32021R0759

EUR-Lex

Dostop do prava EU

Dokument je izvleček s spletišča EUR-Lex.

EUROPA
Začetna stran EUR-Lex
Regolament implimentattiv - 2021/759 - SL - EUR-Lex

Pomoč

Nasveti za iskanje

Želite več možnosti iskanja? Uporabite Napredno iskanje

Dokument 32021R0759

Regolament ta’ Implimentazzjoni tal-Kummissjoni (UE) 2021/759 tas-7 ta’ Mejju 2021 li jemenda r-Regolament ta’ Implimentazzjoni (UE) 2019/2072 fir-rigward tal-eċċezzjonijiet mir-rekwiżit ta’ passaport tal-pjanti, l-istatus tal-Italja, tal-Irlanda, tal-Litwanja, tas-Slovenja u tas-Slovakkja jew ta’ ċerti żoni tagħhom bħala żoni protetti, u r-referenza għal żona protetta fil-Portugall

C/2021/3169

ĠU L 162, 10.5.2021, str. 18–24 (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)

Pravni status dokumenta V veljavi

ELI: http://data.europa.eu/eli/reg_impl/2021/759/oj

HTML

PDF

Uradni list

10.5.2021

Il-Ġurnal Uffiċjali tal-Unjoni Ewropea

L 162/18

REGOLAMENT TA’ IMPLIMENTAZZJONI TAL-KUMMISSJONI (UE) 2021/759

tas-7 ta’ Mejju 2021

li jemenda r-Regolament ta’ Implimentazzjoni (UE) 2019/2072 fir-rigward tal-eċċezzjonijiet mir-rekwiżit ta’ passaport tal-pjanti, l-istatus tal-Italja, tal-Irlanda, tal-Litwanja, tas-Slovenja u tas-Slovakkja jew ta’ ċerti żoni tagħhom bħala żoni protetti, u r-referenza għal żona protetta fil-Portugall

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (UE) 2016/2031 tal-Parlament Ewropew u tal-Kunsill tas-26 ta’ Ottubru 2016 dwar il-miżuri protettivi kontra pesti tal-pjanti, li jemenda r-Regolamenti (UE) Nru 228/2013, (UE) Nru 652/2014 u (UE) Nru 1143/2014 tal-Parlament Ewropew u tal-Kunsill u li jħassar id-Direttivi tal-Kunsill 69/464/KEE, 74/647/KEE, 93/85/KEE, 98/57/KE, 2000/29/KE, 2006/91/KE u 2007/33/KE (1), u b’mod partikolari l-Artikolu 32(3) u (6), l-Artikolu 35(1) u (2), u l-Artikolu 79(2) tiegħu,

Billi:

(1)

Ir-Regolament ta’ Implimentazzjoni tal-Kummissjoni (UE) 2019/2072 (2) stabbilixxa regoli rigward il-passaporti tal-pjanti għall-moviment fl-Unjoni ta’ pjanti, ta’ prodotti mill-pjanti u ta’ oġġetti oħra. Barra minn hekk, fl-Anness III, dak ir-Regolament irrikonoxxa ċerti Stati Membri u żoni fl-Istati Membri bħala żoni protetti fir-rigward ta’ ċerti pesti ta’ kwarantina fiż-żoni protetti. Barra minn hekk, ċerti żoni protetti ġew rikonoxxuti bħala żoni protetti temporanji sat-30 ta’ April 2020, sabiex jippermettu lil kull Stat Membru kkonċernat jipprovdi l-informazzjoni meħtieġa kollha biex juri li l-pesti kkonċernati ma dehrux fl-Istat Membru jew f’żona kkonċernata, jew biex ilesti jew ikompli bl-isforzi rigward l-eradikazzjoni tal-pest ikkonċernat.

