(a) prodotti tat-tisħin tal-arja b'kapaċità nominali tat-tisħin ta' mhux iktar minn 1 MW;

(b) prodotti tat-tkessiħ u ċillers ta' proċessi ta' temperatura għolja b'kapaċità nominali tat-tkessiħ ta' mhux iktar minn 2 MW;

(c) fannijiet konvetturi.

(a) jekk ikunu prodotti koperti bir-Regolament tal-Kummissjoni (UE) 2015/1188 f'dak li għandu x'jaqsam mar-rekwiżiti tal-ekodisinn għall-ħiters tal-post lokali ( 1 );

(b) jekk ikunu prodotti koperti bir-Regolament tal-Kummissjoni (UE) Nru 206/2012 fir-rigward tar-rekwiżiti tal-ekodisinn għall-kundizzjonaturi tal-arja u l-fannijiet għall-użu personali ( 2 );

(c) jekk ikunu prodotti koperti bir-Regolament tal-Kummissjoni (UE) Nru 813/2013 f'dak li għandu x'jaqsam mar-rekwiżiti tal-ekodisinn għall-ħiters tal-post u għall-ħiters ikkombinati ( 3 );

(d) jekk ikunu prodotti koperti bir-Regolament tal-Kummissjoni (UE) 2015/1095 fir-rigward tar-rekwiżiti tal-ekodisinn għall-kabinetti għall-ħżin refriġerat professjonali, kabinetti ta' refriġerazzjoni rapida, unitajiet ta' kondensazzjoni u ċillers tal-proċess ( 4 );

(e) jekk ikunu ċillers għall-kumdità li jkollhom temperatura tal-ilma mkessaħ fil-ħruġ ta' inqas minn + 2 °C u ċillers ta' proċessi ta' temperatura għolja li jkollhom temperatura tal-ilma mkessaħ fil-ħruġ ta' inqas minn + 2 °C jew ta' iktar minn + 12-il °C;

(f) jekk ikunu prodotti ddisinjati biex jużaw l-iktar il-fjuwils tal-bijomassa;

(g) jekk ikunu prodotti li jużaw il-fjuwils solidi;

(h) jekk ikunu prodotti li jipproduċu s-sħana jew il-kesħa u l-elettriku fl-istess ħin (“il-koġenerazzjoni”) permezz ta' proċess ta' kombustjoni jew ta' konverżjoni tal-fjuwils;

(i) jekk ikunu prodotti inklużi f'installazzjonijiet koperti bid-Direttiva 2010/75/UE tal-Parlament Ewropew u tal-Kunsill dwar l-emissjonijiet industrijali ( 5 );

(j) jekk ikunu ċillers ta' proċessi ta' temperatura għolja li jużaw esklużivament il-kondensazzjoni evaporattiva biex jaħdmu;

(k) jekk ikunu prodotti li jkunu magħmulin apposta darba biss fuq ordni speċifika u li jkunu mmuntati fuq il-post;

(l) jekk ikunu ċillers ta' proċessi ta' temperatura għolja li jkessħu bi proċess ta' assorbiment li juża s-sħana bħala s-sors tal-enerġija; kif ukoll

(m) jekk ikunu prodotti tat-tisħin tal-arja u/jew prodotti tat-tkessiħ li l-funzjoni ewlenija tagħhom tkun li jipproduċu jew jaħżnu materjali li jeħżienu f'temperaturi speċifikati mill-istabbilimenti kummerċjali, industrijali u istituzzjonali u li l-funzjoni tat-tisħin u/jew tat-tkessiħ tal-post tagħhom tkun waħda sekondarja u li l-effiċjenza enerġetika tat-tisħin tal-post u/jew tat-tkessiħ tal-post tagħhom tkun tiddependi mill-effiċjenza enerġetika tal-funzjoni ewlenija tagħhom.

1. “prodott tat-tisħin tal-arja” tfisser apparat li:

(a) jinkorpora s-sħana f'sistema ta' tisħin bl-arja jew li jipprovdi s-sħana għaliha;

(b) ikun mgħammar b'ġeneratur wieħed jew iktar tas-sħana; kif ukoll

(c) jaf jinkludi sistema ta' tisħin bl-arja li twassal l-arja msaħħna direttament fil-post imsaħħan permezz ta' apparat li jisposta l-arja.

2. “sistema ta' tisħin bl-arja” tfisser il-komponenti u/jew it-tagħmir meħtieġ għat-twassil tal-arja msaħħna permezz ta' apparat li jisposta l-arja, jew permezz ta' sistema ta' pajpijiet jew direttament fil-post imsaħħan, bil-għan li tintlaħaq u tinżamm it-temperatura mixtieqa ta' ġewwa fi spazju magħluq bħal bini jew partijiet minnu biex fih ikun hemm temperatura li n-nies iħossuhom komdi fiha;

3. “ġeneratur tas-sħana” tfisser il-parti ta' prodott tat-tisħin tal-arja li tiġġenera s-sħana utli billi tuża proċess wieħed jew iktar minn dawn li ġejjin:

(a) il-kombustjoni tal-fjuwils likwidi jew gassużi;

(b) l-effett Joule li jseħħ fl-elementi tat-tisħin ta' sistema tat-tisħin b'reżistenza elettrika;

(c) bit-teħid tas-sħana mis-sors/i tas-sħana bħall-arja ambjentali, l-arja tal-egżost tal-ventilazzjoni, l-ilma jew l-art u t-trasferiment ta' din is-sħana għal ġos-sistema ta' tisħin bl-arja bl-użu ta' ċiklu tal-kompressjoni tal-fwar jew ta' ċiklu ta' sorbiment;

4. “prodott tat-tkessiħ” tfisser apparat li:

(a) jinkorpora l-arja mkessħa jew l-ilma mkessaħ f'sistema ta' tkessiħ bl-arja jew f'sistema ta' tkessiħ bl-ilma jew li jipprovdilha l-arja mkessħa jew l-ilma mkessaħ, skont il-każ; u

(b) li jkun mgħammar b'ġeneratur wieħed jew iktar tal-kesħa.

5. “sistema ta' tkessiħ bl-arja” tfisser it-tagħmir jew il-komponenti meħtieġa għat-twassil tal-arja mkessħa permezz ta' apparat li jisposta l-arja, jew permezz ta' sistema ta' pajpijiet jew direttament fil-post imkessaħ, sabiex tintlaħaq u tinżamm it-temperatura mixtieqa ta' ġewwa fi spazju magħluq bħal bini jew partijiet minnu biex fih ikun hemm temperatura li n-nies iħossuhom komdi fiha;

6. “sistema ta' tkessiħ bl-ilma” tfisser it-tagħmir jew il-komponenti meħtieġa għad-distribuzzjoni tal-ilma mkessaħ u għat-trasferiment tas-sħana mill-postijiet fuq ġewwa għall-ilma mkessaħ, bil-għan li tintlaħaq u tinżamm it-temperatura mixtieqa ta' ġewwa fi spazju magħluq bħal bini jew partijiet minnu biex fih ikun hemm temperatura li n-nies iħossuhom komdi fiha;

7. “ġeneratur tal-kesħa” tfisser il-parti ta' prodott tat-tkessiħ li tipproduċi varjazzjoni fit-temperatura li tippermetti li s-sħana tiġi estratta mis-sors tas-sħana, li tonqos it-temperatura tal-post fuq ġewwa, u li din is-sħana tiġi ttrasferita għal ġo dissipatur tas-sħana bħall-arja ambjentali, l-ilma jew l-art bl-użu ta' ċiklu tal-kompressjoni tal-fwar jew ta' ċiklu ta' sorbiment;

8. “ċiller għall-kumdità” tfisser prodott tat-tkessiħ:

(a) li l-iskambjatur tas-sħana laterali li jkun jinsab fuq ġewwa (l-evaporatur) tiegħu jneħħi s-sħana minn sistema ta' tkessiħ bl-ilma (is-sors tas-sħana), iddisinjata biex taħdem f'temperaturi tal-ilma mkessaħ fil-ħruġ ta' + 2 °C jew iktar;

(b) li jkun mgħammar b'ġeneratur tal-kesħa; kif ukoll

(c) li l-iskambjatur tas-sħana laterali li jkun jinsab fuq barra (il-kondensatur) tiegħu jitfa' din is-sħana għal ġo dissipatur/i tas-sħana bħall-arja ambjentali, l-ilma jew l-art;

9. “fann konvettur” tfisser apparat li jġiegħel l-arja tiċċirkola sabiex l-arja ta' ġewwa tissaħħan, titkessaħ, titneħħielha l-umdità minnha u/jew tiġi ffiltrata biex ikun hemm temperatura li n-nies iħossuhom komdi fiha, iżda li la jkun jinkludi s-sors tat-tisħin jew tat-tkessiħ u lanqas ma jkun jinkludi skambjatur tas-sħana laterali li jkun jinsab fuq barra. L-apparat jista' jkun mgħammar bi ftit pajpijiet sabiex l-arja li tkun dieħla fih u li tkun ħierġa minnu, inkluża dik ikkundizzjonata, tingħata direzzjoni. Il-prodott jista' jkun iddisinjat biex jiddaħħal fl-għamara jew ikollu qafas li jippermettilu jitqiegħed fil-post li jrid jiġi kkundizzjonat. Dan jista' jinkludi ġeneratur tas-sħana li juża l-effett Joule li jkun iddisinjat biex jintuża bħala ħiter ta' emerġenza biss;

10. “ċiller ta' proċessi ta' temperatura għolja” tfisser prodott:

(a) li jintegra minn tal-inqas kompressur wieħed li jaħdem b'mutur elettriku jew li huwa maħsub biex jaħdem b'dan il-mod, u b'minn tal-inqas evaporatur wieħed;

(b) li jkun kapaċi jberred likwidu u jżomm it-temperatura tiegħu kostanti sabiex ikessaħ apparat refriġerat jew sistema refriġerata, li l-għan tagħha ma jkunx li tkessaħ xi post biex fih ikun hemm temperatura li n-nies iħossuhom komdi fiha;

(c) li jkun kapaċi jilħaq il-kapaċità nominali tar-refriġerazzjoni tiegħu f'temperatura tal-ħruġ ta' skambjatur tas-sħana laterali li jkun jinsab fuq ġewwa ta' 7 °C, bil-kundizzjonijiet nominali standard;

(d) li jista' jintegra l-kondensatur, is-sistema ta' ċirkolazzjoni tal-fluwidu berried jew tagħmir anċillari ieħor;

11. “kapaċità nominali tar-refriġerazzjoni” (P) tfisser il-kapaċità tar-refriġerazzjoni li ċ-ċiller ta' proċessi ta' temperatura għolja huwa kapaċi jilħaq meta jkun qed jaħdem b'tagħbija sħiħa, imkejla f'temperatura tad-dħul tal-arja ta' 35 °C għaċ-ċillers ta' proċessi ta' temperatura għolja mkessħa bl-arja u f'temperatura tad-dħul tal-ilma ta' 30 °C għaċ-ċillers ta' proċessi ta' temperatura għolja mkessħa bl-ilma, mogħtija f'kW;

12. “ċiller ta' proċessi ta' temperatura għolja mkessaħ bl-arja” tfisser ċiller ta' proċessi ta' temperatura għolja li l-mezz għat-trasferiment tas-sħana tiegħu fil-kondensatur huwa l-arja;

13. “ċiller ta' proċessi ta' temperatura għolja mkessaħ bl-ilma” tfisser ċiller ta' proċessi ta' temperatura għolja li l-mezz għat-trasferiment tas-sħana tiegħu fil-kondensatur huwa l-ilma jew is-salmura;

14. “fjuwil tal-bijomassa” tfisser fjuwil prodott mill-bijomassa;

15. “bijomassa” tfisser il-parti bijodegradabbli tal-prodotti, tal-iskart u tar-residwi ta' oriġini bijoloġika mill-agrikultura (inklużi s-sustanzi veġetali u tal-annimali), mill-forestrija u minn industriji oħrajn relatati, inkluż mis-sajd u l-akkwakultura, u l-frazzjoni bijodegradabbli tal-iskart industrijali u dak muniċipali;

16. “fjuwil solidu” tfisser fjuwil li huwa solidu f'temperaturi ambjentali ta' ġewwa normali;

17. “kapaċità nominali tat-tisħin” (Prated,h) tfisser il-kapaċità tat-tisħin ta' pompa tas-sħana, ta' ħiter tal-arja sħuna jew ta' fannijiet konvetturi meta dawn ikunu qed isaħħnu post bil-“kundizzjonijiet nominali standard”, mogħtija f'kW;

18. “kapaċità nominali tat-tkessiħ” (Prated,c) tfisser il-kapaċità tat-tkessiħ ta' ċiller għall-kumdità u/jew ta' kundizzjonatur tal-arja jew ta' fannijiet konvetturi meta dawn ikunu qed ikessħu post bil-“kundizzjonijiet nominali standard”, mogħtija f'kW;

19. “kundizzjonijiet nominali standard” tfisser il-kundizzjonijiet operattivi taċ-ċillers għall-kumdità, tal-kundizzjonaturi tal-arja u tal-pompi tas-sħana li fihom jiġu ttestjati dawn il-prodotti sabiex jiġu stabbiliti l-kapaċità nominali tat-tisħin, il-kapaċità nominali tat-tkessiħ, il-livell ta' qawwa tal-ħoss u/jew l-emissjonijiet tal-ossidi tan-nitroġenu tagħhom. Għall-prodotti li jużaw il-magni b'kombustjoni interna, dawn huma n-numru ekwivalenti għall-veloċità tal-magna (Erpmequivalent);

20. “temperatura tal-ilma mkessaħ fil-ħruġ” tfisser it-temperatura tal-ilma li jkun ħiereġ miċ-ċiller għall-kumdità, mogħtija fi gradi Celsius.

