32004D0554

Language
- My EUR-Lex
- Sign in
- Register
- My recent searches (0)

This document is an excerpt from the EUR-Lex website

Search tips

Need more search options? Use the Advanced search

EUROPA
EUR-Lex home
Deċiżjoni - 2004/554 - EN - EUR-Lex

Document 32004D0554

Help

Id-Deċiżjoni tal-Kummissjoni tad- 9 ta' Lulju 2004 li temenda l-Anness E mad-Direttiva tal-Kunsill 91/68/KEE u l-Anness I mad-Deċiżjoni 79/542/KEE rigward l-aġġornament taċ-ċertifikati tas-saħħa mudell relatati ma' annimali bovini u kaprini (innotifikata fid-dokument bin-numru C(2004) 1926) Test b'relevanza għaż-ŻEE.

ĠU L 248, 22.7.2004, p. 1–11 (ES, CS, DA, DE, ET, EL, EN, FR, IT, LV, LT, HU, NL, PL, PT, SK, SL, FI, SV)
ĠU L 267M, 12.10.2005, p. 40–50 (MT)

Legal status of the document No longer in force, Date of end of validity: 20/04/2021; Impliċitament imħassar minn 32016R0429

ELI: http://data.europa.eu/eli/dec/2004/554/oj

HTML

PDF

Official Journal

12.10.2005

Il-Ġurnal Uffiċjali ta’ l-Unjoni Ewropea

ID-DEĊIŻJONI TAL-KUMMISSJONI

tad-9 ta' Lulju 2004

li temenda l-Anness E mad-Direttiva tal-Kunsill 91/68/KEE u l-Anness I mad-Deċiżjoni 79/542/KEE rigward l-aġġornament taċ-ċertifikati tas-saħħa mudell relatati ma' annimali bovini u kaprini

(innotifikata fid-dokument bin-numru C(2004) 1926)

(Test b'rilevanza għaż-ŻEE)

(2004/554/KE)

IL-KUMMISSJONI TAL-KOMUNITAJIET EWROPEJ,

Konformi mat-Trattat li jistabbilixxi l-Komunità Ewropea,

Konformi mad-Direttiva tal-Kunsill 72/462/KEE (1) tat-12 ta' Diċembru 1972 fuq problemi ta' saħħa u spezzjonijiet veterinarji ma' l-importazzjoni ta' annimali bovini, ovini u kaprini u majjali, laħam frisk jew prodotti tal-laħam minn pajjiżi terzi, u b'mod partikolari l-Artikolu 11(2) ta' din.

Konformi mad-Direttiva tal-Kunsill 91/68/KEE tat-28 ta' Jannar 1991 fuq kundizzjonijiet tas-saħħa ta' l-annimali li tirregola l-kummerċ intra-Komunitarju ta' annimali ovini u kaprini (2), u b'mod partikolari l-Artikolu 14 (2) ta' din,

Billi:

(1)	Il-mudell taċ-ċertifikat veterinarju għall-kummerċ intra-Komunitarju ta' annimali ovini u kaprini għat-tnissil hu stipulat bħala Mudell III ta' l-Anness E mad-Direttiva 91/68/KEE.

(2)

Il-mudell taċ-ċertifikat veterinarju għall-importazzjoni ta' annimali ovini u kaprini domestiċi minn pajjiżi terzi hu stipulat bħala “OVI-X” f'parti 2 ta' l-Anness I mad-Deċiżjoni tal-Kunsill 79/542/KEE tal-21 ta' Diċembru 1976 li jagħti lista ta' pajjiżi terzi jew partijiet minn pajjiżi terzi, u li jistipula l-kundizzjonijiet għaċ-ċertifikazzjoni veterinarja u tas-saħħa pubblika u ta' l-annimali, għall-importazzjoni fil-Komunità ta' ċerti annimali ħajjin u l-laħam frisk tagħhom (3)

(3)

F' konformità ma' Parti I ta' Kapitolu A ta' l-Anness VIII u Kapitolu E ta' l-Anness IX mar-Regolament (KE) Nru 999/2001 tal-Parlament Ewropew u tal-Kunsill tat-22 ta' Mejju 2001 li jistipulaw regoli għall-prevenzjoni, il-kontroll u l-qirda ta' ċerti enċefalopatiji sponġiformi (4) trasmissibbli, ċerti kundizzjonijiet meħtieġa fil-kummerċ u fl-importazzjoni ta' annimali ovini u kaprini għat-tnissil ġew mibdula sabiex jirriflettu strateġija aktar vigoruża għall-qirda ta' l-isċrapie.

(4)	Hu neċessarju li ċ-ċertifikat tas-saħħa ta' l-annimali Mudell III fl-Anness E mad-Direttiva 91/68/KEE u ċ-ċertifikat mudell OVI X fl-Anness I mad-Deċiżjoni 79/542/KEE jiġu allineati mar-regoli aġġornati.

(5)	Id-Direttiva 91/68/KEE u d-Deċiżjoni 79/542/KEE għandhom għalhekk jiġu emendati skond dan.

(6)	Il-miżuri li tipprovdi għalihom din id-Deċiżjoni huma skond l-opinjoni tal-Kumitat Permanenti għall-Katina Alimentari u s-Saħħa ta' l-Annimali.

