EUR-Lex Access to European Union law
This document is an excerpt from the EUR-Lex website
Document 22020A0226(01)
Agreement between the European Union and the Government of the People's Republic of China On certain aspects of air services
Ftehim bejn l-Uunjoni Ewropea u l-Gvern tar-Repubblika tal-Poplu taċ-Ċinadwar ċerti aspetti tas-servizzi tal-ajru
Ftehim bejn l-Uunjoni Ewropea u l-Gvern tar-Repubblika tal-Poplu taċ-Ċinadwar ċerti aspetti tas-servizzi tal-ajru
ST/9685/2018/INIT
ĠU L 55, 26.2.2020, p. 3–14
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
ELI: http://data.europa.eu/eli/agree_internation/2020/255/oj
26.2.2020 |
MT |
Il-Ġurnal Uffiċjali tal-Unjoni Ewropea |
L 55/3 |
FTEHIM
bejn l-Uunjoni Ewropea u l-Gvern tar-Repubblika tal-Poplu taċ-Ċinadwar ċerti aspetti tas-servizzi tal-ajru
L-UNJONI EWROPEA
u
L-GVERN TAR-REPUBBLIKA TAL-POPLU TAĊ-ĊINA,
minn hawn ’il quddiem imsejħin “il-Partijiet”,
FILWAQT LI JINNUTAW li l-Qorti tal-Ġustizzja tal-Unjoni Ewropea sabet li ċerti dispożizzjonijiet ta' ftehimiet bilaterali eżistenti bejn diversi Stati Membri u pajjiżi terzi mhumiex kompatibbli mal-liġi tal-Unjoni Ewropea,
FILWAQT LI JINNUTAW li ġew konklużi għadd ta’ ftehimiet bilaterali dwar is-servizzi tal-ajru bejn diversi Stati Membri tal-Unjoni Ewropea u l-Gvern tar-Repubblika tal-Poplu taċ-Ċina li kellhom fihom dispożizzjonijiet simili u li hemm obbligu fuq l-Istati Membri li jieħdu l-passi kollha xierqa biex jeliminaw in-nuqqas ta’ kompatibilità bejn tali ftehimiet u t-Trattati tal-UE,
FILWAQT LI JINNUTAW li l-Unjoni Ewropea għandha kompetenza esklużiva fir-rigward ta’ diversi aspetti li jistgħu jiġu inklużi fi ftehimiet bilaterali dwar is-servizzi tal-ajru bejn l-Istati Membri tal-Unjoni Ewropea u pajjiżi terzi,
FILWAQT LI JINNUTAW li, skont il-liġi tal-Unjoni Ewropea, it-trasportaturi tal-ajru tal-Unjoni Ewropea stabbiliti f’xi wieħed mill-Istati Membri tal-Unjoni Ewropea għandhom id-dritt għal aċċess mhux diskriminatorju biex jipprovdu servizzi tal-ajru bejn l-Istati Membri tal-Unjoni Ewropea u pajjiżi terzi,
FILWAQT LI JIKKUNSIDRAW il-ftehimiet bejn l-Unjoni Ewropea u ċerti pajjiżi terzi li jipprovdu l-possibbiltà għaċ-ċittadini ta’ dawn il-pajjiżi terzi li jiksbu dritt ta’ sjieda fi trasportaturi tal-ajru mogħtija liċenzja skont il-liġi tal-Unjoni Ewropea,
FILWAQT LI JAGĦRFU li l-konsistenza bejn il-liġi tal-Unjoni Ewropea u d-dispożizzjonijiet tal-ftehimiet bilaterali dwar is-servizzi tal-ajru bejn l-Istati Membri tal-Unjoni Ewropea u l-Gvern tar-Repubblika tal-Poplu taċ-Ċina se tipprovdi bażi legali tajba għas-servizzi tal-ajru bejn l-Unjoni Ewropea u r-Repubblika tal-Poplu taċ-Ċina u tippreżerva l-kontinwità ta’ tali servizzi tal-ajru,
