IL-KUMMISSJONI EWROPEA

Brussell, 4.3.2020

COM(2020) 78 final

2020/0035(COD)

Proposta għal

DEĊIŻJONI TAL-PARLAMENT EWROPEW U TAL-KUNSILL

dwar Sena Ewropea tal-Ferroviji (2021)

MEMORANDUM TA’ SPJEGAZZJONI

1.KUNTEST TAL-PROPOSTA

•Raġunijiet u għanijiet tal-proposta

Fil-Komunikazzjoni tagħha tal-11 ta’ Diċembru 2019 1 , il-Kummissjoni stabbiliet Patt Ekoloġiku Ewropew għall-Unjoni Ewropea u għaċ-ċittadini tagħha. Din il-Komunikazzjoni tistabbilixxi mill-ġdid l-impenn tal-Kummissjoni li tindirizza l-isfidi relatati mal-klima u l-ambjent li huma l-kompitu li se jiddefinixxi lil din il-ġenerazzjoni. Hija strateġija ġdida ta’ tkabbir li għandha l-għan li tittrasforma l-Unjoni f’soċjetà ġusta u prospera, b’ekonomija moderna, effiċjenti fl-użu tar-riżorsi u kompetittiva fejn ma jkunx hemm emissjonijiet netti ta’ gassijiet b’effett ta’ serra fl-2050 u fejn it-tkabbir ekonomiku jkun diżakkoppjat mill-użu tar-riżorsi. Il-Patt Ekoloġiku Ewropew huwa parti integrali ta’ din l-istrateġija tal-Kummissjoni biex timplimenta l-Aġenda tan-Nazzjonijiet Uniti għall-2030 u l-għanijiet ta’ żvilupp sostenibbli 2 . L-objettiv li tinkiseb Unjoni Ewropea newtrali għall-klima sal-2050 ġie approvat mill-Kunsill Ewropew fil-konklużjonijiet tiegħu tat-12 ta’ Diċembru 2019 3 u mill-Parlament Ewropew fir-riżoluzzjoni tiegħu tal-15 ta’ Jannar 2020 4 .

Il-Patt Ekoloġiku Ewropew jappella b’mod partikolari biex titħaffef il-bidla lejn mobilità sostenibbli u intelliġenti, peress li t-trasport jammonta għal kwart tal-emissjonijiet ta’ gassijiet b’effett ta’ serra tal-Unjoni, u li għadhom qed jiżdiedu. Biex tinkiseb in-newtralità tal-klima, jeħtieġ li jkun hemm tnaqqis ta’ 90 % fl-emissjonijiet mit-trasport sal-2050. Il-mezzi kollha tat-trasport se jkollhom jikkontribwixxu għat-tnaqqis. Bħala parti mill-Patt Ekoloġiku Ewropew, il-Kummissjoni ħabbret strateġija għal mobilità sostenibbli u intelliġenti, li għandha tiġi adottata fl-2020, li se tindirizza din l-isfida u tindirizza s-sorsi kollha tal-emissjonijiet. Fost azzjonijiet oħra previsti, parti sostanzjali mill-75 % tal-merkanzija interna li llum tinġarr bit-triq jenħtieġ tingħadda fuq il-ferroviji u l-passaġġi fuq l-ilma interni.

Il-ferroviji għandu jkollhom rwol sinifikanti fl-aċċelerazzjoni tat-tnaqqis fl-emissjonijiet mit-trasport, bħala wieħed mill-aktar mezzi ta’ trasport li ma jagħmlux ħsara lill-ambjent u li huma effiċjenti fl-użu tal-enerġija. Tabilħaqq, il-ferroviji huma ġeneralment elettriċizzati u jemettu ferm anqas CO2 minn vjaġġar ekwivalenti bit-triq jew bl-ajru. Dan huwa wkoll l-uniku mezz tat-trasport li, mill-1990 ’l quddiem, naqqas l-emissjonijiet tas-CO2 tiegħu kontinwament minkejja ż-żieda fil-volumi tat-trasport: sal-2016, kien jirrappreżenta biss 0.5 % tal-emissjonijiet tas-CO2 mill-modi kollha ta’ trasport. Barra minn hekk, il-ferroviji jirrappreżentaw biss 2 % tal-konsum tal-enerġija totali tal-UE fit-trasport, filwaqt li ttrasportaw 11.2 % tal-merkanzija u 6.6 % tal-passiġġieri mill-modi kollha ta’ trasport fl-2016 5 . Il-ferroviji naqqsu l-konsum tal-enerġija tagħhom bejn l-1990 u l-2016 6 u qed jużaw dejjem aktar sorsi ta’ enerġija rinnovabbli.

Filwaqt li s-sehem tal-ferroviji tal-passiġġieri fit-trasport fuq l-art tal-Unjoni żdied minn 7.0 % għal 7.6 % bejn l-2007 u l-2016, għall-merkanzija, minn mindu ntlaħqet il-quċċata fl-2011 (19 %), is-sehem ferrovjarju tat-trasport tal-merkanzija fuq l-art tal-Unjoni naqas għal 16.65 % fl-2017 7 . Għad fadal ħafna ostakli biex tinkiseb tassew Żona Ferrovjarja Unika Ewropea, inkluż fir-rigward tal-ħtieġa li jitnaqqas l-istorbju. Jekk jingħelbu dawn l-ostakli u jkun hemm tnaqqis tal-ispejjeż u aċċellerazzjoni tal-innovazzjoni, dan jippermetti lill-ferrovija tilħaq il-potenzjal sħiħ tagħha. Għalhekk, il-ferrovija teħtieġ spinta ulterjuri biex issir aktar attraenti għall-vjaġġaturi u n-negozji bħala mezz ta’ trasport li jissodisfa kemm il-ħtiġijiet tagħhom ta’ mobbiltà ta’ kuljum kif ukoll dawk ta’ distanzi itwal. Iż-żieda fis-sehem tal-passiġġieri u l-merkanzija li jivvjaġġaw bil-ferrovija se tikkontribwixxi wkoll biex titnaqqas kemm il-konġestjoni kif ukoll l-emissjonijiet perikolużi għas-saħħa tal-bniedem, b’mod partikolari t-tniġġis tal-arja.

Il-proposta biex l-2021 tiġi ddikjarata “Is-Sena Ewropea tal-Ferroviji” għandha l-għan li tippromwovi t-trasport ferrovjarju f’konformità mal-objettivi stabbiliti fil-Komunikazzjoni tal-Kummissjoni dwar il-Patt Ekoloġiku Ewropew, inkluż fir-rigward tal-mobilità sostenibbli u intelliġenti. Permezz ta’ proġetti, dibattiti, avvenimenti, wirjiet u inizjattivi madwar l-Ewropa, is-Sena Ewropea tal-Ferroviji se tippromwovi l-ferrovija bħala mezz attraenti u sostenibbli biex tivvjaġġa madwar l-Ewropa, liċ-ċittadini, in-negozji u l-awtoritajiet, filwaqt li tenfasizza d-dimensjoni wiesgħa u innovattiva tagħha. Billi jintlaħqu ċ-ċittadini, lil hinn mis-settur ferrovjarju, permezz ta’ avvenimenti speċifiċi u kampanji ta’ komunikazzjoni, se tikkonvinċi aktar nies u negozji jużaw il-ferroviji.