ADOTTAT DIN ID-DEĊIŻJONI:

Artikolu 1

Il-Mudell III fl-Anness E mad-Direttiva 91/68/KEE hu sostitwit mit-test fl-Anness I ma' din id-Deċiżjoni.

Artikolu 2

Il-Mudell OVI-X f' PARTI 2 ta' l-Anness I mad-Deċiżjoni 79/542/KEE hu sostitwit mit-test fl-Annex II ma' din id-Deċiżjoni.

Artikolu 3

Din id-Deċiżjoni tidħol fis-seħħ mill-1 ta' Ġunju 2004.

Artikolu 4

Din id-Deċiżjoni hija indirizzata lill-Istati Membri.

Magħmula fi Brussell, fid-9 ta' Lulju 2004.

Għall-Kummissjoni

David BYRNE

Membru tal-Kummissjoni

(1) ĠU L 302, tal-31.12.1972, p. 28. Direttiva, kif emendata l-aħħar mir-Regolament (KE) Nru 807/2003 (ĠU L 122, tas-16.5.2003, p. 36).

(2) ĠU L 46, tad-19.2.1991, p. 19. Direttiva, kif emendata l-aħħar mid-Direttiva tal-Kunsill 2003/50/KE (ĠU L 169, tat-8.7.2003, p. 51).

(3) ĠU L 146, ta' l-14.6.79, p. 15. Deċiżjoni kif emendata l-aħħar mid-Deċiżjoni tal-kummisjoni 2004/372/KE (ĠU L 118, tat-23.4.2004, p.45).

(4) ĠU L 147, tal-31.5.2001, p. 1. Regolament kif emendat l-aħħar mir-Regolament tal-Kummissjoni (KE) Nru 876/2004 (ĠU L 162, tat-30.4.2004, p. 52).

ANNESS I

Test ta 'immaġni

12. Informazzjoni dwar is-saħħa

Jien, il-veterinarju uffiċjali hawn taħt iffirmat, b'dan niċċertifika, li l-annimali deskritti hawn fuq jissodisfaw il-kundizzjonijiet li ġejjin

12.1 huma kienu spezzjonati llum (fi żmien 24 siegħa qabel it-tagħbija) u ma juru ebda sinjal kliniku ta' mard;

12.2 mhumiex annimali li jridu jinqerdu taħt skema għall-qirda ta' xi marda li tittieħed jew li tinfetta;

12.3 ma ġewx minn azjenda li hija suġġetta għal projbizzjoni fuq bażi ta' saħħa ta' l-annimali u li ma kellhomx kuntatt ma' annimali minn tali azjenda, fejn huwa mifhum li:

12.3.1 tali projbizzjoni hi konnessa mat-tifqigħa ta' waħda mill-mardiet li ġejjin li għalihom l-annimali huma suxxettibbli:

bruċellosi,

rabja,

anthrax;

12.3.2 wara l-qtil u/jew qirda ta' l-aħħar annimal li jsofri minn jew hu suxxettibbli għal waħda mill-mardiet hawn fuq imsemmija, id-dewmien tal-projbizzjoni jrid ikun mill-anqas ta':

42 ġurnata fil-każ ta' bruċellosi,

30 ġurnata fil-każ ta' rabja,

15-il ġurnata fil-każ ta' anthrax;

12.3.3 ma jkunux ġejjin minn azjenda u lanqas ikunu ġew f'kuntatt ma' annimali minn azjenda f'żona ta' protezzjoni li twaqqfet taħt il-leġislazzjoni tal-Komunità u li minnha huma pprojbiti li jitilqu annimali;

12.3.4 mhumiex suġġetti għal miżuri tas-saħħa ta' l-annimali konformi mal-leġislazzjoni tal-Komunità fuq il-marda ta' l-ilsien u d-dwiefer u lanqas ma ġew imlaqqma kontra l-marda ta' l-ilsien u d-dwiefer;

12.4 huma baqgħu f'azjenda ta' oriġini waħda għal perjodu ta' mill-anqas 30 ġurnata qabel it-tagħbija, jew sa minn meta twieldu fl-azjenda ta' l-oriġini meta l-annimali għandhom anqas minn 30 ġurnata, u ebda annimal ta' l-ispeċi ovina jew kaprina ma ġie introdott fl-azjenda ta' l-oriġini matul l-aħħar 21 ġurnata qabel it-tagħbija u ebda annimal bi dwiefer doppji importat minn pajjiż terz ma ġie introdott fl-azjenda ta' l-oriġini matul it-30 ġurnata qabel ma ntbagħtu mill-azjenda ta' l-oriġini, sakemm dawk l-annimali ma ġewx introdotti f'konformità ma' l-Artikolu 4a (2) tad-Direttiva 91/68/KEE;

12.5 huma konformi mal-garanziji addizzjonali maħsuba fl-Artikoli 7 jew 8 tad-Direttiva tal-Kunsill 91/68/KEE u stipulati għall-Istat Membru li għalih huma destinati jew parti mit-territorju tiegħu ………………………………………………. [ikteb l-Istat Membru jew parti mit-territorju tiegħu] fid-Deċiżjoni tal-Kummissjoni ……/…../KE (4).