(2)

L-esperjenza wriet li l-kamp ta’ applikazzjoni ta’ ċerti regoli fir-rigward tal-eċċezzjonijiet mir-rekwiżit ta’ passaport tal-pjanti, kif stabbilit fl-Artikolu 13(2)(b) tar-Regolament ta’ Implimentazzjoni (UE) 2019/2072, jenħtieġ li jiġi estiż. B’mod partikolari, għal raġunijiet ta’ konsistenza u sabiex jiġu koperti l-każijiet kollha tal-pjanti regolati, tal-prodotti mill-pjanti u ta’ oġġetti oħra, tali eċċezzjonijiet jenħtieġ li jkopru wkoll iż-żrieragħ tal-pjanti, il-prodotti mill-pjanti u oġġetti oħra li mhumiex soġġetti għall-atti ta’ implimentazzjoni adottati skont l-Artikolu 28(1), 30(1) jew 49(1) tar-Regolament (UE) 2016/2031.

(3)

Għall-Italja, it-territorju ta’ Campania u dak ta’ ċerti partijiet ta’ Piemonte ġew rikonoxxuti bħala żona protetta fir-rigward tal-Erwinia amylovora (Burr.) Winsl. et al. Fl-2020, l-Italja ppreżentat informazzjoni li turi li l-Erwinia amylovora (Burr.) Winsl. et al. hija issa stabbilita fil-muniċipalitajiet ta’ Agerola, Gragnano, Lettere, Pimonte u Vico Equense fil-provinċja ta’ Napli, u Amalfi, Atrani, Conca dei Marini, Corbara, Furore, Maiori, Minori, Positano, Praiano, Ravello, Scala u Tramonti fil-provinċja ta’ Salerno, u fit-territorju sħiħ ta’ Piemonte. Għalhekk jenħtieġ li dawk il-muniċipalitajiet u t-territorji kollu ta’ Piemonte m’għandhomx jibqgħu jiġu rikonoxxuti bħala parti miż-żona protetta fir-rigward tal-Erwinia amylovora (Burr.) Winsl. et al..

(4)

Barra minn hekk, ċerti partijiet tat-territorju tal-Italja ġew rikonoxxuti bħala żona protetta temporanja fir-rigward tal-Erwinia amylovora (Burr.) Winsl. et al. sat-30 ta’ April 2020. Minn riżultati ta’ stħarriġ provduti mill-Italja fl-2019 u fl-2020, jidher li l-pest ta’ kwarantina fiż-żona protetta, li nstab fit-tifqigħat sporadiċi u iżolati f’xi partijiet taż-żona protetta, jew ġie eradikat jew qiegħed taħt eradikazzjoni u li l-partijiet li jifdal taż-żona protetta jibqgħu ħielsa minn dak il-pest. Dik l-informazzjoni turi wkoll li sa issa l-ebda eradikazzjoni ma damet aktar minn sentejn. Għaldaqstant, ir-rikonoxximent ta’ dawk il-partijiet tat-territorju tal-Italja bħala żona protetta fir-rigward tal-Erwinia amylovora (Burr.) Winsl. et al. jenħtieġ li jkompli mingħajr ebda limitu ta’ żmien.

(5)

It-territorji tal-Irlanda, tal-Litwanja, tas-Slovenja u tas-Slovakkja ġew rikonoxxuti bħala żoni protetti temporanji fir-rigward tal-Erwinia amylovora (Burr.) Winsl. et al. sat-30 ta’ April 2020. Minn riżultati ta’ stħarriġ provduti mill-Irlanda, mil-Litwanja, mis-Slovenja u mis-Slovakkja fl-2019 u fl-2020, jidher li l-pest ta’ kwarantina fiż-żona protetta, li nstab fit-tifqigħat sporadiċi u iżolati f’xi partijiet taż-żoni protetti, jew ġie eradikat jew qiegħed taħt eradikazzjoni u li l-partijiet li jifdal taż-żona protetta jibqgħu ħielsa minn dak il-pest. Dik l-informazzjoni turi wkoll li sa issa l-ebda eradikazzjoni tat-tifqigħa ma damet aktar minn sentejn. Għaldaqstant, ir-rikonoxximent tat-territorji tal-Irlanda, tal-Litwanja, tas-Slovenja u tas-Slovakkja bħala żoni protetti fir-rigward tal-Erwinia amylovora (Burr.) Winsl. et al. jenħtieġ li jkompli mingħajr ebda limitu ta’ żmien.