(a) Mill-1 ta' Jannar 2018:

(i) il-prodotti tat-tisħin tal-arja għandhom ikunu konformi mar-rekwiżiti mogħtija fil-punt 1(a) u fil-punt 5 tal-Anness II;

(ii) il-prodotti tat-tkessiħ għandhom ikunu konformi mar-rekwiżiti mogħtija fil-punt 2(a) u fil-punt 5 tal-Anness II;

(iii) iċ-ċillers ta' proċessi ta' temperatura għolja għandhom ikunu konformi mar-rekwiżiti mogħtija fil-punt 3(a) u fil-punt 5 tal-Anness II;

(iv) il-fannijiet konvetturi għandhom ikunu konformi mar-rekwiżiti mogħtija fil-punt 5 tal-Anness II.

(b) Mis-26 ta' Settembru 2018:

(i) il-prodotti tat-tisħin tal-arja u l-prodotti tat-tkessiħ għandhom ikunu konformi mar-rekwiżiti mogħtija fil-punt 4(a) tal-Anness II.

(c) Mill-1 ta' Jannar 2021:

(i) il-prodotti tat-tisħin tal-arja għandhom ikunu konformi mar-rekwiżiti mogħtija fil-punt 1(b) tal-Anness II;

(ii) il-prodotti tat-tkessiħ għandhom ikunu konformi mar-rekwiżiti mogħtija fil-punt 2(b) tal-Anness II;

(iii) iċ-ċillers ta' proċessi ta' temperatura għolja għandhom ikunu konformi mar-rekwiżiti mogħtija fil-punt 3(b) tal-Anness II;

(iv) il-prodotti tat-tisħin tal-arja għandhom ikunu konformi mar-rekwiżiti mogħtija fil-punt 4(b) tal-Anness II.

(a) kemm huwa xieraq li wieħed jistabbilixxi rekwiżiti tal-ekodisinn li jkopru l-emissjonijiet diretti tal-gassijiet b'effett ta' serra li jkunu kkawżati mir-refriġeranti;

(b) kemm huwa xieraq li wieħed jistabbilixxi rekwiżiti tal-ekodisinn għaċ-ċillers ta' proċessi ta' temperatura għolja li jużaw il-kondensazzjoni evaporattiva u għaċ-ċillers ta' proċessi ta' temperatura għolja li jużaw teknoloġija ta' assorbiment;

(c) kemm huwa xieraq li wieħed jistabbilixxi rekwiżiti iktar stretti tal-ekodisinn għall-effiċjenza enerġetika u għall-emissjonijiet tal-ossidi tan-nitroġenu tal-prodotti tat-tisħin tal-arja, tal-prodotti tat-tkessiħ u taċ-ċillers ta' proċessi ta' temperatura għolja;

(d) kemm huwa xieraq li wieħed jistabbilixxi rekwiżiti tal-ekodisinn għall-emissjonijiet tal-istorbju tal-prodotti tat-tisħin tal-arja, tal-prodotti tat-tkessiħ, taċ-ċillers ta' proċessi ta' temperatura għolja u tal-fannijiet konvetturi;

(e) kemm huwa xieraq li wieħed jistabbilixxi rekwiżiti marbutin mal-emissjonijiet abbażi tal-kapaċità utli tat-tisħin jew tat-tkessiħ, minflok abbażi tal-input tal-enerġija;

(f) kemm huwa xieraq li wieħed jistabbilixxi rekwiżiti tal-ekodisinn għall-ħiters ikkombinati tal-arja sħuna;

(g) kemm huwa xieraq li wieħed jistabbilixxi rekwiżiti dwar it-tikkettar enerġetiku għall-prodotti domestiċi tat-tisħin tal-arja;

(h) kemm huwa xieraq li wieħed jistabbilixxi rekwiżiti iktar stretti tal-ekodisinn għall-ħiters tal-arja sħuna tat-tip C2 u tat-tip C4;

(i) kemm huwa xieraq li wieħed jistabbilixxi rekwiżiti iktar stretti tal-ekodisinn għall-kundizzjonaturi tal-arja u għall-pompi tas-sħana ta' fuq il-bejt u għal dawk li jwasslu l-arja permezz ta' kanali (ducts);

(j) kemm hija xierqa ċ-ċertifikazzjoni ta' partijiet terzi; kif ukoll

(k) il-valur tat-tolleranzi għall-verifika għall-prodotti kollha, kif imsemmi fil-proċeduri tal-verifika stabbiliti fl-Anness IV.

(1) “koeffiċjent ta' konverżjoni” (CC) tfisser koeffiċjent li jirrifletti l-medja tal-effiċjenza tal-ġenerazzjoni tal-UE, stmata bħala 40 %, stabbilita fl-Anness IV tad-Direttiva 2012/27/UE tal-Parlament Ewropew u tal-Kunsill tal-25 ta' Ottubru 2012 dwar l-effiċjenza fl-enerġija ( 6 ); il-valur tal-koeffiċjent ta' konverżjoni għandu jkun ta' CC = 2,5;

(2) “valur kalorifiku gross” (GCV) tfisser l-ammont totali ta' sħana rrilaxxat minn unità ta' fjuwil meta din tinħaraq kompletament bl-ossiġnu u meta l-prodotti tal-kombustjoni jerġgħu jinġiebu fit-temperatura ambjentali; din il-kwantità tinkludi s-sħana tal-kondensazzjoni ta' kwalunkwe fwar tal-ilma li jkun hemm fil-fjuwil u tal-fwar tal-ilma ffurmat mill-kombustjoni ta' kwalunkwe idroġenu li jkun hemm fil-fjuwil;

(3) “potenzjal ta' tisħin globali” (GWP) tfisser il-potenzjal ta' tisħin klimatiku ta' gass b'effett ta' serra meta mqabbel ma' dak tad-diossidu tal-karbonju (CO2), ikkalkulat f'termini tal-potenzjal ta' tisħin fuq mitt sena (100) ta' kilogramma ta' gass b'effett ta' serra meta mqabbel ma' kilogramma ta' CO2. Il-valuri tal-GWP huma dawk stabbiliti fl-Annessi I, II u IV tar-Regolament (UE) Nru 517/2014. Il-valuri tal-GWP għat-taħlitiet tar-refriġeranti se jissejsu fuq il-metodu ppreżentat fl-Anness IV tar-Regolament (UE) Nru 517/2014;

(4) “rata tal-fluss tal-arja” tfisser ir-rata tal-fluss tal-arja f'metri kubi fis-siegħa (m3/h), imkejla fl-iżbokk tal-arja tal-apparat ta' barra u/jew ta' ġewwa (jekk dan ikun applikabbli) taċ-ċillers għall-kumdità, tal-kundizzjonaturi tal-arja jew tal-pompi tas-sħana u tal-fannijiet konvetturi bil-kundizzjonijiet nominali standard għat-tkessiħ jew għat-tisħin, jekk il-prodott ma jkollu l-ebda funzjoni ta' tkessiħ;

(5) “livell ta' qawwa tal-ħoss” (LWA) tfisser il-livell ta' qawwa tal-ħoss ipponderat għall-frekwenza A, imkejjel fuq ġewwa u/jew fuq barra bil-kundizzjonijiet nominali standard u mogħti f'dB;

(6) “ħiter supplimentari” tfisser ġeneratur tas-sħana tal-prodott tat-tisħin tal-arja li jipproduċi s-sħana supplimentari f'każijiet li fihom it-tagħbija tat-tisħin tkun ikbar mill-kapaċità tat-tisħin tal-ġeneratur tas-sħana ppreferut;

(7) “ġeneratur tas-sħana ppreferut” tfisser il-ġeneratur tas-sħana tal-prodott tat-tisħin tal-arja li jikkontribwixxi l-iktar għas-sħana totali pprovduta matul l-istaġun tat-tisħin;

(8) “effiċjenza enerġetika staġonali tat-tisħin tal-post” (ηs,h) tfisser il-proporzjon bejn id-domanda annwali ta' referenza għat-tisħin għall-istaġun tat-tisħin speċifikat, koperta bi prodott tat-tisħin tal-arja, u l-konsum annwali tal-enerġija għat-tisħin, ikkoreġut b'fatturi li jqisu l-apparat għall-kontroll tat-temperatura u l-konsum tal-elettriku ta' pompa/i tal-ilma ta' taħt l-art, meta jkun applikabbli, mogħtija bħala perċentwali;

(9) “effiċjenza enerġetika staġonali tat-tkessiħ tal-post” (ηs,c) tfisser il-proporzjon tad-domanda annwali ta' referenza għat-tkessiħ għall-istaġun tat-tkessiħ speċifikat, koperta bi prodott tat-tkessiħ, meta mqabbla mal-konsum annwali tal-enerġija għat-tkessiħ, ikkoreġuta b'fatturi li jqisu l-apparat għall-kontroll tat-temperatura u l-konsum tal-elettriku ta' pompa/i tal-ilma ta' taħt l-art, fejn applikabbli, mogħtija bħala perċentwali;

(10) “tagħmir għall-kontroll tat-temperatura” tfisser tagħmir li jservi ta' interfaċċja mal-utent aħħari b'rabta maċ-ċifri u mal-iskeda taż-żmien tat-temperatura mixtieqa ta' ġewwa u li jikkomunika d-dejta rilevanti, bħat-temperatura/i reali ta' barra u/jew ta' ġewwa, lil interfaċċja tal-prodott tat-tisħin tal-arja jew tal-prodott tat-tkessiħ bħall-proċessur ċentrali, u b'hekk jikkontribwixxi għar-regolazzjoni tat-temperatura/i ta' ġewwa;

(11) “intervall ta' temperaturi” (binj) tfisser kombinazzjoni ta' “temperatura ta' barra (Tj)” u ta' “sigħat tal-intervall ta' temperaturi (hj)”, kif stabbilit fit-Tabelli 26, 27 u 28 tal-Anness III;

(12) “sigħat tal-intervall ta' temperaturi” (hj) tfisser is-sigħat f'kull staġun, mogħtija f'sigħat fis-sena, li matulhom ikun hemm temperatura ta' barra partikulari għal kull intervall ta' temperaturi, kif stabbilit fit-Tabella 26, 27 u 28 tal-Anness III;

(13) “temperatura ta' ġewwa” (Tin) tfisser it-temperatura tal-arja ta' ġewwa b'termometru niexef, mogħtija fi gradi Celsius; l-umdità relattiva tista' tintwera billi tingħata temperatura korrispondenti b'termometru umdu;

(14) “temperatura ta' barra” (Tj) tfisser it-temperatura tal-arja ta' barra b'termometru niexef, mogħtija fi gradi Celsius; l-umdità relattiva tista' tintwera billi tingħata temperatura korrispondenti b'termometru umdu;

(15) “kontroll tal-kapaċità” tfisser il-ħila ta' pompa tas-sħana, ta' kundizzjonatur tal-arja, ta' ċiller għall-kumdità jew ta' ċiller ta' proċessi ta' temperatura għolja li jibdel il-kapaċità tiegħu tat-tisħin jew tat-tkessiħ billi jbiddel ir-rata tal-fluss volumetriku tar-refriġerant/i. Dan irid jiġi mmarkat bħala “fiss” jekk ir-rata tal-fluss volumetriku ma tistax tinbidel, bħala “maqsum fi stadji” jekk ir-rata tal-fluss volumetriku tinbidel jew tvarja f'sensiela ta' mhux iktar minn żewġ stadji, jew bħala “varjabbli” jekk ir-rata tal-fluss volumetriku tinbidel jew tvarja f'sensiela ta' tliet stadji jew iktar;

(16) “koeffiċjent ta' degradazzjoni” ((Cdh) fil-modalità tat-tisħin u (Cdc) fil-modalitajiet tat-tkessiħ jew tar-refriġerazzjoni) tfisser il-kejl tat-telf ta' effiċjenza minħabba ċ-ċikli tal-prodott; jekk ma jiġix stabbilit bil-kejl, b'mod awtomatiku l-koeffiċjent tad-degradazzjoni jitqies li huwa ta' 0,25 għal kundizzjonatur tal-arja jew għal pompa tas-sħana, jew ta' 0,9 għal ċiller għall-kumdità jew għal ċiller ta' proċessi ta' temperatura għolja;

(17) “emissjonijiet tal-ossidi tan-nitroġenu” tfisser is-somma tal-emissjonijiet tal-monossidu tan-nitroġenu u tad-diossidu tan-nitroġenu li jkunu ġejjin mill-prodotti tat-tisħin tal-arja u mill-prodotti tat-tkessiħ li jaħdmu bil-fjuwils likwidi jew gassużi, u mogħtija bħala ammont ta' diossidu tan-nitroġenu, stabbilita fil-kapaċità nominali tat-tisħin, mogħtija f'mg/kWh f'termini tal-GCV.