Is-sena 2021 hija sena importanti għall-politika ferrovjarja tal-Unjoni. Din se tkun l-ewwel sena sħiħa fejn se jiġu implimentati r-regoli miftiehma skont ir-Raba’ Pakkett Ferrovjarju 8 fl-UE kollha, jiġifieri dwar il-ftuħ tas-suq tas-servizzi domestiċi tal-passiġġieri u dwar it-tnaqqis tal-ispejjeż u l-piż amministrattiv għall-impriżi ferrovjarji li joperaw madwar l-UE. Hemm interess pubbliku dejjem jikber fil-ferroviji, inkluż fil-ferroviji ta’ billejl, f’għadd ta’ Stati Membri, kif muri wkoll bil-popolarità ta’ #DiscoverEU 9 . Barra minn hekk, il-festival internazzjonali tal-arti “Europalia” 10 se jiddedika l-edizzjoni tal-2021 tiegħu għall-influwenza tal-ferroviji fuq l-arti u jenfasizza r-rwol tal-ferroviji bħala promotur b’saħħtu ta’ bidla soċjali, ekonomika u industrijali. Għalhekk, l-2021 hija kkunsidrata bħala mument xieraq ħafna għal din l-inizjattiva.

Bħas-Snin Ewropej imgħoddija kollha, l-għan ewlieni huwa s-sensibilizzazzjoni dwar l-isfidi u l-opportunitajiet u li jiġi enfasizzat ir-rwol tal-Unjoni fil-promozzjoni ta’ soluzzjonijiet kondiviżi. L-objettiv tas-Sena Ewropea tal-Ferroviji għandu jkun li tħeġġeġ u tappoġġa l-isforzi tal-Unjoni, l-Istati Membri, l-awtoritajiet reġjonali u lokali, u organizzazzjonijiet oħra biex jiżdied is-sehem tal-passiġġieri u l-merkanzija li jivvjaġġaw u jinġarru bil-ferrovija. B’mod partikolari, is-Sena Ewropea għandha tippromwovi l-ferroviji bħala mezz ta’ trasport sostenibbli, innovattiv u sikur, billi tilħaq lill-pubbliku ġenerali, speċjalment liż-żgħażagħ. Għandha tenfasizza wkoll id-dimensjoni Ewropea, transfruntiera tal-ferroviji, li tqarreb liċ-ċittadini lejn xulxin, tippermettilhom li jesploraw l-Unjoni fid-diversità kollha tagħha, trawwem il-koeżjoni u tikkontribwixxi għall-integrazzjoni tas-suq intern tal-Unjoni. Għandha ttejjeb ukoll il-kontribuzzjoni tal-ferroviji għall-ekonomija tal-Unjoni, l-industrija u s-soċjetà inġenerali, u tippromwovi l-ferroviji bħala element importanti tar-relazzjonijiet bejn l-Unjoni u pajjiżi terzi, b’mod partikolari fil-Balkani tal-Punent.

•Konsistenza mad-dispożizzjonijiet eżistenti fil-qasam ta’ politika

Kif imsemmi hawn fuq, is-Sena Ewropea tal-Ferroviji se tippromwovi t-trasport ferrovjarju f’konformità mal-objettivi stabbiliti fil-Komunikazzjoni tal-Kummissjoni dwar il-Patt Ekoloġiku Ewropew, inkluż fir-rigward tal-mobilità sostenibbli u intelliġenti. Se tedifika wkoll fuq l-inizjattivi u l-politiki eżistenti relatati mas-settur ferrovjarju bħalma huma l-ftuħ tas-suq tas-servizzi domestiċi tal-passiġġieri u t-tnaqqis tal-ispejjeż u l-piż amministrattiv għall-impriżi ferrovjarji li joperaw madwar l-Unjoni. B’mod simili għal Snin Ewropej oħrajn, il-miżuri jinkludu kampanji ta’ informazzjoni u promozzjoni, avvenimenti, proġetti u inizjattivi fil-livell Ewropew, nazzjonali, reġjonali u lokali. Dawn se jservu sabiex iwasslu messaġġi ewlenin u jxerrdu informazzjoni dwar eżempji ta’ prattika tajba.

Is-Sena Ewropea se tkun opportunità biex l-awtoritajiet tal-Istati Membri u s-settur jitħeġġu jaħdmu flimkien biex jippromwovu t-trasport bil-ferrovija. Se jsir kull sforz sabiex ikun żgurat li l-attivitajiet organizzati matul is-Sena Ewropea jitfasslu b’tali mod li jissodisfaw il-ħtiġijiet u ċ-ċirkostanzi ta’ kull Stat Membru. L-Istati Membri huma għalhekk mitluba jaħtru koordinatur nazzjonali responsabbli għall-organizzazzjoni tal-parteċipazzjoni tagħhom fis-Sena Ewropea tal-Ferroviji. Se jiġi stabbilit grupp ta’ tmexxija Ewropew, li jinkludi r-rappreżentanti tal-koordinaturi nazzjonali. Il-Kummissjoni għandha torganizza laqgħat tal-koordinaturi nazzjonali sabiex tikkoordina t-tmexxija tas-Sena Ewropea u biex isir skambju tal-informazzjoni dwar l-implimentazzjoni tagħha fil-livell nazzjonali u dak tal-Unjoni.

•Konsistenza ma’ politiki oħra tal-Unjoni

Is-Sena Ewropea tal-Ferroviji għandha rabtiet ma’ oqsma oħra ta’ politika tal-Unjoni bħall-iżvilupp reġjonali, il-kompetittività industrijali, it-turiżmu sostenibbli, l-innovazzjoni, l-impjiegi, l-edukazzjoni, iż-żgħażagħ, il-kultura u l-aċċessibbiltà għal persuni b’diżabilità, kif ukoll ir-rabtiet tal-Unjoni mal-viċinat tagħha. Hija ser tissottolinja d-dimensjoni Ewropea, il-lat transfruntier tal-linji ferrovjarji, bħala mezz biex tinġarr il-merkanzija, biex in-nies jivvjaġġaw u jiskopru u biex il-kontinent jingħaqad b’mod sostenibbli b’xeħta lejn il-ġejjieni. Xi attivitajiet taħt is-Sena Ewropea jistgħu possibbilment jiġu ffinanzjati skont programmi eżistenti tal-Unjoni, bħal Orizzont Ewropa, il-Faċilità Nikkollegaw l-Ewropa, il-fondi strutturali u ta’ investiment tal-Unjoni, Ewropa Kreattiva, Erasmus+, DiscoverEU jew l-Ewropa għaċ-Ċittadini.