(6)

Barra minn hekk, fl-2020, is-Slovakkja ppreżentat informazzjoni li turi li l-Erwinia amylovora (Burr.) Winsl. et al. hija issa stabbilita fl-ibliet ta’ Valice, Jesenské u Rimavská Sobota fil-Kontea ta’ Rimavská Sobota. Għalhekk jenħtieġ li dawk l-ibliet ma jibqgħux jiġu rikonoxxuti bħala parti miż-żona protetta fir-rigward tal-Erwinia amylovora (Burr.) Winsl. et al..

(7)

L-Irlanda talbet li t-territorju tagħha jiġi rikonoxxut bħala żona protetta fir-rigward tat-Thaumetopoea pityocampa Denis & Schiffermüller. Fuq il-bażi ta’ stħarriġ li ġie mwettaq fl-2018 u fl-2019, l-Irlanda ppreżentat evidenza li l-pest ikkonċernat ma jidhirx fit-territorju tagħha, minkejja l-eżistenza ta’ kundizzjonijiet favorevoli għal dak il-pest hemmhekk. Madankollu, huwa meħtieġ li jsir aktar stħarriġ. Għaldaqstant, l-Irlanda jenħtieġ li tiġi rikonoxxuta bħala żona protetta temporanja fir-rigward tat- Thaumetopoea pityocampa Denis & Schiffermüller sat-30 ta’ April 2023.

(8)

Għall-finijiet ta’ konsistenza mal-emendi tal-Anness III tar-Regolament ta’ Implimentazzjoni (UE) 2019/2072, li jelenka ż-żoni protetti u l-pesti ta’ kwarantina fiż-żoni protetti rispettivi, jenħtieġ li jsiru l-bidliet korrispondenti fl-Annessi IX u X ta’ dak ir-Regolament, li jelenkaw il-pjanti, il-prodotti mill-pjanti u oġġetti oħra li l-introduzzjoni tagħhom f’ċerti żoni protetti hija pprojbita u l-pjanti, il-prodotti mill-pjanti u oġġetti oħra, li jkunu se jiġu introdotti f’żoni protetti, jew jinġarru fihom skont rekwiżiti speċjali, rispettivament.

(9)

Fuq il-bażi ta’ informazzjoni li waslet mill-Portugall, il-gżira Terceira kienet diġà ġiet eskluża miż-żona protetta tal-Portugall fl-Anness III tar-Regolament ta’ Implimentazzjoni (UE) 2019/2072 fir-rigward tal-Gonipterus scutellatus Gyllenhal bir-Regolament ta’ Implimentazzjoni tal-Kummissjoni (UE) 2020/2210 (3), mingħajr ma ġie emendat l-Anness X tar-Regolament ta’ Implimentazzjoni (UE) 2019/2072. Għaldaqstant, huwa xieraq li tiġi emendata r-referenza ta’ dik iż-żona protetta f’dak l-Anness ukoll.

(10)	Għalhekk, jenħtieġ li r-Regolament ta’ Implimentazzjoni (UE) 2019/2072 jiġi emendat skont dan.

(11)	Fl-interess taċ-ċarezza, l-emendi relatati ma’ żoni li ġew rikonoxxuti bħala żoni protetti skont ir-Regolament ta’ Implimentazzjoni (UE) 2019/2072 sat-30 ta’ April 2020, jenħtieġ li japplikaw b’mod retroattiv b’effett mill-1 ta’ Mejju 2020.

(12)	Il-miżuri previsti f’dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

ADOTTAT DAN IR-REGOLAMENT:

Artikolu 1

Ir-Regolament ta’ Implimentazzjoni (UE) 2019/2072 huwa emendat kif ġej:

(1)

fl-Artikolu 13(2), il-punt (b) huwa sostitwit b’dan li ġej:

“(b)	ma jkunux soġġetti għar-rekwiżiti speċjali tal-Anness VIII jew tal-Anness X ta’ dan ir-Regolament jew ta’ dawk previsti mill-atti ta’ implimentazzjoni adottati skont l-Artikoli 28(1), 30(1) jew 49(1) tar-Regolament (UE) 2016/2031.”;

(2)	L-Anness III huwa emendat f’konformità mal-Parti 1 tal-Anness ta’ dan ir-Regolament;

(3)	L-Anness IX huwa emendat f’konformità mal-Parti 2 tal-Anness ta’ dan ir-Regolament;

(4)	L-Anness X huwa emendat f’konformità mal-Parti 3 tal-Anness ta’ dan ir-Regolament.