FILWAQT LI JAGĦRFU li fejn Stat Membru tal-Unjoni Ewropea jkun iddeżinja trasportatur tal-ajru li l-kontroll regolatorju tiegħu jkun eżerċitat u miżmum minn Stat Membru ieħor tal-Unjoni Ewropea, id-drittijiet tar-Repubblika tal-Poplu taċ-Ċina taħt id-dispożizzjonijiet dwar is-sikurezza mogħtija fil-ftehim bejn l-Istat Membru li jkun iddeżinja t-trasportatur tal-ajru u r-Repubblika tal-Poplu taċ-Ċina għandhom japplikaw bl-istess mod fir-rigward ta’ dak l-Istat Membru l-ieħor,
FILWAQT LI JINNUTAW li mhuwiex għan tal-Unjoni Ewropea, f’dan il-Ftehim, li jiżdied il-volum totali ta’ traffiku tal-ajru bejn l-Unjoni Ewropea u r-Repubblika tal-Poplu taċ-Ċina, li jiġi affettwat il-bilanċ bejn trasportaturi tal-ajru tal-Unjoni Ewropea u trasportaturi tal-ajru tar-Repubblika tal-Poplu taċ-Ċina jew li jipprevali fuq l-interpretazzjoni tad-dispożizzjonijiet ta’ ftehimiet bilaterali eżistenti dwar is-servizzi tal-ajru li għandhom x’jaqsmu mad-drittijiet tat-traffiku,
FILWAQT LI JAFFERMAW MILL-ĠDID l-intenzjonijiet tagħhom li r-rikonoxximent tad-dritt tal-istabbiliment u l-adozzjoni tal-prinċipju tad-deżinjazzjoni tal-UE m’għandhomx ikunu intiżi jew interpretati bħala li jiffaċilitaw iċ-ċirkomvenzjoni u ma jipprevenux ir-rifjut tad-drittijiet tat-traffiku f’tali każ ta’ ċirkomvenzjoni,
FTIEHMU KIF ĠEJ:
Artikolu 1
Dispożizzjonijiet ġenerali
1. Għall-finijiet ta’ dan il-Ftehim, “Stati Membri” tfisser Stati Membri tal-Unjoni Ewropea u “Trattati tal-UE” tfisser it-Trattat dwar l-Unjoni Ewropea u t-Trattat dwar il-Funzjonament tal-Unjoni Ewropea.
2. Ir-referenzi f’kull ftehim elenkat fl-Anness I għaċ-ċittadini tal-Istat Membru li huwa Parti għal dak il-ftehim għandhom jinftiehmu bħala referenzi għaċ-ċittadini ta' kwalunkwe wieħed mill-Istati Membri.
3. Ir-referenzi f’kull ftehim elenkat fl-Anness I għat-trasportaturi tal-ajru jew għal-linji tal-ajru tal-Istat Membru li huwa Parti għal dak il-ftehim għandhom jinftiehmu bħala referenzi għat-trasportaturi tal-ajru jew għal-linji tal-ajru deżinjati minn dak l-Istat Membru.
4. L-għoti tad-drittijiet tat-traffiku se jkompli jsir permezz ta’ ftehimiet bilaterali bejn ir-Repubblika tal-Poplu taċ-Ċina u kull Stat Membru individwali.
Artikolu 2
Id-deżinjazzjoni ta' trasportatur tal-ajru, l-awtorizzazzjonijiet u l-permessi, ir-rifjut, ir-revoka, is-sospensjoni jew il-limitazzjoni tal-awtorizzazzjonijiet jew tal-permessi
1. Id-dispożizzjonijiet tal-paragrafi 2 u 3 ta’ dan l-Artikolu għandhom jieħdu post id-dispożizzjonijiet korrispondenti tal-artikoli elenkati fl-Anness II(a) u (b) rispettivament, f’dak li għandu x’jaqsam mad-deżinjazzjoni tat-trasportaturi tal-ajru mill-Istat Membru kkonċernat, l-awtorizzazzjonijiet u l-permessi mogħtija lilu mir-Repubblika tal-Poplu taċ-Ċina, u r-rifjut, ir-revoka, is-sospensjoni jew il-limitazzjoni ta' tali awtorizzazzjonijiet jew permessi, rispettivament.
