31991D0361

Id-Deċiżjoni Tal-Kummissjoni

ta’ l-14 ta’ Ġunju 1991

li temenda d-Deċiżjoni tal-Kunsill 79/542/KEE li tħejji lista ta’ pajjiżi terzi li minnhom l-Istati Membri jawtorizzaw l-importazzjoni ta’ l-annimali tal-fart, majjali u laħam frisk, u li tissupplementa l-lista f’dak li jirrigwarda l-prodotti tal-laħam

(91/361/KEE)

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ekonomika Ewropea,

Wara li kkunsidrat id-Direttiva tal-Kunsill 72/462/KEE tat-12 ta’ Diċembru 1972 dwar il-problemi tas-saħħa u l-ispezzjoni veterinarja għall-importazzjoni ta’ l-annimali tal-fart, nagħaġ u mogħoż u majjali, laħam frisk u prodotti tal-laħam minn pajjiżi terzi [1], kif l-aħħar emendata bid-Direttiva 91/69/KEE [2], u partikolarment l-Artikolu 3 tagħha,

Billi d-Direttiva tal-Kunsill 89/227/KEE [3] estendiet l-iskop tad-Direttiva 72/462/KEE biex tinkludi l-importazzjoni tal-prodotti tal-laħam;

Billi bid-Deċiżjoni tal-Kunsill 79/542/KEE [4], kif l-aħħar emendata bid-Deċiżjoni tal-Kummissjoni 90/485/KEE [5], il-Kunsill stabbilixxa lista ta’ pajjiżi terzi li minnhom l-Istati Membri jawtorizzaw l-importazzjoni ta’ l-annimali tal-fart, majjali u laħam frisk;

Billi dik id-Deċiżjoni issa għandha tkun emendata biex tinkludi l-importazzjoni tal-prodotti tal-laħam;

Billi l-miżuri applikabbli għall-importazzjoni tal-laħam frisk għandhom ikunu kkunsidrati meta tkun awtorizzata l-importazzjoni tal-prodotti tal-laħam; billi xi prodotti tal-laħam jistgħu jiġu importati biss wara li jkunu soġġetti għal trattament partikolari ta’ tisħin;

Billi l-miżuri li hemm provvediment dwarhom f’din id-Deċiżjoni huma bi qbil ma’-opinjoni tal-Kumitat Veterinarju Permanenti,

ADOTTAT DIN ID-DEĊIŻJONI:

L-Artikolu 1

Id-Deċiżjoni 79/542/KEE hi hawn emendata kif ġej:

1. it-titolu hu mibdul b’dan li ġej:

"Id-Deċiżjoni tal-Kunsill tal-21 ta’ Diċembru 1976 li tistabbilixxi lista ta’ pajjiżi terzi li minnhom l-Istati Membri jawtorizzaw l-importazzjoni ta’ l-annimali tal-fart, majjali, laħam frisk u prodotti tal-laħam"

;

2. dan il-paragrafu huwa miżjud ma’ l-Artikolu 1:

"2. Mingħajr preġudizzju għall-paragrafu 1, l-Istati Membri għandhom jimportaw prodotti tal-laħam mill-ispeċi domestiċi kollha li joriġinaw mil-pajjiżi terzi li jidhru fl-Anness.

Fil-każ ta’ l-importazzjoni tal-laħam frisk minn ċerti pajjiżi terzi jew partijiet minnhom mhux awtorizzati bi qbil mal-paragrafu 1, l-Istati Membri jistgħu, b’ dana kollu, jimportaw prodotti tal-laħam magħmula minn laħam frisk bħal dan basta li l-prodotti tal-laħam ikunu għaddew minn trattament speċjali kif stabbilit fl-Anness";

3. l-Anness hu mibdul bl-Anness ta’ din id-Deċiżjoni.

L-Artikolu 2

Din id-Deċiżjoni hija indirizzata lill-Istati Membri.

Magħmula fi Brussel, fl-14 ta’ Ġunju 1991.

