This document is an excerpt from the EUR-Lex website
Document 02014R0821-20190215
Commission Implementing Regulation (EU) No 821/2014 of 28 July 2014 laying down rules for the application of Regulation (EU) No 1303/2013 of the European Parliament and of the Council as regards detailed arrangements for the transfer and management of programme contributions, the reporting on financial instruments, technical characteristics of information, communication and visibility measures for operations and the system to record and store data
Consolidated text: Ir-Regolament ta' Implimentazzjoni tal-Kummissjoni (UE) Nru 821/2014 tat-28 ta' Lulju 2014 li jistabbilixxi r-regoli għall-applikazzjoni tar-Regolament (UE) Nru 1303/2013 tal-Parlament Ewropew u tal-Kunsill rigward l-arranġamenti dettaljati għat-trasferiment u l-immaniġġar ta' kontribuzzjonijiet tal-Programm, ir-rappurtar dwar strumenti finanzjarji, il-karatteristiċi tekniċi tal-miżuri ta' informazzjoni u ta' komunikazzjoni għal operazzjonijiet u s-sistema biex tiġi rreġistrata u tinħażen id-data
Ir-Regolament ta' Implimentazzjoni tal-Kummissjoni (UE) Nru 821/2014 tat-28 ta' Lulju 2014 li jistabbilixxi r-regoli għall-applikazzjoni tar-Regolament (UE) Nru 1303/2013 tal-Parlament Ewropew u tal-Kunsill rigward l-arranġamenti dettaljati għat-trasferiment u l-immaniġġar ta' kontribuzzjonijiet tal-Programm, ir-rappurtar dwar strumenti finanzjarji, il-karatteristiċi tekniċi tal-miżuri ta' informazzjoni u ta' komunikazzjoni għal operazzjonijiet u s-sistema biex tiġi rreġistrata u tinħażen id-data
02014R0821 — MT — 15.02.2019 — 001.001
Dan it-test hu maħsub purament bħala għodda ta’ dokumentazzjoni u m’għandu l-ebda effett legali. L-istituzzjonijiet tal-Unjoni m'għandhom l-ebda responsabbiltà għall-kontenut tiegħu. Il-verżjonijiet awtentiċi tal-atti rilevanti, inklużi l-preamboli tagħhom, huma dawk ippubblikati fil-Ġurnal Uffiċjali tal-Unjoni Ewropea u disponibbli f’EUR-Lex. Dawk it-testi uffiċjali huma aċċessibbli direttament permezz tal-links inkorporati f’dan id-dokument
|
IR-REGOLAMENT TA' IMPLIMENTAZZJONI TAL-KUMMISSJONI (UE) Nru 821/2014 tat-28 ta' Lulju 2014 (ĠU L 223 29.7.2014, p. 7) |
Emendat bi:
|
|
|
Il-Ġurnal Uffiċjali |
||
|
Nru |
Paġna |
Data |
||
|
REGOLAMENT TA' IMPLIMENTAZZJONI TAL-KUMMISSJONI (UE) 2019/255 tat-13 ta' Frar 2019 |
L 43 |
15 |
14.2.2019 |
|
Ikkoreġut bi:
IR-REGOLAMENT TA' IMPLIMENTAZZJONI TAL-KUMMISSJONI (UE) Nru 821/2014
tat-28 ta' Lulju 2014
li jistabbilixxi r-regoli għall-applikazzjoni tar-Regolament (UE) Nru 1303/2013 tal-Parlament Ewropew u tal-Kunsill rigward l-arranġamenti dettaljati għat-trasferiment u l-immaniġġar ta' kontribuzzjonijiet tal-Programm, ir-rappurtar dwar strumenti finanzjarji, il-karatteristiċi tekniċi tal-miżuri ta' informazzjoni u ta' komunikazzjoni għal operazzjonijiet u s-sistema biex tiġi rreġistrata u tinħażen id-data
KAPITOLU I
L-ARRANĠAMENTI DETTALJATI GĦAT-TRASFERIMENT U L-IMMANIĠĠJAR TA' KONTRIBUZZJONIJIET TAL-PROGRAMM U RAPPURTAR DWAR STRUMENTI FINANZJARJI
Artikolu 1
Trasferiment u mmaniġġjar ta' kontribuzzjonijiet tal-programm
(L-Artikolu 38(10) tar-Regolament (UE) Nru 1303/2013)
1. Meta l-kontribuzzjonijiet minn aktar minn programm wieħed jew minn aktar minn assi prijoritarju wieħed jew miżura tal-istess programm isiru għal strument finanzjarju, il-korp li jimplimenta dak l-istrument finanzjarju jżomm kont separat jew iżomm kodiċi ta' kontabbiltà adegwat għall-kontribuzzjoni minn kull programm, minn kull assi prijoritarju jew miżura għall-finijiet ta' rappurtar u ta' awditjar.
2. Meta jsiru kontribuzzjonijiet nazzjonali pubbliċi u privati għall-istrumenti finanzjarji fil-livell tar-riċevituri finali, kont ir-regoli speċifiċi għall-Fond, il-korpi li jimplimentaw dawk l-istrumenti finanzjarji jimmaniġġjaw kontribuzzjonijiet pubbliċi jew privati nazzjonali li jikkostitwixxu kofinanzjament nazzjonali u jsiru fil-livell ta' riċevituri finali skont il-paragrafi 3 sa 6.