2. Malli tirċievi deżinjazzjoni mingħand Stat Membru, ir-Repubblika tal-Poplu taċ-Ċina għandha tagħti l-awtorizzazzjonijiet u l-permessi xierqa bl-inqas dewmien proċedurali, sakemm:
(a) |
it-trasportatur tal-ajru jkun stabbilit fit-territorju tal-Istat Membru li jiddeżinjah skont it-Trattati tal-UE u f’konformità mal-liġijiet u r-regolamenti dwar l-istabbiliment tal-Istat Membru li jiddeżinjah u jkollu liċenzja operattiva valida skont il-liġi tal-Unjoni Ewropea; |
(b) |
il-kontroll regolatorju effettiv tat-trasportatur tal-ajru huwa eżerċitat u miżmum mill-Istat Membru responsabbli għall-ħruġ taċ-Ċertifikat tiegħu ta' Operatur tal-Ajru u l-awtorità aeronawtika rilevanti hija identifikata b'mod ċar fid-deżinjazzjoni; |
(c) |
it-trasportatur tal-ajru għandu l-post prinċipali tan-negozju tiegħu fit-territorju tal-Istat Membru li mingħandu jkun irċieva l-liċenzja operattiva valida; u |
(d) |
it-trasportatur tal-ajru jkun, direttament jew b’maġġoranza ta’ ishma, proprjetà ta', u jkun effettivament ikkontrollat minn, Stati Membri u/jew minn ċittadini ta' Stati Membri, u/jew minn Stati oħrajn elenkati fl-Anness III u/jew minn ċittadini ta’ tali Stati oħrajn. |
3. Ir-Repubblika tal-Poplu taċ-Ċina tista’ tirrifjuta, tirrevoka, tissospendi jew tillimita l-awtorizzazzjonijiet jew il-permessi ta’ trasportatur tal-ajru deżinjat minn Stat Membru f’każ li:
(a) |
it-trasportatur tal-ajru ma jkunx stabbilit fit-territorju tal-Istat Membru li jiddeżinjah skont it-Trattati tal-UE jew ma jkollux liċenzja operattiva valida skont il-liġi tal-Unjoni Ewropea; jew |
(b) |
l-Istat Membru responsabbli għall-ħruġ taċ-Ċertifikat tal-Operatur tal-Ajru tat-trasportatur tal-ajru ma jkunx jeżerċita jew iżomm kontroll regolatorju effettiv fuqu, jew l-awtorità ajrunawtika rilevanti ma tkunx identifikata b’mod ċar fid-deżinjazzjoni; jew |
(c) |
it-trasportatur tal-ajru m’għandux il-post prinċipali tan-negozju tiegħu fit-territorju tal-Istat Membru li mingħandu jkun irċieva l-liċenzja operattiva tiegħu; jew |
(d) |
it-trasportatur tal-ajru ma jkunx, direttament jew b’maġġoranza ta’ ishma, proprjetà ta', jew ma jkunx effettivament ikkontrollat minn, Stati Membri u/jew minn ċittadini ta' Stati Membri, u/jew minn Stati oħrajn elenkati fl-Anness III u/jew minn ċittadini ta’ tali Stati oħrajn; jew |
(e) |
it-trasportatur tal-ajru jkun diġà awtorizzat li jopera taħt ftehim bilaterali bejn ir-Repubblika tal-Poplu taċ-Ċina u xi Stat Membru ieħor, u li, bl-eżerċizzju ta' drittijiet ta' traffiku taħt dan il-Ftehim fuq rotta li tinkludi punt f’dak l-Istat Membru l-ieħor, inkluż it-tħaddim ta’ servizz li jkun ikkumerċjalizzat bħala, jew inkella jikkostitwixxi, through service, ikun qed jevita restrizzjonijiet fuq it-tielet jew ir-raba' jew il-ħames drittijiet ta' traffiku ħieles imposti minn dak il-ftehim l-ieħor; jew |
(f) |
it-trasportatur tal-ajru deżinjat ikollu Ċertifikat ta' Operatur tal-Ajru maħruġ minn Stat Membru li miegħu ir-Repubblika tal-Poplu taċ-Ċina ma jkollhiex ftehim bilaterali dwar servizzi tal-ajru u dak l-Istat Membru jkun caħħad lir-Repubblika tal-Poplu taċ-Ċina minn drittijiet ta' traffiku. |
4. Id-drittijiet u l-obbligi taħt dan l-Artikolu ma għandhomx jiġu eżerċizzati f’manjiera li tiddiskrimina bejn it-trasportaturi tal-Unjoni Ewropea abbażi tan-nazzjonalità.
Artikolu 3
Is-sikurezza
1. Id-dispożizzjonijiet tal-paragrafu 2 ta' dan l-Artikolu għandhom jikkomplimentaw id-dispożizzjonijiet korrispondenti tal-Artikoli elenkati fl-Anness II(c).