2.BAŻI ĠURIDIKA, SUSSIDJARJETÀ U PROPORZJONALITÀ

•Il-bażi ġuridika

•Sussidjarjetà (għal kompetenza mhux esklużiva)

•Proporzjonalità

•L-għażla tal-istrument

3.RIŻULTATI TAL-EVALWAZZJONIJIET EX POST, TAL-KONSULTAZZJONIJIET MAL-PARTIJIET IKKONĊERNATI U TAL-VALUTAZZJONIJIET TAL-IMPATT

•Evalwazzjonijiet ex post/kontrolli tal-idoneità tal-leġiżlazzjoni eżistenti

•Konsultazzjonijiet mal-partijiet ikkonċernati

Il-possibbiltà li s-sena 2021 tiġi ddikjarata “Is-Sena Ewropea tal-Ferroviji” ġiet diskussa fid-9 ta’ Diċembru 2019 b’diversi rappreżentanti tas-settur ferrovjarju mistiedna (CER, UNIFE, EIM, ERFA — Allrail), l-Aġenzija tal-Unjoni Ewropea għall-Ferroviji (ERA), Shift2Rail u r-rappreżentanti tal-Europalia. Il-parteċipanti kollha esprimew appoġġ wiesa’ għal din l-inizjattiva, filwaqt li enfasizzaw ir-rwol tal-ferroviji biex jintlaħaq l-objettiv ta’ dekarbonizzazzjoni u jenfasizzaw id-dimensjoni transfruntiera tal-ferroviji. Il-partijiet ikkonċernati fis-settur ferrovjarju, speċjalment l-impriżi ferrovjarji, l-amministraturi tal-istazzjonijiet, il-manifatturi u l-awtoritajiet nazzjonali huma mistennija jieħdu sehem attiv fl-organizzazzjoni ta’ avvenimenti taħt il-bandiera tas-Sena Ewropea, fil-livell tal-Unjoni, nazzjonali u lokali. Il-konsultazzjonijiet mal-festival internazzjonali tal-arti Europalia wrew potenzjal kbir għal sinerġiji mas-Sena Ewropea. Kemm il-Kumitat Ekonomiku u Soċjali Ewropew kif ukoll il-Kumitat tar-Reġjuni reċentement adottaw opinjonijiet 11   12 fuq inizjattiva proprja li juru l-interess tal-membri tagħhom fil-promozzjoni tat-trasport ferrovjarju bħala mezz ta’ trasport sostenibbli u innovattiv.

•Ġbir u użu tal-għarfien espert

•Il-valutazzjoni tal-impatt

L-ebda valutazzjoni tal-impatt ma hija meħtieġa, minħabba li l-għanijiet tal-inizjattiva proposta jaqgħu fi ħdan l-għanijiet ta’ programmi eżistenti tal-Unjoni. L-inizjattiva proposta ma timpenjax lill-Kummissjoni għall-ebda azzjonijiet speċifiċi ta’ natura leġiżlattiva. Lanqas mhu se jkollha kwalunkwe impatt soċjali, ekonomiku jew ambjentali sinifikanti lil hinn minn dak tal-istrumenti eżistenti.

•Idoneità regolatorja u simplifikazzjoni

•Drittijiet fundamentali

4.IMPLIKAZZJONIJIET BAĠITARJI

5.ELEMENTI OĦRA

•Pjanijiet ta’ implimentazzjoni u arranġamenti għall-monitoraġġ, għall-evalwazzjoni u għar-rappurtar

2020/0035 (COD)

Proposta għal

DEĊIŻJONI TAL-PARLAMENT EWROPEW U TAL-KUNSILL

dwar Sena Ewropea tal-Ferroviji (2021)

IL-PARLAMENT EWROPEW U L-KUNSILL TAL-UNJONI EWROPEA,

Wara li kkunsidraw it-Trattat dwar il-Funzjonament tal-Unjoni Ewropea, u b'mod partikolari l-Artikolu 91 tiegħu,

Wara li kkunsidraw il-proposta tal-Kummissjoni Ewropea,

Wara li l-abbozz tal-att leġiżlattiv intbagħat lill-parlamenti nazzjonali,

Wara li kkunsidraw l-opinjoni tal-Kumitat Ekonomiku u Soċjali Ewropew 13 ,

Wara li kkunsidraw l-opinjoni tal-Kumitat tar-Reġjuni 14 ,

Filwaqt li jaġixxu skont il-proċedura leġiżlattiva ordinarja,

Billi:

(1)Fil-Komunikazzjoni tagħha tal-11 ta’ Diċembru 2019 15 , il-Kummissjoni stabbiliet Patt Ekoloġiku Ewropew għall-Unjoni Ewropea u għaċ-ċittadini tagħha. Il-Patt Ekoloġiku Ewropea huwa strateġija ġdida ta’ tkabbir li għandha l-għan li tittrasforma l-Unjoni f’soċjetà ġusta u prospera, b’ekonomija moderna, effiċjenti fl-użu tar-riżorsi u kompetittiva fejn ma jkunx hemm emissjonijiet netti ta’ gassijiet b’effett ta’ serra fl-2050 u fejn it-tkabbir ekonomiku jkun diżakkoppjat mill-użu tar-riżorsi.

(2)Fil-konklużjonijiet tiegħu tat-12 ta’ Diċembru 2019 16 , il-Kunsill Ewropew approva l-objettiv li tinkiseb Unjoni Ewropea newtrali mil-lat ta’ klima sal-2050.

(3)Fir-riżoluzzjoni tiegħu tal-15 ta’ Jannar 2020 17 , il-Parlament Ewropew laqa’ tajjeb il-komunikazzjoni tal-Kummissjoni dwar “Il-Patt Ekoloġiku Ewropew” u appella għat-tranżizzjoni meħtieġa lejn soċjetà newtrali għall-klima sa mhux aktar tard mill-2050.