3. Il-korpi li jimplimentaw l-istrumenti finanzjarji jżommu evidenza dokumentata ta':
(a) ftehimiet ġuridiċi konklużi mal-entitajiet privati jew pubbliċi li jikkonċernaw kontribuzzjonijiet pubbliċi jew privati nazzjonali li jikkostitwixxu kofinanzjament nazzjonali li għandu jiġi pprovdut minn dawn l-entitajiet fil-livell ta' riċevituri finali;
(b) trasferiment effettiv ta' riżorsi li jikkostitwixxu kofinanzjament nazzjonali minn entitajiet privati jew pubbliċi lir-riċevituri finali;
(c) kontribuzzjonijiet pubbliċi jew privati nazzjonali li jikkostitwixxu kofinanzjament nazzjonali u li jsiru minn entitajiet privati jew pubbliċi, irrapportat lill-korp li jimplimenta l-istrument finanzjarju.
4. Il-korpi li jimplimentaw l-istrumenti finanzjarji jżommu r-responsabbiltà globali għall-investiment fir-riċevituri finali inkluż il-monitoraġġ sussegwenti tal-kontribuzzjonijiet minn programmi skont ftehimiet ta' finanzjament.
5. Il-korpi li jimplimentaw l-istrumenti finanzjarji jiżguraw li n-nefqa koperta mill-kontribuzzjonijiet pubbliċi jew privati nazzjonali li jikkostitwixxu kofinanzjament nazzjonali jkunu eliġibbli qabel ma jiddikjarawhom lill-awtorità maniġerjali.
6. Il-korpi li jimplimentaw l-istrumenti finanzjarji jżommu r-rendikont tal-entrati għall-kontribuzzjonijiet pubbliċi jew privati nazzjonali li jikkostitwixxu kofinanzjament nazzjonali sal-livell tar-riċevitur finali.
Artikolu 2
Mudell għar-rappurtar dwar strumenti finanzjarji
(L-Artikolu 46(3) tar-Regolament (UE) Nru 1303/2013)
Għar-rapport speċifiku msemmi fl-Artikolu 46(1) tar-Regolament (UE) Nru 1303/2013, l-awtoritajiet maniġerjali jużaw il-mudell stabbilit fl-Anness I ta' dan ir-Regolament.
KAPITOLU II
IL-KARATTERISTIĊI TEKNIĊI TA' MIŻURI TA' INFORMAZZJONI, TA' KOMUNIKAZZJONI U TA' VIŻIBBILTÀ GĦAL OPERAZZJONIJIET U GĦAL STRUZZJONIJIET GĦALL-ĦOLQIEN TAL-EMBLEMA TAL-UNJONI U DEFINIZZJONI TAL-KULURI STANDARD
(L-Artikolu 115(4) tar-Regolament (UE) Nru 1303/2013)
Artikolu 3
Struzzjonijiet għall-ħolqien tal-emblema u definizzjoni tal-kuluri standard
L-emblema tal-Unjoni tinħoloq skont l-istandards grafiċi stabbiliti fl-Anness II.
Artikolu 4
Karatteristiċi tekniċi għall-wiri tal-emblema tal-Unjoni u r-referenza għall-Fond jew Fondi li jappoġġjaw l-operazzjoni
1. L-emblema tal-Unjoni msemmija fil-punt 1(a) tat-Taqsima 2.2 tal-Anness XII għar-Regolament (UE) Nru 1303/2013 tintwera bil-kulur fuq il-websajts. Fil-midja l-oħra kollha, il-kulur jintuża kull meta jkun possibbli u verżjoni monokromatika tista' tintuża biss f'każijiet ġustifikati.
2. L-emblema tal-Unjoni dejjem tkun tidher ċar u titpoġġa f'pożizzjoni prominenti. Il-pożizzjoni u d-daqs tagħha jkunu xierqa għall-iskala tal-materjal jew tad-dokument li jkun qed jiġi użat. Għal oġġetti promozzjonali żgħar ma japplikax l-obbligu li ssir referenza għall-Fond.
3. Meta l-emblema tal-Unjoni, ir-referenza għall-Unjoni u l-Fond rilevanti jintwerew fuq websajt:
(a) l-emblema tal-Unjoni u r-referenza għall-Unjoni jkunu jidhru, meta tasal fuq il-websajt, fil-parti viżwali tal-apparat diġitali, mingħajr ma l-utent ikollu jiskrollja 'l isfel fil-paġna;
(b) ir-referenza għall-Fond rilevanti tkun tidher fuq l-istess websajt.
4. L-isem tal-“Unjoni Ewropea” għandu dejjem jiġi miktub b'mod sħiħ. It-tipa li trid tintuża flimkien mal-emblema tal-Unjoni tista' tkun kwalunkwe tipa minn dawn li ġejjin: Arial, Auto, Calibri, Garamond, Trebuchet, Tahoma, Verdana, Ubuntu. Ma għandhomx jintużaw varjazzjonijiet jew effetti tat-tipa bil-korsiv u bis-sottolinjar. Il-pożizzjoni tat-test fir-rigward tal-emblema tal-Unjoni ma għandha tinterferixxi mal-emblema tal-Unjoni bl-ebda mod. Id-daqs tat-tipa użata għandu jkun proporzjonat għad-daqs tal-emblema. Il-kulur tat-tipa għandu jkun blu reflex, iswed jew abjad skont l-isfond.
5. ►C1 Jekk jintwerew logos oħrajn apparti l-emblema tal-Unjoni, l-emblema tal-Unjoni jkollha mill-inqas l-istess daqs, imkejjel f'għoli jew wisa', daqs l-akbar wieħed mil-logos l-oħrajn ◄ .