12.6 huma konformi ma' mill-anqas waħda mill-kundizzjonijiet li ġejjin fi 12.6.1., 12.6.2. jew 12.6.3. u għalhekk jikkwalifikaw għall-ammissjoni f'azjenda ovina jew kaprina li hija uffiċjalment ħielsa mill-bruċellosi, (B. melitensis) (4):

12.6.1 l-azjenda ta' l-oriġini tinsab fi Stat Membru jew parti mit-territorju tiegħu …………………………………………… [ikteb l-isem ta' l-Istat Membru jew parti mit-territorju tiegħu] li hu identifikat bħala uffiċjalment ħieles mill-bruċellosi skond id-Deċiżjoni tal-Kummissjoni……../….…../KE (4) , jew

12.6.2 huma ġejjin minn azjenda li hija uffiċjalment ħielsa mill-bruċellosi (B. melitensis) (4); jew

12.6.3 huma ġejjin minn azjenda li hija ħielsa mill-bruċellosi (B. melitensis) u

i) huma identifikati individwalment, u

ii) qatt ma ġew imlaqqma kontra l-bruċellosi jew jekk ġew imlaqqma kienu mlaqqma aktar minn sentejn qabel jew huma tas-sess femminili li għandhom aktar minn sentejn li ġew imlaqqma qabel l-età ta' seba' xhur, u

iii) ġew iżolati taħt superviżjoni uffiċjali fl-azjenda ta' l-oriġini u, matul tali iżolament, għaddew, b'riżultati negattivi, żewġ testijiet għall-bruċellosi f'konformità ma' l-Anness Ċ mad-Direttiva 91/68/KEE, separati b'intervall ta' mill-anqas sitt gimgħat (4) ;

Test ta 'immaġni

12.7 huma konformi ma' mill-anqas waħda mill-kundizzjonijiet fi 12.7.1., 12.7.2. jew 12.7.3. u għalhekk jikkwalifikaw għall-ammissjoni f'azjenda ovina jew kaprina li hi ħielsa mill-bruċellosi, (B. melitensis) (4):

12.7.1 huma ġejjin minn azjenda li hija uffiċjalment ħielsa mill-bruċellosi (B. melitensis) (4); jew

12.7.2 huma ġejjin minn azjenda li hija ħielsa mill-bruċellosi (B. melitensis) (4) ; jew

12.7.3 sad-data tal-kwalifika fil-pjanijiet tal-qirda approvati skond id-Deċiżjoni 90/242/KEE, huma joriġinaw minn azjenda li mhijiex dik li hemm referenza għaliha fi 12.7.1. u 12.7.2. u li tissodisfa l-kundizzjonijiet li ġejjin:

i) huma identifikati individwalment, u

ii) joriġinaw minn azjenda li fiha l-annimali kollha ta' speċi suxxettibbli għall-bruċellosi (B. melitensis) ilhom ħielsa minn sintomi kliniċi jew kwalunkwe sintomi oħra ta' bruċellosi għal mill-anqas 12-il xahar; u

iii) jew:

ma ġewx imlaqqma kontra l-bruċellosi (B. melitensis) fl-aħħar sentejn, u

ġew iżolati taħt superviżjoni veterinarja fl-azjenda ta' l-oriġini u, matul tali iżolament, għaddew, b'riżultati negattivi, żewġ testijiet għall-bruċellosi f'konformità ma' l-Anness Ċ mad-Direttiva 91/68/KEE, separati b'intervall ta' mill-anqas sitt ġimgħat (4),

jew

kienu mlaqqma bil-vaċċin Rev. 1 qabel l-età ta' seba' xhur u

ma kinux imlaqqma fil-15-il ġurnata qabel id-data tal-ħruġ ta' dan iċ-ċertifikat tas-saħħa (4);

12.8 fir-rigward ta' epididymitis ta' l-imtaten li tittieħed (B. ovis), fejn huma involuti mtaten għat-tnissil mhux ikkastrati, huma:

i) għandhom jiġu minn azjenda fejn ebda każ ta' epididymitis ta' l-imtaten li tittieħed (B. ovis) ma ġie rreġistrat fl-aħħar 12-il xahar, u

ii) kellhom jinżammu b'mod permanenti f'dik l-azjenda għas-60 ġurnata qabel il-konsenja, u

iii) kellhom jgħaddu, fi żmien 30 ġurnata qabel il-konsenja, b'riżultat negattiv, test għall-epididymitis ta' l-imtaten li tittieħed (B. ovis) f'konformità ma' l-Anness D mad-Direttiva 91/68/KEE;

12.9 safejn jaf il-firmatarju ta' hawn taħt u skond id-dikjarazzjoni bil-miktub magħmula mill-propjetarju, dawn la nkisbu minn azjenda u lanqas ġew f'kuntatt ma' annimali minn azjenda li fiha kienu klinikament osservati l-mardiet li ġejjin:

i) fl-aħħar sitt xhur, agalactia tan-nagħaġ li tittieħed (Mycoplasma agalactiae) u agalactia tal-mogħoż li tittieħed (Mycoplasma agalactiae, M. capricolum, M. mycoides subsp. mycoides ‘large colony’),

ii) fl-aħħar 12-il xahar, paratuberkulosi jew ‘caseous’ lymphadenitis,

iii) fl-aħħar tliet snin, adenomatosi pulmonarja, maedi/visna jew artrite/enċefalite virali kaprina. Madankollu, dan il-limitu huwa mnaqqas għal 12-il xahar jekk annimali milquta minn maedi/visna jew artrite/enċefalite virali kaprina nqatlu u l-annimali li baqa' rreaġixxew b'mod negattiv għal żewġ testijiet,

12.10 fir-rigward ta' scrapie, l-annimali jissodisfaw il-kundizzjonijiet maħsuba f'punt (a) ta' Parti I ta' Kapitolu A ta' l-Anness VIII mar-Regolament (KE) Nru 999/2001.