(4)F’konformità mal-objettivi stabbiliti fil-Komunikazzjoni tal-Kummissjoni dwar il-Patt Ekoloġiku Ewropew, hemm bżonn li l-ekonomija tal-Unjoni tinbidel u li jitfasslu mill-ġdid il-politiki, b’mod partikolari fil-qasam tat-trasport u l-mobilità, li jimplika li titħaffef il-bidla lejn mobilità sostenibbli u intelliġenti. It-trasport jirrappreżenta kwart tal-emissjonijiet tal-gassijiet b’effett ta’ serra tal-Unjoni, u għadu qed jikber. Biex tinkiseb in-newtralità tal-klima, jeħtieġ li jkun hemm tnaqqis ta’ 90 % fl-emissjonijiet mit-trasport sal-2050. Il-kisba ta’ mezzi tat-trasport sostenibbli tfisser li l-utenti jiġu l-ewwel u jiġu pprovduti b’alternattivi aktar affordabbli, aċċessibbli, favorevoli għas-saħħa u nodfa mid-drawwiet attwali tal-mobbiltà tagħhom. Il-Patt Ekoloġiku Ewropew jimplika li titħaffef il-bidla lejn mobilità sostenibbli u intelliġenti biex jiġu indirizzati dawn l-isfidi. B’mod partikolari, parti sostanzjali mill-75 % ta’ merkanzija interna li tinġarr illum bit-triq għandha tingħadda fuq il-ferroviji u l-passaġġi fuq l-ilma interni.

(5)Il-ferrovija għandha rwol sinifikanti x’taqdi bħala bidla radikali biex jintlaħaq l-objettiv ta’ newtralità tal-klima sal-2050. Huwa wieħed mill-aktar mezzi ta’ trasport li ma jagħmlux ħsara lill-ambjent u li huma effiċjenti fl-użu ta’ l-enerġija. Il-ferroviji huma ġeneralment elettriċizzati u jemettu ferm anqas CO2 minn vjaġġar ekwivalenti bit-triq jew bl-ajru, u huma l-unika mezz tat-trasport li konsistentement naqqas l-emissjonijiet tiegħu ta’ gassijiet b’effett ta’ serra u l-emissjonijiet tas-CO2 mill-1990 ’l hawn. Barra minn hekk, il-ferroviji naqqsu l-konsum tal-enerġija tagħhom bejn l-1990 u l-2016 18 u qed jużaw dejjem aktar sorsi ta’ enerġija rinnovabbli.

(6)Billi jgħaqqad ir-rotot ewlenin tat-trasport tal-Unjoni mar-reġjuni u t-territorji periferiċi tiegħu, is-settur ferrovjarju jikkontribwixxi għall-koeżjoni soċjali, ekonomika u territorjali.

(7)Filwaqt li s-sehem tal-ferroviji tal-passiġġieri fit-trasport fuq l-art fl-Unjoni żdied bi ftit mill-2007 ’l hawn, is-sehem tal-merkanzija naqas. Għad fadal ħafna ostakli biex tinkiseb tassew Żona Ferrovjarja Unika Ewropea, inkluż fir-rigward tal-ħtieġa li jitnaqqas l-istorbju. Jekk jingħelbu dawn l-ostakli u jkun hemm tnaqqis tal-ispejjeż u aċċellerazzjoni tal-innovazzjoni, dan jippermetti lill-ferrovija tilħaq il-potenzjal sħiħ tagħha. Għalhekk, il-ferrovija teħtieġ aktar spinta biex issir aktar attraenti kemm għall-vjaġġaturi kif ukoll għan-negozji.

(8)Sabiex jiġi promoss it-trasport ferrovjarju f’konformità mal-objettivi stabbiliti fil-Komunikazzjoni tal-Kummissjoni dwar il-Patt Ekoloġiku Ewropew, inkluż fir-rigward tal-mobilità sostenibbli u intelliġenti, is-sena 2021 jeħtieġ li tintgħażel bħala s-Sena Ewropea Ferrovjarja. L-2021 se tkun l-ewwel sena sħiħa fejn se jiġu implimentati r-regoli miftiehma skont ir-Raba’ Pakkett Ferrovjarju fl-UE kollha, jiġifieri dwar il-ftuħ tas-suq tas-servizzi domestiċi tal-passiġġieri u dwar it-tnaqqis tal-ispejjeż u l-piż amministrattiv għall-impriżi ferrovjarji li joperaw madwar l-UE. Hemm interess pubbliku dejjem jikber fil-ferroviji, inkluż fil-ferroviji ta’ billejl, f’għadd ta’ Stati Membri, kif muri wkoll bil-popolarità ta’ #DiscoverEU. Barra minn hekk, il-festival internazzjonali tal-arti “Europalia” se jiddedika l-edizzjoni tal-2021 tiegħu għall-influwenza tal-ferroviji fuq l-arti u jenfasizza r-rwol tal-ferroviji bħala promotur b’saħħtu ta’ bidla soċjali, ekonomika u industrijali.

ADOTTAW DIN ID-DEĊIŻJONI:

Artikolu 1

Suġġett

Is-sena 2021 għandha tkun iddedikata bħala “Is-Sena Ewropea tal-Ferroviji” (minn hawn ’il quddiem “Is-Sena Ewropea”).

Artikolu 2

Objettivi

L-objettiv tas-Sena Ewropea tal-Ferroviji għandu jkun li tħeġġeġ u tappoġġa l-isforzi tal-Unjoni, l-Istati Membri, l-awtoritajiet reġjonali u lokali, u organizzazzjonijiet oħra biex jiżdied is-sehem tal-passiġġieri u l-merkanzija li jivvjaġġaw u jinġarru bil-ferrovija. B'mod partikolari, is-Sena Ewropea għandha

(a)tippromwovi t-trasport ferrovjarju bħala mezz ta’ trasport sostenibbli, innovattiv u sikur, b’mod partikolari billi tenfasizza r-rwol tal-ferroviji bħala fattur ta’ bidla li jgħin biex jintlaħaq l-objettiv ta’ newtralità tal-klima tal-Unjoni sal-2050 u billi jilħaq lill-pubbliku usa’, speċjalment iż-żgħażagħ;

(b)tenfasizza wkoll id-dimensjoni Ewropea, transfruntiera tal-ferroviji, li tqarreb liċ-ċittadini lejn xulxin, tippermettilhom li jesploraw l-Unjoni fid-diversità kollha tagħha, trawwem il-koeżjoni u tikkontribwixxi għall-integrazzjoni tas-suq intern tal-Unjoni;

(c)ittejjeb il-kontribut tal-ferroviji għall-ekonomija, l-industrija u s-soċjetà tal-Unjoni, li jkopri b’mod partikolari aspetti relatati mal-iżvilupp reġjonali, il-kompetittività industrijali, it-turiżmu sostenibbli, l-innovazzjoni, l-impjiegi, l-edukazzjoni, iż-żgħażagħ u l-kultura, u t-titjib tal-aċċessibbiltà għall-persuni b’diżabilità;

(d)tikkontribwixxi għall-promozzjoni tal-ferrovija bħala element importanti tar-relazzjonijiet bejn l-Unjoni u l-pajjiżi ġirien, b’mod partikolari fil-Balkani tal-Punent, billi tedifika fuq l-interess u l-ħtiġijiet fil-pajjiżi sħab u fuq l-għarfien espert tal-Unjoni fit-trasport ferrovjarju.