Għall-Kummissjoni

Ray Mac Sharry

Membru tal-Kummissjoni

[1] ĠU L 302, tal-31.12.1972, p. 28.

[2] ĠU L 46, tad-19.2.1991, p. 37.

[3] ĠU L 93, tas-6.4.1989, p. 25.

[4] ĠU L 146, ta’ l-14.6.1979, p. 15.

[5] ĠU L 267, tad-29.9.1990, p. 46.

--------------------------------------------------

L-ANNESS

L-ANNESS

F : Tal-Fart (inkluż il-buflu)

N/M : nagħaġ/mogħoż

M : Majjal

D/W : B’difer wieħed

D/M : Bid-difer maqsum

× : Awtorizzati

Pajjiż | Laħam frisk u prodotti tal-laħam | Laħam Frisk | Annimali ħajjin | Rimarki Speċjali |

Domestiċi | Ferjali | F | M | Laħam Frisk | Prodotti tal-laħam |

F | N/M | M | D/W | D/M |

L-Albanija | | × | × | × | |

L-Arġentina | × | × | | × | | × | × | | |

L-Awstralja | × | × | × | × | × | × | × | | |

L-Awstrija | × | × | × | × | × | × | × | | |

Il-Beliże | × | | | × | | | | | |

Il-Botswana | × | × | | × | × | | | | |

Il-Brażil | × | × | | × | | | | | |

Il-Bulgarija | × | × | × | × | × | × | × | | |

Il-Kanada | × | × | × | × | × | × | × | | |

Iċ-Ċili | × | × | | × | × | | | | |

Iċ-Ċina | | | × | × | × | | | | |

Il-Kolumbja | × | | | × | | | | | |

Il-Kosta Rika | × | | | × | | | | | |

Il-Kuba | × | | | × | | | | | |

Ċipru | × | × | × | × | × | × | | | |

Ir-Repubblika Ċeka | × | × | × | × | × | × | | | |

El Salvador | × | × | | × | | | | | |

L-Etjopja | | | | | | | | | |

Il-Finlandja | × | × | × | × | × | × | × | | |

Greenland | × | × | | × | × | | | | |

IL-Gwatemala | × | | | × | | | | | |

Il-Ħonduras | × | | | × | | | | | |

L-Ungerija | × | × | × | × | × | × | × | | |

Hong Kong | | | | | | | | | |

L-Islanda | × | × | × | × | × | × | × | | |

L-Indja | | | | | | | | | |

L-Iżrael | | | | × | | | | | |

Il-Kenja | | | | | | | | | |

Il-Madagaskar | × | × | | × | | | | | |

Malta | × | | × | × | | × | × | | |

Il-Mawrizjus | | | | | | | | | |

Il-Messiku | × | | | × | | | | | |

Il-Marokk | | | | × | | | | | |

In-Namibja | × | × | | × | × | | | | |

New Zealand | × | × | × | × | × | × | × | | |

In-Norveġja | × | × | × | × | × | × | × | | |

In-Nikaragwa | × | | | × | | | | | |

Il-Panama | × | | | × | | | | | |

Il-Paragwaj | × | × | | × | | | | | |

Il-Polonja | × | × | × | × | × | × | × | | |

Ir-Rumanija | × | × | × | × | × | × | × | | |

L-Afrika t’Isfel | × | × | × | × | × | | | | |

Singapore | | | | | | | | | |

Is-Sważiland | × | | | × | × | | | | |

L-Isvezja | × | × | × | × | × | × | × | | |

L-Isvizzera | × | × | × | × | × | × | × | | |

It-Tajlandja | | | | | | | | | |

It-Turkija | | | | × | | | | | |

L-Istati Uniti ta’ l-Amerika | × | × | × | × | × | × | × | | |

L-Urugwaj | × | × | | × | | | | | |

Ir-Russja | × | × | × | × | × | × | × | | |

Il-Jugoslavja | × | × | × | × | × | × | × | | |

Iż-Żimbabwe | × | | | | | | | | |

--------------------------------------------------