12.10.1 jekk huma destinati għal Stat Membru li jibbenefika, għat-territorju tiegħu kollu jew parti minnu, mill-provvedimenti stipulati f'punt (b) jew (c) ta' Parti I f'Kapitolu A fl-Anness VIII mar-Regolament (KE) Nru 999/2001 huma konformi mal-garanziji addizzjonali stipulati għall-Istat Membru li għalih huma ddestinati jew parti mit-territorju tiegħu …………………………………………. [ikteb l-Istat Membru jew parti mit-territorju tiegħu] fir-Regolament tal-Kummissjoni (KE) Nru ……/…../(4).

Test ta 'immaġni

13.1 L-annimali ġew ittrasportati permezz ta' mezzi ta' transport u żamma li kienu, minn qabel, ġew imnaddfa u diżinfettati bl-użu ta' diżinfettant approvat uffiċjalment, u b'tali mod li jipprovdi protezzjoni effettiva għall-istat ta' saħħa ta' l-annimali.

13.2 Skond id-dokumentazzjoni uffiċjali li takkumpanja l-annimali l-konsenja koperta b'dan iċ-ċertifikat tas-saħħa beda l-vjaġġ fil- ………………………… [ikteb id-data] (5).

13.3 Fil-ħin ta' l-ispezzjoni l-annimali kienu f'kundizzjoni tajba biex jiġu trasportati għall-vjaġġ maħsub f'konformità mal-provvedimenti tad-Direttiva 91/628/KEE (6).

14. Dan iċ-ċertifikat huwa validu għal 10 ġranet mid-data ta' l-ispezzjoni.

14.1 Timbru uffiċjali u firma

14.2 Magħmula fi:

Timbru

…………….…………………………………………………

[ikteb il-post ta' l-ispezzjoni]

14.3 Magħmula nhar:

……………………………………………………………….

[ikteb id-data ta' l-ispezzjoni]

14.4 Firma tal-veterinarju uffiċjali

………………………………………………………………

[ikteb l-isem u l-kariga b'ittri kbar]

Noti indikattivi

(1) Ċertifikati tas-saħħa jistgħu jinkitbu biss għal annimali li ser jiġu trasportati fl-istess vagun tal-ferrovija, trakk, ajruplan jew dgħajsa/vapur, li joriġinaw mill-istess azjenda u li qed jintbagħtu lill-istess destinatarju.

(2) Agħti n-numru tar-reġistrazzjoni fil-każ ta' vaguni tal-ferrovija u trakkijiet, in-numru tat-titjira fil-każ ta' ajruplan u l-isem fil-każ ta' dgħajjes u vapuri.

(3) Iddikjara n-numru u l-post.

(4) Aqta' fejn mhux applikabbli.

(5) Fil-każ fejn konsenja hija miġbura f'punt tal-ġbir u tinkludi annimali li tgħabbew f'dati differenti, id-data li fiha nbeda l-vjaġġ għall-konsenja kollha titqies bħala l-ewwel data meta kwalunkwe parti mill-konsenja telqet mill-azjenda ta' l-oriġini.

(6) Din l-istqarrija ma teżentax lit-trasportaturi mill-obbligi tagħhom skond il-provvedimenti tal-Komunità li hemm fis-seħħ b'mod partikolari fir-rigward tal-kundizzjoni tajba ta' annimali li ser jiġu ttrasportati.

ANNESS II

Test ta 'immaġni

Test ta 'immaġni

9. Ċertifikazzjoni tas-Saħħa Pubblika

Jien, il-veterinarju uffiċjali hawn taħt iffirmat, b'dan niċċertifika, li l-annimali deskritti f'dan iċ-ċertifikat :

9.1 ġejjin minn azjendi li kienu ħielsa minn kwalunkwe projbizzjoni uffiċjali fuq bażi ta' saħħa, għal dawn l-aħħar 42 ġurnata fil-każ ta' bruċellosi, għal dawn l-aħħar 30 ġurnata fil-każ ta' anthrax, għal dawn l-aħħar sitt xhur fil-każ ta' rabja, u ma kellhomx kuntatt ma' annimali minn azjendi li ma ssodisfawx dawn il-kundizzjonijiet;

9.2 ma rċevewx:

kwalunkwe sustanza stilbene jew thyrostatic,

sustanzi estrogeniċi, androgeniċi, ġestaġeniċi jew β- agonisti ħlief għal skopijiet ta' trattament terapewtiku jew żootekniku (kif iddefinit fid-Direttiva tal-Kunsill 96/22/KE).

