Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32009R0304

    Regolament tal-Kummissjoni (KE) Nru 304/2009 tal- 14 ta’ April 2009 li jemenda l-Annessi IV u V għar-Regolament (KE) Nru 850/2004 tal-Parlament Ewropew u tal-Kunsill fir-rigward tat-trattament ta’ skart li jkun fih pollutanti organiċi persistenti fil-proċessi ta’ produzzjoni termika u metallurġika (Test b’relevanza għaż-ŻEE )

    ĠU L 96, 15.4.2009, p. 33–36 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

    ⏵Dan id-dokument ġie ppubblikat f’edizzjoni(jiet) speċjali (HR)

    Legal status of the document No longer in force, Date of end of validity: 14/07/2019; Imħassar b' 32019R1021

    ELI: http://data.europa.eu/eli/reg/2009/304/oj

    15.4.2009   

    MT

    Il-Ġurnal Uffiċjali tal-Unjoni Ewropea

    L 96/33

    REGOLAMENT TAL-KUMMISSJONI (KE) Nru 304/2009

    tal-14 ta’ April 2009

    li jemenda l-Annessi IV u V għar-Regolament (KE) Nru 850/2004 tal-Parlament Ewropew u tal-Kunsill fir-rigward tat-trattament ta’ skart li jkun fih pollutanti organiċi persistenti fil-proċessi ta’ produzzjoni termika u metallurġika

    (Test b’relevanza għaż-ŻEE)

    IL-KUMMISSJONI TAL-UNJONI EWROPEA,

    Wara li kkunsidrat it-Trattat li jistabbilixxi l-Komunità Ewropea,

    Wara li kkunsidrat ir-Regolament (KE) Nru 850/2004 tal-Parlament Ewropew u tal-Kunsill tad-29 ta’ April 2004 dwar pollutanti organiċi persistenti u li jemenda d-Direttiva 79/117/KEE (1), u b’mod partikolari l-Artikolu 7(6) u l-Artikolu 14(3) tiegħu,

    Billi:

    (1)

    Fit-tmien laqgħa tal-Konferenza tal-Partijiet fil-Konvenzjoni ta’ Bażel ġew adottati linji gwida tekniċi ġenerali aġġornati dwar il-ġestjoni ekoloġikament razzjonali tal-iskart li jkun fih jew li jikkonsisti jew li jkun ikkontaminat minn pollutanti organiċi persistenti (id-Deċiżjoni VIII/16). Is-subtaqsima dwar il-produzzjoni termika u metallurġika ta’ metalli ġiet miżjuda mat-taqsima IV.G.2 li tikkonċerna l-qerda u t-trasformazzjoni irriversibbli.

    (2)

    L-aġġornament tal-linji gwida għandu jkun rifless fir-Regolament (KE) Nru 850/2004, peress li dawn il-linji gwida joffru sors rilevanti għall-progress xjentifiku u tekniku fit-trattament ta’ skart li jkun fih pollutanti organiċi persistenti.

    (3)

    Il-linji gwida aġġornati jiddefinixxu wkoll il-livelli ta’ qerda u trasformazzjoni irriversibbli meħtieġa biex jiġi żgurat li ma jidhrux aktar karatteristiċi ta’ pollutanti organiċi. Dawn il-metodi ma għandux ikollhom, fost l-oħrajn, valuri ta’ emissjonijiet ta’ dibenżo-p-diossini poliklorinati (PCDDs) u dibenżofurans poliklorinati (PCDFs) ogħla minn 0,1 ng TEQ/Nm3. Dan il-valur huwa identiku għall-valur tal-limitu ta’ emissjonijiet fl-arja kif stipulat fid-Direttiva 2000/76/KE tal-Parlament Ewropew u tal-Kunsill tal-4 ta’ Diċembru 2000 dwar l-inċinerazzjoni tal-iskart (2). Peress li hija essenzjali l-ħtieġa li l-faċilitajiet għat-trattament tal-iskart li jkun fih pollutanti organiċi persistenti jħarsu l-valuri tal-limitu ta’ emissjonijiet għall-PCDDs u l-PCDFs kif stipulati fid-Direttiva 2000/76/KE, dawn il-valuri għandhom jiġu applikati, kemm jekk il-proċessi jkunu soġġetti għal dik id-Direttiva kif ukoll jekk le.