Artikolu 2

Dan ir-Regolament għandu jidħol fis-seħħ fit-tielet jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Madankollu, il-punti li ġejjin għandhom japplikaw mill-1 ta’ Mejju 2020:

—	il-punt (2) tal-Artikolu 1, minbarra l-punt (2) tal-Parti 1 tal-Anness;

—	il-punt (3) tal-Artikolu 1;

—	il-punt (4) tal-Artikolu 1, minbarra l-punt (3) tal-Parti 3 tal-Anness.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, is-7 ta’ Mejju 2021.

Għall-Kummissjoni

Il-President

Ursula VON DER LEYEN

(1) ĠU L 317, 23.11.2016, p. 4.

(2) Ir-Regolament ta’ Implimentazzjoni tal-Kummissjoni (UE) 2019/2072 tat-28 ta’ Novembru 2019 li jistabbilixxi l-kundizzjonijiet uniformi għall-implimentazzjoni tar-Regolament (UE) 2016/2031 tal-Parlament Ewropew u tal-Kunsill rigward il-miżuri protettivi kontra l-pesti tal-pjanti, u li jħassar ir-Regolament tal-Kummissjoni (KE) Nru 690/2008 u jemenda r-Regolament ta’ Implimentazzjoni tal-Kummissjoni (UE) 2018/2019 (ĠU L 319, 10.12.2019, p. 1).

(3) Ir-Regolament ta’ Implimentazzjoni tal-Kummissjoni (UE) 2020/2210 tat-22 ta’ Diċembru 2020 li jemenda l-Annessi III, VI, VII, IX, X, XI u XII tar-Regolament ta’ Implimentazzjoni (UE) 2019/2072 fir-rigward tar-rekwiżiti li jikkonċernaw iż-żona protetta tal-Irlanda ta’ Fuq u l-projbizzjonijiet u r-rekwiżiti għall-introduzzjoni fl-Unjoni ta’ pjanti, prodotti mill-pjanti u oġġetti oħra mir-Renju Unit (ĠU L 438, 28.12.2020, p. 28).

ANNESS

PARTI 1

Emendi għall-Anness III tar-Regolament ta’ Implimentazzjoni (UE) 2019/2072

It-tabella fl-Anness III tar-Regolament ta’ Implimentazzjoni (UE) 2019/2072 hija emendata kif ġej:

(1)

fis-sezzjoni (a) “Batterji”, it-tielet kolonna “Żoni protetti” tal-punt 1 hija emendata kif ġej:

(a)

il-punt (d) huwa sostitwit b’dan li ġej:

“(d)

l-Italja (Abruzzo, Apúlia, Basilicata, Calabria, Campania (minbarra l-muniċipalitajiet ta’ Agerola, Gragnano, Lettere, Pimonte u Vico Equense fil-provinċja ta’ Napli, Amalfi, Atrani, Conca dei Marini, Corbara, Furore, Maiori, Minori, Positano, Praiano, Ravello, Scala u Tramonti fil-provinċja ta’ Salerno), Lazio, Liguria, Lombardija (minbarra l-provinċji ta’ Milan, Mantua, Sondrio u Varese, u l-kommuni ta’ Bovisio Masciago, Cesano Maderno, Desio, Limbiate, Nova Milanese u Varedo f’Monza fil-provinċja ta’ Brianza), Marche (minbarra l-kommuni ta’ Colli al Metauro, Fano, Pesaro u San Costanzo fil-provinċja ta’ Pesaro e Urbino), Molise, Sardinja, Sqallija (minbarra l-muniċipalitajiet ta’ Cesarò fil-provinċja ta’ Messina, Maniace, Bronte, Adrano fil-provinċja ta’ Catania u Centuripe, Regalbuto u Troina fil-provinċja ta’ Enna), Toscana, Umbria, Valle d’Aosta, Veneto (minbarra l-provinċji ta’ Rovigo u Venezja, il-kommuni ta’ Barbona, Boara Pisani, Castelbaldo, Masi, Piacenza d’Adige, S. Urbano u Vescovana fil-provinċja ta’ Padova u l-kommuni ta’ Albaredo d’Adige, Angiari, Arcole, Belfiore, Bevilacqua, Bonavigo, Boschi S. Anna, Bovolone, Buttapietra, Caldiero, Casaleone, Castagnaro, Castel d’Azzano, Cerea, Cologna Veneta, Concamarise, Erbè, Gazzo Veronese, Isola della Scala, Isola Rizza, Legnago, Minerbe, Mozzecane, Nogara, Nogarole Rocca, Oppeano, Palù, Povegliano Veronese, Pressana, Ronco all’Adige, Roverchiara, Roveredo di Guà, San Bonifacio, Sanguinetto, San Pietro di Morubbio, San Giovanni Lupatoto, Salizzole, San Martino Buon Albergo, Sommacampagna, Sorgà, Terrazzo, Trevenzuolo, Valeggio sul Mincio, Veronella, Villa Bartolomea, Villafranca di Verona, Vigasio, Zevio, Zimella fil-provinċja ta’ Verona));”;