Artikolu 5
Karatteristiċi tekniċi tal-plakek permanenti u l-kartelluni temporanji jew permanenti
1. L-isem tal-operazzjoni, l-objettiv ewlieni tal-operazzjoni, l-emblema tal-Unjoni flimkien mar-referenza għall-Unjoni u r-referenza għall-Fond jew il-Fondi li għandhom jintwerew fuq il-kartellun temporanju msemmi fil-punt 4 tat-Taqsima 2.2 tal-Anness XII tar-Regolament (UE) Nru 1303/2013 jieħdu mill-inqas 25 % ta' dak il-kartellun.
2. L-isem tal-operazzjoni u l-objettiv ewlieni tal-attività appoġġjata mill-operazzjoni, l-emblema tal-Unjoni flimkien mar-referenza għall-Unjoni u r-referenza għall-Fond jew il-Fondi li għandhom jintwerew fuq il-plakka permanenti jew il-kartellun permanenti msemmi fil-punt 5 tat-Taqsima 2.2 tal-Anness XII tar-Regolament (UE) Nru 1303/2013 jieħdu mill-inqas 25 % ta' dik il-plakka jew kartellun.
KAPITOLU III
IS-SISTEMA LI TIRREĠISTRA U TAĦŻEN ID-DEJTA
(L-Artikolu 125(8) tar-Regolament (UE) Nru 1303/2013)
Artikolu 6
Dispożizzjonijiet ġenerali
Is-sistema li tirreġistra u taħżen id-dejta dwar l-operazzjonijiet imsemmija fil-punt (d) tal-Artikolu 125(2) tar-Regolament (UE) Nru 1303/2013 tikkonforma mal-ispeċifikazzjonijiet tekniċi stipulati fl-Artikoli 7 sa 11.
Artikolu 7
Protezzjoni u preżervazzjoni tad-dejta u tad-dokumenti u l-integrità tagħhom
1. L-aċċess għas-sistema jkun ibbażat fuq id-drittijiet predefiniti għat-tipi differenti ta' utenti u jitrażżan fejn ma jkunx għadu meħtieġ.
2. Is-sistema żżomm rekord ta' kull reġistrazzjoni, modifika u tħassir ta' dokumenti u dejta.
3. Is-sistema ma tippermettix modifikar tal-kontenut ta' dokumenti li jkollhom firma elettronika. Timbru tal-ħin li jiċċertifika d-depożitu tad-dokument mehmuż b'firma elettronika jiġi ġġenerat u assoċjat mad-dokument u ma jkunx jista' jinbidel. It-tħassir ta' dawn id-dokumenti jiġi rreġistrat skont il-paragrafu 2.
4. Id-dejta għandha tkun soġġetta għal backups regolari. Il-backup b'replika tal-kontenut kollu tar-repożitorju tal-fajl elettroniku jkun lest għall-użu f'każ ta' emerġenza.
5. Il-faċilità ta' ħżin elettroniku tkun protetta kontra kull periklu ta' telf jew modifikazzjoni tal-integrità tagħha. Din il-protezzjoni tinkludi protezzjoni fiżika kontra t-temperatura u l-livelli ta' umdità mhux xierqa, u sistemi ta' detezzjoni tan-nar u s-serq, sistemi ta' protezzjoni xierqa kontra attakki tal-vajrusijiet, hackers u kull aċċess ieħor mhux awtorizzat.
6. Is-sistema tipprovdi għall-migrazzjoni tad-dejta, il-format u l-ambjent tal-kompjuter f'intervalli suffiċjenti sabiex tiġi garantita l-leġibbiltà u l-aċċessibbiltà tad-dokumenti u d-dejta sa tmiem il-perjodu rilevanti msemmi fl-Artikolu 140(1) tar-Regolament (UE) Nru 1303/2013.
Artikolu 8
Interoperabbiltà
1. Is-sistema tkun interoperabbli mas-sistemi għall-iskambju tad-dejta elettronika mal-benefiċjarji msemmija fl-Artikolu 122(3) tar-Regolament (UE) Nru 1303/2013.
Fejn xieraq, is-sistema tiffaċilita l-verifika tal-veraċità u l-kompletezza tad-dejta pprovduta mill-benefiċjarji qabel ma tinħażen b'mod sikur.
2. Is-sistema tkun interoperabbli ma' sistemi kompjuterizzati rilevanti oħrajn skont il-Qafas Nazzjonali għall-Interoperabbiltà u tal-Qafas Ewropew għall-Interoperabbiltà (QEI) stabbilit skont id-Deċiżjoni Nru 922/2009/KE tal-Parlament Ewropew u tal-Kunsill ( 1 ).
3. Is-sistema tkun interoperabbli fil-livell tekniku u semantiku. L-ispeċifikazzjonijiet jappoġġjaw formati standard għall-iskambju tad-dejta u jiżguraw li dawn il-formati jistgħu jiġu rikonoxxuti u skambjati bejn sistemi eteroġenji.
Artikolu 9
Funzjonijiet ta' tiftix u rappurtar
Is-sistema tinkludi:
(a) għodod ta' tiftix xierqa li jippermettu l-irkupru faċli tad-dokumenti, id-dejta u l-metadejta tagħhom;
(b) funzjoni ta' rappurtar li tippermetti l-ġenerazzjoni ta' rapporti fuq il-bażi ta' kriterji predefiniti, b'mod partikolari għad-dejta stipulata fir-Regolament Delegat tal-Kummissjoni (UE) Nru 480/2014 ( 2 );
(c) possibbiltà ta' rapporti ta' ssejvjar, esportazzjoni jew stampar imsemmija fil-punt (b), jew link għal ta' applikazzjoni esterna li tipprovdi din il-possibbiltà.
