31991R2988

Ir-Regolament Tal-Kummissjoni (KEE) Nru 2988/91

tal-11 ta’ Ottubru 1991

li jemenda r-Regolament (KEE) Nru 1538/91 li jintroduċi regoli dettaljati għall-implimentazzjoni tar-Regolament (KEE) Nru 1906/90 dwar ċerti standards ta’ marketing tal-laħam tat-tjur

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ekonomika Ewropea,

Wara li kkunsidrat ir-Regolament tal-Kunsill (KEE) Nru 1906/90 tas-26 ta’ Ġunju 1990 dwar ċerti standards ta’ marketing tal-laħam tat-tjur [1] u b’mod partikolari Artikolu 9 tiegħu,

Billi Artikolu 8 tar-Regolament tal-Kummissjoni (KEE) Nru 1538/91 [2] jistabbilixxi r-regoli dettaljati għall-klassifikazzjoni mhux obbligatorja ta’ laħam tat-tjur friżat, skond il-kategoriji tal-piż; billi l-applikazzjoni immedjata ta’ dawn id-dispożizzjonijiet kienet ta’ impediment għal importazzjoni minn pajjiżi terzi ta’ laħam tat-tjur ippakkjat qabel id-dħul fis-seħħ ta’ l-imsemmi Regolament; billi l-applikazzjoni ta’ Artikolu 8 tiegħu għandha għalhekk tkun posposta għall-1 ta’ Marzu 1992;

Billi l-Kumitat ta’ Ġestjoni għal-Laħam tat-Tjur u Bajd għadu ma tax opinjoni fil-limitu ta’ żmien kif impost mill-President,

ADOTTAT DAN IR-REGOLAMENT:

Artikolu 1

Artikolu 15 tar-Regolament (KEE) Nru 1538/91 huwa mibdul b’dan li ġej:

"Artikolu 15

Dan ir-Regolament għandu jidħol fis-seħħ fl-20 ta’ Ġunju 1991.

Għandu japplika mill-1 ta’ Lulju 1991.

Artikolu 8 għandu japplika mill-1 ta’ Marzu 1992 fil-każ ta’ importazzjoni minn pajjiżi terzi.

Madankollu, sal-31 ta’ Diċembru 1991, l-operaturi jistgħu jippakkjaw il-prodotti koperti b’dan ir-Regolament f’materjal tal-ippakkjar li juri l-indikazzjonijiet li għalihom hemm provdut fil-leġislazzjoni nazzjonali jew tal-Komunità applikabbli qabel id-dħul fis-seħħ ta’ dan ir-Regolament. Dawn il-prodotti jistgħu imbagħad jitpoġġew fis-suq sal-31 ta’ Diċembru 1992"

.

Artikolu 2

Dan ir-Regolament għandu jidħol fis-seħħ fil-jum tal-pubblikazzjoni tiegħu fil-Ġurnal Uffiċjali tal-Komunitajiet Ewropej.

Dan ir-Regolament għandu jorbot fl-intier tiegħu u jkun applikabbli direttament fl-Istati Membri kollha.

Magħmul fi Brussel, fil-11 ta’ Ottubru 1991.

Għall-Kummissjoni

Ray Mac Sharry

Membru tal-Kummissjoni

[1] ĠU L 173, tas-6.7.1990, p. 1.

[2] ĠU L 143, tas-7.6.1991, p. 11.

--------------------------------------------------