2. Fejn Stat Membru jkun iddeżinja trasportatur tal-ajru li l-kontroll regolatorju tiegħu jkun eżerċitat u miżmum minn Stat Membru ieħor, id-drittijiet tar-Repubblika tal-Poplu taċ-Ċina taħt id-dispożizzjonijiet dwar is-sikurezza mogħtija fil-ftehim bejn l-Istat Membru li jkun iddeżinja t-trasportatur tal-ajru u r-Repubblika tal-Poplu taċ-Ċina għandhom japplikaw bl-istess mod fir-rigward tal-adozzjoni, l-eżerċizzju jew iż-żamma tal-istandards tas-sikurezza minn dak l-Istat Membru l-ieħor u fir-rigward tal-awtorizzazzjoni ta' operatur ta’ dak it-trasportatur tal-ajru.
Artikolu 4
Il-kompatibbiltà mar-regoli tal-kompetizzjoni
1. Il-ftehimiet bilaterali dwar is-servizzi tal-ajru konklużi bejn l-Istati Membri u r-Repubblika tal-Poplu taċ-Ċina għandhom ikunu mingħajr preġudizzju għar-regoli tal-kompetizzjoni tal-Partijiet.
2. Id-dispożizzjonijiet elenkati fl-Anness II(d) jitħassru u ma jibqgħux fis-seħħ.
Artikolu 5
L-Annessi għal dan il-Ftehim
L-Annessi għal dan il-Ftehim jifformaw parti integrali minnu.
Artikolu 6
Dħul fis-seħħ
1. Il-Partijiet għandhom jinnotifikaw lil xulxin bil-miktub permezz ta’ mezzi diplomatiċi li jkunu tlestew il-proċeduri interni rispettivi tagħhom li huma meħtieġa biex dan il-Ftehim jidħol fis-seħħ. Dan il-Ftehim għandu jidħol fis-seħħ fid-data tal-aħħar notifika.
2. Dan il-Ftehim għandu japplika għal dawk il-ftehimiet u l-arranġamenti elenkati fl-Anness I li huma fis-seħħ.
Artikolu 7
Rieżami, reviżjoni jew emendar
1. Il-Partijiet għandhom jimmonitorjaw u jirrivedu regolarment l-implimentazzjoni ta’ dan il-Ftehim. Tali rieżamijiet għandhom b’mod partikolari jivvalutaw kwalunkwe effetti negattivi u imprevisti ta’ dan il-Ftehim, kif jintgħarfu minn kwalunkwe mill-Partijiet.
2. Jekk jiġi mitlub minn kwalunkwe wieħed minnhom, il-Partijiet għandu jkollhom konsultazzjonijiet biex jiddiskutu reazzjonijiet adatti għall-effetti imprevisti msemmija fil-paragrafu 1.
3. Il-Partijiet jistgħu, f’kull ħin, jirrieżaminaw, jirrivedu jew jemendaw dan il-Ftehim bi qbil reċiproku.
Artikolu 8
It-terminazzjoni
1. Fil-każ li jintemm xi ftehim elenkat fl-Anness I, id-dispożizzjonijiet kollha ta’ dan il-Ftehim li għandhom x’jaqsmu mal-ftehimiet ikkonċernati elenkati fl-Anness I għandhom jintemmu fl-istess ħin.
2. Fil-każ li l-ftehimiet kollha elenkati fl-Anness I jintemmu, dan il-Ftehim għandu jintemm fl-istess ħin.
B’XHIEDA TA’ DAN, il-firmatarji ta’ hawn taħt, billi huma debitament awtorizzati, iffirmaw dan il-Ftehim.
Magħmul f’żewġ eżemplari, bil-Bulgaru, bil-Kroat, biċ-Ċek, bid-Daniż, bin-Netherlandiż, bl-Ingliż, bl-Estonjan, bil-Finlandiż, bil-Franċiż, bil-Ġermaniż, bil-Grieg, bl-Ungeriż, bit-Taljan, bil-Latvjan, bil-Litwan, bil-Malti, bil-Pollakk, bil-Portugiż, bir-Rumen, bis-Slovakk, bis-Sloven, bl-Ispanjol, bl-Iżvediż u biċ-Ċiniż.
