22008A0315(01)

Protokoll

li jemenda l-ftehim bejn il-Komunità Ewropea u l-Gvern tal-Ġeorġja dwar ċerti aspetti tas-servizzi bl-ajru

IL-KOMUNITÀ EWROPEA,

minn naħa waħda, u

L-GVERN TAL-ĠEORĠJA,

min-naħa l-oħra,

(minn hawn ‘il quddiem "il-Partijiet"),

Wara li kkunsidraw il-Ftehim bejn ir-Repubblika tal-Bulgarija u r-Rumanija, u l-Ġeorġja, iffirmati f’Sofja fid- 19 ta’ Jannar 1995 u fi Tbilisi fis- 26 ta’ Marzu 1996, rispettivament,

Wara li kkunsidraw il-Ftehim bejn il-Komunità Ewropea u l-Gvern tal-Ġeorġja dwar ċerti aspetti tas-servizzi bl-ajru (minn hawn ‘il quddiem imsejjaħ "il-ftehim orizzontali"), iffirmat fi Brussell fit- 3 ta’ Mejju 2006;

Wara li kkunsidraw l-adeżjoni tar-Repubblika tal-Bulgarija u r-Rumanija ma’ l-Unjoni Ewropea u għalhekk mal-Komunità Ewropea fl- 1 ta’ Jannar 2007,

FTIEHMU KIF ĠEJ:

Artikolu 1

L-inċiżi li ġejjin għandhom jiżdiedu fil-punt (a) ta’ l-Anness I, tal-ftehim orizzontali wara l-entrati li jikkonċernaw lill-Awstrija u lill-Olanda, rispettivament:

- "— il-Ftehim bejn il-Gvern tar-Repubblika tal-Bulgarija u l-Gvern tar-Repubblika tal-Ġeorġja dwar is-servizzi bl-ajru, magħmul f‘Sofja fid- 19 ta’ Jannar 1995, minn hawn ‘il quddiem "il-Ftehim Ġeorġja - Bulgarija" fl-Anness II,"

- "— il-Ftehim bejn il-Gvern tar-Rumanija u l-Gvern tal-Ġeorġja dwar is-servizzi bl-ajru, magħmul fi Tbilisi fis- 26 ta’ Marzu 1996, minn hawn ‘il quddiem "il-Ftehim Ġeorġja - Rumanija" fl-Anness II,".

Artikolu 2

L-inċiżi li ġejjin għandhom jiżdiedu fl-Anness II tal-ftehim orizzontali wara l-entrati li jikkonċernaw "il-Ftehim Ġeorġja - Belġju" u "l-Ftehim Ġeorġja - Polonja", rispettivament:

(a) fil-punt (a) "Denominazzjoni minn Stat Membru":

- "— l-Artikolu 3(5) tal-Ftehim Ġeorġja - Bulgarija;"

- "— l-Artikolu 3(4) tal-Ftehim Ġeorġja - Rumanija;";

(b) fil-punt (b) "Rifjut, revoka, sospensjoni jew limitazzjoni ta’ awtorizzazzjonijiet jew -permessi":

- "— l-Artikolu 4(1)(a) tal-Ftehim Ġeorġja - Bulgarija;"

- "— l-Artikolu 4(1)(a) tal-Ftehim Ġeorġja - Rumanija;";

(ċ) fil-punt (d) "Tassazzjoni tal-karburant ta’ l-avjazzjoni":

- "— l-Artikolu 5 tal-Ftehim Ġeorġja - Bulgarija;"

- "— l-Artikolu 9 tal-Ftehim Ġeorġja - Rumanija;";

(d) fil-punt (e) "Tariffi għat-trasport fil-Komunità Ewropea":

- "— l-Artikolu 6 tal-Ftehim Ġeorġja - Bulgarija;"

- "— l-Artikolu 8 tal-Ftehim Ġeorġja - Rumanija;".

Artikolu 3

Dan il-Protokoll għandu jidħol fis-seħħ meta l-Partijiet ikunu nnotifikaw lil xulxin bil-miktub bit-tlestija tal-proċeduri interni rispettivi meħtieġa għad-dħul fis-seħħ tiegħu.

Artikolu 4

Dan il-Protokoll ser jiġi mfassal bil-lingwa Bulgara, Ċeka, Daniża, Estona, Finlandiża, Franċiża, Ġermaniża, Griega, Ingliża, Latvjana, Litwana, Maltija, Olandiża, Polakka, Portugiża, Rumena, Slovakka, Slovena, Spanjola, Taljana, Ungeriża, Żvediża u Ġeorġjana, b’kull test ugwalment awtentiku.

--------------------------------------------------