(1)

Ir-Regolament tal-Kunsill (KE) Nru 2488/2000 tal-10 Novembru 2000 li jżomm fondi ffriżati fejn għandu x’jaqsam is-Sur Milosevic u dawk il-persuni assoċjati miegħu (3) ikkonferma ċerti miżuri restrittivi f’konformità mal-Pożizzjoni Komuni 2000/599/PESK u l-Pożizzjoni Komuni 2000/696/PESK.

(2)

Huwa adatt li r-Regolament (KE) Nru 2488/2000 jiġi allinjat mal-iżviluppi reċenti fil-prattika tas-sanzjonijiet, minn naħa waħda fir-rigward tal-identifikazzjoni tal-awtoritajiet kompetenti u min-naħa l-oħra fir-rigward tal-Artikolu dwar il-ġurisdizzjoni tal-Unjoni.

(3)

Ir-Regolament (KE) Nru 2488/2000 għandu jiġi emendat kif meħtieġ,

(1)

Ir-Regolament tal-Kunsill (KE) 1412/2006 tal-25 ta’ Settembru 2006 dwar ċerti miżuri ristrettivi fir-rigward tal-Libanu (2) jipprojbixxi l-forniment ta’ ċerta assistenza teknika, il-finanzjament u l-assistenza finanzjarja lil kwalunkwe persuna fil-Libanu jew għall-użu fil-Libanu, f’konformità mal-Pożizzjoni Komuni 2006/625/PESK.

(2)

Jeħtieġ li r-Regolament (KE) Nru 1412/2006 jiġi allinjat mal-iżviluppi riċenti fil-prattika tas-sanzjonijiet, minn naħa waħda fir-rigward tal-identifikazzjoni tal-awtoritajiet kompetenti u min-naħa l-oħra fir-rigward tal-Artikolu dwar il-ġurisdizzjoni tal-Unjoni. Għall-finijiet taċ-ċarezza, l-Artikoli li jeħtieġ li jiġu emendati għandhom jiġu sostitwiti kompletament.

(3)

Ir-Regolament (KE) Nru 1412/2006 għandu jiġi emendat kif meħtieġ,

(1)

Ir-Regolament tal-Kunsill (KE) Nru 1763/2004 tal-11 ta’ Ottubru 2004 jimponi ċerti miżuri restrittivi b’appoġġ għall-implimentazzjoni effettiva tal-mandat tal-Qorti Kriminali Internazzjonali għal dik li qabel kienet il-Jugoslavja (ICTY) (2) jipprevedi l-iffriżar tal-fondi u r-riżorsi ekonomiċi li jappartjenu lil jew li huma proprjetà ta’ jew li huma miżmuma minn ċerti persuni fiżiċi akkużati mill-ICTY, f’konformità mal-Pożizzjoni Komuni 2004/694/PESK.

(2)

Jeħtieġ li r-Regolament (KE) Nru 1763/2004 jiġi allineat mal-iżviluppi reċenti fil-prattika tas-sanzjonijiet, minn naħa waħda fir-rigward tal-identifikazzjoni tal-awtoritajiet kompetenti u min-naħa l-oħra fir-rigward tal-Artikolu dwar il-ġuriżdizzjoni tal-Unjoni. Għall-finijiet taċ-ċarezza, l-Artikoli li jeħtieġ li jiġu emendati għandhom jiġu sostitwiti kompletament.