(18) “ħiter tal-arja sħuna” tfisser prodott tat-tisħin tal-arja li jittrasferixxi, direttament fl-arja, is-sħana minn ġeneratur tas-sħana u li jinkorpora jew li jiddistribwixxi din is-sħana f'sistema ta' tisħin bl-arja;

(19) “ħiter tal-arja sħuna li jaħdem bil-fjuwils likwidi jew gassużi” tfisser ħiter tal-arja sħuna li juża ġeneratur tas-sħana li jaħdem bil-kombustjoni tal-fjuwils likwidi jew gassużi;

(20) “ħiter tal-arja sħuna li jaħdem bl-elettriku” tfisser ħiter tal-arja sħuna li juża ġeneratur tas-sħana li juża l-effett Joule fit-tisħin permezz tar-reżistenza;

(21) “ħiter tal-arja sħuna B1” tfisser ħiter tal-arja sħuna li juża fjuwils likwidi jew gassużi, speċifikament maħsub biex jitqabbad mat-tromba ta' ċumnija b'kurrent tal-arja naturali li minnha joħorġu r-residwi tal-kombustjoni għan-naħa ta' barra tal-kamra li fiha jkun jinsab il-ħiter tal-arja sħuna B1 u li jkun jiġbed l-arja tal-kombustjoni direttament mill-kamra; ħiter tal-arja sħuna B1 huwa kkummerċjalizzat bħala ħiter tal-arja sħuna B1 biss;

(22) “ħiter tal-arja sħuna C2” tfisser ħiter tal-arja sħuna li juża fjuwils likwidi jew gassużi, speċifikament maħsub biex jiġbed l-arja tal-kombustjoni minn sistema komuni ta' kanali li magħha jkun imqabbad aktar minn apparat elettrodomestiku wieħed u li jkun jiġbed il-gass mit-tromba ta' ċumnija għas-sistema ta' kanali; ħiter tal-arja sħuna C2 huwa kkummerċjalizzat bħala ħiter tal-arja sħuna C2 biss;

(23) “ħiter tal-arja sħuna C4” tfisser ħiter tal-arja sħuna li juża fjuwils likwidi jew gassużi, speċifikament maħsub biex jiġbed l-arja tal-kombustjoni minn sistema komuni ta' kanali li magħha jkun imqabbad aktar minn apparat elettrodomestiku wieħed u li jkun jiġbed il-gass mit-tromba ta' ċumnija għal pajp ieħor fis-sistema tat-tromba ta' ċumnija; ħiter tal-arja sħuna C4 huwa kkummerċjalizzat bħala ħiter tal-arja sħuna C4 biss;

(24) “kapaċità minima” tfisser il-kapaċità minima tat-tisħin tal-ħiter tal-arja sħuna (Pmin), mogħtija f'kW;

(25) “effiċjenza utli fil-kapaċità nominali tat-tisħin” (η_nom) tfisser il-proporzjon tal-kapaċità nominali tat-tisħin u l-input totali tal-enerġija meħtieġa biex tintlaħaq din il-kapaċità tat-tisħin, mogħtija bħala perċentwali (%), filwaqt li l-input totali tal-enerġija jissejjes fuq il-GCV tal-fjuwil f'każ li jkunu qed jintużaw il-fjuwils likwidi jew gassużi;

(26) “effiċjenza utli fil-kapaċità minima” (ηpl) tfisser il-proporzjon tal-kapaċità minima u l-input totali tal-enerġija meħtieġa biex tintlaħaq din il-kapaċità tat-tisħin, mogħtija bħala perċentwali (%), filwaqt li l-input totali tal-enerġija jissejjes fuq il-GCV tal-fjuwil;

(27) “effiċjenza enerġetika staġonali tat-tisħin tal-post fil-modalità Attiv” (ηs,on) tfisser l-effiċjenza enerġetika termali staġonali mmultiplikata bl-effiċjenza tal-emissjonijiet, mogħtija bħala perċentwali (%);

(28) “effiċjenza enerġetika termali staġonali” (ηs,th) tfisser il-medja pponderata tal-effiċjenza utli fil-kapaċità nominali tat-tisħin, u l-effiċjenza utli fil-kapaċità minima, inkluża l-kunsiderazzjoni tat-telf mill-involkru;

(29) “effiċjenza tal-emissjonijiet” (ηs,flow) tfisser korrezzjoni applikata fil-kalkolu tal-effiċjenza enerġetika staġonali tat-tisħin tal-post fil-modalità Attiv li tqis il-fluss tal-arja ekwivalenti tal-kapaċità tal-arja msaħħna u tal-kapaċità tat-tisħin;

(30) “fattur ta' telf mill-involkru” (Fenv) tfisser it-telf tal-effiċjenza enerġetika staġonali tat-tisħin tal-post minħabba t-telf tas-sħana tal-ġeneratur tas-sħana għal żoni li jinsabu 'l barra mill-post li jrid jissaħħan, mogħti bħala perċentwali (%);

(31) “konsum tal-elettriku awżiljarju” tfisser it-telf tal-effiċjenza enerġetika staġonali tat-tisħin tal-post minħabba l-konsum tal-enerġija elettrika fil-kapaċità nominali tat-tisħin (elmax), fil-kapaċità minima (elmin) u fil-modalità Stennija (elsb), mogħti bħala perċentwali (%);

(32) “telf tal-fjamma pilota” tfisser it-telf tal-effiċjenza enerġetika staġonali tat-tisħin tal-post minħabba l-konsum tal-enerġija tal-berner tat-tqabbid, mogħti bħala perċentwali (%);

(33) “konsum tal-enerġija tal-fjamma pilota permanenti” (Pign) tfisser il-konsum tal-enerġija ta' berner li jkun maħsub biex iqabbad il-berner prinċipali u li jista' jintefa biss b'intervent tal-utent, mogħti f'W abbażi tal-GCV tal-fjuwil;

(34) “telf mit-tromba ta' ċumnija miftuħa” tfisser it-telf tal-effiċjenza enerġetika staġonali tat-tisħin tal-post matul il-perjodi meta l-ġeneratur ippreferut ma jkunx attiv, mogħti bħala perċentwali (%).

(35) “pompa tas-sħana” tfisser prodott tat-tisħin tal-arja:

(a) li l-iskambjatur tas-sħana li jkun jinsab fuq barra (l-evaporatur) tiegħu jneħħi s-sħana mill-arja ambjentali, mill-arja tal-egżost tal-ventilazzjoni, mill-ilma jew mis-sorsi tas-sħana fl-art;

(b) li jkollu ġeneratur tas-sħana li juża ċiklu tal-kompressjoni tal-fwar jew ċiklu ta' sorbiment;

(c) li l-iskambjatur tas-sħana li jkun jinsab fuq ġewwa (il-kondensatur) tiegħu jitfa' din is-sħana f'sistema ta' tisħin bl-arja;

(d) li jista' jkun mgħammar b'ħiter supplimentari; u

(e) li jista' jitħaddem bil-kontra, f'liema każ jiffunzjona bħala kundizzjonatur tal-arja;

(36) “pompa tas-sħana arja-arja” tfisser pompa tas-sħana li jkollha ġeneratur tas-sħana li juża ċiklu tal-kompressjoni tal-fwar li jaħdem b'mutur tal-elettriku jew b'magna b'kombustjoni interna u li jkollha skambjatur tas-sħana li jkun jinsab fuq barra (l-evaporatur) li jħalli t-trasferiment tas-sħana mill-arja ambjentali;

(37) “pompa tas-sħana ilma-/salmura-arja” tfisser pompa tas-sħana li jkollha ġeneratur tas-sħana li juża ċiklu tal-kompressjoni tal-fwar li jaħdem b'mutur tal-elettriku jew b'magna b'kombustjoni interna u li jkollha skambjatur tas-sħana li jkun jinsab fuq barra (l-evaporatur) li jħalli t-trasferiment tas-sħana mill-ilma jew mis-salmura;

(38) “pompa tas-sħana ta' fuq il-bejt” tfisser pompa tas-sħana arja-arja li taħdem b'kompressur tal-elettriku, li jkollha l-evaporatur, il-kompressur u l-kondensatur tagħha li jkunu integrati f'qafas wieħed;

(39) “pompa tas-sħana b'ċiklu ta' sorbiment” tfisser pompa tas-sħana li jkollha ġeneratur tas-sħana li juża ċiklu ta' sorbiment li jkun jiddependi fuq il-kombustjoni esterna tal-fjuwils u/jew fuq provvista ta' sħana;

(40) “pompa tas-sħana multisplit” tfisser pompa tas-sħana li tinkorpora aktar minn apparat wieħed fuq ġewwa, b'ċirkwit wieħed jew aktar tar-refriġerazzjoni, b'kumpressur wieħed jew aktar u b'apparat wieħed jew aktar fuq barra, u li jistgħu jkunu kkontrollati b'mod individwali jew le;

(41) “kundizzjonatur tal-arja” tfisser prodott tat-tkessiħ li jkessaħ post u:

(a) li l-iskambjatur tas-sħana li jkun jinsab fuq ġewwa (l-evaporatur) tiegħu jneħħi s-sħana minn sistema tat-tkessiħ bl-arja (is-sors tas-sħana);

(b) li jkollu ġeneratur tal-kesħa li juża ċiklu tal-kompressjoni tal-fwar jew ċiklu ta' sorbiment;

(c) li l-iskambjatur tas-sħana li jkun jinsab fuq barra (il-kondensatur) tiegħu jitfa' din is-sħana għal ġo dissipatur/i tas-sħana fl-arja ambjentali, fl-ilma jew fl-art u li jista' jkun jinkludi t-trasferiment tas-sħana abbażi tal-evaporazzjoni tal-ilma miżjud esternament jew le;

(d) li jista' jitħaddem bil-kontra, f'liema każ jista' jiffunzjona bħala pompa tas-sħana;

(42) “kundizzjonatur tal-arja arja-arja” tfisser kundizzjonatur tal-arja li jkollu ġeneratur tal-kesħa li juża ċiklu tal-kompressjoni tal-fwar li jaħdem b'mutur tal-elettriku jew b'magna b'kombustjoni interna u li jkollu skambjatur tas-sħana li jkun jinsab fuq barra (il-kondensatur) li jħalli t-trasferiment tas-sħana għal ġol-arja;

(43) “kundizzjonatur tal-arja ilma-/salmura-arja” tfisser kundizzjonatur tal-arja li jkollu ġeneratur tal-kesħa li juża ċiklu tal-kompressjoni tal-fwar li jaħdem b'mutur tal-elettriku jew b'magna b'kombustjoni interna u li jkollu skambjatur tas-sħana li jkun jinsab fuq barra (il-kondensatur) li jħalli t-trasferiment tas-sħana għal ġol-ilma jew għal ġos-salmura;

(44) “kundizzjonatur tal-arja ta' fuq il-bejt” tfisser kundizzjonatur tal-arja arja-arja li jaħdem b'kompressur tal-elettriku, li jkollu l-evaporatur, il-kompressur u l-kondensatur tiegħu li jkunu integrati f'qafas wieħed;

(45) “kundizzjonatur tal-arja multisplit” tfisser kundizzjonatur tal-arja li jinkorpora aktar minn apparat wieħed fuq ġewwa, ċirkwit wieħed jew aktar tar-refriġerazzjoni, kumpressur wieħed jew aktar jew apparat wieħed jew aktar fuq barra, u li l-apparat ta' ġewwa jistgħu jkunu kkontrollati b'mod individwali jew le;

(46) “kundizzjonatur tal-arja b'ċiklu ta' sorbiment” tfisser kundizzjonatur tal-arja li jkollu ġeneratur tal-kesħa li juża ċiklu ta' sorbiment li jkun jiddependi fuq il-kombustjoni esterna tal-fjuwils u/jew fuq provvista ta' sħana;

(47) “ċiller għall-kumdità arja-ilma” tfisser ċiller għall-kumdità li jkollu ġeneratur tal-kesħa li juża ċiklu tal-kompressjoni tal-fwar li jaħdem b'mutur tal-elettriku jew b'magna b'kombustjoni interna u li jkollu skambjatur tas-sħana li jkun jinsab fuq barra (il-kondensatur) li jħalli t-trasferiment tas-sħana għal ġol-arja, inkluż it-trasferiment tas-sħana abbażi tal-evaporazzjoni tal-ilma miżjud esternament għal ġo din l-arja, diment li l-apparat ikun jista' jiffunzjona wkoll mingħajr l-użu ta' ilma addizzjonali, imma bl-użu tal-arja biss;

(48) “ċiller għall-kumdità ilma-/salmura-ilma” tfisser ċiller għall-kumdità li jkollu ġeneratur tal-kesħa li juża ċiklu tal-kompressjoni tal-fwar li jaħdem b'mutur tal-elettriku jew b'magna b'kombustjoni interna u li jkollu skambjatur tas-sħana li jkun jinsab fuq barra (il-kondensatur) li jħalli t-trasferiment tas-sħana għal ġol-ilma jew għal ġos-salmura, minbarra t-trasferiment tas-sħana abbażi tal-evaporazzjoni tal-ilma miżjud esternament;

(49) “ċiller għall-kumdità b'ċiklu ta' sorbiment” tfisser ċiller għall-kumdità li jkollu ġeneratur tal-kesħa li juża ċiklu ta' sorbiment li jkun jiddependi fuq il-kombustjoni esterna tal-fjuwils u/jew fuq provvista ta' sħana;

(50) “kundizzjonijiet ta' referenza tad-disinn” tfisser il-kombinazzjoni tat-“temperatura ta' referenza tad-disinn”, tat-“temperatura bivalenti” massima u tat-“temperatura tal-limitu tat-tħaddim” massima, kif stabbilit fit-Tabella 24 tal-Anness III;

(51) “temperatura ta' referenza tad-disinn” tfisser it-“temperatura ta' barra” għat-tkessiħ (Tdesign,c) jew għat-tisħin (Tdesign,h), mogħtija fi gradi Celsius, kif deskritt fit-Tabella 24 tal-Anness III, li fiha l-“proporzjon tat-tagħbija parzjali” jkun ta' 1, u li tvarja skont l-istaġun tat-tisħin jew tat-tkessiħ;

(52) “temperatura bivalenti” (Tbiv) tfisser it-temperatura ta' barra (Tj) iddikjarata mill-manifattur, mogħtija fi gradi Celsius, li fiha l-kapaċità ddikjarata tat-tisħin tkun daqs it-tagħbija parzjali u li f'temperaturi inqas minnha l-kapaċità ddikjarata tat-tisħin tkun trid tiġi ssupplimentata mill-kapaċità ta' ħiter tal-elettriku ta' emerġenza sabiex tintlaħaq it-tagħbija parzjali għat-tisħin;

