32020R1559

EUR-Lex

Access to European Union law

This document is an excerpt from the EUR-Lex website

EUROPA
EUR-Lex home
Regolament implimentattiv - 2020/1559 - EN - EUR-Lex

Help

Search tips

Need more search options? Use the Advanced search

Document 32020R1559

Regolament ta’ Implimentazzjoni tal-Kummissjoni (UE) 2020/1559 tas-26 ta’ Ottubru 2020 li jemenda r-Regolament ta’ Implimentazzjoni (UE) 2017/2470 li jistabbilixxi l-lista tal-Unjoni tal-ikel ġdid (Test b’rilevanza għaż-ŻEE)

C/2020/7205

ĠU L 357, 27.10.2020, p. 7–16 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

Legal status of the document In force

ELI: http://data.europa.eu/eli/reg_impl/2020/1559/oj

HTML

PDF

Official Journal

27.10.2020

Il-Ġurnal Uffiċjali tal-Unjoni Ewropea

L 357/7

REGOLAMENT TA’ IMPLIMENTAZZJONI TAL-KUMMISSJONI (UE) 2020/1559

tas-26 ta’ Ottubru 2020

li jemenda r-Regolament ta’ Implimentazzjoni (UE) 2017/2470 li jistabbilixxi l-lista tal-Unjoni tal-ikel ġdid

(Test b’rilevanza għaż-ŻEE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (UE) 2015/2283 tal-Parlament Ewropew u tal-Kunsill tal-25 ta’ Novembru 2015 dwar ikel ġdid, li jemenda r-Regolament (UE) Nru 1169/2011 tal-Parlament Ewropew u tal-Kunsill u li jħassar ir-Regolament (KE) Nru 258/97 tal-Parlament Ewropew u tal-Kunsill u r-Regolament tal-Kummissjoni (KE) Nru 1852/2001 (1), u b’mod partikolari l-Artikolu 12 tiegħu,

Billi:

(1)	Skont l-Artikolu 8 tar-Regolament (UE) 2015/2283, sal-1 ta’ Jannar 2018 il-Kummissjoni kellha tistabbilixxi l-lista tal-Unjoni tal-ikel ġdid awtorizzat jew notifikat skont ir-Regolament (KE) Nru 258/97 tal-Parlament Ewropew u tal-Kunsill (2).

(2)	Il-lista tal-Unjoni tal-ikel ġdid awtorizzat jew notifikat skont ir-Regolament (KE) Nru 258/97 ġiet stabbilita bir-Regolament ta’ Implimentazzjoni tal-Kummissjoni (UE) 2017/2470 (3).

(3)

Ir-Regolament ta’ Implimentazzjoni tal-Kummissjoni (UE) 2018/1023 (4) ikkoreġa l-lista inizjali tal-Unjoni ta’ ikel ġdid stabbilita fl-Anness tar-Regolament ta’ Implimentazzjoni (UE) 2017/2470 billi ssostitwixxa dak l-Anness. Sadanittant ġew adottati tmien Regolamenti ta’ Implimentazzjoni tal-Kummissjoni li jawtorizzaw it-tqegħid fis-suq ta’ ikel ġdid jew li jestendu l-użu ta’ ikel ġdid rispettivament: ir-Regolamenti (UE) 2018/460 (5), (UE) 2018/461 (6), (UE) 2018/462 (7), (UE) 2018/469 (8), (UE) 2018/991 (9), (UE) 2018/1011 (10), (UE) 2018/1018 (11), (UE) 2018/1032 (12). Dawk ir-Regolamenti ta’ Implimentazzjoni aġġornaw ukoll il-lista tal-Unjoni. Madankollu, dak l-ikel ġdid u l-estensjonijiet tal-użu ta’ ikel ġdid ma għadhomx jidhru fil-lista, kif sostitwita bir-Regolament ta’ Implimentazzjoni (UE) 2018/1023.