ANNESS 1
Lista tal-ftehimiet imsemmijin fl-Artikolu 1 ta’ dan il-Ftehim
Il-ftehimiet u l-arranġamenti l-oħra dwar is-servizzi tal-ajru bejn ir-Repubblika tal-Poplu taċ-Ċina u l-Istati Membri tal-Unjoni Ewropea, kif immodifikati jew emendati, li, dakinhar tal-iffirmar ta’ dan il-Ftehim, kienu ġew konklużi, iffirmati jew inizjalati:
— |
Ftehim dwar it-Trasport bl-Ajru bejn il-Gvern Federali tal-Awstrija u l-Gvern tar-Repubblika tal-Poplu taċ-Ċina, iffirmat f’Beijing fit-12 ta’ Settembru 1985, minn hawn ’il quddiem imsejjaħ “il-Ftehim bejn iċ-Ċina u l-Awstrija” fl-Anness II; |
— |
Ftehim bejn il-Gvern tar-Renju tal-Belġju u l-Gvern tar-Repubblika tal-Poplu taċ-Ċina marbut mas-servizzi tal-ajru, iffirmat f’Beijing fl-20 ta’ April 1975, minn hawn ’il quddiem imsejjaħ “il-Ftehim bejn iċ-Ċina u l-Belġju” fl-Anness II; |
— |
Ftehim dwar it-Trasport bl-Ajru bejn il-Gvern tar-Repubblika tal-Bulgarija u l-Gvern tar-Repubblika tal-Poplu taċ-Ċina, iffirmat f’Beijing fil-21 ta’ Ġunju 1993, minn hawn ’il quddiem imsejjaħ “il-Ftehim bejn iċ-Ċina u l-Bulgarija” fl-Anness II; |
— |
Ftehim dwar is-Servizzi bl-Ajru bejn il-Gvern tar-Repubblika tal-Kroazja u l-Gvern tar-Repubblika taċ-Ċina, iffirmat f’Zagreb fl-20 ta’ Ġunju 2009, minn hawn ’il quddiem imsejjaħ “il-Ftehim bejn iċ-Ċina u l-Kroazja” fl-Anness II; |
— |
Ftehim dwar it-Trasport bl-Ajru bejn il-Gvern tar-Repubblika ta’ Ċipru u l-Gvern tar-Repubblika taċ-Ċina, inizjalat fil-5 ta’ April 2000, minn hawn ’il quddiem imsejjaħ “il-Ftehim bejn iċ-Ċina u Ċipru” fl-Anness II; |
— |
Ftehim dwar it-Trasport bl-Ajru bejn il-Gvern tar-Repubblika Soċjalista Ċekoslovakka u l-Gvern tar-Repubblika tal-Poplu taċ-Ċina, iffirmat f’Beijing fil-25 ta’ Mejju 1988, li fir-rigward tiegħu r-Repubblika Ċeka ddikjarat li tqis lilha nnifisha marbuta bid-dispożizzjonijiet ta’ dan, minn hawn ’il quddiem imsejjaħ “il-Ftehim bejn iċ-Ċina u l-Awstrija” fl-Anness II; |
— |
Ftehim dwar is-Servizzi tal-Ajru bejn il-Gvern tar-Renju tad-Danimarka u l-Gvern tar-Repubblika tal-Poplu taċ-Ċina, inizjalat fit-12 ta’ Marzu 2010, minn hawn ’il quddiem imsejjaħ “il-Ftehim bejn iċ-Ċina u d-Danimarka” fl-Anness II; |
— |
Ftehim bejn il-Gvern tar-Repubblika tal-Estonja u l-Gvern tar-Repubblika tal-Poplu taċ-Ċina marbut mat-trasport bl-ajru ċivili, iffirmat f’Talinn fl-1 ta’ Marzu 1999, minn hawn ’il quddiem imsejjaħ “il-Ftehim bejn iċ-Ċina u l-Estonja” fl-Anness II; |
— |
Ftehim bejn il-Gvern tar-Repubblika tal-Finlandja u l-Gvern tar-Repubblika tal-Poplu taċ-Ċina marbut mat-trasport bl-ajru ċivili, iffirmat f’Beijing fit-2 ta’ Ottubru 1975, minn hawn ’il quddiem imsejjaħ “il-Ftehim bejn iċ-Ċina u l-Finlandja” fl-Anness II; |
— |