    (4)

    Il-linji gwida tekniċi ġenerali aġġornati dwar il-pollutanti organiċi persistenti jirrakkomandaw ukoll, fit-taqsima IV.G.1, is-separazzjoni ta’ dak l-element ta’ skart minn tagħmir li jkun fih jew ikun ikkontaminat minn pollutanti organiċi persistenti. Dan ir-rekwiżit jiċċara l-implimentazzjoni tal-operazzjonijiet tat-trattament ta’ qabel imsemmija fil-Parti 1 tal-Anness V għar-Regolament (KE) Nru 850/2004. Għalhekk, il-Parti 1 tal-Anness V għar-Regolament (KE) Nru 850/2004 għandha tiġi emendata skont dan.

    (5)

    Il-fatturi ta’ ekwivalenza ta’ tossiċità li ntużaw fl-Annessi IV u V għar-Regolament (KE) Nru 850/2004 biex jiġu kkalkulati l-limiti ta’ konċentrazzjoni għall-PCDDs u għall-PCDFs ġew aġġornati mill-Organizzazzjoni Dinjija tas-Saħħa fl-2005 skont l-informazzjoni xjentifika l-aktar reċenti. Dan għandhu jkun rifless fl-Annessi IV u V għar-Regolament (KE) Nru 850/2004.

    (6)

    Il-miżuri stipulati f’dan ir-Regolament huma dawk l-aktar xierqa biex jiġi żgurat livell għoli ta’ protezzjoni għas-saħħa tal-bniedem u għall-ambjent.

    (7)

    Ir-Regolament (KE) Nru 850/2004 għandu għalhekk jiġi emendat skont dan.

    (8)

    Il-Kumitat stabbilit bl-Artikolu 18 tad-Direttiva 2006/12/KE tal-Parlament Ewropew u tal-Kunsill (3) ma tax opinjoni dwar il-miżuri pprovduti f’dan ir-Regolament fiż-żmien stipulat mill-President tiegħu u għalhekk il-Kummissjoni ressqet proposta quddiem il-Kunsill marbuta mal-miżuri. Minħabba li, meta skada l-perjodu stipulat bl-Artikolu 17(2) tar-Regolament (KE) Nru 850/2004, il-Kunsill la kien adotta l-miżuri proposti u lanqas indika l-oppożizzjoni tiegħu għalihom, għandhom, taħt is-subparagrafu tal-Artikolu 5(6) tad-Deċiżjoni tal-Kunsill 1999/468/KE (4), jiġu adottati mill-Kummissjoni,

    ADOTTAT DAN IR-REGOLAMENT:

    Artikolu 1

    L-Annessi IV u V għar-Regolament (KE) Nru 850/2004 huma emendati skont l-Anness għal dan ir-Regolament.

    Artikolu 2

    Dan ir-Regolament għandu jidħol fis-seħħ fl-għoxrin jum wara l-pubblikazzjoni tiegħu f’Il-Ġurnal Uffiċjali tal-Unjoni Ewropea.

    Dan ir-Regolament għandu jorbot fl-intier tiegħu u japplika direttament fl-Istati Membri kollha.

    Magħmul fi Brussell, 14 ta’ April 2009.

    Għall-Kummissjoni

    Stavros DIMAS

    Membru tal-Kummissjoni

    (1)  ĠU L 158, 30.4.2004, p. 7.

    (2)  ĠU L 332, 28.12.2000, p. 91.

    (3)  ĠU L 114, 27.4.2006, p. 9.

    (4)  ĠU L 184, 17.7.1999, p. 23.

    ANNESS

    L-Annessi IV u V għar-Regolament (KE) Nru 850/2004 huma emendati kif ġej:

    1.

    L-Anness IV huwa emendat kif ġej:

    In-nota ta’ qiegħ il-paġna (**) tinbidel b’dan li ġej:

    “(**)

    Il-limitu jiġi kkalkulat bħala PCDD u PCDF skont il-fatturi ta’ ekwivalenza ta’ tossiċità li ġejjin (TEFs):

    PCDD

    TEF

    2,3,7,8-TeCDD

    1

    1,2,3,7,8-PeCDD

    1

    1,2,3,4,7,8-HxCDD

    0,1

    1,2,3,6,7,8-HxCDD

    0,1

    1,2,3,7,8,9-HxCDD

    0,1

    1,2,3,4,6,7,8-HpCDD

    0,01

    OCDD

    0,0003

    PCDF

    TEF

    2,3,7,8-TeCDF

    0,1

    1,2,3,7,8-PeCDF

    0,03

    2,3,4,7,8-PeCDF

    0,3

    1,2,3,4,7,8-HxCDF

    0,1

    1,2,3,6,7,8-HxCDF

    0,1

    1,2,3,7,8,9-HxCDF

    0,1

    2,3,4,6,7,8-HxCDF

    0,1

    1,2,3,4,6,7,8-HpCDF

    0,01

    1,2,3,4,7,8,9-HpCDF

    0,01

    OCDF

    0,0003 ”.