10. Ċertifikazzjoni tas-Saħħa ta' l-Annimali

Jien, il-veterinarju uffiċjali hawn taħt iffirmat, b'dan niċċertifika, li l-annimali deskritti hawn fuq jissodisfaw il-kundizzjonijiet meħtieġa li ġejjin:

10.1 huma ġejjin mit-territorju bil-kodiċi :…………………… (3) li, fid-data li fiha nħare dan iċ-ċertifikat:

(5) jew [a) ilu ħieles għal 24 xahar mill-marda ta' l-ilsien u d-dwiefer, għal 12-il xahar minn rinderpest, bluetongue, deni tar-Rift valley, peste des petits ruminants, ġidri tan-nagħaġ u ġidri tal-mogħoż, pleuro-pneumonia kaprina li tittieħed u l-marda emorraġika epiżootika u għal 6 xhur minn stomatite vesikulari, u]

(5) jew [a) i) ilu ħieles għal 12-il xahar minn rinderpest, bluetongue, deni tar-Rift valley, peste des petits ruminants, ġidri tan-nagħaġ u ġidri tal-mogħoż, pleuro-pneumonia kaprina li tittieħed u l-marda emorraġika epiżootika, u għal 6 xhur minn stomatite vesikulari, u

ii)ilu kkunsidrat ħieles mill-marda ta' l-ilsien u d-dwiefer, sa mill- …………… (data), mingħajr ma kellu każijiet/tifqigħ wara, u awtorizzat li jesporta dawn l-annimali bid-Deċiżjoni tal-Kummissjoni ——/——/KE, ta' ………… (data) ,u]

b)fejn tul l-aħħar 12-il xahar, ma sar ebda tilqim kontra dawn il-mardiet u l-importazzjoni ta' annimali domestiċi b'difirhom mifruq imlaqqma kontra dawn il-mard mhix permessa;

10.2 huma baqgħu fit-territorju deskritt taħt punt 10.1 sa mit-twelid, jew mill-anqas għall-aħħar sitt xhur qabel id-dispaċċ lejn il-Komunità Ewropea u mingħajr kuntatt ma' annimali b'difirhom mifruq importati għall-aħħar 30 ġurnata;

10.3 huma baqgħu sa mit-twelid jew mill-anqas 40 ġurnata fl-azjenda(i) deskritta taħt punt 6.1 qabel id-dispaċċ:

a) fi u madwar liema, f'żona b'raġġ ta' 150 km, ma kien hemm l-ebda każ/tifqigħa ta' bluetongue u marda emorraġika epiżootika matul il-100 ġurnata ta' qabel, u

b) fi u madwar liema, f'żona b'raġġ ta' 20 km, ma kien hemm ebda każ/tifqigħa tal-mardiet l-oħra msemmija taħt punt 10.1 matul l-40 ġurnata ta' qabel;

10.4 safejn naf jien u skond id-dikjarazzjoni bil-miktub magħmula mill-propjetarju, l-annimali:

a) ma jiġux minn azjendi, u ma ġewx f'kuntatt ma' annimali minn azjenda, li fiha ġew osservati klinikament il-mardiet li ġejjin:

i) agalactia ta' nagħaġ jew mogħoż li tittieħed (Mycoplasma agalactiae, Mycoplasma capricolum, Mycoplasma mycoides var. mycoides "large colony"), fl-aħħar sitt xhur,

ii) paratuberkulosi u caseous lymphadenitis, fl-aħħar 12-il xahar,

iii) adenomatosi pulmonarja, fl-aħħar tliet snin, u

iv) Maedi/Visna jew artrite/enċefalite virali kaprina:

(5) [fl-aħħar tliet snin,]

(5) jew [fl-aħħar 12-il xahar, u l-annimali kollha infettati nqatlu u l-annimali li baqa' sussegwentement irreaġixxew b'mod negattiv għal żewġ testijiet magħmula fi żmien ta' mill-anqas sitt xhur minn xulxin,]

b) huma inklużi f'sistema uffiċjali għan-notifikazzjoni ta' dawn il-mardiet, u

c) ilhom ħielsa minn evidenza klinika jew ta' xorta oħra ta' tuberkolosi u bruċellosi matul it-tliet snin qabel l-esportazzjoni;

10.5 mhumiex annimali li jridu jinqatlu taħt programm nazzjonali għall-qirda ta' mard, u lanqas ma tlaqqmu kontra l-mardiet imsemmija taħt punt 10.1;

10.6 A huma joriġinaw:

(5) (11) [mit-territorju deskritt taħt punt 3.2, li ġie ddikjarat uffiċjalment bħala ħieles mill-bruċellosi;]

(5) jew [mill-azjenda(i) deskritta taħt punt 6.1, fejn, dwar il-bruċellosi (Brucella melitensis):

a) l-annimali kollha suxxettibbli ilhom ħielsa minn sinjali kliniċi jew kwalunlwe sinjal ieħor ta' din il-marda għall-aħħar 12-il xahar;

b) ammont rappreżentattiv ta' l-annimali ovini u kaprini ta' età akbar minn sitt xhur huma sottomessi kull sena għal test seroloġiku;(12)

