13.2.2008   

MT

Il-Ġurnal Uffiċjali ta’ l-Unjoni Ewropea

L 39/11

(1)

Ir-Regolament (KE) Nru 1925/2006 tal-Parlament Ewropew u tal-Kunsill (3) jipprovdi li l-proċedura regolatorja stabbilita mid-Deċiżjoni tal-Kunsill 1999/468/KE tat-28 ta' Ġunju 1999 li tipprovdi l-proċeduri għall-eżerċizzju tas-setgħat ta' l-implimentazzjoni konferiti fuq il-Kummissjoni (4) għandha tiġi applikata għall-adozzjoni tal-miżuri implimentattivi li jikkonċernaw dak ir-Regolament.

(2)

Id-Deċiżjoni 1999/468/KE ġiet emendata bid-Deċiżjoni 2006/512/KE, li introduċiet il-proċedura regolatorja bi skrutinju għall-adozzjoni ta' miżuri li għandhom kamp ta' applikazzjoni ġenerali u li huma mfassla sabiex jemendaw elementi mhux essenzjali ta' strument bażiku adottat skond il-proċedura msemmija fl-Artikolu 251 tat-Trattat inter alia bit-tħassir ta' wħud minn dawn l-elementi jew billi tissupplimenta b'elementi mhux essenzjali ġodda.

(3)

Il-Kummissjoni għandha tingħata s-setgħa biex tadotta modifiki għall-Annessi I u II tar-Regolament (KE) Nru 1925/2006; biex tistabbilixxi ikel addizjonali li miegħu ma jistgħux jiġu miżjuda vitamini jew minerali partikulari; biex tieħu deċiżjonijiet sabiex tiġi stabbilita u/jew emendata l-listi ta' sustanzi oħra awtorizzati, ipprojbiti jew limitati; biex tiddefinixxi l-kundizzjonijiet għall-użu ta' vitamini u minerali, bħall-kriterji ta' purezza, l-ammonti massimi, l-ammonti minimi u restrizzjonijiet jew projbizzjonijiet oħra fuq iż-żieda ta' vitamini u minerali fl-ikel; u biex tistabbilixxi derogi minn ċerti dispożizzjonijiet ta' dak ir-Regolament. Billi dawn huma miżuri li għandhom kamp ta' applikazzjoni ġenerali u huma mfassla biex jemendaw elementi mhux essenzjali ta' dak ir-Regolament, inter alia billi jissupplimentawh b'elementi mhux essenzjali ġodda, dawk il-miżuri għandhom ikunu adottati skond il-proċedura regolatorja bi skrutinju stabbilita fl-Artikolu 5a tad-Deċiżjoni 1999/468/KE.

(4)

Meta, minħabba raġunijiet imperattivi ta' urġenza, ma tkunx possibbli konformità mal-limiti ta' żmien għall-proċedura regolatorja bi skrutinju, il-Kummissjoni għandha tkun tista' tuża l-proċedura ta' urġenza prevista fl-Artikolu 5a(6) tad-Deċiżjoni 1999/468/KE biex jitneħħew ċerti vitamini jew minerali elenkati fl-Annessi u biex jiġu inklużi u emendati ċerti sustanzi oħra fl-Anness III tar-Regolament (KE) Nru 1925/2006.

(5)

Ir-Regolament (KE) Nru 1925/2006 għandu għaldaqstant jiġi emendat skond dan,

1.

L-Artikolu 3(3) għandu jiġi mibdul b’dan li ġej:

“3.   Il-modifiki għal-listi msemmija fil-paragrafu 1 ta' dan l-Artikolu għandhom jiġu adottati skond il-proċedura regolatorja bi skrutinju msemmija fl-Artikolu 14(3), filwaqt li titqies l-opinjoni ta' l-Awtorità.

Minħabba raġunijiet imperattivi ta' urġenza, il-Kummissjoni tista' tuża l-proċedura ta' urġenza msemmija fl-Artikolu 14(4) biex jitneħħew vitamina jew mineral mil-listi msemmija fil-paragrafu 1 ta' dan l-Artikolu.