Artikolu 10
Dokumentazzjoni tas-sistema
L-awtorità maniġerjali tipprovdi dokumentazzjoni teknika dettaljata u funzjonali aġġornata dwar l-operazzjoni u l-karatteristiċi tas-sistema, aċċessibbli fuq talba minn entitajiet rilevanti responsabbli għall-immaniġġjar tal-programm, mill-Kummissjoni u mill-Qorti Ewropea tal-Awdituri.
Id-dokumentazzjoni msemmija fl-ewwel paragrafu tagħti evidenza tal-implimentazzjoni tar-Regolament (UE) Nru 1303/2013 fl-Istat Membru kkonċernat.
Artikolu 11
Sigurtà tal-iskambju ta' informazzjoni
Is-sistema użata tkun protetta b'miżuri ta' sigurtà xierqa rigward il-klassifikazzjoni ta' dokumenti, il-protezzjoni tas-sistemi ta' informazzjoni u l-protezzjoni tad-dejta personali. Dawn il-miżuri jkunu konformi mal-istandards internazzjonali u r-rekwiżiti ġuridiċi nazzjonali.
Il-miżuri ta' sigurtà msemmija fl-ewwel paragrafu jipproteġu n-netwerks u l-faċilitajiet ta' trażmissjoni meta s-sistema tinteraġixxi ma' moduli u sistemi oħrajn.
Artikolu 12
Dћul fis-seћћ
Dan ir-Regolament jidħol fis-seħħ fl-għoxrin jum wara l-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament jorbot fl-intier tiegћu u japplika direttament fl-Istati Membri kollha.
ANNESS I
Mudell għar-rappurtar dwar strumenti finanzjarji
|
Nru |
Informazzjoni meħtieġa għal kull strument finanzjarju |
|
I. Identifikazzjoni tal-programm u l-prijorità jew il-miżura li minnhom jiġi pprovdut l-appoġġ mill-fondi ESI (l-Artikolu 46(2)(a) tar-Regolament (UE) Nru 1303/2013) |
|
|
1 |
Assi prijoritarji jew miżuri li jappoġġjaw l-istrument finanzjarju, inkluż fond ta' fondi, skont il-programm ta' Fond ESI |
|
1.1 |
Referenza (numru u titolu) ta' kull ass prijoritarju jew miżura li jappoġġjaw l-istrument finanzjarju skont il-programm ta' Fondi ESI |
|
2 |
Isem il-Fond(i) ESI li jappoġġja(w) l-istrument finanzjarju skont l-ass prijoritarju jew il-miżura |
|
3 |
Objettiv(i) tematiku/tematiċi msemmija fl-ewwel paragrafu tal-Artikolu 9 tar-Regolament (UE) Nru 1303/2013 appoġġjat(i) mill-istrument finanzjarju |
|
4 |
Programmi oħrajn tal-Fond ESI li jipprovdu kontribuzzjonijiet għall-istrument finanzjarju |
|
4.1 |
Numru CCI ta' kull Fond ESI ieħor li jipprovdi kontribuzzjonijiet għall-istrument finanzjarju |
|
II. Deskrizzjoni tal-istrument finanzjarju u l-arranġamenti ta' implimentazzjoni (l-Artikolu 46(2)(b) tar-Regolament (UE) Nru 1303/2013) |
|
|
5 |
Isem l-istrument finanzjarju |
|
6 |
Indirizz uffiċjali/post tan-negozju tal-istrument finanzjarju (isem tal-pajjiż u l-belt) |
|
7 |
Arranġamenti ta' implimentazzjoni |
|
7.1 |
Strument finanzjarju stabbilit fil-livell tal-Unjoni, immaniġġjat direttament jew indirettament mill-Kummissjoni msemmi fl-Artikolu 38(1)(a) tar-Regolament (UE) Nru 1303/2013, appoġġjat minn kontribuzzjonijiet tal-programm tal-Fond ESI |
|
7.1.1 |
Isem l-istrument finanzjarju fil-livell tal-Unjoni |
|
7.2 |
Strument finanzjarju stabbilit fil-livell nazzjonali, reġjonali, transnazzjonali jew transfruntiera, ġestit mill-awtorità ta' ġestjoni jew taħt ir-responsabbiltà tagħha kif imsemmi fl-Artikolu 38(1)(b), appoġġata permezz tal-kontribuzzjonijiet tal-Programm tal-Fond ESI skont il-punti (a), (b), (c) u (d) tal-Artikolu 38(4) tar-Regolament (UE) Nru 1303/2013 |
|
7.3 |
Strument finanzjarju b'kombinament ta' kontribuzzjoni finanzjarja mill-awtorità ta' ġestjoni ma' prodotti finanzjarji tal-BEI fil-qafas tal-Fond Ewropew għall-Investimenti Strateġiċi skont l-Artikolu 39a, kif imsemmi fl-Artikolu 38(1)(c) |
|
8 |
Tip tal-istrument finanzjarju |
|
8.1 |
Strumenti mfassla apposta jew finanzjarji li jikkonformaw mat-termini u kundizzjonijiet standard |
|
8.2 |
Strument finanzjarju organizzat permezz ta' fond ta' fondi jew mingħajr fond ta' fondi |
|
8.2.1 |
Isem il-fond ta' fondi mwaqqaf biex jimplimenta strumenti finanzjarji |
|
9 |
Tip ta' prodotti pprovduti mill-istrument finanzjarju: krediti, mikrokrediti, garanziji, investimenti ta' ekwità jew kważi ekwità, prodotti finanzjarji oħrajn jew appoġġ ieħor magħqud mal-istrument finanzjarju skont l-Artikolu 37(7) ta-Regolament (UE) Nru 1303/2013 |
|
9.1 |