Test ta 'immaġni

(5)(13) jew [c) l-annimali ovini jew kaprini kollha ma tlaqqmux kontra din il-marda, ħlief dawk imlaqqma bit-tilqima Rev. 1 aktar minn sentejn ilu,

d) l-aħħar żewġ testijiet (14), separati b'intervall ta' mill-anqas sitt xhur, magħmula fil- ………………. (data) u fil- …………………. (data) fuq l-annimali ovini u kaprini kollha ta' età akbar minn sitt xhur kellhom riżultati negattivi, u]

(5) inkella [c) annimali ovini jew kaprini taħt l-età ta' 7 xhur tlaqqmu kontra din il-marda bit-tilqima Rev. 1,

d) l-aħħar żewġ testijiet (14), separati b'intervall ta' mill-anqas sitt xhur, magħmula:

fil- ………………. (data) u fil- …………………. (data) fuq l-annimali ovini u kaprini kollha mhux imlaqqma ta' età akbar minn sitt xhur, u

fil- ………………. (data) u fil- …………………. (data) fuq l-annimali ovini u kaprini kollha mlaqqma ta' età akbar minn 18-il xahar

kellhom riżultati negattivi, u]

e) hemm biss annimali ovini u kaprini li jissodisfaw ta' l-anqas il-kundizzjonijiet meħtieġa msemmija hawn fuq;]

(5) [10.6 B l imtaten li mhumiex ikkastrati matul is-60 ġurnata ta' qabel inżammu kontinwament f'azjenda fejn ma nstab ebda każ ta' epididymitis (Brucella ovis) li tittieħed fl-aħħar 12-il xahar u, matul it-30 ġurnata ta' qabel dawn l-imtaten għaddew minn complement fixation test biex tinstab l-epididymitis li tittieħed b'riżultat ta' anqas minn 50 IU/ml;]

10.6 C Rigward l-iscrapie

(5) (16) [10.6.C.1 jekk huma ddestinati għal Stat Membru li jibbenefika, għat-territorju kollu tiegħu jew parti minnu, mill-provvedimenti stipulati f'punt (b) jew (c) ta' Kapitolu A(I) ta' l-Anness VIII mar-Regolament (KE) Nru 999/2001, l-annimali jissodisfaw il-garanzijij maħsuba fil-programmi li għalihom hemm referenza f'dak il-punt u l-annimali jissodisfaw il-garanziji rikjesti mill-Istati Membri ta' l-UE li għalihom huma ddestinati rigward l-iscrapie, u]

jew

(5) [10.6.Ċ.2 huma annimali maħsuba għall-produzzjoni mwielda u kontinwament imrobbija f'azjendi li fihom qatt ma ġie osservat każ ta' scrapie;]

(5) (15) [10.6.Ċ.2 għal annimali għat-tnissil iċċertifikati sa mhux aktar tard mit-30 ta' Ġunju 2004

huma twieldu u trabbew kontinwament f'azjendi fejn qatt ma ġie osservat każ ta' scrapie u li ssodisfaw il-kundizzjonijiet meħtieġa li ġejjin għal mill-anqas tliet snin:

huma suġġetti għal kontrolli veterinarji uffiċjali regolari,

l-annimali huma mmarkati,

kontrolli bit-teħid ta' kampjuni ta' annimali femminili xjuħ magħżula għall-qatla huma magħmula fl-azjenda, u

nagħaġ femminili huma introdotti fl-azjenda biss jekk ġejjin minn azjenda li tissodifa l-kundizzjonijiet meħtieġa ta' hawn fuq;]

(5) (15) [10.6.C.2 għal annimali ċċertifikati bejn l-1 ta' Lulju 2004 u t-30 ta' Ġunju 2007:

huma twieldu u trabbew kontinwament f'azjendi li ssodisfaw il-kundizzjonijiet meħtieġa li ġejjin

1 qatt ma ġie osservat ebda każ ta' scrapie, u

2 għal mill-anqas tliet snin qabel iċ-ċertifikazzjoni

2.1 l-azjendi huma suġġetti għal kontrolli veterinarji uffiċjali regolari,

2.2 l-annimali fl-azjendi huma mmarkati,

2.3.1 annimali femminili xjuħ magħżula għall-qatla huma kkontrollati b'teħid ta' kampjuni, u

2.3.2 l-annimali kollha li għandhom aktar minn 18-il xahar li mietu jew inqatlu wara l-1 ta' Lulju 2004 (ħlief l-annimali maqtula fl-istruttura ta' kampanja għall-qirda ta' xi mard jew maqtula għall-konsum uman) ġew eżaminati għall-iscrapie skond il-metodi tal-laboratorju stipulati fl-Anness X, Kapitolu Ċ, punt 3.2(b) tar-Regolament (KE) Nru 999/2001,

2.4.1 annimali femminili jiġu biss introdotti fl-azjenda jekk ġejjin minn azjendi li jissodisfaw il-kundizzjonijiet meħtieġa f'1, 2.1. 2.2., 2.3.1., u

2.4.2 mill-1 ta' Lulju 2004, annimali ovini u kaprini, bl-eċċezzjonji ta' nagħaġ tal-ġenotip ARR/ARR prion protein ġew introdotti biss fl-azjenda jekk ġejjin minn azjendi li jissodisfaw il-kundizzjonijiet meħtieġa f'1, 2.1, 2.2., 2.3.1. 2.3.2 u 2.4.1]