(4)

Għaldaqstant, għal raġunijiet ta’ ċarezza u ta’ ċertezza legali, jenħtieġ li l-lista tal-Unjoni ta’ ikel ġdid stabbilita fl-Anness tar-Regolament ta’ Implimentazzjoni (UE) 2017/2470 tiġi emendata biex tinkludi mill-ġdid dak l-ikel ġdid u dawk l-estensjonijiet tal-użu ta’ ikel ġdid fil-lista tal-Unjoni. Billi dak l-ikel ġdid u dawk l-estensjonijiet tal-użu ta’ ikel ġdid ġew inklużi fil-lista tal-Unjoni sad-dħul fis-seħħ tar-Regolament ta’ Implimentazzjoni (UE) 2018/1023 fit-13 ta’ Awwissu 2018, jenħtieġ li dan ir-Regolament japplika minn dik id-data.

(5)	Il-miżuri previsti f’dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

ADOTTAT DAN IR-REGOLAMENT:

Artikolu 1

L-Anness tar-Regolament ta’ Implimentazzjoni (UE) 2017/2470 huwa emendat f’konformità mal-Anness ta’ dan ir-Regolament.

Artikolu 2

Dan ir-Regolament għandu jidħol fis-seħħ fil-jum tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Għandu japplika mit-13 ta’ Awwissu 2018.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, is-26 ta’ Ottubru 2020.

Għall-Kummissjoni

Il-President

Ursula VON DER LEYEN

(1) ĠU L 327, 11.12.2015, p. 1.

(2) Ir-Regolament (KE) Nru 258/97 tal-Parlament Ewropew u tal-Kunsill tas-27 ta’ Jannar 1997 dwar l-ikel il-ġdid u l-ingredjenti ġodda tal-ikel (ĠU L 43, 14.2.1997, p. 1).

(3) Ir-Regolament ta’ Implimentazzjoni tal-Kummissjoni (UE) 2017/2470 tal-20 ta’ Diċembru 2017 li jistabbilixxi l-lista tal-Unjoni tal-ikel ġdid skont ir-Regolament (UE) 2015/2283 tal-Parlament Ewropew u tal-Kunsill dwar ikel ġdid (ĠU L 351, 30.12.2017, p. 72).

(4) Ir-Regolament ta’ Implimentazzjoni tal-Kummissjoni (UE) 2018/1023 tat-23 ta’ Lulju 2018 li jikkoreġi r-Regolament ta’ Implimentazzjoni (UE) 2017/2470 li jistabbilixxi l-lista tal-Unjoni tal-ikel ġdid (ĠU L 187, 24.7.2018, p. 1).

(5) Ir-Regolament ta’ Implimentazzjoni tal-Kummissjoni (UE) 2018/460 tal-20 ta’ Marzu 2018 li tawtorizza t-tqegħid fis-suq tal-florotannini Ecklonia cava bħala ikel ġdid skont ir-Regolament (UE) 2015/2283 tal-Parlament Ewropew u tal-Kunsill, u li jemenda r-Regolament ta’ Implimentazzjoni tal-Kummissjoni (UE) 2017/2470 (ĠU L 78, 21.3.2018, p. 2).

(6) Ir-Regolament ta’ Implimentazzjoni tal-Kummissjoni (UE) 2018/461 tal-20 ta’ Marzu 2018 li jawtorizza estensjoni tal-użu ta’ estratt rikk fit-tassifolina bħala ikel ġdid skont ir-Regolament (UE) 2015/2283 tal-Parlament Ewropew u tal-Kunsill, u li jemenda r-Regolament ta’ Implimentazzjoni tal-Kummissjoni (UE) 2017/2470 (ĠU L 78, 21.3.2018, p. 7).

(7) Ir-Regolament ta’ Implimentazzjoni tal-Kummissjoni (UE) 2018/462 tal-20 ta’ Marzu 2018 li jawtorizza estensjoni għall-użu tal-L-ergotijoneina bħala ikel ġdid skont ir-Regolament (UE) 2015/2283 tal-Parlament Ewropew u tal-Kunsill, u li jemenda r-Regolament ta’ Implimentazzjoni tal-Kummissjoni (UE) 2017/2470 (ĠU L 78, 21.3.2018, p. 11).