Artikolu 3

Kontenut tal-miżuri

1.Il-miżuri li għandhom jittieħdu biex jintlaħqu l-għanijiet stipulati fl-Artikolu 2 għandhom jinkludu l-attivitajiet li ġejjin fil-livell tal-Unjoni, nazzjonali, reġjonali jew lokali marbuta mal-għanijiet tas-Sena Ewropea:

(a)inizjattivi u avvenimenti li jippromwovu d-dibattitu, iqajmu kuxjenza u jiffaċilitaw l-involviment taċ-ċittadini, tan-negozji u tal-awtoritajiet pubbliċi biex jattiraw aktar nies u merkanzija lejn il-ferroviji bħala mezz biex jiġi miġġieled it-tibdil fil-klima, permezz ta’ kanali u mezzi multipli, inklużi avvenimenti fl-Istati Membri;

(b)kampanji ta’ informazzjoni, wirjiet, ispirazzjoni, edukazzjoni u sensibilizzazzjoni biex jiġu mħeġġa bidliet fl-imġiba tal-passiġġieri, tal-konsumaturi u tan-negozju u biex jiġi stimulat kontribut attiv tal-pubbliku ġenerali biex jintlaħqu l-objettivi ta’ trasport aktar sostenibbli;

(c)il-kondiviżjoni tal-esperjenza u l-prattiki tajba tal-awtoritajiet nazzjonali, reġjonali u lokali, is-soċjetà ċivili, in-negozji u l-iskejjel dwar il-promozzjoni tal-użu tal-ferroviji u dwar kif tiġi implimentata bidla fl-imġiba fil-livelli kollha;

(d)it-twettiq ta' studji u attivitajiet ta' riċerka u innovazzjoni u t-tixrid tar-riżultati tagħhom fuq skala Ewropea jew nazzjonali; kif ukoll

(e)il-promozzjoni ta’ proġetti u netwerks relatati mas-Sena Ewropea, inkluż permezz tal-midja, in-netwerks soċjali u komunitajiet online oħra.

2.L-istituzzjonijiet u l-korpi tal-Unjoni, kif ukoll l-Istati Membri, fil-livell tal-Unjoni u dak nazzjonali rispettivament, jistgħu jirreferu għas-Sena Ewropea u jagħmlu użu mill-identità viżiva tagħha biex jippromwovu l-attivitajiet imsemmija fil-paragrafu 1.

Artikolu 4

Koordinazzjoni fil-livell tal-Istati Membri

L-organizzazzjoni tal-parteċipazzjoni fis-Sena Ewropea fil-livell nazzjonali hija responsabilità tal-Istati Membri. Sabiex jintlaħaq dan l-għan, l-Istati Membri għandhom jaħtru koordinaturi nazzjonali. Il-koordinaturi nazzjonali għandhom jiżguraw il-koordinazzjoni ta' attivitajiet rilevanti fil-livell nazzjonali.

Artikolu 5

Koordinazzjoni fil-livell tal-Unjoni

1.Il-Kummissjoni għandha regolarment torganizza laqgħat tal-koordinaturi nazzjonali sabiex tikkoordina t-tmexxija tas-Sena Ewropea. Dawk il-laqgħat għandhom iservu wkoll bħala opportunitajiet biex isir skambju tal-informazzjoni dwar l-implimentazzjoni tas-Sena Ewropea fil-livell nazzjonali u dak tal-Unjoni; ir-rappreżentanti tal-Parlament Ewropew jistgħu jipparteċipaw f’dawk il-laqgħat bħala osservaturi.

2.Il-koordinazzjoni tas-Sena Ewropea fil-livell tal-Unjoni għandu jkollha approċċ trasversali bil-għan li jinħolqu sinerġiji bejn id-diversi programmi u inizjattivi tal-Unjoni għall-finanzjament ta' proġetti fil-qasam tat-trasport ferrovjarju jew li għandhom dimensjoni ferrovjarja. 

3.Il-Kummissjoni għandha ssejjaħ laqgħat regolari tal-partijiet interessati u r-rappreżentanti ta' organizzazzjonijiet jew korpi attivi fil-qasam tat-trasport ferrovjarju, inkluż netwerks kulturali transnazzjonali eżistenti u l-NGOs rilevanti, kif ukoll ta' organizzazzjonijiet u komunitajiet taż-żgħażagħ, biex jassistuha fl-implimentazzjoni tas-Sena Ewropea fil-livell tal-Unjoni.

Il-Kummissjoni tista’, sakemm jippermetti l-baġit, torganizza sejħiet għal proposti u proġetti li jistgħu jirċievu appoġġ għall-kontribuzzjoni pendenti tagħhom għall-għanijiet tas-sena.

Artikolu 6

Kooperazzjoni internazzjonali

Għall-fini tas-Sena Ewropea, fejn meħtieġ, il-Kummissjoni għandha tikkoopera ma’ organizzazzjonijiet internazzjonali kompetenti, filwaqt li tiżgura l-viżibbiltà tal-parteċipazzjoni tal-Unjoni.

Artikolu 7

Monitoraġġ u evalwazzjoni

Sal-31 ta' Diċembru 2022, il-Kummissjoni għandha tippreżenta rapport lill-Parlament Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat tar-Reġjuni dwar l-implimentazzjoni, ir-riżultati u l-valutazzjoni ġenerali tal-inizjattivi previsti f'din id-Deċiżjoni.

Artikolu 8

Id-dħul fis-seħħ

Din id-Deċiżjoni għandha tidħol fis-seħħ fl-għoxrin jum wara dak tal-pubblikazzjoni tagħha f’Il-Ġurnal Uffiċjali tal-Unjoni Ewropea.

Magħmul fi Brussell,

ID-DIKJARAZZJONI FINANZJARJA LEĠIŻLATTIVA

WERREJ

ID-DIKJARAZZJONI FINANZJARJA LEĠIŻLATTIVA    12

1.QAFAS TAL-PROPOSTA/TAL-INIZJATTIVA12

1.1.Titolu tal-proposta/tal-inizjattiva12

1.2.Qasam/oqsma ta’ politika kkonċernat(i) (Raggruppament ta’ programmi)12

1.3.Il-proposta/l-inizjattiva hija dwar:12

1.4.Raġunijiet għall-proposta/għall-inizjattiva12

1.4.1.Rekwiżit(i) li jridu jiġu ssodisfati fuq terminu qasir jew twil, inkluża kronoloġija dettaljata għat-tnedija tal-implimentazzjoni tal-inizjattiva12