Test ta 'immaġni

(5) (15) [10.6.C.2 għal annimali ċċertifikati wara l-1 ta' Lulju 2007:

huma twieldu u trabbew kontinwament f'azjendi li fihom qatt ma ġie osservat każ ta' scrapie u li ssodisfaw il-kundizzjonijiet meħtieġa li ġejjin għal mill-anqas tliet snin:

huma suġġetti għal kontrolli veterinarji uffiċjali regolari,

l-annimali huma mmarkati,

l-annimali kollha li għandhom aktar minn 18-il xahar li mietu jew inqatlu fl-azjendi (minbarra l-annimali maqtula fl-istruttura ta' kampanja għall-qirda ta' xi mard jew maqtula għall-konsum uman) ġew eżaminati għall-iscrapie skond il-metodi tal-laboratorju stipulati fl-Anness X, Kapitolu Ċ, punt 3.2(b) mar-Regolament (KE) Nru 999/2001, u

annimali ovini u kaprini, bl-eċċezzjoni ta' nagħaġ tal-ġenotip ARR/ARR prion protein ġew introdotti biss fl-azjenda jekk ġejjin minn azjendi li jissodisfaw il-kundizzjonijiet meħtieġa hawn fuq]

(5) jew [10.6.C.3 huma nagħaġ tal-ġenotip ARR/ARR prion protein, kif definit fl-Anness I mad-Deċiżjoni tal-Kummissjoni 2002/1003/KE, ġejjin minn azjenda fejn ma ġie rrapurtat ebda każ ta' scrapie fl-aħħar sitt xhur;]

(5)(17) [10.6 D l annimali rreaġixxew b'mod negattiv għal test seroloġiku għall-iskoperta ta' anti-korp għal bluetongue u l-marda emorraġika epiżootika, magħmula f'żewġ okkażjonijiet fuq kampjuni ta' demm meħuda fil-bidu tal-perjodu ta' l-iżolament/kwarantina u mill-anqas 28 ġurnata wara fil- …………(data) u fil- ……….(data), li t-tieni wieħed minnhom irid ikun ittieħed fi żmien 10 ġranet mill-esportazzjoni;]

10.7 huma qed jiġu/kienu(5) mibgħuta mill-azjenda(i) ta' l-oriġini tagħhom, mingħajr ma għaddew minn ebda suq,

(5) [direttament lejn il-Komunità Ewropea,]

(5) jew [lejn il-punt tal-ġbir uffiċjalment awtorizzat deskritt taħt punt 6.2 li jinsab fit-territorju deskritt taħt punt 10.1,]

u, sakemm intbagħtu lejn il-Komunità Ewropea:

a) huma ma ġewx f'kuntatt ma' annimali oħra b'difirhom maqsum li ma jissodisfawx ta' l-anqas l-istess kundizzjonijiet ta' saħħa meħtieġa kif deskritti f'dan iċ-ċertifikat, u

b) huma ma kienu f'ebda post fejn, jew li madwaru f'raġġ ta' 20km, matul it-30 ġurnata ta' qabel kien hemm każ/tifqigħa ta' kwalunkwe mill-mardiet imsemmija taħt punt 10.1;

10.8 kwalunkwe vetturi jew kontenituri tat-trasport li fihom tgħabbew ġew imnaddfa u diżinfettati qabel it-tagħbija b'diżinfettant uffiċjalment awtorizzat;

10.9 huma ġew eżaminati minn veterinarju uffiċjali fi żmien 24 siegħa mit-tagħbija u ma wrew ebda sinjal kliniku ta' mard;

10.10 huma tgħabbew biex jintbagħtu lejn il-Komunità Ewropea fil- ……………………………………….. (18) fil-mezzi tat-trasport deskritti taħt punt 7 hawn fuq li ġew imnaddfa u diżinfettati qabel it-tagħbija b'diżinfettant uffiċjalment awtorizzat u mibnija b'tali mod li ħmieġ, urina, żibel jew għalf tal-bhejjem ma setgħux inixxu jew jaqgħu barra mill-vettura jew il-kontenitur matul it-trasportazzjoni.

11. Ċertifikazzjoni tat-trasport ta' l-annimali

Jien, veterinarju uffiċjali hawn taħt iffirmat, b'dan niċċertifika, li l-annimali deskritti hawn fuq ġew ittrattati qabel u fil-ħin tat-tagħbija f'konformità mal-provvedimenti relevanti tad-Direttiva tal-Kunsill 91/628/KEE, b'mod partikolari rigward tisqija u għalf, u li huma f'saħħithom biżżejjed għat-trasport maħsub.

Timbru uffiċjali u firma

Magħmul fi ……………………………………………….. fil-

(firma tal-veterinarju uffiċjali)

(timbru)

(isem f'ittri kbar, kwalifiki u titolu)

Noti

(1) Nagħaġ ħajjin (Ovis aries) u mogħoż (Capra hircus) intiżi għat-tnissil jew produzzjoni.

Wara l-importazzjoni l-annimali jridu jiġu ttrasportati mingħajr dewmien lejn l-azjenda destinatarja fejn huma għandhom jibqgħu għal perjodu minimu ta' 30 ġurnata qabel aktar spostamenti 'l barra mill-azjenda, ħlief fil-każ ta' dispaċċ lejn biċċerija.