Deskrizzjoni ta' prodotti finanzjarji oħrajn |
|
9.2 |
Appoġġ ieħor magħqud mal-istrument finanzjarju: għotja, sussidju tar-rata tal-imgħax, sussidju ta' tariffa għal garanzija skont l-Artikolu 37(7) tar-Regolament (UE) Nru 1303/2013 |
|
10 |
L-istatus legali tal-istrument finanzjarju, skont l-Artikolu 38(6) u l-Artikolu 39a(5)(b) tar-Regolament (UE) Nru 1303/2013 (għall-istrumenti finanzjarji msemmija fl-Artikolu 38(1)(b) u (c) biss): kont fiduċjarju miftuħ f'isem il-korp fiduċjarju u għan-nom tal-awtorità ta' ġestjoni jew blokk separat ta' finanzi f'istituzzjoni finanzjarja |
|
III. L-identifikazzjoni tal-korp li jimplimenta l-istrument finanzjarju, u tal-korp li jimplimenta l-fond ta' fondi fejn ikun applikabbli, kif imsemmi fil-punti (a), (b) u (c) tal-Artikolu 38(1) tar-Regolament (UE) Nru 1303/2013 (l-Artikolu 46(2)(c) tar-Regolament (UE) Nru 1303/2013) |
|
|
11 |
Entità li teżegwixxi l-istrument finanzjarju |
|
11.1 |
It-tip ta' korp ta' implimentazzjoni skont l-Artikolu 38(4) u l-Artikolu 39a(5) tar-Regolament (UE) Nru 1303/2013: entità legali eżistenti jew maħluqa ġdida ddedikata għall-implimentazzjoni tal-istrumenti finanzjarji; il-Bank Ewropew tal-Investiment; il-Fond Ewropew tal-Investiment; istituzzjoni finanzjarja internazzjonali li fiha Stat Membru jkun azzjonist; bank jew istituzzjoni bi sjieda pubblika, stabbiliti bħala entità legali li twettaq attivitajiet finanzjarji fuq bażi professjonali; korp irregolat bil-liġi pubblika jew privata; awtorità ta' ġestjoni b'kompiti ta' implimentazzjoni diretti (għal self jew għal garanziji biss) |
|
11.1.1 |
Isem l-entita li teżegwixxi l-istrument finanzjarju |
|
11.1.2 |
Indirizz uffiċjali/post tan-negozju (isem il-pajjiż u l-belt) tal-entità li teżegwixxi l-istrument finanzjarju |
|
12 |
Proċedura li tintgħażel l-entità li teżegwixxi l-istrument finanzjarju: għoti ta' kuntratt pubbliku proċedura oħra |
|
12.1 |
Deskrizzjoni ta' proċedura oħra biex tintgħażel l-entità li teżegwixxi l-istrument finanzjarju |
|
13 |
Data tal-firma tal-ftehim ta' finanzjament mal-entità li teżegwixxi l-istrument finanzjarju |
|
IV. L-ammont totali ta' kontribuzzjonijiet tal-Programm, bi prijorità jew miżura, imħallas lill-istrument finanzjarju u l-ispejjeż tal-immaniġġjar imġarrba jew il-ħlasijiet tal-immaniġġjar imħallsa (l-Artikolu 46(2)(d) u (e) tar-Regolament (UE) Nru 1303/2013) |
|
|
14 |
Ammont totali ta' kontribuzzjonijiet tal-Programm impenjati fil-ftehim ta' finanzjament (f'EUR) |
|
14.1 |
li minnhom kontribuzzjonijiet għall-Fondi ESI (f'EUR) |
|
15 |
Ammont totali ta' kontribuzzjonijiet tal-Programm imħallsa fl-istrument finanzjarju (f'EUR) |
|
15.1 |
li minnhom ammonti ta' kontribuzzjonijiet għall-Fondi ESI (f'EUR) |
|
15.1.1 |
li minnhom il-FEŻR (f'EUR) |
|
15.1.2 |
li minnhom il-Fond ta' Koeżjoni (f'EUR) |
|
15.1.3 |
li minnhom il-FSE (f'EUR) |
|
15.1.4 |
li minnhom il-FAEŻR (f'EUR) |
|
15.1.5 |
li minnhom il-FEMS (f'EUR) |
|
15.2 |
li minnhom l-ammont totali ta' kofinanzjament nazzjonali (f'EUR) |
|
15.2.1 |
li minnhom l-ammont totali ta' finanzjament pubbliku nazzjonali (f'EUR) |
|
15.2.2 |
li minnhom l-ammont totali ta' finanzjament privat nazzjonali (f'EUR) |
|
16 |
Ammont totali ta' kontribuzzjonijiet tal-Programm imħallsa fl-istrument finanzjarju skont l-Inizjattiva favur l-Impjieg taż-Żgħażagħ (YEI) (1) (f'EUR) |
|
17 |
L-ammont totali ta' spejjeż u tariffi ta' mmaniġġjar imħallsa minn kontribuzzjonijiet tal-Programm (f'EUR) |
|
17.1 |
li minnhom ir-remunerazzjoni bażi (f'EUR) |
|
17.2 |
li minnhom ir-remunerazzjoni abbażi tal-prestazzjoni (f'EUR) |
|
18 |
Kostijiet tal-immaniġġjar kapitalizzati jew ħlasijiet skont l-Artikolu 42(2) tar-Regolament (UE) Nru 1303/2013 (relevanti biss għal rapport finali) (f'EUR) |
|
19 |
Sussidju tar-rata tal-imgħax jew sussidji ta' tariffa għal garanzija kapitalizzati skont l-Artikolu 42(1)(c) tar-Regolament (UE) Nru 1303/2013 (relevanti għar-rapport finali biss) (f'EUR) |
|
20 |
Ammont ta' kontribuzzjonijiet tal-Programm għal investimenti ta' segwitu f'riċevituri finali skont l-Artikolu 42(3)(c) tar-Regolament (UE) Nru 1303/2013 (relevanti għar-rapport finali biss) (f'EUR) |