(53) “temperatura tal-limitu tat-tħaddim” (Tol) tfisser it-temperatura ta' barra ddikjarata mill-manifattur għat-tisħin, mogħtija fi gradi Celsius, li f'temperaturi inqas minnha pompa tas-sħana ma tkun tista' twassal l-ebda kapaċità tat-tisħin u l-kapaċità ddikjarata tat-tisħin tkun ta' żero;

(54) “proporzjon tat-tagħbija parzjali” (pl(Tj)) tfisser it-“temperatura ta' barra” nieqes 16-il °C, diviża bit-“temperatura ta' referenza tad-disinn” nieqes 16-il °C, għat-tkessiħ ta' post jew għat-tisħin tiegħu;

(55) “staġun” tfisser sett ta' kundizzjonijiet ambjentali, speċifikati bħala staġun tat-tisħin jew staġun tat-tkessiħ, li jiddeskrivu l-kombinazzjoni ta' temperaturi ta' barra u s-sigħat tal-intervall ta' temperaturi li jkun hemm waqt dak l-istaġun, għal kull intervall ta' temperaturi;

(56) “tagħbija parzjali għat-tisħin” (Ph(Tj)) tfisser it-tagħbija tat-tisħin f'temperatura speċifika ta' barra, ikkalkulata bħala t-tagħbija tad-disinn għat-tisħin immultiplikata bil-proporzjon tat-tagħbija parzjali u mogħtija f'kW;

(57) “tagħbija parzjali għat-tkessiħ” (Pc(Tj)) tfisser it-tagħbija tat-tkessiħ f'temperatura speċifika ta' barra, ikkalkulata bħala t-tagħbija tad-disinn għat-tkessiħ immultiplikata bil-proporzjon tat-tagħbija parzjali u mogħtija f'kW;

(58) “proporzjon staġonali tal-effiċjenza enerġetika” (SEER) huwa l-proporzjon kumplessiv tal-effiċjenza enerġetika tal-kundizzjonatur tal-arja jew taċ-ċiller għall-kumdità, li jkun rappreżentattiv għall-istaġun tat-tkessiħ u li jkun ikkalkulat bħala d-“domanda annwali ta' referenza għat-tkessiħ” diviża bil-“konsum annwali tal-enerġija għat-tkessiħ”;

(59) “koeffiċjent staġonali tal-prestazzjoni” (SCOP) huwa l-koeffiċjent kumplessiv tal-prestazzjoni ta' pompa tas-sħana li taħdem bl-elettriku, li jkun rappreżentattiv għall-istaġun tat-tisħin u li jkun ikkalkulat bħala d-domanda annwali ta' referenza għat-tisħin diviża “bil-konsum annwali tal-enerġija għat-tisħin”;

(60) “domanda annwali ta' referenza għat-tkessiħ” (QC) tfisser id-domanda ta' referenza għat-tkessiħ li trid tintuża bħala l-bażi għall-kalkolu tas-SEER u li tiġi kkalkulata billi t-tagħbija tad-disinn għat-tkessiħ (Pdesign,c) tiġi mmultiplikata bis-sigħat ekwivalenti għat-tkessiħ fil-modalità Attiv (HCE), mogħtija f'kWh;

(61) “domanda annwali ta' referenza għat-tisħin” (QH) tfisser id-domanda ta' referenza għat-tisħin għal staġun tat-tisħin speċifikat, li trid tintuża bħala l-bażi għall-kalkolu tas-SCOP u li tiġi kkalkulata billi t-tagħbija tad-disinn għat-tisħin (Pdesign,h) tiġi mmultiplikata bis-sigħat ekwivalenti għat-tisħin fil-modalità Attiv (HHE), mogħtija f'kWh;

(62) “konsum annwali tal-enerġija għat-tkessiħ” (QCE) tfisser il-konsum tal-enerġija meħtieġ biex tintlaħaq id-“domanda annwali ta' referenza għat-tkessiħ” li jiġi kkalkulat billi d-“domanda annwali ta' referenza għat-tkessiħ” tiġi diviża bil-“proporzjon staġonali tal-effiċjenza enerġetika fil-modalità Attiv” (SEERon) u bil-konsum tal-elettriku tal-apparat fil-modalità Termostat Mitfi, fil-modalità Stennija, fil-modalità Mitfi u fil-modalità tal-ħiter tal-kisi tal-krank waqt l-istaġun tat-tkessiħ, mogħti f'kWh;

(63) “konsum annwali tal-enerġija għat-tisħin” (QHE) tfisser il-konsum tal-enerġija meħtieġ biex tintlaħaq id-domanda annwali ta' referenza għat-tisħin għal staġun tat-tisħin speċifikat, li jiġi kkalkulat billi d-“domanda annwali ta' referenza għat-tisħin” tiġi diviża bil-“proporzjon staġonali tal-koeffiċjent tal-prestazzjoni fil-modalità Attiv” (SCOPon) u bil-konsum tal-elettriku tal-apparat fil-modalità Termostat Mitfi, fil-modalità Stennija, fil-modalità Mitfi u fil-modalità tal-ħiter tal-kisi tal-krank waqt l-istaġun tat-tisħin, mogħti f'kWh;

(64) “sigħat ekwivalenti għat-tkessiħ fil-modalità Attiv” (HCE) tfisser l-għadd annwali presuppost ta' sigħat li matulhom l-apparat irid jipprovdi t-“tagħbija tad-disinn għat-tkessiħ” (Pdesign,c) biex jissodisfa d-“domanda annwali ta' referenza għat-tkessiħ”, mogħti f'sigħat;

(65) “sigħat ekwivalenti għat-tisħin fil-modalità Attiv” (HHE) tfisser l-għadd annwali presuppost ta' sigħat li matulhom ħiter tal-arja b'pompa tas-sħana jrid jipprovdi t-tagħbija tad-disinn għat-tisħin biex jissodisfa d-domanda annwali ta' referenza għat-tisħin, mogħti f'sigħat;

(66) “proporzjon staġonali tal-effiċjenza enerġetika fil-modalità Attiv” (SEERon) tfisser il-proporzjon medju tal-effiċjenza enerġetika tal-apparat għall-funzjoni tat-tkessiħ fil-modalità Attiv, magħmul mit-tagħbija parzjali u mill-proporzjonijiet tal-effiċjenza enerġetika speċifikati għall-intervall ta' temperaturi (EERbin(Tj)) u pponderat bis-sigħat tal-intervall ta' temperaturi li matulhom iseħħu l-kundizzjonijiet ta' dak l-intervall ta' temperaturi;

(67) “koeffiċjent staġonali tal-prestazzjoni fil-modalità Attiv” (SCOPon) tfisser il-koeffiċjent medju tal-prestazzjoni tal-pompa tas-sħana fil-modalità Attiv għall-istaġun tat-tisħin, magħmul mit-tagħbija parzjali, mill-kapaċità tat-tisħin elettriku ta' emerġenza (meta dan ikun meħtieġ) u mill-koeffiċjenti tal-prestazzjoni speċifikati għall-intervall ta' temperaturi (COPbin(Tj)) u pponderat bis-sigħat tal-intervall ta' temperaturi li matulhom iseħħu l-kundizzjonijiet ta' dak l-intervall ta' temperaturi;

(68) “koeffiċjent tal-prestazzjoni speċifikat għall-intervall ta' temperaturi” (COPbin(Tj)) tfisser il-koeffiċjent tal-prestazzjoni ta' pompa tas-sħana għal kull intervall ta' temperaturi (binj) meta jkun hemm it-temperatura ta' barra (Tj) fi staġun, li jiġi mit-tagħbija parzjali, mill-kapaċità ddikjarata u mill-koeffiċjent iddikjarat tal-prestazzjoni (COPd(Tj)) u li jiġi kkalkulat permezz tal-interpolazzjoni jew tal-estrapolazzjoni għal intervalli ta' temperaturi oħrajn, u kkoreġut, f'każ li jkun hemm bżonn, permezz tal-koeffiċjent ta' degradazzjoni li jkun japplika;

(69) “proporzjon tal-effiċjenza enerġetika speċifikat għall-intervall ta' temperaturi” (EERbin(Tj)) tfisser il-proporzjon tal-effiċjenza enerġetika speċifiku għal kull intervall ta' temperaturi (binj) meta jkun hemm it-temperatura ta' barra (Tj) fi staġun, li jiġi mit-tagħbija parzjali, mill-kapaċità ddikjarata u mill-proporzjon iddikjarat tal-effiċjenza enerġetika (EERd(Tj)) u li jiġi kkalkulat permezz tal-interpolazzjoni jew tal-estrapolazzjoni għal intervalli ta' temperaturi oħrajn, u kkoreġut, f'każ li jkun hemm bżonn, permezz tal-koeffiċjent ta' degradazzjoni li jkun japplika;

(70) “kapaċità ddikjarata tat-tisħin” (Pdh(Tj)) tfisser il-kapaċità tat-tisħin, mogħtija f'kW, taċ-ċiklu tal-kompressjoni tal-fwar ta' pompa tas-sħana, fir-rigward tat-temperatura ta' barra (Tj) u tat-temperatura ta' ġewwa (Tin), kif iddikjarata mill-manifattur;

(71) “kapaċità ddikjarata tat-tkessiħ” (Pdc(Tj)) tfisser il-kapaċità tat-tkessiħ, mogħtija f'kW, taċ-ċiklu tal-kompressjoni tal-fwar tal-kundizzjonatur tal-arja jew taċ-ċiller għall-kumdità, fir-rigward tat-temperatura ta' barra (Tj) u tat-temperatura ta' ġewwa (Tin), kif iddikjarata mill-manifattur;

(72) “tagħbija tad-disinn għat-tisħin” (Pdesign,h) tfisser it-tagħbija tat-tisħin, mogħtija f'kW, applikata għal pompa tas-sħana fit-temperatura ta' referenza tad-disinn, meta t-tagħbija tad-disinn għat-tisħin (Pdesign,h) tkun daqs it-tagħbija parzjali għat-tisħin u bit-temperatura ta' barra (Tj) li tkun daqs it-temperatura ta' referenza tad-disinn għat-tisħin (Tdesign,h);

(73) “tagħbija tad-disinn għat-tkessiħ” (Pdesign,c) tfisser it-tagħbija tat-tkessiħ, mogħtija f'kW, applikata għal kundizzjonatur tal-arja jew għal ċiller għall-kumdità fil-kundizzjonijiet ta' referenza tad-disinn, meta t-tagħbija tad-disinn għat-tkessiħ (Pdesign,c) tkun daqs il-kapaċità ddikjarata tat-tkessiħ meta t-temperatura ta' barra (Tj) tkun daqs it-temperatura ta' referenza tad-disinn għat-tkessiħ (Tdesign,c);

(74) “koeffiċjent iddikjarat tal-prestazzjoni” (COPd(Tj)) tfisser il-koeffiċjent tal-prestazzjoni f'għadd limitat ta' intervalli ta' temperaturi (j) speċifikati bit-temperatura ta' barra (Tj);

(75) “proporzjon iddikjarat tal-effiċjenza enerġetika” (EERd(Tj) tfisser il-proporzjon tal-effiċjenza enerġetika f'għadd limitat ta' intervalli ta' temperaturi (j) speċifikati bit-temperatura ta' barra (Tj);

(76) “kapaċità tat-tisħin elettriku ta' emerġenza” (elbu(Tj)) tirreferi għall-kapaċità tat-tisħin, mogħtija f'kW, ta' ħiter supplimentari reali jew presuppost li jkollu COP ta' 1 u li jissupplimenta l-kapaċità ddikjarata tat-tisħin (Pdh(Tj)) sabiex tintlaħaq it-tagħbija parzjali għat-tisħin (Ph(Tj)) f'każ li l-Pdh(Tj) tkun inqas mill-Ph(Tj), għat-temperatura ta' barra (Tj);

(77) “proporzjon tal-kapaċità” tfisser it-tagħbija parzjali għat-tisħin (Ph(Tj)) diviża bil-kapaċità ddikjarata tat-tisħin (Pdh(Tj)) jew it-tagħbija parzjali għat-tkessiħ (Pc(Tj)) diviża bil-kapaċità ddikjarata tat-tkessiħ (Pdc(Tj));

(78) “modalità Attiv” tfisser il-modalità li tikkorrispondi għas-sigħat b'tagħbija tat-tisħin jew tat-tkessiħ tal-bini u li matulha tkun attivata l-funzjoni tat-tisħin jew tat-tkessiħ tal-apparat. Din il-qagħda tista' tinvolvi ċikli li matulhom l-apparat jinxtegħel u jintefa kemm-il darba sabiex tintlaħaq jew tinżamm it-temperatura tal-arja mitluba fuq ġewwa;

(79) “modalità Stennija” tfisser qagħda li fiha l-ħiter tal-arja sħuna, iċ-ċiller għall-kumdità, il-kundizzjonatur tal-arja jew il-pompa tas-sħana jkunu mqabbdin mal-mejnijiet tal-elettriku, ikunu jiddependu fuq l-enerġija li tkun ġejja mill-mejnijiet tal-elettriku biex jaħdmu kif suppost u jkunu jipprovdu biss il-funzjonijiet li ġejjin, li jistgħu jdumu għaddejjin għal tul taż-żmien mhux definit: funzjoni ta' riattivazzjoni, jew funzjoni ta' riattivazzjoni u indikazzjoni biss li din il-funzjoni reġgħet ġiet attivata u/jew turija tat-tagħrif jew tal-istatus;