(2) Maħruġ mill-awtorità kompetenti.

(3) Pajjiż u kodiċi tat-territorju kif jidhru f'Parti 1 ta' l-Anness I mad-Deċiżjoni tal-Kunsill 79/542/KEE (kif emendata l-aħħar).

(4) In-numru(i) tar-reġistrazzjoni tal-vagun tal-ferrovija jew it-trakk u l-isem tal-vapur iridu jingħataw kif jeħtieġ. Jekk inhu magħruf, in-numru tat-titjira ta' l-ajruplan.

Fil-każ ta' transport f'kontenituri jew kaxex, l-ammont totali, in-numri tar-reġistrazzjoni u tas-siġill tagħhom, jekk hemm, għandhom jiġu indikati taħt punt 7.3.

(5) Żomm kif jeħtieġ.

(6) Imla jekk jeħtieġ.

Test ta 'immaġni

(7) Il-punt tal-ġbir għandu jissodisfa l-kundizzjonijiet għall-approvazzjoni tiegħu, kif stipulat f'Parti 3.B ta' dan l-Anness I.

(8) L-annimali għandu jkollhom:

a) numru individwali li jippermetti s-sejba tal-post ta' l-oriġini tagħhom. Speċifika s-sistema ta' identifikazzjoni (jiġifieri tikketta, tatwaġġi, marka, ċipp, transponder) u l-post anatomiku użat fl-annimal,

b) tikketta mal-widna li tinkludi l-kodiċi ta' l-ISO tal-pajjiż li qed jesporta.

Fil-każ ta' konsenja ta' aktar minn speċi wieħed ta' annimal, indika wkoll "ovini" u "kaprini" kif jeħtieġ.

(9) Età (xhur). Sess (M = maskili, F = femminili, K = kastrat).

(10) Testijiet li saru fuq l-annimal, meta jeħtieġ, qabel jintbagħtu għall-esportazzjoni. Uża fl-ordni li ġejja, kif jeħtieġ, il-kodiċi li jidentifikaw il-mardiet li saru testijiet għalihom f'konformità ma' punt (12) Bruċellosi (B. melitensis u B. ovis) - kodiċi "BRL" - , punt (13) Bluetongue - kodiċi "BTG"- u Marda emorraġika epiżoodika - kodiċi "EHD"-.

(11) Biss għal territorju li jidher bl-annotazzjoni "V" f'kolonna 6 ta' Parti 1 ta' l-Anness I mad-Deċiżjoni tal-Kunsill 79/542/KEE (kif emendata l-aħħar).

(12) In-numru rappreżentattiv ta' annimali li għandhom jiġu ttestjati għal bruċellosi għandhom, għal kull azjenda, jikkonsistu minn:

l-annimali maskili kollha mhux ikkastrati, li ma tlaqqmux kontra l-bruċellosi, li għandhom aktar minn sitt xhur,

l-annimali maskili kollha mhux ikkastrati, li tlaqqmu kontra l-bruċellosi, li għandhom aktar minn 18-il xahar,

l-annimali kollha miġjuba fl-azjenda sa minn wara l-aħħar testijiet, u

25% ta' l-annimali femminili ta' età riproduttiva (sesswalment maturi) jew li qed ireddgħu, sa minimu ta' 50 annimal femminili.

(13) Dan irid jitlesta meta d-destinazzjoni hija Stat Membru jew parti minn Stat Membru stipulat f'wieħed mill-Annessi tad-Deċiżjoni tal-Kummissjoni 93/52/KEE (kif emendata l-aħħar).

(14) F'konformità ma' Parti 3.C ta' dan l-Anness I.

Fejn aktar minn azjenda ta' oriġini waħda hi involuta d-data tat-test l-aktar reċenti ta' kull azjenda għandu jkun indikat b'mod ċar.

(15) Fil-każ ta' annimali maħsuba, b'mod esklużiv, għal skopijiet ta' tnissil.

(16) Garanziji relatati ma' programm ta' kontroll ta' scrapie, kif rikjest mill-Istat Membru destinatarju, fl-applikazzjoni ta' l-Artikolu 15 u l-Anness IX, Kapitolu E tar-Regolament tal-Kunsill Nru 999/2001.

(17) Garanziji supplementari li għandhom jiġu pprovduti meta rikjesti f'kolonna 5 SG ta' Parti 1 ta' l-Anness I mad-Deċiżjoni tal-Kunsill 79/542/KEE (kif emendata l-aħħar), bl-annotazzjoni “A”. Testijiet għall-Bluetongue u għall-Marda emorraġika epiżootika f'konformità ma' Parti 3.C ta' dan l-Anness I.

(18) Data tat-tagħbija. L-importazzjoni ta' dawn l-annimali m'għandhiex tiġi permessa meta l-annimali tgħabbew qabel id-data ta' l-awtorizzazzjoni għall-esportazzjoni lejn il-Komunità Ewropea mit-territorju msemmi taħt (3), jew matul perjodu li fih ġew adottati miżuri restrittivi mill-Komunità Ewropea kontra l-importazzjoni ta' dawn l-annimali minn dan it-territorju."

Top