-UE. Konsegwentement fis-6 ta' Marzu 2015, is-CEPT ippubblikat ir-Rapport 52 (8) tagħha li jidentifika l-użi potenzjali alternattivi għal dawn il-baned terrestri mhux akkoppjati tat-2 GHz biex jiġu implimentati l-politiki identifikati mill-RSPP fir-rigward tal-PMSE u tal-PPDR. |
(5) |
Kif jidentifika r-rapporti tas-CEPT, il-kategoriji tal-kollegamenti bil-vidjow mingħajr fili portabbli jew mobbli u tal-kameras mingħajr fili li jistgħu jintużaw għall-ħolqien ta' programmi u avvenimenti speċjali (il-PMSE bil-vidjow) fost l-oħrajn jistgħu jinkludu kameras mingħajr fili manwali jew inkella mmuntati bi trażmettituri integrati jew clip-on, provvisti tal-enerġija u antenni għal filmati bil-kwalità tax-xandir flimkien ma' sinjali tal-ħoss fuq medded qosra, direttament taħt l-għajn jew inkella mhux direttament taħt l-għajn; kollegamenti bil-vidjow portabbli minn trażmettituri żgħar li jintużaw fuq meded akbar, tipikament sa żewġ kilometri, u kollegamenti bil-vidjow mobbli bħal sistemi ta' trażmissjoni tal-vidjow b'radjutrażmettituri u riċevituri mmuntati fil-muturi, fil-muturi tat-tiġrija, fir-roti bil-pedali, fil-karozzi, fid-dgħajjes, fil-ħelikopters, fl-iġfna tal-ajru u f'inġenji oħrajn tal-ajru, jew fuqhom, bil-possibbiltà li wieħed mit-terminali tal-kollegament jew it-tnejn li huma jkunu jistgħu jintużaw waqt spostament minn post għall-ieħor. |
(6) |
L-użu tal-banda tal-frekwenzi 2 010-2 025 MHz għal kollegamenti bil-vidjow u għal kameras mingħajr fili għandu l-vantaġġi tekniċi u ekonomiċi li jibbenefika mill-banda tal-frekwenzi 2 025-2 110 MHz li hija viċin. Din tintuża wkoll għal dawn it-tip ta' kollegamenti u kameras mingħajr fili f'għadd ta' Stati Membri u tissemma fir-Rakkomandazzjoni 25-10 (9) tal-ERC bħala medda tal-intunar rakkomandata. Billi r-Rapport 52 tas-CEPT jikkonferma li l-PMSE bil-vidjow jista' jopera fil-banda tal-frekwenzi 2 010-2 025 MHz bl-istess kundizzjonijiet tekniċi bħal dawk applikabbli għall-użu tal-PMSE fil-banda tal-frekwenzi 2 025-2 110 MHz, dan jestendi d-disponibbiltà tal-ispettru għal kollegamenti bil-vidjow u għal kameras mingħajr fili minn medda ta' 85 MHz sa medda ta' 100 MHz. |
(7) |
Minkejja li għal bosta snin fil-biċċa l-kbira tal-Istati Membri l-banda tal-frekwenzi 2 010-2 025 MHz ma ġietx allokata lill-operaturi tat-telefonija mobbli jew inkella dawn baqgħu ma użawhiex, xi drabi l-ispettru qed jintuża minn servizzi diġà eżistenti. Din is-sitwazzjoni jaf teħtieġ approċċ flessibbli u arranġamenti lokali li jqisu fatturi bħalma huma l-post fejn jintuża l-ispettru kif ukoll il-karatteristiċi tekniċi tal-użu tal-ispettru għal PMSE bil-vidjow fil-banda tal-frekwenzi 2 010-2 025 MHz, kemm fl-Istat Membru rilevanti kif ukoll fl-Istati Membri ġirien. |
(8) |
Barra minn hekk, id-disponibbiltà u l-użu tal-banda tal-frekwenzi 2 010-2 025 MHz għal PMSE bil-vidjow għandhom ikunu fuq bażi mhux esklussiva biex fuq firxa nazzjonali l-Istati Membri jkunu jistgħu jippermettu l-użu ta' dak l-ispettru għal tipi oħra ta' applikazzjonijiet bħall-protezzjoni ċivili u l-għajnuna fid-diżastri jew għal kollegamenti bil-vidjow temporanji minn punt għal punt jew kameras industrijali, sakemm dawn l-applikazzjonijiet ikunu jissodisfaw il-parametri tekniċi stipulati f'din id-Deċiżjoni. |
