(1)

It-tisħiħ tal-verifika finanzjarja statutorja huwa essenzjali sabiex ireġġa' l-kunfidenza tal-investituri fis-swieq finanzjarji. It-Tmien Direttiva modernizzata dwar il-verifika finanzjarja statutorja tal-kontijiet annwali u l-kontijiet konsolidati u li temenda d-Direttivi tal-Kunsill 78/660/KEE u 83/349/KEE (1) (minn issa 'l quddiem “it-Tmien Direttiva modernizzata”) tintroduċi, inter alia, rekwiżit għall-Istati Membri biex iwaqqfu sistema pubblika ta' kontroll għal awdituri statutorji u ditti tal-verifika finanzjarja. It-Tmien Direttiva modernizzata timmira wkoll li tistabbilixxi koordinazzjoni tas-sistemi pubbliċi ta' kontroll fil-livell tal-komunità u tinkludi possibilità għall-Kummissjoni li tadotta miżuri ta' implimentazzjoni.

(2)

Sabiex tilħaq il-miri deskritti fil-qosor fit-Tmien Direttiva modernizzata, il-Kummissjoni teħtieġ li tappella lil grupp espert li għandu jikkontribwixxi għall-koordinazzjoni u l-iżvilupp ta' sistemi pubbliċi ta' kontroll fi ħdan l-Unjoni Ewropea. Il-grupp jista' jikkontribwixxi wkoll għall-preparazzjoni teknika tal-miżuri ta' implimentazzjoni tat-Tmien Direttiva modernizzata.

(3)

Il-grupp espert għandu jkun magħmul minn rappreżentanti ta' livell għoli meħuda minn sistemi pubbliċi ta' kontroll għal awdituri statutorji u ditti tal-verifika finanzjarja fl-Istati Membri. Jekk sistemi bħal dawn għadhom ma ġewx stabbiliti, għandhom jingħaqdu fil-grupp rappreżentanti mill-Ministeri nazzjonali responsabbli għat-twaqqif tagħhom fil-ġejjieni. Huma biss dawk li ma jipprattikawx, kif definiti skont l-Arttikolu 2(11.b) tat-Tmien Direttiva modernizzata, li jistgħu jinħatru bħala rappreżentanti jew rappreżentanti ta' riżerva minħabba l-kunflitti potenzjali ta' interess bejn il-professjoni u s-settur privat min-naħa l-waħda, u l-interess pubbliku min-naħa l-oħra. Minkejja dan, il-ħidma tal-Kummissjoni u tal-grupp għandu jirfed fuq l-għarfien u l-esperjenza ta' min jipprattika. B'riżultat ta' dan, il-Kummissjoni, wara diskussjoni mal-grupp espert, għandha tikkonsulta b'mod estensiv u fi stadju bikri mal-parteċipanti fis-suq, il-konsumaturi, il-professjoni tal-awdituri u l-utenti finali f'mod miftuħ u trasparenti, dwar il-ħidma tal-grupp.

(4)

Għalhekk għandu jitwaqqaf il-grupp espert imsejjaħ “Il-Grupp Ewropew tal-Korpi ta' Kontroll tal-Awdituri” u għandhom jiġu ddettaljati t-termini ta' referenza u l-istrutturi tiegħu.

—

li jiffaċilita l-kooperazzjoni bejn is-sistemi pubbliċi ta' kontroll ta' Stati Membri u joħloq skambju tal-aqwa prassi fir-rigward tat-twaqqif u l-issuktar tal-kooperazzjoni ta' sistemi bħal dawn;

—

li jikkontribwixxi għal valutazzjoni teknika ta' sistemi pubbliċi ta' kontroll ta' pajjiżi terzi u għall-kooperazzjoni bejn l-Istati Membri u pajjiżi terzi f'dan il-qasam;

—

li jikkontribwixxi għall-analiżi teknika ta' standards internazzjonali tal-verifika finanzjarja, inklużi l-proċessi għall-elaborazzjoni tagħhom, bil-ħsieb tal-adozzjoni tagħhom fil-livell ta' Komunità.