1.4.2.Il-valur miżjud tal-involviment tal-Unjoni (dan jista’ jirriżulta minn fatturi differenti, eż. il-gwadann mill-koordinazzjoni, iċ-ċertezza tad-dritt, effettività akbar jew il-komplementarjetajiet). Għall-finijiet ta' dan il-punt, “il-valur miżjud tal-involviment tal-Unjoni” huwa l-valur li jirriżulta mill-intervent tal-Unjoni li jkun addizzjonali għall-valur li kieku kien jinħoloq mill-Istati Membri waħedhom.12

1.4.3.Tagħlimiet meħudin minn esperjenzi simili fl-imgħoddi13

1.4.4.Kompatibbiltà u sinerġija possibbli ma’ strumenti xierqa oħra13

1.5.Durata u impatt finanzjarju14

1.6.Mod(i) ta’ ġestjoni ppjanat(i)14

2.MIŻURI TA' ĠESTJONI15

2.1.Regoli ta’ monitoraġġ u ta’ rappurtar15

2.2.Sistema/i ta’ ġestjoni u ta’ kontroll15

2.2.1.Ġustifikazzjoni tal-mod(i) ta’ ġestjoni, tal-mekkaniżmu/i għall-implimentazzjoni tal-finanzjament, tal-modalitajiet ta’ pagament u tal-istrateġija ta’ kontroll proposta15

2.2.2.Informazzjoni dwar ir-riskji identifikati u s-sistema/i ta’ kontroll intern/i stabbilita/i għall-mitigazzjoni tagħhom15

2.2.3.Stima u ġustifikazzjoni tal-kosteffettività tal-kontrolli (proporzjon tal-“kostijiet tal-kontrolli ÷ il-valur tal-fondi relatati ġestiti”), u valutazzjoni tal-livelli mistennija tar-riskju ta’ żball (mal-ħlas u fl-għeluq)15

2.3.Miżuri għall-prevenzjoni tal-frodi u l-irregolaritajiet15

3.IMPATT FINANZJARJU STMAT TAL-PROPOSTA/TAL-INIZJATTIVA16

3.1.Intestatura tal-qafas finanzjarju pluriennali u linja/i baġitarja/i ta’ nefqa ġdida/ġodda proposta/i16

3.2.Impatt stmat fuq in-nefqa17

3.2.1.Sommarju tal-impatt stmat fuq in-nefqa17

3.2.2.Sommarju tal-impatt stmat fuq approprjazzjonijiet ta’ natura amministrattiva19

3.2.2.1.Rekwiżiti stmati ta’ riżorsi umani20

3.2.3.Kontribuzzjonijiet ta’ partijiet terzi21

3.3.Impatt stmat fuq id-dħul21

ID-DIKJARAZZJONI FINANZJARJA LEĠIŻLATTIVA

1.QAFAS TAL-PROPOSTA/TAL-INIZJATTIVA

1.1.Titolu tal-proposta/tal-inizjattiva

1.2.Qasam/oqsma ta’ politika kkonċernat(i) (Raggruppament ta’ programmi)

1.3.Il-proposta/l-inizjattiva hija dwar:

X azzjoni ġdida 

◻ azzjoni ġdida b’segwitu għal proġett pilota/azzjoni preparatorja 19  

◻ l-estensjoni ta’ azzjoni eżistenti 

◻ fużjoni jew direzzjoni mill-ġdid ta’ azzjoni waħda jew aktar lejn azzjoni oħra/ġdida 

1.4.Raġunijiet għall-proposta/għall-inizjattiva

1.4.1.Rekwiżit(i) li jridu jiġu ssodisfati fuq terminu qasir jew twil, inkluża kronoloġija dettaljata għat-tnedija tal-implimentazzjoni tal-inizjattiva

1.4.2.Il-valur miżjud tal-involviment tal-Unjoni (dan jista’ jirriżulta minn fatturi differenti, eż. il-gwadann mill-koordinazzjoni, iċ-ċertezza tad-dritt, effettività akbar jew il-komplementarjetajiet). Għall-finijiet ta’ dan il-punt, “il-valur miżjud tal-involviment tal-Unjoni” huwa l-valur li jirriżulta mill-intervent tal-Unjoni li jkun addizzjonali għall-valur li altrimenti kien jinħoloq mill-Istati Membri weħidhom.

1.4.3.Tagħlimiet meħudin minn esperjenzi simili fl-imgħoddi

1.4.4.Kompatibbiltà u sinerġija possibbli ma’ strumenti xierqa oħra

1.5.Durata u impatt finanzjarju

X  durata limitata

–X    fis-seħħ mill-1/1/2021 sal-31/12/2021

–X    Impatt finanzjarju mill-2020 sal-2021 għall-approprjazzjonijiet ta’ impenn u mill-2020 sal-2022 għall-approprjazzjonijiet ta’ pagament.

◻ durata mhux limitata

–Implimentazzjoni b’perjodu ta’ tnedija minn SSSS sa SSSS,

–segwit minn tħaddim fuq skala sħiħa.

1.6.Mod(i) ta’ ġestjoni ppjanat(i) 20

X Ġestjoni diretta mill-Kummissjoni

–◻ mid-dipartimenti tagħha, inkluż mill-persunal tagħha fid-delegazzjonijiet tal-Unjoni;

–◻    mill-aġenziji eżekuttivi

◻ Ġestjoni kondiviża mal-Istati Membri

◻ Ġestjoni indiretta billi jiġu fdati kompiti ta’ implimentazzjoni baġitarja:

–◻ lil pajjiżi terzi jew lill-korpi nnominati minnhom;

–◻ lil organizzazzjonijiet internazzjonali u lill-aġenziji tagħhom (iridu jiġu speċifikati);

–◻ lill-BEI u lill-Fond Ewropew tal-Investiment;

–◻ lill-korpi li jissemmew fl-Artikoli 70 u 71 tar-Regolament Finanzjarju;

–◻ lill-korpi tal-liġi pubblika;

–◻ lil korpi rregolati mil-liġi privata b’missjoni ta’ servizz pubbliku sa fejn dawn jipprovdu garanziji finanzjarji adegwati;

–◻ lil korpi rregolati mil-liġi privata ta’ Stat Membru li jkunu fdati bl-implimentazzjoni ta’ sħubija pubblika-privata u li jipprovdu garanziji finanzjarji adegwati;

–◻ lil persuni fdati bl-implimentazzjoni ta’ azzjonijiet speċifiċi fil-PESK skont it-Titolu V tat-TUE, u identifikati fl-att bażiku rilevanti.

–Jekk jiġi indikat aktar minn mod wieħed ta’ ġestjoni, jekk jogħġbok ipprovdi d-dettalji fit-taqsima “Kummenti”.

Kummenti

2.MIŻURI TA' ĠESTJONI

2.1.Regoli ta’ monitoraġġ u ta’ rappurtar

Speċifika l-frekwenza u l-kundizzjonijiet.