Ftehim bejn il-il-Gvern tar-Repubblika ta’ Franza u l-Gvern tar-Repubblika taċ-Ċina “relatif aux communications aériennes” iffirmat f’Pariġi fl-1 ta’ Ġunju 1966, minn hawn ’il quddiem imsejjaħ “il-Ftehim bejn iċ-Ċina u Franza” fl-Anness II; |
— |
Ftehim dwar it-Trasport bl-Ajru Ċivili bejn il-il-Gvern Federali tal-Ġermanja u l-Gvern tar-Repubblika tal-Poplu taċ-Ċina, iffirmat f’Beijing fil-31 ta’ Ottubru 1975, kif emendat bil-Protokoll ta’ Emenda tal-Ftehim tat-Trasport tal-Ajru Ċivili bejn il-Gvern tar-Repubblika Federali tal-Ġermanja u l-Gvern tar-Repubblika tal-Poplu taċ-Ċina ffirmat f’Beijing fil-11 ta’ Diċembru 1995, minn hawn ’il quddiem imsejjaħ “il-Ftehim bejn iċ-Ċina u l-Awstrija” fl-Anness II; |
— |
Ftehim bejn il-il-Gvern tar-Renju tal-Greċja u l-Gvern tar-Repubblika tal-Poplu taċ-Ċina marbut mat-Trasport bl-Ajru Ċivili, iffirmat f’Beijing fit-23 ta’ Mejju 1973, minn hawn ’il quddiem imsejjaħ “il-Ftehim bejn ċ-Ċina u l-Greċja” fl-Anness II; |
— |
Ftehim dwar it-Trasport bl-Ajru bejn il-Gvern tar-Repubblika tal-Ungerija u l-Gvern tar-Repubblika tal-Poplu taċ-Ċina, iffirmat f’Budapest fil-15 ta’ Settembru 1993, minn hawn ’il quddiem imsejjaħ “il-Ftehim bejn iċ-Ċina u l-Ungerija” fl-Anness II; |
— |
Ftehim bejn il-Gvern tal-Irlanda u l-Gvern tar-Repubblika tal-Poplu taċ-Ċina dwar it-trasport bl-ajru ċivili, iffirmat f’Beijing fl-14 ta’ Settembru 1998, minn hawn ’il quddiem imsejjaħ “il-Ftehim bejn iċ-Ċina u l-Irlanda” fl-Anness II; |
— |
Ftehim dwar it-Trasport bl-Ajru ċivili bejn il-Gvern tar-Repubblika Taljana u l-Gvern tar-Repubblika tal-Poplu taċ-Ċina, iffirmat f’Beijing fit-8 ta’ Jannar 1973, minn hawn ’il quddiem imsejjaħ “il-Ftehim bejn iċ-Ċina u l-Italja” fl-Anness II; |
— |
Ftehim bejn il-Gvern tar-Repubblika tal-Latvja u l-Gvern tar-Repubblika tal-Poplu taċ-Ċina dwar it-trasport bl-ajru ċivili, iffirmat f’Riga fl-4 ta’ Marzu 1999, minn hawn ’il quddiem imsejjaħ “il-Ftehim bejn iċ-Ċina u l-Latvja fl-Anness II. |
— |
Ftehim dwar it-trasport bl-ajru ċivili bejn il-Gvern tal-Gran Dukat tal-Lussemburgu u l-Gvern tar-Repubblika tal-Poplu taċ-Ċina, iffirmat f’Beijing fit-18 ta’ Novembru 2002, minn hawn ’il quddiem imsejjaħ “il-Ftehim bejn iċ-Ċina u l-Lussemburgu” fl-Anness II; |
— |
Ftehim bejn il-Gvern tar-Repubblika ta’ Malta u l-Gvern tar-Repubblika tal-Poplu taċ-Ċina dwar it-trasport bl-ajru ċivili, iffirmat f’Beijing fl-1 ta’ Settembru 1997, minn hawn ’il quddiem imsejjaħ “il-Ftehim bejn iċ-Ċina u Malta” fl-Anness II. |
— |
Ftehim bejn il-Gvern tar-Renju tan-Netherlands u l-Gvern tar-Repubblika tal-Poplu taċ-Ċina marbut mat-trasport bl-ajru ċivili, iffirmat f’Beijing fit-23 ta’ Mejju 1966; minn hawn ’il quddiem imsejjaħ “il-Ftehim bejn iċ-Ċina u n-Netherlands” fl-Anness II; |
— |