(b)

il-punti (g) sa (k) huma sostitwiti b’dan li ġej:

“(g)	l-Irlanda (minbarra l-belt ta’ Galway);

(h)	il-Litwanja (minbarra l-muniċipalità ta’ Kėdainiai fir-reġjun ta’ Kaunas);

(i)

is-Slovenja (minbarra r-reġjuni ta’ Gorenjska, Koroška, Maribor u Notranjska, u l-komuni ta’ Dol pri Ljubljani, Lendava, Litija, Moravče, Renče-Vogrsko, Velika Polana u Žužemberk, u l-abitati ta’ Fużina, Gabrovčec, Glogovica, Gorenja vas, Gradiček, Grintovec, Ivančna Gorica, Krka, Krška vas, Male Lese, Malo Črnelo, Malo Globoko, Marinča vas, Mleščevo, Mrzlo Polje, Muljava, Podbukovje, Potok pri Muljavi, Šentvid pri Stični, Škrjanče, Trebnja Gorica, Velike Lese, Veliko Črnelo, Veliko Globoko, Vir pri Stični, Vrhpolje pri Šentvidu, Zagradec u Znojile pri Krki fil-komun ta’ Ivančna Gorica);

(j)

is-Slovakkja (minbarra l-kontea ta’ Dunajská Streda, u l-ibliet ta’ Hronovce u Hronské Kľačany fil-Kontea ta’ Levice, Dvory nad Žitavou fil-Kontea ta’ Nové Zámky, Málinec fil-Kontea ta’ Poltár, Valice, Jesenské u Rimavská Sobota fil-Kontea ta’ Rimavská Sobota, Hrhov fil-Kontea ta’ Rožňava, Veľké Ripňany fil-Kontea ta’ Topoľčany, Kazimír, Luhyňa, Malý Horeš, Svätuše u Zatín fil-Kontea ta’ Trebišov).”;

(2)

fis-sezzjoni (c) “Insetti u akari”, il-punt 19 huwa sostitwit b’dan li ġej:

“19.

Thaumetopoea pityocampa Denis & Schiffermüller

THAUPI

(a)	sat-30 ta’ April 2023: l-Irlanda;

(b)	ir-Renju Unit (l-Irlanda ta’ Fuq).”

Parti 2

Emendi għall-Anness IX tar-Regolament ta’ Implimentazzjoni (UE) 2019/2072

L-Anness IX tar-Regolament ta’ Implimentazzjoni (UE) 2019/2072 huwa emendat kif ġej:

(1)

fil-punt 1, it-tielet kolonna “Żoni protetti” hija emendata kif ġej:

(a)

il-punt (e) huwa sostitwit b’dan li ġej:

“(e)