Qabel tagħmel dawn il-modifiki, il-Kummissjoni għandha twettaq konsultazzjonijiet mal-partijiet interessati, b'mod partikulari ma' l-operaturi tan-negozju ta' l-ikel u mal-gruppi tal-konsumaturi.”;

2.

fl-Artikolu 4, it-tieni subparagrafu għandu jiġi mibdul b'dan li ġej:

“Miżuri li jistabbilixxu l-ikel jew kategoriji ta' ikel addizzjonali li fihom ma jistgħux jiżdiedu vitamini u minerali partikulari u li huma mfassla biex jemendaw elementi mhux essenzjali ta' dan ir-Regolament, jistgħu jiġu adottati skond il-proċedura regolatorja bi skrutinju msemmija fl-Artikolu 14(3) fid-dawl ta' evidenza xjentifika u waqt li jitqies il-valur nutrittiv tagħhom.”;

3.

L-Artikolu 5(1) għandu jiġi mibdul b'dan li ġej:

“1.   Il-miżuri li jiddeterminaw il-kriterji tal-purezza għall-formulazzjonijiet tal-vitamini u għas-sustanzi minerali elenkati fl-Anness II u mfassla biex jemendaw elementi mhux essenzjali ta' dan ir-Regolament billi jissupplimentawh, għandhom jiġu adottati skond il-proċedura regolatorja bi skrutinju msemmija fl-Artikolu 14(3), bl-eċċezzjoni ta' meta japplikaw skond il-paragrafu 2 ta' dan l-Artikolu.”;

(4)

L-Artikolu 6 għandu jiġi emendat kif ġej:

5.

L-Artikolu 7(1) għandu jiġi mibdul b'dan li ġej:

“1.   L-ittikkettar, il-preżentazzjoni u r-reklamar ta' ikel li fih ikunu ġew miżjuda vitamini u minerali m'għandu jkollhom l-ebda aċċenn li jsemmi jew jimplika li dieta bbilanċjata u varjata ma tistax tipprovdi kwantitajiet xierqa ta' nutrijenti. Fejn ikun xieraq, tista' tiġi adottata deroga dwar xi nutrijent speċifikuu mfassla biex temenda l-elementi mhux essenzjali ta' dan ir-Regolament billi tissupplimentah, skond il-proċedura regolatorja bi skrutinju msemmija fl-Artikolu 14(3).”;

6.

L-Artikolu 8 għandu jiġi emendat kif ġej:

7.

L-Artikolu 14 għandu jiġi mibdul b'dan li ġej:

“Artikolu 14

Il-proċedura tal-Kumitat

1.   Il-Kummissjoni għandha tkun megħjuna mill-Kumitat Permanenti fuq il-Katina ta' l-Ikel u s-Saħħa ta' l-Annimali stabbilit bl-Artikolu 58(1) tar-Regolament (KE) Nru 178/2002.

2.   Fejn issir referenza għal dan il-paragrafu, għandhom japplikaw l-Artikoli 5 u 7 tad-Deċiżjoni 1999/468/KE, b'kunsiderazzjoni tad-dispożizzjonijiet ta' l-Artikolu 8 tagħha.

Il-perjodu stabbilit fl-Artikolu 5(6) tad-Deċiżjoni 1999/468/KE għandu jkun ta' tliet xhur.

3.   Fejn issir referenza għal dan il-paragrafu, għandhom japplikaw l-Artikoli 5a (1) sa (4) u l-Artikolu 7 tad-Deċiżjoni 1999/468/KE, filwaqt li jiġu kkunsidrati d-dispożizzjonijiet ta' l-Artikolu 8 tagħha.

4.   Fejn issir referenza għal dan il-paragrafu, għandhom japplikaw l-Artikoli 5a (1), (2) u (6) u l-Artikolu 7 tad-Deċiżjoni 1999/468/KE, filwaqt li jiġu kkunsidrati d-dispożizzjonijiet ta' l-Artikolu 8 tagħha.”