1.   

Jekk istituzzjoni soġġetta għar-rekwiżiti ta’ riżervi minimi tonqos milli żżomm il-livell meħtieġ ta’ riżervi minimi, skont ir-Regolamenti tal-Kunsill jew ir-regolamenti jew id-deċiżjonijiet tal-BĊE assoċjati magħhom, tiġi imposta sanzjoni li tiġi kkalkulata bħala penali ta’ 2.5 punti perċentwali ‘l fuq mill-medja, meħuda matul il-perjodu ta’ żamma li fih seħħet in-nuqqas ta’ konformità, tar-rata ta’ self marġinali tas-Sistema Ewropea ta’ Banek Ċentrali, applikata għall-ammont medju ta’ kuljum ta’ riżervi minimi li l-istituzzjoni kkonċernata naqset milli żżomm.

Il-penali tiġi kkalkulata billi tintuża l-formula li ġejja:

Fejn:

Meta istituzzjoni soġġetta għar-rekwiżiti ta’ riżervi minimi tonqos milli tikkonforma mal-obbligu ta’ notifika stabbilit fit-tieni subparagrafu tal-Artikolu 3(1) tar-Regolament (UE) 2021/378 (BĊE/2021/1), jekk, wara li tiġi identifikata dik in-nuqqas ta’ konformità, jiġi aċċertat ukoll li, bħala riżultat tal-applikazzjoni tal-punt (d) tal-Artikolu 3(1) tar-Regolament (UE) 2021/378 (BĊE/2021/1), dik l-istituzzjoni tkun naqset milli tikkonforma mal-obbligu li żżomm il-livell meħtieġ ta’ minimu fuq aktar minn perjodu wieħed ta’ żamma, allura l-perjodu ta’ żamma rilevanti għall-finijiet tal-kalkolu tas-sanzjoni skont it-taqsima 1 ta’ dan l-Anness ikun il-perjodu ta’ żamma għal liema in-nuqqas ta' konformità huwa aċċertat.

2.   

Jekk istituzzjoni soġġetta għar-rekwiżiti ta’ riżervi minimi tonqos milli żżomm il-livell meħtieġ ta’ riżervi minimi matul iktar minn darbtejn waqt perijodu ta’ 12-il xahar, allura titqies li wettqet ksur ripetittiv.

Għal kull ksur ripetittiv se tiġi imposta sanzjoni li tiġi kkalkulata bħala penali ta’ ħames punti perċentwali ogħla mill-medja, meħuda matul il-perjodu ta’ żamma li fih seħħ il-ksur ripetittiv, tar-rata ta’ self marġinali tas-Sistema Ewropea ta’ Banek Ċentrali, applikata għall-ammont medju ta’ kuljum ta’ riżervi minimi li l-istituzzjoni kkonċernata naqset milli żżomm. Il-penali tiġi kkalkulata b’mod ieħor bl-użu tal-formula stabbilita fit-taqsima 1 ta’ dan l-Anness.

1.   

Fil-każ ta’ nuqqas ta’ konformità mal-obbligu li jiġi nnotifikat lill-bank ċentrali nazzjonali rilevanti kwalunkwe restrizzjoni legali, kuntrattwali, regolatorja jew restrizzjoni oħra li tipprevjeni istituzzjoni milli tillikwida, tittrasferixxi, tassenja jew tiddisponi mill-fondi tagħha miżmuma f’riżervi minimi skont it-tieni subparagrafu tal-Artikolu 3(1) tar-Regolament (UE) 2021/378 (BĊE/2021/1), għandha tiġi imposta sanzjoni li tiġi kkalkulata bħala penali ta’ 2.5 punti perċentwali ‘l fuq mill-medja, meħuda matul il-perijodu li fir-rigward tiegħu tiġi imposta s-sanzjoni, tar-rata ta’ self marġinali tas-Sistema Ewropea ta’ Banek Ċentrali applikata għall-ammont medju ta’ kuljum ta’ fondi affettwati min-nuqqas tal-istituzzjoni biex jinnotifikaw fuq il-perjodu li għaliha s-sanzjoni hija imposta. Jekk in-nuqqas ta’ konformità testendi għal aktar minn perjodu wieħed ta’ żamma, il-perjodu li fir-rigward tiegħu tiġi imposta s-sanzjoni ma jaqbiżx l-għadd totali ta’ jiem tal-perjodu ta’ żamma li fih instab in-nuqqas ta’ konformità.

Bla ħsara għat-taqsima 3 ta’ dan l-Anness, il-penali tiġi kkalkulata billi tintuża l-formula li ġejja:

Fejn:

2.   

Meta tkun ġiet imposta sanzjoni fuq istituzzjoni għan-nuqqas tagħha li tinnotifika lill-bank ċentrali nazzjonali rilevanti kwalunkwe restrizzjoni legali, kuntrattwali, regolatorja jew restrizzjonijiet oħra li jipprevjenu lill-istituzzjoni milli tillikwida, tittrasferixxi, tassenja jew tiddisponi mill-fondi tagħha miżmuma f’riżervi minimi skont it-tieni subparagrafu tal-Artikolu 3(1), jekk dik l-istituzzjoni tonqos milli tinnotifika lill-bank ċentrali nazzjonali rilevanti kwalunkwe restrizzjoni bħal din skont it-tieni subparagrafu tal-Artikolu 3(1) matul il-perijodu ta’ 12-il xahar wara d-data li fiha l-impożizzjoni ta’ dik is-sanzjoni tkun ġiet innotifikata lilha, mela jitqies li jkun twettaq ksur ripetittiv.

Għal kull ksur ripetittiv, se tiġi imposta sanzjoni li tiġi kkalkulata bħala penali ta’ ħames punti perċentwali ogħla mill-medja, meħuda matul il-perjodu li fih is-sanzjoni hija imposta, tar-rata ta’ self marġinali tas-Sistema Ewropea ta’ Banek Ċentrali, applikata għall-ammont medju ta’ kuljum ta’ fondi affettwati minn-nuqqas ta’ notifika tal-istituzzjoni għal dak il-perjodu li għalih is-sanzjoni hija imposta. Il-penali tiġi kkalkulata b’mod ieħor bl-użu tal-formula stabbilita fit-taqsima 1 ta’ dan l-Anness.

3.   

Wara li ġie kkalkulat skont il-formula stabbilita fit-taqsima 1 ta’ dan l-Anness, l-ammont tal-penali jista’ jiġi aġġustat biex iqis il-prinċipju tal-proporzjonalità u ċ-ċirkostanzi tal-każ speċifiku skont l-Artikolu 2(2) u (3) tar-Regolament (KE) Nru 2532/98. Kwalunkwe aġġustament fl-ammont tal-penali huwa soġġett għal-limiti stabbiliti fl-Artikolu 2(1) ta’ dak ir-Regolament.