l-Italja (Abruzzo, Apúlia, Basilicata, Calabria, Campania (minbarra l-muniċipalitajiet ta’ Agerola, Gragnano, Lettere, Pimonte u Vico Equense fil-provinċja ta’ Napli, Amalfi, Atrani, Conca dei Marini, Corbara, Furore, Maiori, Minori, Positano, Praiano, Ravello, Scala u Tramonti fil-provinċja ta’ Salerno), Lazio, Liguria, Lombardija (minbarra l-provinċji ta’ Milan, Mantua, Sondrio u Varese, u l-kommuni ta’ Bovisio Masciago, Cesano Maderno, Desio, Limbiate, Nova Milanese u Varedo fil-provinċja ta’ Monza Brianza), Marche (minbarra l-kommuni ta’ Colli al Metauro, Fano, Pesaro u San Costanzo fil-provinċja ta’ Pesaro e Urbino), Molise, Sardinja, Sqallija (minbarra l-muniċipalitajiet ta’ Cesarò fil-provinċja ta’ Messina, Maniace, Bronte, Adrano fil-provinċja ta’ Catania u Centuripe, Regalbuto u Troina fil-provinċja ta’ Enna), Toscana, Umbria, Valle d’Aosta, Veneto (minbarra l-provinċji ta’ Rovigo u Venezja, il-kommuni ta’ Barbona, Boara Pisani, Castelbaldo, Masi, Piacenza d’Adige, S. Urbano u Vescovana fil-provinċja ta’ Padova u l-kommuni ta’ Albaredo d’Adige, Angiari, Arcole, Belfiore, Bevilacqua, Bonavigo, Boschi S. Anna, Bovolone, Buttapietra, Caldiero, Casaleone, Castagnaro, Castel d’Azzano, Cerea, Cologna Veneta, Concamarise, Erbè, Gazzo Veronese, Isola della Scala, Isola Rizza, Legnago, Minerbe, Mozzecane, Nogara, Nogarole Rocca, Oppeano, Palù, Povegliano Veronese, Pressana, Ronco all’Adige, Roverchiara, Roveredo di Guà, San Bonifacio, Sanguinetto, San Pietro di Morubbio, San Giovanni Lupatoto, Salizzole, San Martino Buon Albergo, Sommacampagna, Sorgà, Terrazzo, Trevenzuolo, Valeggio sul Mincio, Veronella, Villa Bartolomea, Villafranca di Verona, Vigasio, Zevio, Zimella fil-provinċja ta’ Verona))”;

(b)

il-punti (g) sa (i) huma sostitwiti b’dan li ġej:

“(g)	il-Litwanja (minbarra l-muniċipalità ta’ Kėdainiai fir-reġjun ta’ Kaunas);

(h)

(i)

(2)

fil-punt 2, it-tielet kolonna “Żoni protetti” hija emendata kif ġej:

(a)

il-punt (e) huwa sostitwit b’dan li ġej:

“(e)

l-Italja (Abruzzo, Apúlia, Basilicata, Calabria, Campania (minbarra l-muniċipalitajiet ta’ Agerola, Gragnano, Lettere, Pimonte u Vico Equense fil-provinċja ta’ Napli, Amalfi, Atrani, Conca dei Marini, Corbara, Furore, Maiori, Minori, Positano, Praiano, Ravello, Scala u Tramonti fil-provinċja ta’ Salerno), Lazio, Liguria, Lombardija (minbarra l-provinċji ta’ Milan, Mantua, Sondrio u Varese, u l-kommuni ta’ Bovisio Masciago, Cesano Maderno, Desio, Limbiate, Nova Milanese u Varedo fil-provinċja ta’ Monza Brianza), Marche (minbarra l-kommuni ta’ Colli al Metauro, Fano, Pesaro u San Costanzo fil-provinċja ta’ Pesaro e Urbino), Molise, Sardinja, Sqallija (minbarra l-muniċipalitajiet ta’ Cesarò fil-provinċja ta’ Messina, Maniace, Bronte, Adrano fil-provinċja ta’ Catania u Centuripe, Regalbuto u Troina fil-provinċja ta’ Enna), Toscana, Umbria, Valle d’Aosta, Veneto (minbarra l-provinċji ta’ Rovigo u Venezja, il-kommuni ta’ Barbona, Boara Pisani, Castelbaldo, Masi, Piacenza d’Adige, S. Urbano u Vescovana fil-provinċja ta’ Padova u l-kommuni ta’ Albaredo d’Adige, Angiari, Arcole, Belfiore, Bevilacqua, Bonavigo, Boschi S. Anna, Bovolone, Buttapietra, Caldiero, Casaleone, Castagnaro, Castel d’Azzano, Cerea, Cologna Veneta, Concamarise, Erbè, Gazzo Veronese, Isola della Scala, Isola Rizza, Legnago, Minerbe, Mozzecane, Nogara, Nogarole Rocca, Oppeano, Palù, Povegliano Veronese, Pressana, Ronco all’Adige, Roverchiara, Roveredo di Guà, San Bonifacio, Sanguinetto, San Pietro di Morubbio, San Giovanni Lupatoto, Salizzole, San Martino Buon Albergo, Sommacampagna, Sorgà, Terrazzo, Trevenzuolo, Valeggio sul Mincio, Veronella, Villa Bartolomea, Villafranca di Verona, Vigasio, Zevio, Zimella fil-provinċja ta’ Verona))”;