(80) “funzjoni ta' riattivazzjoni” tfisser funzjoni li tiffaċilita l-attivazzjoni ta' modalitajiet oħrajn, fosthom il-modalità Attiv, permezz ta' swiċċ mill-bogħod, li jkun jinkludi kontroll mill-bogħod permezz ta' netwerk, sensur intern jew kronometru, għal qagħda li tipprovdi funzjonijiet addizzjonali, fosthom il-funzjoni ewlenija;

(81) “turija tat-tagħrif jew tal-istatus” tfisser funzjoni kontinwa li tipprovdi tagħrif dwar it-tagħmir jew inkella li tindika l-istatus tiegħu fuq skrin, inkluż il-ħin;

(82) “modalità Mitfi” tfisser qagħda li fiha ċ-ċiller għall-kumdità, il-kundizzjonatur tal-arja jew il-pompa tas-sħana jkunu mqabbdin mal-mejnijiet tal-elettriku u ma jkunu qed jipprovdu l-ebda funzjoni. Il-qagħdiet li jipprovdu biss indikazzjoni ta' qagħda ta' “modalità Mitfi”, kif ukoll il-qagħdiet li jipprovdu biss funzjonijiet maħsuba biex jiżguraw il-kompatibbiltà elettromanjetika skont id-Direttiva 2004/108/KE tal-Parlament Ewropew u tal-Kunsill ( 7 ) jitqiesu wkoll bħala “modalità Mitfi”;

(83) “modalità Termostat Mitfi” tfisser il-qagħda li tikkorrispondi għas-sigħat mingħajr tagħbija tat-tisħin jew tat-tkessiħ, li matulha l-funzjoni tat-tisħin jew tat-tkessiħ tkun mixgħula imma l-apparat ma jkunx qed jaħdem; iċ-ċikli fil-modalità Attiv mhumiex meqjusin bħala modalità Termostat Mitfi;

(84) “modalità tal-ħiter tal-kisi tal-krank” tfisser il-qagħda li fiha l-apparat ikun attiva apparat għat-tisħin sabiex jiġi evitat li r-refriġerant jgħaddi għal ġol-kompressur, biex tiġi limitata l-konċentrazzjoni tar-refriġerant fiż-żejt malli jitqabbad il-kompressur;

(85) “konsum tal-enerġija fil-modalità Mitfi” (POFF) tfisser il-konsum tal-enerġija ta' apparat li jkun fil-modalità Mitfi, mogħti f'kW;

(86) “konsum tal-enerġija fil-modalità Termostat Mitfi” (PTO) tfisser il-konsum tal-enerġija ta' apparat waqt li jkun fil-modalità Termostat Mitfi, mogħti f'kW;

(87) “konsum tal-enerġija fil-modalità Stennija” (PSB) tfisser il-konsum tal-enerġija ta' apparat waqt li jkun fil-modalità Stennija, mogħti f'kW;

(88) “konsum tal-enerġija fil-modalità tal-ħiter tal-kisi tal-krank” (PCK) tfisser il-konsum tal-enerġija ta' apparat waqt li jkun fil-modalità tal-ħiter tal-kisi tal-krank, mogħti f'kW;

(89) “sigħat ta' tħaddim fil-modalità Mitfi” (HOFF) tfisser l-għadd annwali ta' sigħat (f'sigħat fis-sena) li matulhom l-apparat jitqies li jkun qiegħed fil-modalità Mitfi, li l-valur tagħhom jiddependi mill-istaġun u mill-funzjoni speċifikati;

(90) “sigħat ta' tħaddim fil-modalità Termostat Mitfi” (HTO) tfisser l-għadd annwali ta' sigħat (f'sigħat fis-sena) li matulhom l-apparat jitqies li jkun qiegħed fil-modalità Termostat Mitfi, li l-valur tagħhom jiddependi mill-istaġun u mill-funzjoni speċifikati;

(91) “sigħat ta' tħaddim fil-modalità Stennija” (HSB) tfisser l-għadd annwali ta' sigħat (f'sigħat fis-sena) li matulhom l-apparat jitqies li jkun qiegħed fil-modalità Stennija, li l-valur tagħhom jiddependi mill-istaġun u mill-funzjoni speċifikati;

(92) “sigħat ta' tħaddim fil-modalità tal-ħiter tal-kisi tal-krank” (HCK) tfisser l-għadd annwali ta' sigħat (f'sigħat fis-sena) li matulhom l-apparat jitqies li jkun qiegħed fil-modalità tal-ħiter tal-kisi tal-krank, li l-valur tagħhom jiddependi mill-istaġun u mill-funzjoni speċifikati.

(93) “proporzjon staġonali tal-enerġija primarja fil-modalità tat-tkessiħ” (SPERc) tfisser il-proporzjon kumplessiv tal-effiċjenza enerġetika tal-kundizzjonatur tal-arja jew taċ-ċiller għall-kumdità li jużaw il-fjuwils, li jkun rappreżentattiv għall-istaġun tat-tkessiħ;

(94) “effiċjenza staġonali fl-użu tal-gass fil-modalità tat-tkessiħ” (SGUEc) tfisser l-effiċjenza fl-użu tal-gass tul l-istaġun kollu tat-tkessiħ;

(95) “effiċjenza fl-użu tal-gass b'tagħbija parzjali” tfisser l-effiċjenza fl-użu tal-gass meta l-apparat ikun qed ikessaħ (GUEc,bin) jew isaħħan (GUEh,bin) meta jkun hemm it-temperatura ta' barra (Tj);

(96) “effiċjenza fl-użu tal-gass fil-kapaċità ddikjarata” tfisser l-effiċjenza fl-użu tal-gass meta l-apparat ikun qed ikessaħ (GUEcDC) jew isaħħan (GUEhDC) bil-kundizzjonijiet ta' kapaċità ddikjarata kif iddefiniti fit-Tabella 21 tal-Anness III, u kkoreġuta għall-użu possibbli taċ-ċikli mill-apparat f'każ li l-kapaċità reali tat-tkessiħ (QEc) taqbeż it-tagħbija tat-tkessiħ (Pc(Tj)) jew f'każ li l-kapaċità reali tat-tisħin (QEh) taqbeż it-tagħbija tat-tisħin (Ph(Tj));

(97) “kapaċità reali tat-tkessiħ” (QEc) tfisser il-kapaċità mkejla tat-tkessiħ, ikkoreġuta għas-sħana li tkun ġejja mill-apparat (il-pompa/i jew il-fann/ijiet) li jkun responsabbli għaċ-ċirkolazzjoni tal-mezz għat-trasferiment tas-sħana permezz tal-iskambjatur tas-sħana li jkun jinsab fuq ġewwa, mogħtija f'kW;

(98) “kapaċità reali tal-irkupru tas-sħana” tfisser il-kapaċità mkejla tal-irkupru tas-sħana, ikkoreġuta għas-sħana li tkun ġejja mill-apparat (il-pompa/i) taċ-ċirkwit tal-irkupru tas-sħana għat-tkessiħ (QEhr,c) jew għat-tisħin (QEhr,h), mogħtija f'kW;

(99) “input termiku mkejjel għat-tkessiħ” (Qgmc) tfisser l-input imkejjel tal-fjuwil bil-kundizzjonijiet ta' tagħbija parzjali kif iddefiniti fit-Tabella 21 tal-Anness III, mogħti f'kW;

(100) “fattur staġonali tal-enerġija awżiljarja fil-modalità tat-tkessiħ” (SAEFc) tfisser l-effiċjenza enerġetika awżiljarja għall-istaġun tat-tkessiħ, inkluż il-kontribut tal-modalitajiet tal-enerġija fil-modalità Termostat Mitfi, fil-modalità Stennija, fil-modalità Mitfi u fil-modalità tal-ħiter tal-kisi tal-krank;

(101) “domanda annwali ta' referenza għat-tkessiħ” (QC) tfisser id-domanda annwali għat-tkessiħ, ikkalkulata bħala t-tagħbija tad-disinn għat-tkessiħ (Pdesign,c) immultiplikata bis-sigħat ekwivalenti għat-tkessiħ fil-modalità Attiv (HCE);

(102) “fattur staġonali tal-enerġija awżiljarja fil-modalità tat-tkessiħ fil-modalità Attiv” (SAEFc,on) tfisser l-effiċjenza enerġetika awżiljarja għall-istaġun tat-tkessiħ speċifikat, minbarrra l-kontribut tal-modalitajiet tal-enerġija fil-modalità Termostat Mitfi, fil-modalità Stennija, fil-modalità Mitfi u fil-modalità tal-ħiter tal-kisi tal-krank;

(103) “fattur tal-enerġija awżiljarja fil-modalità tat-tkessiħ b'tagħbija parzjali” (AEFc,bin) tfisser l-effiċjenza enerġetika awżiljarja meta l-apparat ikun qed ikessaħ, meta jkun hemm it-temperatura ta' barra (Tj);

(104) “input tal-enerġija elettrika fil-modalità tat-tkessiħ” (PEc) tfisser l-input effettiv tal-enerġija elettrika għat-tkessiħ, mogħti f'kW;

(105) “proporzjon staġonali tal-enerġija primarja għat-tisħin” (SPERh) tfisser il-proporzjon kumplessiv tal-effiċjenza enerġetika tal-pompa tas-sħana li tuża l-fjuwils, li jkun rappreżentattiv għall-istaġun tat-tisħin;

(106) “effiċjenza staġonali fl-użu tal-gass fil-modalità tat-tisħin” (SGUEh) tfisser l-effiċjenza fl-użu tal-gass tul l-istaġun tat-tisħin;

(107) “kapaċità effettiva tat-tisħin” (QEh) tfisser il-kapaċità mkejla tat-tisħin ikkoreġuta għas-sħana li tkun ġejja mill-apparat (il-pompa/i jew il-fann/ijiet) li jkun responsabbli għaċ-ċirkolazzjoni tal-mezz għat-trasferiment tas-sħana permezz tal-iskambjatur tas-sħana li jkun jinsab fuq ġewwa, mogħtija f'kW;

(108) “input termiku mkejjel għat-tisħin” (Qgmh) tfisser l-input imkejjel tal-fjuwil bil-kundizzjonijiet ta' tagħbija parzjali kif iddefiniti fit-Tabella 21 tal-Anness III, mogħti f'kW;

(109) “fattur staġonali tal-enerġija awżiljarja fil-modalità tat-tkessiħ” (SAEFh) tfisser l-effiċjenza enerġetika awżiljarja għall-istaġun tat-tkessiħ, inkluż il-kontribut tal-modalitajiet tal-enerġija fil-modalità Termostat Mitfi, fil-modalità Stennija, fil-modalità Mitfi u fil-modalità tal-ħiter tal-kisi tal-krank;

(110) “domanda annwali ta' referenza għat-tisħin” (QH) tfisser id-domanda annwali għat-tisħin, ikkalkulata bħala t-tagħbija tad-disinn għat-tisħin immultiplikata bis-sigħat annwali ekwivalenti għat-tisħin fil-modalità Attiv (HHE);

(111) “fattur staġonali tal-enerġija awżiljarja fil-modalità tat-tisħin fil-modalità Attiv” (SAEFh,on) tfisser l-effiċjenza enerġetika awżiljarja għall-istaġun tat-tisħin, minbarrra l-kontribut tal-modalitajiet tal-enerġija fil-modalità Termostat Mitfi, fil-modalità Stennija, fil-modalità Mitfi u fil-modalità tal-ħiter tal-kisi tal-krank;

(112) “fattur tal-enerġija awżiljarja fil-modalità tat-tisħin b'tagħbija parzjali” (AEFh,bin) tfisser l-effiċjenza enerġetika awżiljarja meta l-apparat ikun qed isaħħan, meta jkun hemm it-temperatura ta' barra (Tj);

(113) “fattur tal-enerġija awżiljarja fil-kapaċità ddikjarata” tfisser il-fattur tal-enerġija awżiljarja meta l-apparat ikun qed ikessaħ (AEFc,dc) jew isaħħan (AEFh,dc) bil-kundizzjonijiet ta' tagħbija parzjali kif iddefiniti fit-Tabella 21 tal-Anness III, ikkoreġut għall-użu possibbli taċ-ċikli mill-apparat f'każ li l-kapaċità effettiva tat-tkessiħ (QEc) taqbeż it-tagħbija tat-tkessiħ (Pc(Tj)) jew f'każ li l-kapaċità effettiva tat-tisħin (QEh) taqbeż it-tagħbija tat-tisħin (Ph(Tj));

(114) “input tal-enerġija elettrika fil-modalità tat-tisħin” (PEh) tfisser l-input effettiv tal-enerġija elettrika għat-tisħin, mogħti f'kW;

(115) “emissjonijiet tal-ossidi tan-nitroġenu (NOx) minn pompi tas-sħana, minn ċillers għall-kumdità u minn kundizzjonaturi tal-arja mgħammra b'magna b'kombustjoni interna” tfisser l-emissjonijiet tas-somma tal-monossidu tan-nitroġenu u tad-diossidu tan-nitroġenu li jkunu ġejjin minn pompi tas-sħana, minn ċillers għall-kumdità u minn kundizzjonaturi tal-arja li jkollhom magna b'kombustjoni interna, mkejlin fil-kundizzjonijiet nominali standard, bl-użu ta' numru ekwivalenti għall-veloċità tal-magna (rpm), mogħtija f'mg ta' diossidu tan-nitroġenu għal kull kWh ta' input tal-fjuwil f'termini tal-GCV;

(116) “numru ekwivalenti għall-veloċità tal-magna” (Erpmequivalent) tfisser ir-rotazzjonijiet kull minuta tal-magna b'kombustjoni interna, ikkalkulati abbażi tal-veloċità ta' magna bil-proporzjonijiet tat-tagħbija parzjali li ġejjin għat-tisħin (jew għat-tkessiħ jekk mhi offerta l-ebda funzjoni ta' tisħin): 70, 60, 40 u 20 %, u bil-fatturi ta' ponderazzjoni li ġejjin: 0,15, 0,25, 0,30 u 0,30 rispettivament.