|
21 |
Kontribuzzjonijiet ta' art u/jew proprjetà immobbli fl-istrument finanzjarju skont l-Artikolu 37(10) tar-Regolament (UE) Nru 1303/2013 (relevanti għar-rapport finali biss) (f'EUR) |
|
V. Ammont totali ta' appoġġ imħallas lir-riċevituri finali, jew għall-benefiċċju ta' riċevituri finali, jew impenjat f'kuntratti ta' garanzija mill-istrument finanzjarju għall-investimenti f'riċevituri finali, mill-Programm ta' Fondi ESI u l-prijorità jew il-miżura (l-Artikolu 46(2)(e) tar-Regolament (UE) Nru 1303/2013) |
|
|
22 |
Isem kull prodott finanzjarju offrut mill-istrument finanzjarju |
|
23 |
Data tal-firma tal-ftehim ta' finanzjament għall-istrument finanzjarju |
|
24 |
Ammont totali ta' kontribuzzjonijiet tal-Programm impenjati f'self, garanzija, kuntratti ta' ekwità, kważi ekwità jew kuntratti oħrajn ta' prodotti finanzjarji mar-riċevituri finali (f'EUR) |
|
24.1 |
li minnhom l-ammont totali ta' Fondi ESI għall-kontribuzzjonijiet tal-Fondi ESI (f'EUR) |
|
25 |
Ammont totali ta' kontribuzzjonijiet tal-Programm imħallas lir-riċevituri finali permezz ta' self, mikrokrediti, ekwità jew prodotti oħrajn, jew, fil-każ ta' garanziji, impenjati għal self imħallas lir-riċevituri finali, skont il-prodott (f'EUR) |
|
25.1 |
li minnhom l-ammont totali ta' Fondi ESI għall-kontribuzzjonijiet tal-Fondi ESI (f'EUR) |
|
25.1.1 |
li minnhom il-FEŻR (f'EUR) |
|
25.1.2 |
li minnhom il-Fond ta' Koeżjoni (f'EUR) |
|
25.1.3 |
li minnhom il-FSE (f'EUR) |
|
25.1.4 |
li minnhom il-FAEŻR (f'EUR) |
|
25.1.5 |
li minnhom il-FEMS (f'EUR) |
|
25.2 |
li minnhom l-ammont totali ta' kofinanzjament pubbliku nazzjonali (f'EUR) |
|
25.3 |
li minnhom l-ammont totali ta' kofinanzjament privat nazzjonali (f'EUR) |
|
26 |
Il-valur totali ta' self li fil-fatt tħallas lir-riċevituri finali fir-rigward tal-kuntratti ta' garanzija ffirmati (f'EUR) |
|
27 |
Numru ta' self/garanzija/kuntratti ta' ekwità jew ta' kważi ekwità/prodotti finanzjarji oħrajn iffirmati ma' riċevituri finali, skont il-prodott |
|
28 |
Numru ta' self/garanziji/investimenti ta' ekwità jew ta' kważi ekwità/prodotti finanzjarji oħrajn magħmula fir-riċevituri finali, skont il-prodott |
|
29 |
Numru ta' riċevituri finali appoġġjati mill-prodott finanzjarju |
|
29.1 |
li minnhom impriżi kbar |
|
29.2 |
li minnhom SMEs |
|
29.2.1 |
li minnhom mikrointrapriżi |
|
29.3 |
li minnhom individwi |
|
29.4 |
li minnhom tip ieħor ta' riċevituri finali appoġġjati |
|
29.4.1 |
deskrizzjoni ta' tip ieħor ta' riċevituri finali appoġġjati |
|
VI. Prestazzjoni tal-istrument finanzjarju inkluż il-progress fit-twaqqif tiegħu u fl-għażla tal-entitajiet li jeżegwixxu l-istrument finanzjarju (inkluża l-entità li teżegwixxi fond ta' fondi (l-Artikolu 46(2)(f) tar-Regolament (UE) Nru 1303/2013) |
|
|
30 |
Data ta' tlestija tal-valutazzjoni ex-ante |
|
31 |
Għażla ta' organi li jeżegwixxu l-istrument finanzjarju |
|
31.1 |
numru ta' ta' proċeduri ta' għażla diġà mnedija |
|
31.2 |
numru ta' ftehimiet ta' finanzjament diġà ffirmati |
|
32 |
Informazzjoni dwar jekk l-istrument finanzjarju kienx għadu jopera fi tmiem is-sena ta' rappurtar |
|
32.1 |
Jekk l-istrument finanzjarju ma kienx jopera fi tmiem is-sena ta' rappurtar, id-data ta' stralċ |
|
33 |
Numru totali ta' self żburżat inadempjenti jew numru totali ta' garanziji pprovduti u msejħa minħabba l-inadempjenza tas-self |
|
34 |
Ammont totali ta' self żburżat inadempjenti (f'EUR) jew ammont totali impenjat għall-garanziji pprovduti u msejħa minħabba l-inadempjenza ta' self (f'EUR) |
|
VII. L-imgħax u qligħ ieħor iġġenerat permezz tal-appoġġ mill-Fondi ESI għall-istrument finanzjarju, ir-riżorsi tal-Programm imħallsa lura fl-istrument finanzjarju mill-investimenti kif imsemmi fl-Artikoli 43 u 44, l-ammonti użati għal trattament differenzjat kif imsemmi fl-Artikolu 43a u l-valur tal-investimenti ta' ekwità fir-rigward tas-snin preċedenti (l-Artikolu 46(2)(g) u (i) tar-Regolament (UE) Nru 1303/2013) |
|
|
35 |