(3)

Ir-Regolament (KE) Nru 1763/2004 għandu jkun emendat kif meħtieġ,

(1)

Ir-Regolament tal-Kummissjoni (KE) Nru 792/2009 tal-31 ta’ Awwissu 2009 li jistipula regoli dettaljati għan-notifiki tal-Istati Membri lill-Kummissjoni dwar informazzjoni u dokumenti fl-implimentazzjoni tal-organizzazzjoni komuni tas-swieq, l-iskema tal-pagamenti diretti, il-promozzjoni tal-prodotti agrikoli u s-sistemi applikabbli għar-reġjuni l-aktar imbiegħda u l-gżejjer iż-żgħar tal-Eġew (3) jistipula regoli komuni għan-notifikazzjoni ta' informazzjoni u dokumenti mill-awtoritajiet kompetenti tal-Istati Membri lill-Kummissjoni. Dawn ir-regoli jkopru partikolarment l-obbligu għall-Istati Membri li jużaw is-sistemi ta' informazzjoni magħmula disponibbli mill-Kummissjoni u l-validazzjoni tad-drittijiet tal-aċċess għall-awtoritajiet jew l-individwi awtorizzati biex jibagħtu l-komunikazzjonijiet. Minbarra dan, ir-Regolament jistabbilixxi prinċipji komuni li japplikaw għas-sistemi ta' informazzjoni sabiex jiggarantixxu l-awtentiċità, l-integrità u l-leġġibbiltà tul iż-żmien tad-dokumenti u jipprovdi għall-protezzjoni tad-dejta personali.

(2)

Skont ir-Regolament (KE) Nru 792/2009, l-obbligu li jintużaw is-sistemi ta' informazzjoni skont dak ir-Regolament għandu jiġi pprovdut fir-Regolamenti li jistabbilixxu obbligu ta' notifika speċifiku.

(3)

Il-Kummissjoni żviluppat sistema ta' informazzjoni li tippermettilha timmaniġġja b'mod elettroniku dokumenti u proċeduri fi ħdan il-proċeduri interni ta' ħidma tagħha u fir-relazzjonijiet tagħha mal-awtoritajiet involuti fil-politika agrikola komuni.

(4)

Huwa kkunsidrat li ċerti obbligi ta' notifika diġà jistgħu jintlaħqu permezz ta' dik is-sistema skont ir-Regolament (KE) Nru 792/2009, partikolarment dawk li hemm provvediment dwarhom fir-Regolamenti tal-Kummissjoni (KE) Nru 1518/2003 tat-28 ta’ Awwissu 2003 li jniżżel ir-regoli dettaljati biex jimplimenta s-sistema tal-liċenzji ta' esportazzjoni fis-settur tal-laħam tal-majjal (4), (KE) Nru 596/2004 tat-30 ta’ Marzu 2004 li jniżżel regoli dettaljati għall-implementazzjoni tas-sistema tal-liċenzji ta’ esportazzjoni fis-settur tal-bajd (5), (KE) Nru 633/2004 tat-30 ta’ Marzu 2004 li jistabbilixxi regoli dettaljati għall-implementazzjoni tas-sistema tal-liċenzji tal-esportazzjoni fis-settur tal-laħam tat-tjur (6), (KE) Nru 1345/2005 tas-16 ta’ Awwissu 2005 li jistabbilixxi regoli ddettaljati dwar is-sistema tal-liċenzji ta' importazzjoni fis-settur taż-żejt taż-żebbuġa (7), (KE) Nru 2014/2005 tad-9 ta’ Diċembru 2005 dwar il-liċenzji taħt l-arranġamenti għall-importazzjoni tal-banana lejn il-Komunità fir-rigward tal-banana li tkun tqiegħdet f’ċirkulazzjoni ħielsa bir-rata tad-dazju tat-tariffa doganali komuni (8), (KE) Nru 239/2007 tas-6 ta’ Marzu 2007 li jistabbilixxi regoli dettaljati għall-applikazzjoni tar-Regolament (KE) Nru 404/93 rigward ir-rekwiżiti għall-komunikazzjonijiet fis-settur tal-banana (9), (KE) Nru 1299/2007 tas-6 ta’ Novembru 2007 dwar ir-rikonoxximent ta’ gruppi tal-produtturi fis-settur tal-ħops (10), (KE) Nru 543/2008 tas-16 ta’ Ġunju 2008 li jistabbilixxi regoli dettaljati għall-applikazzjoni tar-Regolament tal-Kunsill (KE) Nru 1234/2007 f’dak li għandu x’jaqsam mal-istandards għat-tqegħid fis-suq tal-laħam tat-tjur (11), (KE) Nru 589/2008 tat-23 ta’ Ġunju 2008 dwar it-termini tal-applikazzjoni tar-Regolament tal-Kunsill (KE) Nru 1234/2007 f’dak li jikkonċerna n-normi tat-tqegħid fuq is-suq applikabbli għall-bajd (12), (KE) Nru 617/2008 tas-27 ta’ Ġunju 2008 dwar it-termini tal-applikazzjoni tar-Regolament tal-Kunsill (KE) Nru 1234/2007 f’dak li jikkonċerna n-normi għat-tqegħid fis-suq tal-bajd tat-tifqis u tal-flieles tat-tjur tal-irziezet (13) u (KE) Nru 826/2008 tal-20 ta’ Awwissu 2008 li jipprovdi regoli komuni għall-għotja ta’ għajnuna għall-ħażna privata ta’ ċerti prodotti agrikoli (14).