(117) “input nominali tal-enerġija” (DA) tfisser l-input tal-enerġija elettrika, mogħti f'kW bħala ċifra mqarrba għal żewġ ċifri wara l-punt deċimali, li jeħtieġu ċ-ċillers ta' proċessi ta' temperatura għolja (inklużi l-kompressur, il-fann/ijiet jew il-pompa/i tal-kondensatur, il-pompa/i tal-evaporatur u l-apparat awżiljarju possibbli) biex tintlaħaq il-kapaċità nominali tar-refriġerazzjoni;

(118) “proporzjon nominali tal-effiċjenza enerġetika” (EERA) tfisser il-kapaċità nominali tar-refriġerazzjoni, mogħtija f'kW, diviża bl-input nominali tal-enerġija, mogħti f'kW bħala ċifra mqarrba għal żewġ ċifri wara l-punt deċimali;

(119) “proporzjon tal-prestazzjoni enerġetika staġonali” (SEPR) tirreferi għall-proporzjon tal-effiċjenza ta' ċiller ta' proċessi ta' temperatura għolja b'kundizzjonijiet nominali standard, li jkun rappreżentattiv tal-varjazzjonijiet fit-tagħbija u fit-temperatura ambjentali matul is-sena, u li jiġi kkalkulat bħala l-proporzjon tad-domanda annwali għar-refriġerazzjoni meta mqabbla mal-konsum annwali tal-elettriku;

(120) “domanda annwali għar-refriġerazzjoni” tfisser is-somma ta' kull tagħbija tar-refriġerazzjoni speċifika għall-intervall ta' temperaturi mmultiplikata bl-għadd korrispondenti ta' sigħat tal-intervall ta' temperaturi;

(121) “tagħbija tar-refriġerazzjoni” tfisser il-kapaċità nominali tar-refriġerazzjoni mmultiplikata bil-proporzjon tat-tagħbija parzjali taċ-ċillers ta' proċessi ta' temperatura għolja, mogħtija f'kW bħala ċifra mqarrba għal żewġ ċifri wara l-punt deċimali;

(122) “tagħbija parzjali” (PC(Tj)) tfisser it-tagħbija tar-refriġerazzjoni f'temperatura ambjentali speċifika (Tj), ikkalkulata bħala t-tagħbija sħiħa mmultiplikata bil-proporzjon tat-tagħbija parzjali taċ-ċillers ta' proċessi ta' temperatura għolja li jikkorrispondi mal-istess temperatura ambjentali (Tj) u mogħtija f'kW bħala ċifra mqarrba għal żewġ ċifri wara l-punt deċimali;

(123) “proporzjon tat-tagħbija parzjali taċ-ċillers ta' proċessi ta' temperatura għolja” (PR(Tj)) tfisser:

(a) it-temperatura ambjentali Tj nieqes 5 °C diviża bit-temperatura ambjentali ta' referenza nieqes 5 °C, mmultiplikata b'0,2 u miżjuda b'0,8, għaċ-ċillers ta' proċessi ta' temperatura għolja li jużaw kondensaturi mkessħin bl-arja. Il-proporzjon tat-tagħbija parzjali taċ-ċillers ta' proċessi ta' temperatura għolja għandu jkun ta' 1, għal temperaturi ambjentali li jkunu ogħla mit-temperatura ambjentali ta' referenza. Il-proporzjon tat-tagħbija parzjali taċ-ċillers ta' proċessi ta' temperatura għolja għandu jkun ta' 0,8, għal temperaturi ambjentali li jkunu inqas minn 5 C;

(b) it-temperatura tal-bokka għad-dħul tal-ilma (tal-bokka għad-dħul tal-ilma fil-kondensatur) nieqes 9 °C diviża bit-temperatura ambjentali ta' referenza tal-bokka għad-dħul tal-ilma fil-kondensatur(30 °C) nieqes 9 °C, mmultiplikata b'0,2 u miżjuda b'0,8, għaċ-ċillers ta' proċessi ta' temperatura għolja li jużaw kondensaturi mkessħin bl-ilma. Il-proporzjon tat-tagħbija parzjali taċ-ċillers ta' proċessi ta' temperatura għolja għandu jkun ta' 1, għal temperaturi ambjentali (tal-bokka għad-dħul tal-ilma fil-kondensatur) li jkunu ogħla mit-temperatura ambjentali ta' referenza. Il-proporzjon tat-tagħbija parzjali taċ-ċillers ta' proċessi ta' temperatura għolja għandu jkun ta' 0,8, għal temperaturi ambjentali (tal-bokka għad-dħul tal-ilma fil-kondensatur) li jkunu inqas minn 9 C;

(c) li jkun mogħti bħala perċentwali ta' ċifra wara l-punt deċimali;

(124) “konsum annwali tal-elettriku” jiġi kkalkulat bħala s-somma tal-proporzjonijiet bejn kull domanda għat-tkessiħ speċifika għall-intervall ta' temperaturi u l-proporzjon korrispondenti tal-effiċjenza enerġetika speċifiku għall-intervall ta' temperaturi, u mmultiplikat bl-għadd korrispondenti ta' sigħat tal-intervall ta' temperaturi;

(125) “temperatura ambjentali” tfisser:

(a) it-temperatura tal-arja b'termometru niexef, mogħtija fi gradi Celsius, għaċ-ċillers ta' proċessi ta' temperatura għolja li jużaw kondensaturi mkessħin bl-arja;

(b) it-temperatura tal-bokka tad-dħul tal-ilma fil-kondensatur, mogħtija fi gradi Celsius, għaċ-ċillers ta' proċessi ta' temperatura għolja li jużaw kondensaturi mkessħin bl-ilma;

(126) “temperatura ambjentali ta' referenza” tfisser it-temperatura ambjentali, mogħtija fi gradi Celsius, li fiha l-proporzjon tat-tagħbija parzjali taċ-ċillers ta' proċessi ta' temperatura għolja jkun ta' 1. Għandha tiġi stabbilita għal 35 °C. It-temperatura tal-bokka għad-dħul tal-arja fil-kondensatur tiġi stabbilita għal 35 °C għaċ-ċillers ta' proċessi ta' temperatura għolja mkessħin bl-arja, filwaqt li t-temperatura għad-dħul tal-ilma fil-kondensatur tiġi stabbilita għal 30 °C b'temperatura tal-arja ta' barra ta' 35 C fil-kondensatur għaċ-ċillers ta' proċessi ta' temperatura għolja mkessħin bl-ilma;

(127) “proporzjon tal-effiċjenza enerġetika b'tagħbija parzjali” (EERPL(Tj)) tfisser il-proporzjon tal-effiċjenza enerġetika għal kull intervall ta' temperaturi matul is-sena, li jiġi stabbilit abbażi tal-proporzjon iddikjarat tal-effiċjenza enerġetika (EERDC) għal intervalli ta' temperaturi speċifikati u li jiġi kkalkulat permezz tal-interpolazzjoni lineari għal intervalli ta' temperaturi oħrajn;

(128) “domanda ddikjarata tar-refriġerazzjoni” tfisser it-tagħbija tar-refriġerazzjoni meta jkun hemm kundizzjonijiet speċifikati tal-intervall ta' temperaturi, ikkalkulata bħala l-kapaċità nominali tar-refriġerazzjoni mmultiplikata bil-proporzjon korrispondenti tat-tagħbija parzjali taċ-ċillers ta' proċessi ta' temperatura għolja;

(129) “proporzjon iddikjarat tal-effiċjenza enerġetika” (EERDC) tfisser il-proporzjon tal-effiċjenza enerġetika taċ-ċiller ta' proċessi ta' temperatura għolja f'punt speċifiku ta' klassifikazzjoni, ikkoreġut, meta jkun hemm bżonn, bil-koeffiċjent tad-degradazzjoni jekk il-kapaċità minima ddikjarata tar-refriġerazzjoni taqbeż it-tagħbija tar-refriġerazzjoni, jew interpolat jekk l-eqreb kapaċitajiet iddikjarati tar-refriġerazzjoni jkunu iktar jew inqas mit-tagħbija tar-refriġerazzjoni;

(130) “input iddikjarat tal-enerġija” tfisser l-input tal-enerġija elettrika li ċ-ċiller ta' proċessi ta' temperatura għolja jeħtieġ biex jilħaq il-kapaċità ddikjarata tat-tkessiħ f'punt speċifiku ta' klassifikazzjoni;

(131) “kapaċità ddikjarata tar-refriġerazzjoni” tfisser il-kapaċità tar-refriġerazzjoni li ċ-ċiller ta' proċessi ta' temperatura għolja jipprovdi biex jilħaq id-domanda ddikjarata tar-refriġerazzjoni f'punt speċifiku ta' klassifikazzjoni.

(132) “input totali tal-enerġija elettrika” (Pelec) tfisser l-enerġija elettrika totali assorbita mill-apparat, inkluż/i l-fann/ijiet u l-apparati awżiljarji.

1. L-effiċjenza enerġetika staġonali tat-tisħin tal-post ta' prodotti tat-tisħin tal-arja:

(a) Mill-1 ta' Jannar 2018, l-effiċjenza enerġetika staġonali tat-tisħin tal-post ta' prodotti tat-tisħin tal-arja ma għandhiex tkun inqas mill-valuri mogħtija fit-Tabella 1:

(b) Mill-1 ta' Jannar 2021, l-effiċjenza enerġetika staġonali tat-tisħin tal-post tal-prodotti tat-tisħin tal-arja ma għandhomx ikunu inqas mill-valuri mogħtija fit-Tabella 2:

2. L-effiċjenza enerġetika staġonali tat-tkessiħ tal-post tal-prodotti tat-tkessiħ:

(a) Mill-1 ta' Jannar 2018, l-effiċjenza enerġetika staġonali tat-tkessiħ tal-post tal-prodotti tat-tkessiħ ma għandhomx ikunu inqas mill-valuri mogħtija fit-Tabella 3:

(b) Mill-1 ta' Jannar 2021, l-effiċjenza enerġetika staġonali tat-tkessiħ tal-post tal-prodotti tat-tkessiħ ma għandhomx ikunu inqas mill-valuri mogħtija fit-Tabella 4:

3. Il-proporzjon tal-prestazzjoni enerġetika staġonali taċ-ċillers ta' proċessi ta' temperatura għolja:

(a) Mill-1 ta' Jannar 2018, il-proporzjon tal-prestazzjoni enerġetika staġonali taċ-ċillers ta' proċessi ta' temperatura għolja ma għandux ikun inqas mill-valuri mogħtija fit-Tabella 5:

(b) Mill-1 ta' Jannar 2021, il-proporzjon tal-prestazzjoni enerġetika staġonali taċ-ċillers ta' proċessi ta' temperatura għolja ma għandux ikun inqas mill-valuri mogħtija fit-Tabella 6:

4. L-emissjonijiet tal-ossidi tan-nitroġenu:

(a) Mis-26 ta' Settembru 2018, l-emissjonijiet tal-ossidi tan-nitroġenu, mogħtija bħala diossidu tan-nitroġenu, tal-ħiters tal-arja sħuna, tal-pompi tas-sħana, taċ-ċillers għall-kumdità u tal-kundizzjonaturi tal-arja, ma għandhomx ikunu ogħla mill-valuri mogħtija fit-Tabella 7:

(b) Mill-1 ta' Jannar 2021, l-emissjonijiet tal-ossidi tan-nitroġenu tal-ħiters tal-arja sħuna, mogħtija bħala diossidu tan-nitroġenu, ma għandhomx ikunu ogħla mill-valuri mogħtija fit-Tabella 8:

5. Tagħrif dwar il-prodotti:

(a) Mill-1 ta' Jannar 2018, il-manwali tal-istruzzjonijiet għall-installaturi u għall-utenti aħħarin u s-siti web tal-manifatturi, tar-rappreżentanti awtorizzati tagħhom u tal-importaturi, li jkunu aċċessibbli mingħajr ħlas, għandu jkun fihom it-tagħrif li ġej dwar il-prodotti:

(1) Għall-ħiters tal-arja sħuna, it-tagħrif mogħti fit-Tabella 9 ta' dan l-Anness, imkejjel u kkalkulat skont l-Anness III;

(2) Għaċ-ċillers għall-kumdità, it-tagħrif mogħti fit-Tabella 10 ta' dan l-Anness, imkejjel u kkalkulat skont l-Anness III;

(3) Għall-kundizzjonaturi tal-arja arja-arja, it-tagħrif mogħti fit-Tabella 11 ta' dan l-Anness, imkejjel u kkalkulat skont l-Anness III;

(4) Għall-kundizzjonaturi tal-arja ilma-/salmura-arja, it-tagħrif mogħti fit-Tabella 12 ta' dan l-Anness, imkejjel u kkalkulat skont l-Anness III;

(5) Għall-fannijiet konvetturi, it-tagħrif mogħti fit-Tabella 13 ta' dan l-Anness, imkejjel u kkalkulat skont l-Anness III;

(6) Għall-pompi tas-sħana, it-tagħrif mogħti fit-Tabella 14 ta' dan l-Anness, imkejjel u kkalkulat skont l-Anness III;

(7) Għaċ-ċillers ta' proċessi ta' temperatura għolja, it-tagħrif mogħti fit-Tabella 15 ta' dan l-Anness, imkejjel u kkalkulat skont l-Anness III;

(8) Kull prekawzjoni speċifika li trid tittieħed meta jiġi mmuntat jew jiġi installat il-prodott jew meta ssirlu xi manutenzjoni;

(9) Għall-ġeneraturi tas-sħana jew tal-kesħa maħsuba għall-prodotti tat-tisħin tal-arja jew għall-prodotti tat-tkessiħ, u għall-oqfsa għall-prodotti tat-tisħin tal-arja u għall-prodotti tat-tkessiħ li jridu jkunu mgħammra bit-tali ġeneraturi tas-sħana jew tal-kesħa, il-karatteristiċi tagħhom, ir-rekwiżiti għall-immuntar tagħhom, sabiex tkun żgurata l-konformità mar-rekwiżiti tal-ekodisinn għall-prodotti tat-tisħin tal-arja u għall-prodotti tat-tkessiħ, u meta jkun xieraq, il-lista ta' kombinazzjonijiet irrakkomandati mill-manifattur;

(10) Lista ta' apparati adattati fuq barra, għall-pompi tas-sħana multisplit u l-kundizzjonaturi tal-arja multisplit;

(11) Għall-ħiters tal-arja sħuna B1, C2 u C4 jintuża t-test standard li ġej: “Dan il-ħiter tal-arja sħuna huwa maħsub biex jitqabbad biss mat-tromba ta' ċumnija kondiviża bejn diversi abitazzjonijiet f'binjiet eżistenti. Minħabba effiċjenza inferjuri, għandu jiġi evitat kull tip ta' użu ieħor għal dan il-ħiter tal-arja sħuna inkella dan jirriżulta f'konsum ogħla ta' enerġija u spejjeż operatorji ogħla”.