Imgħax u dħul ieħor iġġenerat minn pagamenti minn programm ta' Fondi ESI lill-istrument finanzjarju (f'EUR) |
|
36 |
Ammonti mħallsa mill-ġdid lill-istrument finanzjarju attribwibbli għall-appoġġ mill-Fondi ESI sat-tmiem tas-sena tar-rapportar (f'EUR) |
|
36.1 |
li minnhom ħlasijiet lura kapitali (f'EUR) |
|
36.2 |
li minnhom qligħ, qligħ ieħor u renditi (f'EUR) |
|
37 |
L-ammont ta' riżorsi attribwibbli għall-Fondi ESI użati skont l-Artikoli 43a u 44 |
|
37.1 |
li minnhom hemm ammonti li tħallsu għat-trattament differenzjat tal-investituri li joperaw skont il-prinċipju tal-ekonomija tas-suq, li jipprovdu riżorsi tal-kontroparti bħala appoġġ mill-Fondi ESI għall-istrumenti finanzjarju jew li jagħmlu koinvestiment fil-livell tar-riċevitur finali (f'EUR) |
|
37.2 |
li minnhom ammonti mħallsa għar-rimborż tal-kostijiet ta' maniġment imġarrba u l-ħlas ta' tariffi ta' maniġment tal-istrument finanzjarju (f'EUR) |
|
37.3 |
li minnhom hemm ammonti li jkopru telf fl-ammont nominali tal-kontribuzzjoni tal-Fondi ESI għall-istrument finanzjarju li jirriżulta minn imgħax negattiv, jekk tali telf iseħħ minkejja l-ġestjoni attiva tat-teżor mill-korpi li jimplimentaw l-istrumenti finanzjarji (f'EUR) |
|
40 |
Il-valur tal-investiment ta' ekwità, fir-rigward tas-snin preċedenti (f'EUR) |
|
VIII. Il-progress fil-ksib tal-effett ta' lieva mistenni ta' investimenti li saru permezz tal-istrument finanzjarju (l-Artikolu 46(2)(h) tar-Regolament (UE) Nru 1303/2013) |
|
|
38 |
Ammont totali ta' kontribuzzjonijiet oħrajn, barra fondi ESI, li nġabru mill-istrument finanzjarju (EUR) |
|
38.1 |
Ammont totali ta' kontribuzzjonijiet oħrajn, barra mill-Fondi ESI, impenjati fil-ftehim ta' finanzjament mal-organu li jeżegwixxi l-istrument finanzjarju (f'EUR) |
|
38.1A |
Kontribuzzjoni fil-qafas tal-prodott finanzjarju tal-BEI impenjata fil-ftehim ta' finanzjament mal-korp li jimplimenta l-istrument finanzjarju (għall-istrumenti skont l-Artikolu 38(1)(c) biss) (f'EUR) |
|
38.2 |
Ammont totali ta' kontribuzzjonijiet oħrajn, barra mill-Fondi ESI, imħallsa lill-istrument finanzjarju (f'EUR) |
|
38.2A |
Kontribuzzjoni fil-qafas ta' prodott finanzjarju tal-BEI mħallsa fl-istrument finanzjarju (għall-istrumenti skont l-Artikolu 38(1)(c) biss) (f'EUR) |
|
38.2.1 |
li minnhom kontribuzzjonijiet pubbliċi (EUR) |
|
38.2.2 |
li minnhom kontribuzzjonijiet privati (EUR) |
|
38.3 |
Ammont totali ta' kontribuzzjonijiet oħrajn, barra mill-Fondi ESI mobilizzati fil-livell tar-riċevituri finali (f'EUR) |
|
38.3A |
Kontribuzzjoni fil-qafas ta' prodott finanzjarju tal-BEI mobilizzata fil-livell tar-riċevitur finali (għall-istrumenti skont l-Artikolu 38(1)(c) biss) (f'EUR) |
|
38.3.1 |
li minnhom kontribuzzjonijiet pubbliċi (EUR) |
|
38.3.2 |
li minnhom kontribuzzjonijiet privati (EUR) |
|
39 |
Effett ta' lieva mistenni u miksub, b'referenza għall-ftehim ta' finanzjament |
|
39.1 |
Effett ta' lieva mistenni għal self/garanzija/investiment ta' ekwità jew kważi ekwità/prodotti finanzjarji oħrajn, b'referenza għall-ftehim ta' finanzjament, skont il-prodott |
|
39.2 |
Effett ta' lieva miksub fit-tmiem tas-sena tar-rapportar għal self/garanziji/investimenti ta' ekwità jew kważi ekwità/prodotti finanzjarji oħrajn, skont il-prodott |
|
▼M1 ————— |
|
|
IX. Kontribuzzjoni tal-istrument finanzjarju għall-kisba tal-indikaturi tal-prijorità jew miżura kkonċernata (l-Artikolu 46(2)(j) tar-Regolament (UE) Nru 1303/2013) |
|
|
41 |
Indikatur tal-produzzjoni (numru tal-kodiċi u isem) li l-istrument finanzjarju jikkontribwixxi għalih |
|
41.1 |
Valur fil-mira tal-indikatur tal-prestazzjoni |
|
41.2 |
Valur miksub mill-istrument finanzjarju fir-rigward tal-valur fil-mira tal-indikatur tal-prestazzjoni |
|
(1) Dan jinkludi l-allokazzjoni speċifika tal-YEI u l-appoġġ korrispondenti tal-FSE. |
|
ANNESS II
Standards grafiċi għall-ħolqien tal-emblema tal-Unjoni u d-definizzjoni tal-kuluri standard
DESKRIZZJONI SIMBOLIKA
Fuq sfond ta' sema ikħal, tnax-il stilla tad-deheb jiffurmaw ċirku li jirrappreżenta l-unjoni tal-popli tal-Ewropa. In-numru ta' stilel huwa fiss, u tnax huwa s-simbolu tal-perfezzjoni u l-unità.