    2.

    L-Anness V huwa emendat kif ġej:

    (a)

    Il-Parti 1 hija emendata kif ġej:

    (i)

    wara “R1 Użu prinċipali bħala karburanti jew mezzi oħra biex jiġġeneraw l-enerġija, eskluż skart li jkunu fih il-PCBs” jiżdied dan li ġej:

    “R4

    Ir-riċiklaġġ/riġenerazzjoni tal-metalli u tal-komposti tal-metall, skont il-kundizzjonijiet li ġejjin: L-operazzjonijiet huma ristretti għal residwi ta’ proċessi tal-produzzjoni tal-ħadid u tal-azzar, bħat-trabijiet jew il-ħama mit-trattament ta’ gassijiet, jew frak mill-ipproċessar ta’ metalli (mill scale), inkella trabijiet ta’ filtri li jintużaw fl-ipproċessar tal-azzar u li jkun fihom iż-żingu, trabijiet minn sistemi ta’ purifikazzjoni ta’ gassijiet ta’ funderiji tar-ram u skart ieħor simili u residwi tat-tlissija li jkun fihom iċ-ċomb mill-produzzjoni ta’ metalli mingħajr kontenut ta’ ħadid. L-iskart li jkun fih il-PCBs huwa eskluż. L-operazzjonijiet huma ristretti għall-proċessi ta’ rkupru ta’ ħadid u liegi tal-ħadid (minn kalkari ta’ funderiji, fran b’passaġġi vertikali u fran tal-qiegħa) u metalli mingħajr kontenut ta’ ħadid (il-proċess Waelz b’forn li jdur, it-tidwib ta’ metalli f’banjijiet permezz ta’ fran vertikali jew orizzontali), sakemm il-faċilitajiet jissodisfaw, bħala rekwiżiti minimi, il-valuri tal-limitu ta’ emissjonijiet għall-PCDDs u għall-PCDFs kif stipulati fid-Direttiva 2000/76/KE tal-Parlament Ewropew u tal-Kunsill tal-4 ta’ Diċembru 2000 dwar l-inċinerazzjoni tal-iskart (*), kemm jekk il-proċessi jkunu soġġetti għal dik id-Direttiva kif ukoll jekk le, u mingħajr preġudizzju għad-dispożizzjonijiet l-oħra tad-Direttiva 2000/76/KE fejn din tkun tapplika u għad-dispożizzjonijiet tad-Direttiva 96/61/KE.

    (*)  ĠU L 332, 28.12.2000, p. 91.”"

    (ii)

    is-sentenza li ġejja tiddaħħal qabel l-aħħar sentenza:

    “Meta parti biss minn prodott jew skart, bħal skart minn tagħmir, ikun fih jew ikun ikkontaminat minn pollutanti organiċi persistenti, din għandha tiġi sseparata u tintrema skont ir-rekwiżiti ta’ dan ir-Regolament.”

    (b)

    Fil-Parti 2, in-nota 6 ta’ qiegħ il-paġna tinbidel b’dan li ġej:

    “(6)

    Il-limitu jiġi kkalkulat bħala PCDD u PCDF skont il-fatturi ta’ ekwivalenza ta’ tossiċità (TEFs) li ġejjin:

    PCDD

    TEF

    2,3,7,8-TeCDD

    1

    1,2,3,7,8-PeCDD

    1

    1,2,3,4,7,8-HxCDD

    0,1

    1,2,3,6,7,8-HxCDD

    0,1

    1,2,3,7,8,9-HxCDD

    0,1

    1,2,3,4,6,7,8-HpCDD

    0,01

    OCDD

    0,0003

    PCDF

    TEF

    2,3,7,8-TeCDF

    0,1

    1,2,3,7,8-PeCDF

    0,03

    2,3,4,7,8-PeCDF

    0,3

    1,2,3,4,7,8-HxCDF

    0,1

    1,2,3,6,7,8-HxCDF

    0,1

    1,2,3,7,8,9-HxCDF

    0,1

    2,3,4,6,7,8-HxCDF

    0,1

    1,2,3,4,6,7,8-HpCDF

    0,01

    1,2,3,4,7,8,9-HpCDF

    0,01

    OCDF

    0,0003 ”.
    Top