2.2.Sistema/i ta’ ġestjoni u ta’ kontroll

2.2.1.Ġustifikazzjoni tal-mod(i) ta’ ġestjoni, tal-mekkaniżmu/i għall-implimentazzjoni tal-finanzjament, tal-modalitajiet ta’ pagament u tal-istrateġija ta’ kontroll proposta

2.2.2.Informazzjoni dwar ir-riskji identifikati u s-sistema/i ta’ kontroll intern stabbilita/i għall-mitigazzjoni tagħhom

2.2.3.Stima u ġustifikazzjoni tal-kosteffettività tal-kontrolli (proporzjon tal-“kostijiet tal-kontrolli ÷ il-valur tal-fondi relatati ġestiti”), u valutazzjoni tal-livelli mistennija tar-riskju ta’ żball (mal-ħlas u fl-għeluq)

2.3.Miżuri għall-prevenzjoni tal-frodi u l-irregolaritajiet

Speċifika l-miżuri ta’ prevenzjoni u protezzjoni eżistenti jew previsti, eż. mill-Istrateġija Kontra l-Frodi.

3.IMPATT FINANZJARJU STMAT TAL-PROPOSTA/TAL-INIZJATTIVA

3.1.Intestatura tal-qafas finanzjarju pluriennali u linja/i baġitarja/i ta’ nefqa ġdida/ġodda proposta/i

3.2.Impatt stmat fuq in-nefqa

Il-programmi u l-linji tal-baġit imsemmija hawn taħt huma indikattivi. Fil-kuntest tal-proċeduri baġitarji se jiġi determinat finanzjament xieraq permezz ta’ riallokazzjoni fl-2020 fl-ipprogrammar finanzjarju eżistenti; fl-2021 se jiġu identifikati approprjazzjonijiet speċifiċi fil-pakketti tal-programmi futuri u l-ipprogrammar finanzjarju, f’konformità mal-oqfsa finanzjarji pluriennali applikabbli.

3.2.1.Sommarju tal-impatt stmat fuq in-nefqa

Miljuni ta’ EUR (aġġustati sa tliet pożizzjonijiet deċimali)

Miljuni ta’ EUR (aġġustati sa tliet pożizzjonijiet deċimali)

Miljuni ta’ EUR (aġġustati sa tliet pożizzjonijiet deċimali)

3.2.2.Sommarju tal-impatt stmat fuq approprjazzjonijiet ta’ natura amministrattiva

–◻    Il-proposta/l-inizjattiva ma teħtieġx l-użu ta’ approprjazzjonijiet ta’ natura amministrattiva

–X    Il-proposta/l-inizjattiva teħtieġ l-użu ta’ approprjazzjonijiet ta’ natura amministrattiva, kif spjegat hawn taħt:

Miljuni ta’ EUR (aġġustati sa tliet pożizzjonijiet deċimali)

L-approprjazzjonijiet meħtieġa għar-riżorsi umani u għal nefqa oħra ta’ natura amministrattiva se jiġu koperti mill-approprjazzjonijiet tad-DĠ li diġà jkunu assenjati għall-ġestjoni tal-azzjoni u/jew li diġà jkunu ġew riassenjati fid-DĠ, flimkien, jekk ikun meħtieġ, ma’ kwalunkwe allokazzjoni addizzjonali li tista’ tingħata lid-DĠ tal-ġestjoni skont il-proċedura annwali ta’ allokazzjoni u fid-dawl tal-limitazzjonijiet baġitarji.

3.2.2.1.Rekwiżiti stmati ta’ riżorsi umani

–◻    Il-proposta/l-inizjattiva ma teħtieġx l-użu ta’ riżorsi umani.

–X    Il-proposta/l-inizjattiva teħtieġ l-użu ta’ riżorsi, kif spjegat hawn taħt:

L-istima trid tiġi espressa f’unitajiet ekwivalenti għall-full time

Ir-riżorsi umani meħtieġa se jiġu koperti mill-persunal tad-DĠ li diġà jkunu assenjati għall-ġestjoni tal-azzjoni u/jew li diġà jkunu ġew riassenjati fid-DĠ, flimkien, jekk ikun meħtieġ, ma’ kwalunkwe allokazzjoni addizzjonali li tista’ tingħata lid-DĠ tal-ġestjoni skont il-proċedura annwali ta’ allokazzjoni u fid-dawl tal-limitazzjonijiet baġitarji.

Deskrizzjoni tal-kompiti li jridu jitwettqu:

3.2.3.Kontribuzzjonijiet ta’ partijiet terzi

Il-proposta/l-inizjattiva:

–X    ma tipprevedix kofinanzjament minn partijiet terzi

3.3.Impatt stmat fuq id-dħul

–X    Il-proposta/l-inizjattiva ma għandha l-ebda impatt finanzjarju fuq id-dħul.

ANNESS
għad-DIKJARAZZJONI FINANZJARJA LEĠIŻLATTIVA

Isem il-proposta/l-inizjattiva:

1. L-GĦADD u L-ISPIZA tar-RIŻORSI UMANI MEQJUSA NEĊESSARJI

2. L-ISPIŻA ta’ NEFQA AMMINISTRATTIVA OĦRA

3. IL-METODI tal-KALKOLU UŻATI għall-ISTIMI tal-ISPEJJEŻ

3.1 Riżorsi umani

3.2 Nefqa amministrattiva oħra

1. L-ispiża tar-riżorsi umani kkunsidrati neċessarji

◻    Il-proposta/l-inizjattiva ma teħtieġx l-użu ta’ riżorsi umani

X    Il-proposta/l-inizjattiva teħtieġ l-użu ta’ riżorsi, kif spjegat hawn taħt:

Miljuni ta’ EUR (aġġustati sa tliet pożizzjonijiet deċimali)

Ir-riżorsi umani meħtieġa se jiġu koperti mill-persunal tad-DĠ li diġà jkunu assenjati għall-ġestjoni tal-azzjoni u/jew li diġà jkunu ġew riassenjati fid-DĠ, flimkien, jekk ikun meħtieġ, ma’ kwalunkwe allokazzjoni addizzjonali li tista’ tingħata lid-DĠ tal-ġestjoni skont il-proċedura annwali ta’ allokazzjoni u fid-dawl tal-limitazzjonijiet baġitarji.    

Ir-riżorsi umani meħtieġa se jiġu koperti mill-persunal tad-DĠ li diġà jkunu assenjati għall-ġestjoni tal-azzjoni u/jew li diġà jkunu ġew riassenjati fid-DĠ, flimkien, jekk ikun meħtieġ, ma’ kwalunkwe allokazzjoni addizzjonali li tista’ tingħata lid-DĠ tal-ġestjoni skont il-proċedura annwali ta’ allokazzjoni u fid-dawl tal-limitazzjonijiet baġitarji.