(5)

L-Artikolu 5 tar-Regolament (KE) Nru 1299/2007 jistipula l-obbligu tal-Kummissjoni li tippubblika l-lista kollha tal-gruppi rikonoxxuti tal-produtturi għall-ħops fil-bidu ta' kull sena kalendarja f'Il-Ġurnal Uffiċjali tal-Unjoni Ewropea. Huwa xieraq li jintużaw sistemi moderni ta' informazzjoni biex dawk il-listi jsiru magħrufin mill-pubbliku. Barra minn hekk, għal raġunijiet ta' ċarezza, il-kontenut tal-informazzjoni għandu jiġi speċifikat f'dak ir-Regolament.

(6)

L-obbligu tal-Istati Membri, skont l-Artikolu 12(6) tar-Regolament (KE) Nru 543/2008, li jagħmlu disponibbli l-listi ta' biċċeriji approvati, kif ukoll il-bidliet f'dawk il-listi, għandu jiġi ssimplifikat biex jitnaqqas il-piż amministrattiv.

(7)

Il-kundizzjonijiet li fihom l-Istati Membri għandhom jinnotifikaw skont l-obbligu pprovdut bl-Artikolu 37 tar-Regolament (KE) Nru 589/2008 għandhom jiġu speċfikati b'mod aħjar. Kwalunkwe referenza għall-komunikazzjoni mill-Kummissjoni lill-Istati Membri tista' tkun ikkunsidrata żejda u għalhekk ma għandhiex tiġi riprodotta minħabba raġunijiet ta' ċarezza.

(8)

L-informazzjoni li l-Istati Membri għandhom jibagħtu lill-Kummissjoni skont l-Artikolu 8(1), (2) u (3) u l-Artikolu 11 tar-Regolament (KE) Nru 617/2008, għandha tinbagħat kemm lill-EUROSTAT kif ukoll lid-Direttorat-Ġenerali għall-Agrikoltura u l-Iżvilupp Rurali. Dan kien qed ikun piż eċċessiv fuq l-Istati Membri u għalhekk għandu jkun hemm arranġament biex l-Istati Membri jikkomunikaw id-dejta mitluba lill-EUROSTAT biss. Minħabba raġunijiet ta' koerenza u amministrazzjoni tajba, il-komunikazzjonijiet konċernati għandhom isiru b'mod elettroniku għall-punt uniku tad-dħul tad-dejta tal-Eurostat, b'konformità mal-ispeċifikazzjonijiet tekniċi pprovduti mill-Kummissjoni (Eurostat).