(9) |
Kundizzjonijiet armonizzati mal-Unjoni kollha jgħinu biex jiġi stabbilit suq waħdieni effettiv għal dawn l-applikazzjonijiet, bl-ekonomiji ta' skala u benefiċċji għaċ-ċittadini u l-industrija tal-Unjoni, f'konformità mad-Direttiva dwar it-Tagħmir tar-Radju u t-Tagħmir Terminali tat-Telekomunikazzjoni (id-Direttiva 1999/5/KE tal-Parlament Ewropew u tal-Kunsill) (10) u d-Direttiva dwar it-Tagħmir tar-Radju (id-Direttiva 2014/53/UE tal-Parlament Ewropew u tal-Kunsill) (11). |
(10) |
Sabiex jiġi żgurat l-użu effettiv tal-banda tal-frekwenzi 2 010-2 025 MHz fuq tul ta' żmien, l-Istati Membri għandhom jagmlu skrutinju kontinwu tal-użu tal-banda tal-frekwenzi 2 010-2 025 MHz u jirrappurtaw is-sejbiet tagħhom lill-Kummissjoni. |
(11) |
Il-miżuri previsti f'din id-Deċiżjoni huma konformi mal-opinjoni tal-Kumitat tal-Ispettru tar-Radju, |
ADOTTAT DIN ID-DEĊIŻJONI:
Artikolu 1
Din id-Deċiżjoni għandha l-għan li tarmonizza l-kundizzjonijiet tekniċi għad-disponibbiltà u l-użu effiċjenti tal-banda tal-frekwenzi 2 010-2 025 MHz għal PMSE bil-vidjow fuq bażi mhux esklussiva.
Artikolu 2
Għall-finijiet ta' din id-Deċiżjoni, PMSE bil-vidjow tfisser kollegamenti bil-vidjow bla fili li jistgħu jkunu portabbli jew mobbli u kameras mingħajr fili użati għall-ħolqien ta' programmi u avvenimenti speċjali.
Artikolu 3
Kemm jista' jkun malajr u mhux aktar tard minn sitt xhur wara d-data tan-notifika ta' din id-Deċiżjoni, l-Istati Membri għandhom jidentifikaw u jkollhom disponibbli l-banda tal-frekwenzi 2 010-2 025 MHz għall-PMSE bil-vidjow, fuq bażi mhux esklussiva u f'konformità mal-parametri stabbiliti fl-Anness.
Meta jsibu xi interferenzi ma' tipi oħra ta' utenti tal-ispettru jew servizzi li huma intitolati biex jużaw il-banda tal-frekwenzi 2 010-2 025 MHz fid-data meta din id-Deċiżjoni tidħol fis-seħħ, l-Istati Membri jistgħu jillimitaw l-użu tagħha fil-porzjon relevanti tal-banda tal-frekwenzi f'żoni ġeografiċi speċifiċi b'konformità mal-Anness.
Artikolu 4
L-Istati Membri għandhom jagħmlu skrutinju kontinwu tal-użu tal-banda tal-frekwenzi 2 010-2 025 MHz u jirrappurtaw is-sejbiet tagħhom lill-Kummissjoni, inkluż kull informazzjoni dwar l-emendar jew l-irtirar tad-drittijiet tal-użu, sabiex jekk ikun meħtieġ tkun tista' ssir analiżi f'waqtha ta' din id-Deċiżjoni.
Artikolu 5
Din id-Deċiżjoni hija indirizzata lill-Istati Membri.
Magħmul fi Brussell, it-8 ta' Marzu 2016.
Għall-Kummissjoni
Günther OETTINGER
Membru tal-Kummissjoni
(2) Id-Deċiżjoni Nru 128/1999/KE tal-Parlament Ewropew u tal-Kunsill tal-14 ta' Diċembru 1998 dwar l-introduzzjoni koordinata ta' sistema ta' komunikazzjonijiet mingħajr fili u mobbli (UMTS) tat-tielet ġenerazzjoni fil-Komunità (ĠU L 17, 22.1.1999, p. 1).
(3) Id-Deċiżjoni ta' Implimentazzjoni tal-Kummissjoni 2012/688/UE tal-5 ta' Novembru 2012 dwar l-armonizzazzjoni tal-meded tal-frekwenzi 1 920-1 980 MHz u 2 110-2 170 MHz għas-sistemi terrestri li huma kapaċi jipprovdu servizzi ta' komunikazzjonijiet elettroniċi fl-Unjoni (ĠU L 307, 7.11.2012, p. 84).