(b)

il-punti (g) sa (i) huma sostitwiti b’dan li ġej:

“(g)	il-Litwanja (minbarra l-muniċipalità ta’ Kėdainiai fir-reġjun ta’ Kaunas);

(h)

(i)

Parti 3

Emendi għall-Anness X tar-Regolament ta’ Implimentazzjoni (UE) 2019/2072

L-Anness X tar-Regolament ta’ Implimentazzjoni (UE) 2019/2072 huwa emendat kif ġej:

(1)

fil-punt 3, ir-raba’ kolonna “Żoni protetti” hija emendata kif ġej:

(a)

il-punt (e) huwa sostitwit b’dan li ġej:

“(e)

l-Italja (Abruzzo, Apúlia, Basilicata, Calabria, Campania (minbarra l-muniċipalitajiet ta’ Agerola, Gragnano, Lettere, Pimonte u Vico Equense fil-provinċja ta’ Napli, Amalfi, Atrani, Conca dei Marini, Corbara, Furore, Maiori, Minori, Positano, Praiano, Ravello, Scala u Tramonti fil-provinċja ta’ Salerno), Lazio, Liguria, Lombardija (minbarra l-provinċji ta’ Milan, Mantua, Sondrio u Varese, u l-kommuni ta’ Bovisio Masciago, Cesano Maderno, Desio, Limbiate, Nova Milanese u Varedo fil-provinċja ta’ Monza Brianza), Marche (minbarra l-kommuni ta’ Colli al Metauro, Fano, Pesaro u San Costanzo fil-provinċja ta’ Pesaro e Urbino), Molise, Sardinja, Sqallija (minbarra l-muniċipalitajiet ta’ Cesarò fil-provinċja ta’ Messina, Maniace, Bronte, Adrano fil-provinċja ta’ Catania u Centuripe, Regalbuto u Troina fil-provinċja ta’ Enna), Toscana, Umbria, Valle d’Aosta, Veneto (minbarra l-provinċji ta’ Rovigo u Venezja, il-kommuni ta’ Barbona, Boara Pisani, Castelbaldo, Masi, Piacenza d’Adige, S. Urbano u Vescovana fil-provinċja ta’ Padova u l-kommuni ta’ Albaredo d’Adige, Angiari, Arcole, Belfiore, Bevilacqua, Bonavigo, Boschi S. Anna, Bovolone, Buttapietra, Caldiero, Casaleone, Castagnaro, Castel d’Azzano, Cerea, Cologna Veneta, Concamarise, Erbè, Gazzo Veronese, Isola della Scala, Isola Rizza, Legnago, Minerbe, Mozzecane, Nogara, Nogarole Rocca, Oppeano, Palù, Povegliano Veronese, Pressana, Ronco all’Adige, Roverchiara, Roveredo di Guà, San Bonifacio, Sanguinetto, San Pietro di Morubbio, San Giovanni Lupatoto, Salizzole, San Martino Buon Albergo, Sommacampagna, Sorgà, Terrazzo, Trevenzuolo, Valeggio sul Mincio, Veronella, Villa Bartolomea, Villafranca di Verona, Vigasio, Zevio, Zimella fil-provinċja ta’ Verona))”;

(b)

il-punti (g) sa (i) huma sostitwiti b’dan li ġej:

“(g)	il-Litwanja (minbarra l-muniċipalità ta’ Kėdainiai fir-reġjun ta’ Kaunas)

(h)

(i)

(2)

fil-punt 9, ir-raba’ kolonna “Żoni protetti” hija emendata kif ġej:

(a)

il-punt (e) huwa sostitwit b’dan li ġej:

“(e)

l-Italja (Abruzzo, Apúlia, Basilicata, Calabria, Campania (minbarra l-muniċipalitajiet ta’ Agerola, Gragnano, Lettere, Pimonte u Vico Equense fil-provinċja ta’ Napli, Amalfi, Atrani, Conca dei Marini, Corbara, Furore, Maiori, Minori, Positano, Praiano, Ravello, Scala u Tramonti fil-provinċja ta’ Salerno), Lazio, Liguria, Lombardija (minbarra l-provinċji ta’ Milan, Mantua, Sondrio u Varese, u l-kommuni ta’ Bovisio Masciago, Cesano Maderno, Desio, Limbiate, Nova Milanese u Varedo fil-provinċja ta’ Monza Brianza), Marche (minbarra l-kommuni ta’ Colli al Metauro, Fano, Pesaro u San Costanzo fil-provinċja ta’ Pesaro e Urbino), Molise, Sardinja, Sqallija (minbarra l-muniċipalitajiet ta’ Cesarò fil-provinċja ta’ Messina, Maniace, Bronte, Adrano fil-provinċja ta’ Catania u Centuripe, Regalbuto u Troina fil-provinċja ta’ Enna), Toscana, Umbria, Valle d’Aosta, Veneto (minbarra l-provinċji ta’ Rovigo u Venezja, il-kommuni ta’ Barbona, Boara Pisani, Castelbaldo, Masi, Piacenza d’Adige, S. Urbano u Vescovana fil-provinċja ta’ Padova u l-kommuni ta’ Albaredo d’Adige, Angiari, Arcole, Belfiore, Bevilacqua, Bonavigo, Boschi S. Anna, Bovolone, Buttapietra, Caldiero, Casaleone, Castagnaro, Castel d’Azzano, Cerea, Cologna Veneta, Concamarise, Erbè, Gazzo Veronese, Isola della Scala, Isola Rizza, Legnago, Minerbe, Mozzecane, Nogara, Nogarole Rocca, Oppeano, Palù, Povegliano Veronese, Pressana, Ronco all’Adige, Roverchiara, Roveredo di Guà, San Bonifacio, Sanguinetto, San Pietro di Morubbio, San Giovanni Lupatoto, Salizzole, San Martino Buon Albergo, Sommacampagna, Sorgà, Terrazzo, Trevenzuolo, Valeggio sul Mincio, Veronella, Villa Bartolomea, Villafranca di Verona, Vigasio, Zevio, Zimella fil-provinċja ta’ Verona))”;

(b)

il-punti (g) sa (i) huma sostitwiti b’dan li ġej:

“(g)	il-Litwanja (minbarra l-muniċipalità ta’ Kėdainiai fir-reġjun ta’ Kaunas)

(h)

is-Slovenja (minbarra r-reġjuni ta’ Gorenjska, Koroška, Maribor u Notranjska, u l-komuni ta’ Dol pri Ljubljani, Lendava, Litija, Moravče, Renče-Vogrsko, Velika Polana u Žužemberk, u l-abitati ta’ Fużina, Gabrovčec, Glogovica, Gorenja vas, Gradiček, Grintovec, Ivančna Gorica, Krka, Krška vas, Male Lese, Malo Črnelo, Malo Globoko, Marinča vas,Mleščevo, Mrzlo Polje, Muljava, Podbukovje, Potok pri Muljavi, Šentvid pri Stični, Škrjanče, Trebnja Gorica, Velike Lese, Veliko Črnelo, Veliko Globoko, Vir pri Stični, Vrhpolje pri Šentvidu, Zagradec u Znojile pri Krki fil-komun ta’ Ivančna Gorica);

(i)

(3)

Fil-punt 16, it-test fir-raba’ kolonna, “Żoni protetti”, huwa sostitwit b’dan li ġej:

“(a)

L-Irlanda

(b)	Ir-Renju Unit (l-Irlanda ta’ Fuq)”;

(4)

Fil-punt 19, it-test fir-raba’ kolonna, Żoni protetti, huwa sostitwit b’dan li ġej:

“(a)

Il-Greċja

(b)	il-Portugall (Azores, minbarra l-gżira Terceira)”.

Na vrh

Izberite preskusne funkcije, ki jih želite preveriti.