(9)

L-Artikolu 4 tar-Regolament (KE) Nru 826/2008 jipprovdi li l-Istati Membri għandhom jirraportaw lill-Kummissjoni ċerta dejta msemmija fil-Parti A tal-Anness III għal dak ir-Regolament għall-għanijiet tal-għotja tal-għajnuna għaż-żejt taż-żebbuġa kif ipprovdut fl-Artikolu 33 tar-Regolament (KE) Nru 1234/2007. Għal raġunijiet ta' ċarezza għandu jiġi stabbilit illi l-Istati Membri li jipproduċu żejt taż-żebbuġa biss għandhom jintalbu jibagħtu dik id-dejta.

(10)

Ir-Regolamenti (KE) Nru 1518/2003, (KE) Nru 596/2004, (KE) Nru 633/2004, (KE) Nru 1345/2005, (KE) Nru 2014/2005, (KE) Nru 239/2007, (KE) Nru 1299/2007, (KE) Nru 543/2008, (KE) Nru 589/2008, (KE) Nru 617/2008 u (KE) Nru 826/2008 għandhom għalhekk jiġu emendati skont dan.

(11)

Il-miżuri pprovduti f’dan ir-Regolament huma skont l-opinjoni tal-Kumitat ta’ Ġestjoni għall-Organizzazzjoni Komuni tas-Swieq Agrikoli,

(1)

Ir-Regolament (KE) Nru 853/2004 jistabbilixxi regoli speċifiċi ta’ iġjene għall-ikel li joriġina mill-annimali. Dan jipprovdi, fost l-oħrajn, li l-operaturi fin-negozju tal-ikel jistgħu jqiegħdu prodotti li ġejjin mill-animali fis-suq biss jekk dawn ikunu tħejjew u ġew immaniġġati esklużivament fi stabbilimenti li jissodisfaw ir-rekwiżiti rilevanti tal-Anness III tal-istess Regolament.

(2)

Il-Kapitolu VII tat-Taqsima I tal-Anness III tar-Regolament (KE) Nru 853/2004 jipprovdi li l-laħam tal-ungulati domestiċi jista’ jiġi ttrasportat qabel ma tintlaħaq it-temperatura rekwiżita skont dak ir-Regolament kemm-il darba l-awtorità kompetenti tawtorizza dan biex tippermetti l-produzzjoni tal-prodotti speċifiċi, b’ċerti kundizzjonijiet.

(3)

Għarfien aċċettat fir-rigward tal-kriterji adegwati ta’ mikrobijoloġija u temperatura juri li minn dispożizzjoni simili tibbenefika wkoll il-produzzjoni tal-foie gras u dan sabiex ikun possibbli l-użu ta’ metodi tradizzjonali tal-produzzjoni.

(4)

L-iffriżar li jseħħ eżatt wara l-qatla u t-tiksiħ jimminimizzaw it-tkabbir tal-batterji u għaldaqstant il-kwantità mikrobijoloġika li tirriżulta minn meta tinħall il-friża. Bħal fil-każ tad-dispożizzjonijiet diġà stabbiliti għal-laħam tal-ungulati domestiċi, il-laħam li jiġi mit-tajr u l-lagomorfi intiż għall-iffriżar għandu jiġi ffriżat mingħajr dewmien wara l-qatla u t-tiksiħ. Konsegwentement huwa f’loku li jiġi emendat il-Kapitolu V tat-Taqsima II tal-Anness III tar-Regolament (KE) Nru 853/2004 skont dan.

(5)

Ir-regoli stabbiliti fil-Kapitolu II tat-Taqsima VII tal-Anness III tar-Regolament (KE) Nru 853/2004 jinkludu rekwiżiti speċifiċi għall-molluski bivalvi ħajjin, ekinodermi ħajjin, tunikati ħajjin u gastropodi marini ħajjin, u dan fejn tidħol il-klassifikazzjoni mikrobijoloġika taż-żoni tal-produzzjoni.