(4) Id-Deċiżjoni Nru 243/2012/UE tal-Parlament Ewropew u tal-Kunsill tal-14 ta' Marzu 2012 li tistabbilixxi programm pluriennali tal-politika tal-ispettru tar-radju (ĠU L 81, 21.3.2012, p. 7).
(5) Il-mandat lis-CEPT, datat il-15 ta' Diċembru 2011, RSCOM11-59 finali.
(6) Dwar il-kundizzjonijiet tekniċi biex tkun żgurata l-operazzjoni sostenibbli tal-kameras tal-vidjo mingħajr fili, rapport approvat mill-Kumitat tal-Komunikazzjonijiet Elettroniċi (l-ECC) fit-8 ta' Novembru 2013.
(7) RSCOM12-17 rev 3, adottat fl-10 ta' Ottubru 2012
(8) Ir-Rapport 52 tas-CEPT lill-Kummissjoni Ewropea b'reazzjoni għall-Mandat “Twettiq ta' studji dwar il-kundizzjonijiet tekniċi armonizzati għall-baned tal-frekwenzi 1 900-1 920 MHz u 2 010-2 025 MHz (‘Baned terrestri mhux akkoppjati tat-2 GHz’) fl-UE”, (“To undertake studies on the harmonised technical conditions for the 1 900-1 920 MHz and 2 010-2 025 MHz frequency bands (‘Unpaired terrestrial 2 GHz bands’) in the EU”), rapport approvat mill-ECC fis-6 ta' Marzu 2015.
(9) Ir-Rakkomandazzjoni 25-10 tal-ERC dwar il-baned tal-frekwenzi li jintużaw għal kollegamenti SAP/SAB (Service Ancillary to Broadcasting/Services Ancillary to Programme making) terrestri u temporanji tal-awdjo u tal-vidjow (inkluż l-hekk imsejjaħ Electronic News Gathering and Outside Broadcasting (ENG/OB)).
(10) Id-Direttiva 1999/5/KE tal-Parlament Ewropew u tal-Kunsill tad-9 ta' Marzu 1999 dwar it-tagħmir tar-radju u tagħmir terminali ta' telekomunikazzjonijiet u r-rikonoxximent reċiproku tal-konformità tagħhom (ĠU L 91, 7.4.1999, p. 10).
(11) Direttiva 2014/53/UE tal-Parlament Ewropew u tal-Kunsill tas-16 ta' April 2014 dwar l-armonizzazzoni tal-liġijiet tal-Istati Membri marbuta mat-tqegħid fis-suq ta' tagħmir tar-radju u li tħassar id-Direttiva 1999/5/KE (ĠU L 153, 22.5.2014, p. 62).
ANNESS
IL-PARAMETRI MSEMMIJA FL-ARTIKOLU 3
Għall-finijiet ta' dan l-Anness, e.i.r.p. tfisser potenza rradjata isotropika ekwivalenti, li hija l-prodott matematiku tal-potenza fornuta lill-antenna u l-gwadann tal-antenna f'direzzjoni speċifika relattiva għal antenna isotropika (gwadann assolut jew isotropiku)
e.i.r.p. għal PMSE bil-vidjow
Tip ta' Kollegament |
e.i.r.p. |
Kamera mingħajr fili |
– 7 dBW |
Kollegament bil-vidjow portabbli |
16 dBW |
Kollegament bil-vidjow mobbli |
10 dBW |
B'mod predominanti l-aċċess għall-ispettru jista' jiġi awtorizzat bl-arranġamenti lokali. Dawk l-arranġamenti lokali jistgħu jiġu kkonfigurati biex jitqiesu fatturi bħalma huma l-post fejn jintuża l-ispettru u kif ukoll il-karatteristiċi tekniċi tal-użu tal-ispettru għal PMSE bil-vidjow jew għal servizzi eżistenti.
Jekk iċ-ċirkostanzi lokali fl-Istat Membru rilevanti u fl-Istati Membri ġirien ikunu jippermettu limiti ogħla mingħajr ma tiġi kompromessal-koeżistenza ta' dawn is-servizzi eżistenti, l-Istati Membri jistgħu jadattaw il-limiti e.i.r.p. għal PMSE bil-vidjow indikati fit-tabella.