2. L-ispejjeż ta’ nefqa amministrattiva oħra

(e)1.Il-proposta/l-inizjattiva ma teħtieġ l-ebda użu ta' approprjazzjonijiet amministrattivi

X    Il-proposta/l-inizjattiva teħtieġ l-użu ta’ approprjazzjonijiet amministrattivi, kif spjegat hawn taħt:

Miljuni ta’ EUR (aġġustati sa tliet pożizzjonijiet deċimali)

Miljuni ta’ EUR (aġġustati sa tliet pożizzjonijiet deċimali)

L-approprjazzjonijiet amministrattivi meħtieġa se jiġu ssodisfati mill-approprjazzjonijiet li diġà ġew assenjati għall-ġestjoni tal-azzjoni u/jew li ġew allokati mill-ġdid, flimkien jekk ikun meħtieġ ma’ kwalunkwe allokazzjoni addizzjonali li tista’ tingħata lid-DĠ ta’ ġestjoni skont il-proċedura annwali ta’ allokazzjoni u fid-dawl tal-limiti baġitarji eżistenti.

3. metodi ta’ kalkolu

3.1 Riżorsi umani

Din il-parti tispjega l-metodu tal-kalkolu li ntuża biex jiġu stmati r-riżorsi umani kkunsidrati neċessarji (assunzjonijiet tal-ammont ta’ xogħol, inkluż karigi speċifiċi (il-profili tax-xogħol tas-Sysper 2), il-kategoriji tal-persunal u l-ispejjeż medji korrispondenti)

3.2 Nefqa amministrattiva oħra

Agħti dettalji fuq il-metodu tal-kalkolu użat għal kull linja baġitarja

u partikolarment l-assunzjonijiet sottostanti (pereżempju l-għadd ta’ laqgħat kull sena, l-ispejjeż medji, eċċ.)

(1)    Il-Komunikazzjoni mill-Kummissjoni lill-Parlament Ewropew, lill-Kunsill Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat tar-Reġjuni tal-11 ta’ Diċembru 2019 dwar il-Patt Ekoloġiku Ewropew (COM/ 2019/640 final)

(2)    https://sustainabledevelopment.un.org/post2015/transformingourworld

(3)    Il-konklużjonijiet tal-Kunsill Ewropew tat-12 ta' Diċembru 2019    
(https://www.consilium.europa.eu/media/41768/12-euco-final-conclusions-en.pdf)

(4)    Ir-Riżoluzzjoni tal-Parlament Ewropew tal-15 ta’ Jannar 2020 dwar il-Patt Ekoloġiku Ewropew (2019/2956 (RSP))

(5)    Il-ktieb tal-istatistika dwar it-trasport tal-UE 2019

(6)    Il-ktieb tal-istatistika dwar it-trasport tal-UE 2019

(7)    Il-ktieb tal-istatistika dwar it-trasport tal-UE 2019

(8)    https://ec.europa.eu/transport/modes/rail/packages/2013_mt

(9)    https://europa.eu/youth/discovereu_mt

(10)    https://europalia.eu

(11)    Opinjoni tal-Kumitat Ekonomiku u Soċjali Ewropew — L-iżgurar ta’ tranżizzjoni inklużiva settorjali għal industrija ferrovjarja diġitalizzata (adottata fit-30.10.2019, CCMI/169-EESC-2019))

(12)    Opinjoni tal-Kumitat tar-Reġjuni — Il-potenzjal tas-settur ferrovjarju fit-twettiq tal-prijoritajiet ta’ politika tal-UE (adottata fl-4 ta’ Diċembru 2019, CDR 1939/2019)

(13)    ĠU C , , p. .

(14)    ĠU C , , p. .

(15)    Il-Komunikazzjoni mill-Kummissjoni lill-Parlament Ewropew, lill-Kunsill Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat tar-Reġjuni tal-11 ta’ Diċembru 2019 dwar il-Patt Ekoloġiku Ewropew (COM/ 2019/640 final)

(16)    Il-konklużjonijiet tal-Kunsill Ewropew tat-12 ta' Diċembru 2019

(17)    Ir-Riżoluzzjoni tal-Parlament Ewropew tal-15 ta’ Jannar 2020 dwar il-Patt Ekoloġiku Ewropew (2019/2956 (RSP))

(18)    DG MOVE Statistical Pocketbook 2019 “EU transport in figures” (sors: Eurostat)

(19)    Kif imsemmi fl-Artikolu 58(2)(a) jew (b) tar-Regolament Finanzjarju.

(20)    Id-dettalji tal-modi ta’ ġestjoni u r-referenzi għar-Regolament Finanzjarju jistgħu jinstabu fuq is-sit BudgWeb: https://myintracomm.ec.europa.eu/budgweb/EN/man/budgmanag/Pages/budgmanag.aspx  

(21)    Diff. = Approprjazzjonijiet differenzjati / Mhux diff. = Approprjazzjonijiet mhux differenzjati.

(22)    L-EFTA: Assoċjazzjoni Ewropea tal-Kummerċ Ħieles.

(23)    Pajjiżi kandidati u, fejn applikabbli, kandidati potenzjali mill-Balkani tal-Punent.

(24)    Diff. = Approprjazzjonijiet differenzjati / Mhux diff. = Approprjazzjonijiet mhux differenzjati.

(25)    L-EFTA: Assoċjazzjoni Ewropea tal-Kummerċ Ħieles.

(26)    Pajjiżi kandidati u, fejn applikabbli, kandidati potenzjali mill-Balkani tal-Punent.

(27)    Assistenza teknika u/jew amministrattiva u nefqa li jappoġġaw l-implimentazzjoni ta’ programmi u/jew ta’ azzjonijiet tal-UE (li qabel kienu l-linji “BA”), riċerka indiretta u riċerka diretta.

(28)    AC = Persunal kuntrattwali; AL = Persunal Lokali; END = Espert Nazzjonali Sekondat; INT = persunal tal-aġenziji; JPD = Espert Żagħżugħ fid-Delegazzjonijiet.

(29)    Sottolimitu għall-persunal estern kopert minn approprjazzjonijiet operazzjonali (li qabel kienu l-linji “BA”).

(30)    AC = Persunal kuntrattwali; AL = Persunal Lokali; END = Espert Nazzjonali Sekondat; INT = Persunal tal-Aġenzija; JPD = Espert Żagħżugħ fid-Delegazzjonijiet.

(31)    AC = Persunal Kuntrattwali; AL = Persunal Lokali; END = Espert Nazzjonali Sekondat; INT = Persunal tal-Aġenzija; JPD = Espert Żagħżugħ fid-Delegazzjonijiet.

(32)    Speċifika t-tip ta’ kumitat u l-grupp li jappartjeni għalih.

(33)    L-ICT: it-Teknoloġiji tal-Informazzjoni u l-Komunikazzjoni: id-DIGIT għandu jiġi kkonsultat.