This document is an excerpt from the EUR-Lex website
Document 32003D0114
2003/114/EC: Commission Decision of 19 February 2003 amending for the third time Decision 2002/308/EC establishing the lists of approved zones and approved farms with regard to one or more of the fish diseases viral haemorrhagic septicaemia (VHS) and infectious haematopoietic necrosis (IHN) (Text with EEA relevance) (notified under document number C(2003) 558)
Id-Deċiżjoni tal-Kummissjoni tad-19 ta’ Frar 2003 li temenda għat-tielet darba d-Deċiżjoni 2002/308/KE li tistabbilixxi listi ta’ żoni approvati u rziezet approvati fir-rigward ta’ wieħed jew aktar mill-mard tal-ħut, il-ħemorraġika septiċemja virali (VHS) u l-ħematopjetika nekrisi infettuża (IHN) (notifikata permezz ta’ dokument numru C(2003) 558)Test b’rilevanza għaż-ŻEE
Id-Deċiżjoni tal-Kummissjoni tad-19 ta’ Frar 2003 li temenda għat-tielet darba d-Deċiżjoni 2002/308/KE li tistabbilixxi listi ta’ żoni approvati u rziezet approvati fir-rigward ta’ wieħed jew aktar mill-mard tal-ħut, il-ħemorraġika septiċemja virali (VHS) u l-ħematopjetika nekrisi infettuża (IHN) (notifikata permezz ta’ dokument numru C(2003) 558)Test b’rilevanza għaż-ŻEE
ĠU L 46, 20.2.2003, p. 29–29
(ES, DA, DE, EL, EN, FR, IT, NL, PT, FI, SV) Dan id-dokument ġie ppubblikat f’edizzjoni(jiet) speċjali
(CS, ET, LV, LT, HU, MT, PL, SK, SL)
No longer in force, Date of end of validity: 31/07/2009; Impliċitament imħassar minn 32009D0177
Official Journal L 046 , 20/02/2003 P. 0029 - 0029
Id-Deċiżjoni tal-Kummissjoni tad-19 ta’ Frar 2003 li temenda għat-tielet darba d-Deċiżjoni 2002/308/KE li tistabbilixxi listi ta’ żoni approvati u rziezet approvati fir-rigward ta’ wieħed jew aktar mill-mard tal-ħut, il-ħemorraġika septiċemja virali (VHS) u l-ħematopjetika nekrisi infettuża (IHN) (notifikata permezz ta’ dokument numru C(2003) 558) (Test b’rilevanza għaż-ŻEE) (2003/114/KE) IL-KUMMISSJONI TAL-KOMUNITAJIET EWROPEJ, Wara li kkunsidrat it-Trattat li jistabbilixxi l-Komunità Ewropea, Wara li kkunsidrat id-Direttiva tal-Kunsill 91/67/KEE tat-28 ta’ Jannar 1991 li tikkonċerna l-kondizzjonijiet tas-saħħa ta’ l-annimali li jirregolaw it-tqegħid fis-suq ta’ annimali u prodotti ta’ l-akwakultura [1], kif l-aħħar emendata bid-Direttiva 98/45/KE [2], u partikolarment l-Artikolu 6 tagħha, Billi: (1) Sabiex ikun akwistat, għal wieħed jew aktar mill-mard tal-ħut, il-ħemorraġika septiċemja virali (VSH) u l-ħematopjetika nekrisi infettuża (IHN), l-istatus ta’ razzet tal-ħut approvat li jkun jinsab f’żona mhux-approvata, l-Istati Membri għandhom jippreżentaw il-ġustifikazzjonijiet xierqa u r-regoli nazzjonali li jassiguraw konformità mal-kondizzjonijiet stabbiliti fid-Direttiva 91/67/KEE. (2) Id-Deċiżjoni tal-Kummissjoni 2002/308/KE [3], kif l-aħħar emendata bid-deċiżjoni 2002/1005/KE [4], li tistabbilixxi il-listi ta’ żoni approvati u rziezet tal-ħut approvati li jinsabu f’żoni mhux-approvati fir-rigward ta’ ċertu mard tal-ħut. (3) Il-Ġermanja ippreżentat ġustifikazzjoni għall-istatus ta’ razzet approvat f’żona mhux approvata għal razzet fil-Bavarja fir-rigward tal-VHS u IHN, kif ukoll ir-regoli nazzjonali li jassiguraw konformità mal-ħtiġiet għal dak l-istatus. (4) Il-ġustifikazzjoni kienet skrutinizzata mill-Kummissjoni bl-għajnuna ta’ esperti fl-Istati Membri. (5) Id-dokumentazzjoni ipprovduta mill-Ġermanja għar-razzet ikkonċernat turi li dan jilħaq il-ħtiġiet ta’ l-Artikolu 6 tad-Direttiva 91/67/KEE. Ir-razzett għalhekk jikkwalifika għall-istatus ta’ razzet approvat f’żona mhux-approvata u għandu jkun miżjud mal-lista ta’ rziezet approvati kif stabbilita fl-Anness II tad-Deċiżjoni 2002/308/KE. (6) Id-Deċiżjoni 2002/308/KE għandha għalhekk tkun emendata kif xieraq. (7) Il-miżuri li hemm provvediment dwarhom f’din id-Deċiżjoni huma bi qbil ma’ l-opinjoni tal-Kumitat Permanenti dwar il-Katina ta’ l-Ikel u s-Saħħa ta’ l-Annimali, ADOTTAT DIN ID-DEĊIŻJONI: Artikolu 1 Fl-Anness II tad-Direttiva 2002/308/KE, ir-razzet tal-ħut approvat kif ġej huwa miżjud fis-Taqsima 3.5: "6. | Fischzucht Graf Anlage D-87743 Egg an der Günz | Fischzucht Graf GbR Engishausen 64 D-87743 Egg and der Günz" | Artikolu 2 Din id-Deċiżjoni hija indirizzata lill-Istati Membri. Magħmula fi Brussel, fid-19 ta’ Frar 2003. Għall-Kummissjoni David Byrne Membru tal-Kummissjoni [1] ĠU L 46, tad-19.2.1991, p. 1. [2] ĠU L 189, tat-3.7.1998, p. 12. [3] ĠU L 106, tat-23.4.2002, p. 28. [4] ĠU L 349, ta’ l-24.12.2002, p. 109. --------------------------------------------------