DESKRIZZJONI ERALDIKA
Fuq sfond ta' ikħal ċar, ċirku ta' tnax-il ħuta tas-sura tal-buras, tad-deheb, u l-ponot tagħhom ma jmissux.
DESKRIZZJONI ĠEOMETRIKA
L-emblema hi forma ta' bandiera rettangolari kaħla bl-ibgħad parti mill-arblu tkun darba u nofs it-tul tal-eqreb pati lejn l-arblu. Tnax-il stilla tad-deheb li jinsabu f'intervalli ndaqs jiffurmaw ċirku inviżibbli li ċ-ċentru tiegħu huwa l-punt ta' intersezzjoni tad-djagonali tar-rettangolu. Ir-raġġ taċ-ċirklu hu daqs terz tat-tul tal-eqreb parti tal-bandiera lejn l-arblu. Kull waħda mill-istilel għandha ħames ponot li jinsabu fiċ-ċirkumferenza ta' ċirku inviżibbli b' raġġ daqs wieħed minn tmintax tat-tul tal-eqreb parti tal-bandiera lejn l-arblu. L-istilel kollha huma rashom 'il fuq, jiġifieri b'ponta vertikali u żewġ ponot f'linja dritta f'angoli retti mal-arblu. Iċ-ċirku hu rranġat sabiex l-istilel ikunu fil-pożizzjoni tas-sigħat fuq il-wiċċ ta' arloġġ. L-għadd tagħhom ma jinbidilx.
IL-KULURI REGOLAMENTARI
L-emblema għandha dawn il-kuluri:
— Il-BLU REFLEX PANTONE għall-wiċċ tar-rettangolu:
— PANTONE YELLOW għall-istillel.
IL-PROĊESS TA' ERBA' KULURI
Jekk jintuża l-proċess ta' erba' kuluri, erġa' oħloq iż-żewġ kuluri standard billi tuża l-erba' kuluri tal-proċess ta' erba' kuluri.
L-ISFAR PANTONE jinkiseb bl-użu ta' 100 % “Process Yellow”.
IL-BLU REFLEX PANTONE jinkiseb bit-taħlita ta' 100 % “Process Cyan” u 80 % “Process Magenta”.
INTERNET
IL-BLU REFLEX PANTONE jikkorrispondi fil-kulur tal-paletta tal-web RGB:0/51/153 (eżadeċimali: 003399) u L-ISFAR PANTONE jikkorrispondi fil-kulur tal-paletta tal-web RGB: 255/204/0 (eżadeċimali: FFCC00).
IL-PROĊESS TAR-RIPRODUZZJONI MONOKROMJU
Bl-użu tal-iswed, pinġi r-rettangolu bl-iswed u stampa l-istilel bl-iswed fuq l-abjad.
Meta tuża l-blu (Blu Reflex), uża 100 % bl-istilel riprodotti f'abjad negattiv.
RIPRODUZZJONI FUQ SFOND KULURIT
Jekk ma hemmx alternattiva għal sfond ikkulurit, poġġi bordura bajda mar-rettangolu, b'wisa' li hu daqs 1/25 tal-għoli tar-rettangolu.
( 1 ) Id-Deċiżjoni Nru 922/2009/KE tal-Parlament Ewropew u tal-Kunsill tas-16 ta' Settembru 2009 dwar soluzzjonijiet ta' interoperabbiltà għall-amministrazzjonijiet pubbliċi Ewropej (ISA) (ĠU L 260, 3.10.2009, p. 20).
( 2 ) Regolament Delegat tal-Kummissjoni (UE) Nru 480/2014 tat- 3 ta' Marzu 2014 li jissupplimenta r-Regolament (UE) Nru 1303/2013 tal-Parlament Ewropew u tal-Kunsill li jistabbilixxi dispożizzjonijiet komuni dwar il-Fond Ewropew għall-Iżvilupp Reġjonali, il-Fond Soċjali Ewropew, il-Fond ta' Koeżjoni, il-Fond Agrikolu Ewropew għall-Iżvilupp Rurali u l-Fond Marittimu u tas-Sajd Ewropew u li jistabbilixxi d-dispożizzjonijiet ġenerali dwar il-Fond Ewropew għall-Iżvilupp Reġjonali, il-Fond Soċjali Ewropew, il-Fond ta' Koeżjoni u l-Fond Ewropew għall-Affarijiet Marittimi u s-Sajd (ĠU L 138, 13.5.2014, p. 5).