(b) Mill-1 ta' Jannar 2018, il-manwali tal-istruzzjonijiet għall-installaturi u għall-utenti aħħarin, u parti għall-professjonisti tas-siti web tal-manifatturi, tar-rappreżentanti awtorizzati tagħhom u tal-importaturi, li jkunu aċċessibbli mingħajr ħlas, għandhom jipprovdu t-tagħrif li ġej dwar il-prodotti:

(1) Tagħrif li huwa rilevanti għaż-żarmar, għar-riċiklaġġ u/jew għar-rimi tal-prodotti fi tmiem iċ-ċiklu ta' ħajja tagħhom.

(c) Id-dokumentazzjoni teknika għall-għanijiet tal-valutazzjoni tal-konformità skont l-Artikolu 4 għandu jkun fiha l-elementi li ġejjin:

(1) l-elementi speċifikati fil-punt (a);

(2) meta t-tagħrif dwar mudell speċifiku jkun inkiseb permezz ta' kalkolu abbażi tad-disinn u/jew permezz ta' estrapolazzjoni minn kombinazzjonijiet oħrajn, id-dettalji ta' dawn il-kalkoli u/jew l-estrapolazzjonijiet, u tat-testijiet li jkunu twettqu biex tiġi vverifikata l-eżattezza tal-kalkoli li jkunu saru, inklużi d-dettalji tal-mudell matematiku li ntuża għall-kalkolu tal-prestazzjoni ta' dawn il-kombinazzjonijiet u d-dettalji tal-kejl meħud sabiex jiġi vverifikat dan il-mudell, kif ukoll lista ta' kull mudell ieħor li għalih it-tagħrif mogħti fid-dokumentazzjoni teknika jkun inkiseb bl-istess mod.

(d) Il-manifattur, ir-rappreżentanti awtorizzati tagħhom u l-importaturi taċ-ċillers għall-kumdità, tal-kundizzjonaturi tal-arja arja-arja u ilma/salmura-arja, tal-pompi tas-sħana u taċ-ċillers ta' proċessi ta' temperatura għolja, fuq talba għandhom jagħtu lil-laboratorji li jkunu qed iwettqu kontrolli dwar is-sorveljanza tas-suq, l-informazzjoni meħtieġa fuq l-issettjar tal-apparat, kif applikat għall-istabbiliment ta' kapaċitajiet iddikjarati, u l-valuri SEER/EER, SCOP/COP u SEPR/COP, meta dan ikun applikabbli, u għandhom jagħtu l-informazzjoni ta' kuntatt biex tinkiseb informazzjoni bħal din.

1. Għall-għanijiet tal-konformità u tal-verifika tal-konformità mar-rekwiżiti ta' dan ir-Regolament, il-kejl u l-kalkoli jsiru billi jintużaw standards armonizzati li n-numri ta' referenza tagħhom ġew ippubblikati għal dan il-għan f'Il-Ġurnal Uffiċjali tal-Unjoni Ewropea, jew billi jintuża metodu ieħor li jkun affidabbli, preċiż u riproduċibbli, filwaqt li jqis il-metodi l-aktar avvanzati rrikonoxxuti b'mod ġenerali. Dawn jissodisfaw il-kundizzjonijiet u l-parametri tekniċi stipulati fil-punti 2 sa 8.

2. Kundizzjonijiet ġenerali għall-kejl u għall-kalkoli:

(a) Għall-għanijiet tal-kalkoli stipulati fil-punti 3 sa 8, il-konsum tal-elettriku jiġi mmultiplikat b'koeffiċjent ta' konverżjoni, CC, ta' 2,5;

(b) L-emissjonijiet tal-ossidi tan-nitroġenu jitkejlu billi jingħaddu flimkien il-monossidu tan-nitroġenu u d-diossidu tan-nitroġenu, u jingħataw bħala ekwivalenti ta' diossidu tan-nitroġenu;

(c) Għall-pompi tas-sħana li jkunu mgħammra b'ħiters supplimentari, il-kejl u l-kalkolu tal-kapaċità nominali tat-tisħin, tal-effiċjenza enerġetika staġonali tat-tisħin tal-post, tal-livell ta' qawwa tal-ħoss u tal-emissjonijiet tal-ossidi tan-nitroġenu jqisu l-ħiter supplimentari;

(d) Ġeneratur tas-sħana li jkun maħsub għal prodott tat-tisħin tal-arja, jew qafas li jrid ikun mgħammar bit-tali ġeneratur, jiġu ttestjati b'qafas jew b'ġeneratur adattati, rispettivament;

(e) Ġeneratur tal-kesħa li jkun maħsub għal prodott tat-tkessiħ, jew qafas li jrid ikun mgħammar bit-tali ġeneratur, jiġu ttestjati b'qafas jew b'ġeneratur adattati, rispettivament.

3. L-effiċjenza enerġetika staġonali tat-tisħin tal-post tal-ħiters tal-arja sħuna:

(a) L-effiċjenza enerġetika staġonali tat-tisħin tal-post, ηs,h tiġi kkalkulata bħala l-effiċjenza enerġetika staġonali tat-tisħin tal-post fil-modalità Attiv, ηs,on, li tinkludi l-kunsiderazzjoni tal-effiċjenza enerġetika staġonali termali ηs,th, tal-fattur ta' telf mill-involkru Fenv u tal-effiċjenza tal-emissjonijiet ηs,flow, ikkoreġuta b'fatturi li jqisu l-apparat għall-kontroll tal-potenza termika, il-konsum tal-elettriku awżiljarju, it-telf mit-tromba ta' ċumnija miftuħa u l-konsum tal-enerġija tal-berner tat-tqabbid Pign (jekk dan ikun applikabbli).

4. L-effiċjenza enerġetika staġonali tat-tkessiħ tal-post ta' ċillers għall-kumdità u ta' kundizzjonaturi tal-arja li jaħdmu b'muturi tal-elettriku:

(a) Għall-għanijiet tal-kejl tal-kundizzjonaturi tal-arja, it-temperatura ambjentali ta' ġewwa tkun ta' 27 °C;

(b) Filwaqt li jiġi stabbilit il-livell ta' qawwa tal-ħoss, il-kundizzjonijiet operattivi jkunu l-kundizzjonijiet nominali standard stipulati fit-Tabella 16 (għall-pompi tas-sħana u għall-kundizzjonaturi tal-arja arja-arja), fit-Tabella 17 (għaċ-ċillers għall-kumdità ilma-/salmura-ilma), fit-Tabella 18 (għaċ-ċillers għall-kumdità arja-ilma) u fit-Tabella 19 (għall-pompi tas-sħana u għall-kundizzjonaturi tal-arja ilma-/salmura-arja);

(c) Il-proporzjon staġonali tal-effiċjenza enerġetika fil-modalità Attiv, SEERon, jiġi kkalkulat abbażi tat-tagħbija parzjali għat-tkessiħ, Pc(Tj), u tal-proporzjon tal-effiċjenza enerġetika speċifikat għall-intervall ta' temperaturi, EERbin(Tj), u jiġi pponderat bis-sigħat tal-intervall ta' temperaturi li matulhom ikun hemm il-kundizzjonijiet tal-intervall ta' temperaturi, filwaqt li jitqiesu l-kundizzjonijiet li ġejjin:

(1) il-kundizzjonijiet ta' referenza tad-disinn mogħtija fit-Tabella 24;

(2) l-istaġun medju Ewropew tat-tkessiħ stipulat fit-Tabella 27;

(3) jekk ikun applikabbli, l-effetti tad-degradazzjoni tal-effiċjenza enerġetika kkawżata miċ-ċikli, skont it-tip ta' kontroll tal-kapaċità tat-tkessiħ;

(4) Id-domanda annwali ta' referenza għat-tkessiħ, QC, għandha tkun it-tagħbija tad-disinn għat-tkessiħ, Pdesign,c, immultiplikata bis-sigħat ekwivalenti fil-modalità Attiv għat-tkessiħ għal HCE, kif stipulat fit-Tabella 29;

(5) Il-konsum annwali tal-enerġija għat-tkessiħ, QCE, għandu jiġi kkalkulat billi jingħaddu flimkien:

(i) il-proporzjon tad-domanda annwali ta' referenza għat-tkessiħ, QC u l-proporzjon tal-effiċjenza enerġetika fil-modalità Attiv, SEERon, u

(ii) il-konsum tal-enerġija fil-modalità Termostat Mitfi, fil-modalità Stennija, fil-modalità Mitfi u fil-modalità tal-ħiter tal-kisi tal-krank matul l-istaġun;

(6) Il-proporzjon staġonali tal-effiċjenza enerġetika, SEER, jiġi kkalkulat bħala l-proporzjon tad-domanda annwali ta' referenza għat-tkessiħ, QC u l-konsum annwali ta' referenza tal-enerġija għat-tkessiħ, QCE;

(7) L-effiċjenza enerġetika staġonali tat-tkessiħ tal-post, ηs,c, tiġi kkalkulata bħala l-proporzjon staġonali tal-effiċjenza enerġetika, SEER, diviż bil-koeffiċjent ta' konverżjoni, CC, u kkoreġut b'fatturi li jqisu l-apparat għall-kontroll tat-temperatura u, għaċ-ċillers għall-kumdità ilma/salmura-ilma jew għall-kundizzjonaturi tal-arja ilma/salmura-arja biss, il-konsum tal-elettriku ta' pompa/i tal-ilma ta' taħt l-art;

(d) Għall-kundizzjonaturi tal-arja arja-arja multisplit, il-kejl u l-kalkoli għandhom jissejsu fuq il-prestazzjoni tal-apparat fuq barra flimkien ma' kombinazzjoni ta' apparat/i fuq ġewwa rakkomandat/i mill-manifattur jew mill-importatur.

5. L-effiċjenza enerġetika staġonali tat-tkessiħ tal-post taċ-ċillers għall-kumdità u tal-kundizzjonaturi tal-arja li jużaw magna b'kombustjoni interna:

(a) L-effiċjenza enerġetika staġonali tat-tkessiħ tal-post, ηs,c, tiġi kkalkulata abbażi tal-proporzjon staġonali tal-enerġija primarja fil-modalità tat-tkessiħ, SPERC, ikkoreġut b'fatturi li jqisu l-apparat għall-kontroll tat-temperatura u, għaċ-ċillers għall-kumdità ilma/salmura-ilma jew kundizzjonaturi tal-arja ilma/salmura-ilma biss, il-konsum tal-elettriku ta' pompa/i tal-ilma ta' taħt l-art;

(b) Il-proporzjon staġonali tal-enerġija primarja fil-modalità tat-tkessiħ, SPERC, jiġi kkalkulat abbażi tal-effiċjenza staġonali fl-użu tal-gass fil-modalità tat-tkessiħ, SGUEC, u tal-fattur staġonali tal-enerġija awżiljarja fil-modalità tat-tkessiħ, SAEFC, filwaqt li jitqies il-koeffiċjent tal-konverżjoni għall-elettriku, CC;

(c) L-effiċjenza staġonali fl-użu tal-gass fil-modalità tat-tkessiħ, SGUEC, tissejjes fuq it-tagħbija parzjali għat-tkessiħ, Pc(Tj), diviża bl-effiċjenza fl-użu tal-gass speċifikat għall-intervall ta' temperaturi għat-tkessiħ b'tagħbija parzjali, GUEc,bin, ipponderat bis-sigħat tal-intervall ta' temperaturi li matulhom ikun hemm il-kundizzjonijiet tal-intervall ta' temperaturi, billi jintużaw il-kundizzjonijiet stipulati fil-punt 5(h);

(d) Is-SAEFC jissejjes fuq id-domanda annwali ta' referenza għat-tkessiħ, QC, u fuq il-konsum annwali tal-enerġija għat-tkessiħ, QCE;

(e) Id-domanda annwali ta' referenza għat-tkessiħ, QC, tissejjes fuq it-tagħbija tad-disinn għat-tkessiħ, Pdesign,c, immultiplikata bis-sigħat annwali ekwivalenti għat-tkessiħ fil-modalità Attiv, HCE, kif stipulat fit-Tabella 29;

(f) Il-konsum annwali tal-enerġija għat-tkessiħ, QCE, għandu jiġi kkalkulat billi jingħaddu flimkien:

(1) il-proporzjon tad-domanda annwali ta' referenza għat-tkessiħ, QC, u l-fattur staġonali tal-enerġija awżiljarja fil-modalità tat-tkessiħ, fil-modalità Attiv, SAEFc,on, u

(2) il-konsum tal-enerġija fil-modalità Stennija, fil-modalità Termostat Mitfi, fil-modalità Mitfi u fil-modalità tal-ħiter tal-kisi tal-krank matul l-istaġun;

(g) Is-SAEFc,on għandu jissejjes, sa fejn ikun rilevanti, fuq it-tagħbija parzjali għat-tkessiħ, Pc(Tj), u fuq il-fattur tal-enerġija awżiljarja fil-modalità tat-tkessiħ b'tagħbija parzjali, AEFc,bin, ipponderat bis-sigħat tal-intervall ta' temperaturi li matulhom ikun hemm il-kundizzjonijiet tal-intervall ta' temperaturi, billi jintużaw il-kundizzjonijiet mogħtija hawn taħt;

(h) Il-kundizzjonijiet biex jiġu kkalkulati l-valuri tas-SGUEC u tas-SAEFc,on għandhom iqisu dan li ġej:

(1) il-kundizzjonijiet ta' referenza tad-disinn stipulati fit-Tabella 24;

(2) l-istaġun medju Ewropew tat-tkessiħ stipulat fit-Tabella 27;

(3) jekk ikun applikabbli, l-effetti tad-degradazzjoni tal-effiċjenza enerġetika kkawżata miċ-ċikli, skont it-tip ta' kontroll tal-kapaċità tat-tkessiħ.