(6)

L-Artikolu 6 tar-Regolament (KE) Nru 854/2004 tal-Parlament Ewropew u tal-Kunsill (2) jipprovdi li l-Istati Membri jridu jiżguraw li waqt il-produzzjoni u t-tqegħid fis-suq tal-molluski bivalvi ħajjin, ekinodermi ħajjin, tunikati ħajjin u gastropodi marini ħajjin ikunu saru kontrolli uffiċjali kif pprovdut fl-Anness II ta’ dak ir-Regolament.

(7)

L-Anness II ta’ dak ir-Regolament jipprovdi li ż-żoni tal-produzzjoni jridu jiġu kklassifikati skont il-livell fekali ta’ kontaminazzjoni fekali. Organiżmi filtraturi, bħalma huma l-molluski bivalvi, jistgħu jakkumulaw mikroorganiżmi li jirrappreżentaw riskju għas-saħħa pubblika.

(8)

Il-gastropodi marini ġeneralment mhumiex organiżmi filtraturi. Konsegwentement ir-riskju ta’ akkumulazzjoni ta’ mikroorganiżmi marbut mal-kontaminazzjoni fekali jista’ jitqies bħala wieħed remot. Barra minn dan, ma ġiet irrappurtata ebda informazzjoni epidemjoloġika li torbot id-dispożizzjonijiet għall-klassifikazzjoni taż-żoni tal-produzzjoni mar-riskji għas-saħħa pubblika assoċjati mal-gastropodi marini li mhumiex organiżmi filtraturi. Għal din ir-raġuni, gastropodi marini bħal dawn għandhom jiġu esklużi mid-dispożizzjonijiet dwar il-klassifikazzjoni taż-żoni tal-produzzjoni kif stipulat fil-Kapitolu II tat-Taqsima VII tal-Anness III tar-Regolament (KE) Nru 853/2004.

(9)

Il-Kapitolu VI tat-Taqsima VII tal-Anness III tar-Regolament (KE) Nru 853/2004 jipprovdi biss li pakketti individwali b’daqs maħsub għall-konsumatur ta’ molluski bivalvi ħajjin għandhom jingħalqu u jinżammu magħluqa waqt it-trasport minn meta jinħarġu miċ-ċentru ta’ dispaċċ sakemm jitressqu għall-bejgħ lill-konsumatur finali. Għaldaqstant, pakketti oħra ta’ molluski bivalvi ħajjin mhumiex koperti b’dak ir-rekwiżit. Fl-interess tas-saħħa pubblika, huwa f’loku li dan ir-rekwiżit jiġi emendat b’mod li dawn il-pakketti jkunu jridu jibqgħu magħluqin sakemm jitressqu għall-bejgħ lill-konsumatur finali.

(10)

Il-Kapitolu IX tat-Taqsima VII tal-Anness III tar-Regolament (KE) Nru 853/2004 jistabbilixxi rekwiżiti speċifiċi għall-pectinidae kkultivati barra miż-żoni ta’ produzzjoni kklassifikati. Tali rekwiżiti għandhom japplikaw ukoll għall-gastropodi marini ħajjin li mhumiex organiżmi filtraturi. Il-Punt 4 ta’ dak il-Kapitolu jistabbilixxi regoli speċifiċi għall-imballaġġ tal-pectinidae. Huwa xieraq li r-rekwiżiti għall-pakketti tal-molluski bivalvi ħajjin waqt it-trasport miċ-ċentru ta’ dispaċċ għall-bejgħ bl-ingrossa jkunu applikabbli wkoll għall-pectinidae u għall-gastropodi marini li mhumiex organiżmi filtraturi li jkunu ġew ikkultivati barra miż-żoni ta’ produzzjoni kklassifikati.