Ftehim bejn il-Gvern tar-Repubblika tal-Poplu Pollakk u l-Gvern tar-Repubblika tal-Poplu taċ-Ċina marbut mas-servizzi bl-ajru, iffirmat f’Beijing fl-20 ta’ Marzu 1986, minn hawn ’il quddiem imsejjaħ “il-Ftehim bejn iċ-Ċina u l-Polonja” fl-Anness II; |
— |
Ftehim dwar it-Trasport bl-Ajru bejn il-Gvern tar-Repubblika Portugiża u l-Gvern tar-Repubblika taċ-Ċina inizjalat fis-26 ta’ Marzu 1999, minn hawn ’il quddiem imsejjaħ “il-Ftehim bejn iċ-Ċina u l-Portugall” fl-Anness II; |
— |
Ftehim bejn il-Gvern tar-Repubblika Soċjali tar-Rumanija u l-Gvern tar-Repubblika tal-Poplu taċ-Ċina marbut mat-trasport tal-ajru ċivili, iffirmat f’Bucharest fis-6 ta’ April 1972, minn hawn ’il quddiem imsejjaħ “il-Ftehim bejn iċ-Ċina u r-Rumanija” fl-Anness II; |
— |
Ftehim dwar is-Servizzi tal-Ajru bejn il-Gvern tar-Repubblika Slovakka u l-Gvern tar-Repubblika tal-Poplu taċ-Ċina, inizjalat fit-12 ta’ Awwissu 2010, minn hawn ’il quddiem imsejjaħ “il-Ftehim bejn iċ-Ċina u s-Slovakkja” fl-Anness II; |
— |
Ftehim bejn il-Gvern tar-Repubblika Soċjalista Federali tal-Jugoslavja u l-Gvern tar-Repubblika tal-Poplu taċ-Ċina marbut mat-Trasport bl-Ajru Ċivili, iffirmat f’Belgrad fl-14 ta’ April 1972 u li jibqa’ effettiv bejn iċ-Ċina u s-Slovenja, minn hawn ’il quddiem imsejjaħ “il-Ftehim bejn iċ-Ċina u s-Slovenja” fl-Anness II; |
— |
Ftehim bejn il-Gvern tar-Renju ta’ Spanja u l-Gvern tar-Repubblika tal-Poplu taċ-Ċina iffirmat f’Beijing fid-19 ta’ Ġunju 1978, minn hawn ’il quddiem imsejjaħ “il-Ftehim bejn iċ-Ċina u Spanja” fl-Anness II; |
— |
Ftehim dwar is-Servizzi tal-Ajru bejn il-Gvern tar-Renju tal-Iżvezja u l-Gvern tar-Repubblika tal-Poplu taċ-Ċina, inizjalat fit-12 ta’ Marzu 2010, minn hawn ’il quddiem imsejjaħ “il-Ftehim bejn iċ-Ċina u l-Iżvezja” fl-Anness II; |
— |
Ftehim bejn il-Gvern tar-Renju Unit tal-Gran Brittanja u l-Irlanda ta’ Fuq u l-Gvern tar-Repubblika tal-Poplu taċ-Ċina dwar is-servizzi tal-ajru inizjalat fl-14 ta’ April 2011, minn hawn ’il quddiem imsejjaħ “il-Ftehim bejn iċ-Ċina u r-Renju Unit” fl-Anness II; |
ANNESS II
Lista tal-artikoli fil-ftehimiet elenkati fl-Anness I u msemmija fl-Artikoli 2 sa 4 ta’ dan il-Ftehim
(a) |
Id-deżinjazzjoni minn Stat Membru:
|
(b) |
Ir-rifjut, ir-revoka, is-sospensjoni jew il-limitazzjoni tal-awtorizzazzjonijiet jew tal-permessi:
|
(c) |
Is-sikurezza:
|
(d) |
Il-kompatibbiltà mar-regoli tal-kompetizzjoni:
|
ANNESS III
Lista ta’ Stati oħrajn imsemmija fl-Artikolu 2 ta’ dan il-Ftehim
(a) |
Ir-Repubblika tal-Iżlanda (taħt il-Ftehim dwar iż-Żona Ekonomika Ewropea); |
(b) |
Il-Prinċipat tal-Liechtenstein(taħt il-Ftehim dwar iż-Żona Ekonomika Ewropea); |
(c) |
Ir-Renju tan-Norveġja (taħt il-Ftehim dwar iż-Żona Ekonomika Ewropea); |
(d) |
Il-Konfederazzjoni Żvizzera (taħt il-Ftehim bejn il-Komunità Ewropea u l-Konfederazzjoni Żvizzera dwar it-Trasport bl-Ajru). |