6. L-effiċjenza enerġetika staġonali tat-tisħin tal-post tal-pompi tas-sħana tal-elettriku:

(a) Għall-għanijiet tal-kejl tal-pompi tas-sħana, it-temperatura ambjentali ta' ġewwa għandha tkun ta' 20 °C.

(b) Meta jiġi stabbilit il-livell ta' qawwa tal-ħoss, il-kundizzjonijiet operattivi għandhom ikunu l-kundizzjonijiet nominali standard stipulati fit-Tabella 16 (għall-pompi tas-sħana arja-arja) u fit-Tabella 19 (għall-pompi tas-sħana ilma-/salmura-arja).

(c) Il-koeffiċjent staġonali tal-prestazzjoni fil-modalità Attiv, SCOPon, jiġi kkalkulat abbażi tat-tagħbija parzjali għat-tisħin, Ph(Tj), abbażi tal-kapaċità tat-tisħin elettriku ta' emerġenza, elbu(Tj) (jekk din tkun applikabbli), u abbażi tal-koeffiċjent tal-prestazzjoni speċifikat għall-intervall ta' temperaturi, COPbin(Tj), u jiġi pponderat bis-sigħat tal-intervall ta' temperaturi li matulhom ikun hemm il-kundizzjonijiet tal-intervall ta' temperaturi, u għandhom jitqiesu:

(1) il-kundizzjonijiet ta' referenza tad-disinn stipulati fit-Tabella 24;

(2) l-istaġun “medju” Ewropew tat-tisħin stipulat fit-Tabella 26;

(3) jekk ikun applikabbli, l-effetti tad-degradazzjoni tal-effiċjenza enerġetika kkawżata miċ-ċikli, skont it-tip ta' kontroll tal-kapaċità tat-tisħin;

(d) Id-domanda annwali ta' referenza għat-tisħin, QH, għandha tkun it-tagħbija tad-disinn għat-tisħin, Pdesign,h, immultiplikata bis-sigħat annwali ekwivalenti għat-tisħin, fil-modalità Attiv, HHE, stipulata fit-Tabella 29;

(e) Il-konsum annwali tal-enerġija għat-tisħin, QHE, għandu jiġi kkalkulat billi jingħaddu flimkien:

(1) il-proporzjon tad-domanda annwali ta' referenza għat-tisħin, QH u l-koeffiċjent staġonali tal-prestazzjoni fil-modalità Attiv, SCOPon, u

(2) il-konsum tal-enerġija għall-modalità Termostat Mitfi, għall-modalità Stennija, għall-modalità Mitfi u għall-modalità tal-ħiter tal-kisi tal-krank matul l-istaġun;

(f) Il-koeffiċjent staġonali tal-prestazzjoni, SCOP, għandu jiġi kkalkulat bħala l-proporzjon tad-domanda annwali ta' referenza għat-tisħin, QH, meta mqabbla mal-konsum annwali tal-enerġija għat-tisħin, QHE;

(g) L-effiċjenza enerġetika staġonali tat-tisħin tal-post, ηs,h, tiġi kkalkulata bħala l-koeffiċjent tal-prestazzjoni, SCOP, diviż bil-koeffiċjent ta' konverżjoni, CC, u kkoreġut b'fatturi li jqisu l-apparat għall-kontroll tat-temperatura u għall-pompi tas-sħana ilma/salmura-arja biss, il-konsum tal-elettriku ta' pompa/i tal-ilma ta' taħt l-art.

(h) Għall-pompi tas-sħana multisplit, il-kejl u l-kalkoli għandhom jissejsu fuq il-prestazzjoni tal-apparat fuq barra flimkien ma' kombinazzjoni ta' apparat/i fuq ġewwa rakkomandat/i mill-manifattur jew mill-importatur.

7. L-effiċjenza enerġetika staġonali tat-tisħin tal-post tal-pompi tas-sħana li jużaw magna bil-kombustjoni interna:

(a) L-effiċjenza enerġetika staġonali tat-tisħin tal-post, ηs,h, għandha tiġi kkalkulata abbażi tal-proporzjon staġonali tal-enerġija primarja fil-modalità tat-tisħin, SPERh, ikkoreġut b'fatturi li jqisu l-apparat għall-kontroll tat-temperatura u, għall-pompi tas-sħana ilma/salmura-ilma biss, il-konsum tal-elettriku ta' pompa/i tal-ilma ta' taħt l-art.

(b) Il-proporzjon staġonali tal-effiċjenza tal-enerġija primarja fil-modalità tat-tisħin, SPERh, jiġi kkalkulat abbażi tal-proporzjon tal-effiċjenza staġonali fl-użu tal-gass fil-modalità tat-tisħin, SGUEh, u tal-fattur staġonali tal-enerġija awżiljarja fil-modalità tat-tisħin, SAEFh filwaqt li jitqiesu l-fattur tal-enerġija primarja għall-elettriku, CC.

(c) L-effiċjenza staġonali fl-użu tal-gass fil-modalità tat-tisħin, SGUEh, għandha tissejjes fuq it-tagħbija parzjali għat-tisħin, Ph(Tj), diviża bl-effiċjenza fl-użu tal-gass speċifikat għall-intervall ta' temperaturi għat-tisħin b'tagħbija parzjali, GUEh,bin, ipponderat bis-sigħat tal-intervall ta' temperaturi li matulhom ikun hemm il-kundizzjonijiet tal-intervall ta' temperaturi, billi jintużaw il-kundizzjonijiet mogħtija hawn taħt;

(d) Is-SAEFh jissejjes fuq id-domanda ta' referenza annwali għat-tisħin, QH, u fuq il-konsum annwali ta' referenza tal-enerġija għat-tisħin, QHE.

(e) Id-domanda annwali ta' referenza għat-tisħin, QH, tissejjes fuq it-tagħbija tad-disinn għat-tisħin, Pdesign,h, immultiplikata bis-sigħat annwali ekwivalenti fil-modalità Attiv, HHE, kif stipulat fit-Tabella 29.

(f) Il-konsum annwali tal-enerġija għat-tisħin, QHE, għandu jiġi kkalkulat billi jingħaddu flimkien:

(1) il-proporzjon tad-domanda annwali ta' referenza għat-tisħin, QH, u l-fattur staġonali tal-enerġija awżiljarja għat-tisħin fil-modalità Attiv, SAEFh,on, u

(2) il-konsum tal-enerġija fil-modalità Termostat Mitfi, fil-modalità Stennija, fil-modalità Mitfi u fil-modalità tal-ħiter tal-kisi tal-krank matul l-istaġun speċifikat.

(g) Is-SAEFHon għandu jissejjes, sa fejn ikun rilevanti, fuq it-tagħbija parzjali għat-tisħin, PH(Tj), u fuq il-fattur tal-enerġija awżiljarja għat-tisħin b'tagħbija parzjali, AEFh,bin, ipponderat bis-sigħat tal-intervall ta' temperaturi li matulhom ikun hemm il-kundizzjonijiet tal-intervall ta' temperaturi, billi jintużaw il-kundizzjonijiet mogħtija hawn taħt;

(h) Il-kundizzjonijiet biex jiġu kkalkulati s-SGUEh u s-SAEFh,on għandhom iqisu dan li ġej:

(1) il-kundizzjonijiet ta' referenza tad-disinn stipulati fit-Tabella 24;

(2) l-istaġun medju Ewropew tat-tisħin stipulat fit-Tabella 26;

(3) jekk ikun applikabbli, l-effetti tad-degradazzjoni tal-effiċjenza enerġetika kkawżata miċ-ċikli, skont it-tip ta' kontroll tal-kapaċità tat-tisħin.

8. Kundizzjonijiet ġenerali għall-kejl u għall-kalkoli taċ-ċillers ta' proċessi ta' temperatura għolja

(a) it-temperatura ambjentali ta' referenza tal-iskambjatur tas-sħana li jkun jinsab fuq barra għandha tkun ta' 35 °C għaċ-ċillers ta' proċessi ta' temperatura għolja mkessħin bl-arja u ta' 30 °C fil-bokka għad-dħul tal-ilma fil-kondensatur (fil-punt ta' klassifikazzjoni meta jkun hemm temperatura tal-arja ta' barra ta' 35 °C) għaċ-ċillers ta' proċessi ta' temperatura għolja mkessħin bl-ilma

(b) it-temperatura tal-ħruġ tal-likwidu fl-iskambjatur tas-sħana li jkun jinsab fuq ġewwa għandha tkun ta' 7 °C b'termometru niexef;

(c) il-varjazzjonijiet fit-temperatura ambjentali matul is-sena, li jkunu jirrappreżentaw il-kundizzjonijiet klimatiċi medji fl-Unjoni Ewropea, u l-għadd korrispondenti ta' sigħat li matulhom ikun hemm dawn it-temperaturi, għandhom ikunu kif stipulati fit-Tabella 28;

(d) l-effett tad-degradazzjoni tal-effiċjenza enerġetika kkawżata miċ-ċikli, skont it-tip ta' kontroll tal-kapaċità taċ-ċiller ta' proċessi ta' temperatura għolja, għandu jitkejjel jew inkella għandu jintuża valur prestabbilit.

(1) L-awtoritajiet tal-Istati Membri għandhom jittestjaw unità waħda tal-mudell.

(2) Il-mudell għandu jitqies konformi mar-rekwiżiti applikabbli jekk:

(a) il-valuri mogħtija fid-dokumentazzjoni teknika skont il-punt 2 tal-Anness IV tad-Direttiva 2009/125/KE (il-valuri dikjarati) u, meta applikabbli, il-valuri użati għall-kalkolu ta' dawn il-valuri ma jkunux aktar favorevoli għall-manifattur jew għall-importatur milli jkunu r-riżultati tal-kejl korrispondenti mwettaq skont il-paragrafu (g) tiegħu; kif ukoll

(b) il-valuri dikjarati jkunu jissodisfaw r-rekwiżiti stabbiliti f'dan ir-Regolament, u kull informazzjoni fuq il-prodott meħtieġa li jippubblikaw il-manifattur jew l-importatur ma jkunx fiha valuri li jkunu aktar favorevoli għall-manifattur jew għall-importatur mill-valuri dikjarati; kif ukoll

(c) meta l-awtoritajiet tal-Istati Membri jittestjaw l-unità tal-mudell, il-valuri stabbiliti (il-valuri tal-parametri rilevanti kif imkejla waqt it-testijiet u l-valuri kkalkulati minn dan il-kejl) ikunu fi ħdan it-tolleranzi tal-verifika rispettivi kif turi t-Tabella 30.

(3) Jekk ir-riżultati msemmija fil-punti 2(a) u (b) ma jinkisbux, il-mudell u kull tip ta' mudell ieħor li għalih it-tagħrif inkluż fid-dokumentazzjoni teknika jkun inkiseb bl-istess mod jitqiesu li mhumiex konformi ma' dan ir-Regolament

(4) Għall-prodott tat-tisħin tal-arja, għall-prodott tat-tkessiħ, għall-mudelli taċ-chillers tal-proċess b'temperatura għolja jew tal-fannijiet konvetturi, b'kapaċità tat-tkessiħ jew ta' refriġerazzjoni ≥ 70 kW jew li jiġu manifatturati fi kwantitajiet inqas minn ħamsa (5) fis-sena, jekk ir-riżultat imsemmi fil-punt 2(c) ma jinkisibx, il-mudell jew kull mudell ieħor li għalih l-informazzjoni fid-dokumentazzjoni teknika tkun inkisbet bl-istess mod, għandhom jitqiesu li mhumiex konformi ma' dan ir-Regolament.

(5) Għall-prodott tat-tisħin tal-arja, għall-prodott tat-tkessiħ, għall-mudelli taċ-chillers tal-proċess b'temperatura għolja jew tal-fannijiet konvetturi, b'kapaċità nominali tat-tisħin, tat-tkessiħ jew tar-refriġerazzjoni < 70 kW jew li jiġu manifatturati fi kwantitajiet ta' ħamsa (5) jew aktar fis-sena, jekk ma jinkisibx ir-riżultat imsemmi fil-punt 2(c), l-awtoritajiet tal-Istati Membri għandhom jagħżlu tliet unitajiet oħra tal-istess mudell biex jiġu ttestjati.