(11)

Il-Punt A tal-Kapitolu III tat-Taqsima VIII tal-Anness III tar-Regolament (KE) Nru 853/2004 jistipula kundizzjonijiet speċifiċi għall-immaniġġar ta’ dawk il-prodotti friski tal-ħut. Id-definizzjoni tal-prodotti friski tal-ħut stabbilita fil-punt 3.5 tal-Anness I ta’ dak ir-Regolament ma tinkludix prodotti tal-ħut mhux ipproċċessati li twaqqgħetilhom il-friża u prodotti friski tal-ħut li jkunu żdidulhom l-addittivi tal-ikel b’konformità mal-leġiżlazzjoni xierqa biex tiġi żgurata l-preservazzjoni. Għall-konsistenza tal-leġiżlazzjoni tal-Unjoni, għall-dawk il-prodotti jridu japplikaw l-istess rekwiżiti li japplikaw għall-prodotti friski tal-ħut.

(12)

Il-Punt 2 tal-Kapitolu VII u l-Punt 1(b) tal-Kapitolu VIII tat-Taqsima VIII tal-Anness III tar-Regolament (KE) Nru 853/2004 jirreferi għal deroga fil-każ tal-ħut sħiħ u ffriżat fis-salmura intiż għat-tqegħid fil-laned mir-rekwiżit ta’ temperatura ġenerali għal prodotti ffriżati tal-ħut li ma taqbiżx dik ta’ – 18 °C. Fil-każ tal-ħut iffriżat fis-salmura, għall-prodott trid tinkiseb temperatura ta’ mhux iktar minn – 9 °C.

(13)

Meta l-ħut sħiħ u ffriżat fis-salmura intiż għat-tqegħid fil-laned jitneħħa mit-taħlita tas-salmura użata għall-proċess tal-iffriżar, mhux meħtieġ li t-temperatura tkompli titniżżel b’mezzi oħra għal mhux iktar minn – 18 °C, u dan skont il-prattika komuni applikata meta jintuża l-metodu tas-salmura biex jiġi ffriżat ħut sħiħ intiż għat-tqegħid fil-laned.

(14)

Il-Punt 1 tal-Kapitolu 1 tat-Taqsima XIV u l-punt 1 tal-Kapitolu I tat-Taqsima XV tal-Anness III tar-Regolament (KE) Nru 853/2004 jistipula rekwiżiti għal materja prima użata għall-produzzjoni tal-ġelatina u l-kollaġen intiżi għall-użu fl-ikel.

(15)

F’Jannar 2005, l-Awtorità Ewropea dwar is-Sigurtà fl-Ikel ippubblikat opinjoni xjentifika dwar is-sikurezza tal-kollaġen u metodu ta’ pproċessar għall-produzzjoni tal-kollaġen (3). Skont l-opinjoni ta’ din l-Awtorità, l-użu tal-għadam għall-produzzjoni tal-kollaġen ma għandux jitqies bħala riskju għas-saħħa pubblika. Għaldaqstant hu f’loku li jiġu stabbiliti rekwiżiti ta’ pproċessar f’konformità mal-opinjoni tal-EFSA u li jiġi speċifikat li l-għadam użat bħala materja prima għandu jkun differenti minn materjal ta’ riskju speċifikat kif iddefinit fir-Regolament (KE) Nru 999/2001 tal-Parlament Ewropew u tal-Kunsill tat-22 ta’ Mejju 2001 li jistabblixxi regoli għall-prevenzjoni, kontroll u eradikazzjoni ta’ ċertu enċefalopatija sponġiformi li tinxtered (4). Il-Punt 1 tal-Kapitolu I tat-Taqsima XV tal-Anness III għandu jiġi emendat skont dan.

(16)

Għall-konsistenza tal-leġiżlazzjoni tal-Unjoni, il-punt 1 tal-Kapitolu I, il-punt 1 tal-Kapitolu III tat-Taqsima XIV tal-Anness III tar-Regolament (KE) Nru 853/2004 li jikkonċerna materja prima għall-produzzjoni tal-ġelatina għandu jiġi emendat skont dan.

(17)

Il-miżuri stipulati f’dan ir-Regolament huma skont l-opinjoni tal-Kumitat Permanenti dwar il-Katina Alimentari u s-Saħħa tal-Annimali,

(1)

(2)