(8) Ir-Regolament ta’ Implimentazzjoni tal-Kummissjoni (UE) 2018/469 tal-21 ta’ Marzu 2018 li jawtorizza t-tqegħid fis-suq ta’ estratt ta’ tliet għeruq erbali (Cynanchum wilfordii Hemsley, Phlomis umbrosa Turcz. u Angelica gigas Nakai) bħala ikel ġdid skont ir-Regolament (UE) 2015/2283 tal-Parlament Ewropew u tal-Kunsill, u li jemenda r-Regolament ta’ Implimentazzjoni tal-Kummissjoni (UE) 2017/2470 (ĠU L 79, 22.3.2018, p. 11).

(9) Ir-Regolament ta’ Implimentazzjoni tal-Kummissjoni (UE) 2018/991 tat-12 ta’ Lulju 2018 li jawtorizza t-tqegħid fis-suq tal-idroliżat tal-liżożoma tal-abjad tal-bajd tat-tiġieġ skont ir-Regolament (UE) 2015/2283 tal-Parlament Ewropew u tal-Kunsill, u li jemenda r-Regolament ta’ Implimentazzjoni tal-Kummissjoni (UE) 2017/2470 (ĠU L 177, 13.7.2018, p. 9).

(10) Ir-Regolament ta’ Implimentazzjoni tal-Kummissjoni (UE) 2018/1011 tas-17 ta’ Lulju 2018 li jawtorizza estensjoni tal-użu tal-faqqiegħ ittrattat bir-raġġi UV bħala ikel ġdid skont ir-Regolament (UE) 2015/2283 tal-Parlament Ewropew u tal-Kunsill, u li jemenda r-Regolament ta’ Implimentazzjoni tal-Kummissjoni (UE) 2017/2470 (ĠU L 181, 18.7.2018, p. 4).

(11) Ir-Regolament ta’ Implimentazzjoni tal-Kummissjoni (UE) 2018/1018 tat-18 ta’ Lulju 2018 li jawtorizza estensjoni għall-użu tal-ħmira tal-furnara ttrattata bil-UV (Saccharomyces cerevisiae) bħala ikel ġdid skont ir-Regolament (UE) 2015/2283 tal-Parlament Ewropew u tal-Kunsill, u li jemenda r-Regolament ta’ Implimentazzjoni tal-Kummissjoni (UE) 2017/2470 (ĠU L 183, 19.7.2018, p. 9).

(12) Ir-Regolament ta’ Implimentazzjoni tal-Kummissjoni (UE) 2018/1032 tal-20 ta’ Lulju 2018 li jawtorizza l-estensjoni tal-użu taż-żejt tal-mikroalga Schizochytrium sp. bħala ikel ġdid skont ir-Regolament (UE) 2015/2283 tal-Parlament Ewropew u tal-Kunsill, u li jemenda r-Regolament ta’ Implimentazzjoni tal-Kummissjoni (UE) 2017/2470 (ĠU L 185, 23.7.2018, p. 9).

ANNESS

L-Anness huwa emendat kif ġej.

(1)

It-Tabella 1 (Ikel ġdid awtorizzat) hija emendata kif ġej:

(a)

l-entrata li ġejja qed tiddaħħal bejn l-entrata għaż-“Żejt tal-Echium plantagineum” u l-entrata għall-“Idroliżat tal-membrana tal-bajd”:

Ikel ġdid awtorizzat

Il-kundizzjonijiet li fihom jista’ jintuża l-ikel ġdid

Rekwiżiti tat-tikkettar speċifiċi oħrajn

Rekwiżiti oħrajn

“Florotannini tal-Ecklonia cava

Kategorija tal-ikel speċifikat

Livelli massimi

Id-deżinjazzjoni tal-ikel ġdid fuq it-tikkettar tal-oġġetti tal-ikel li fihom minnu għandha tkun “Florotannini tal-Ecklonia cava”.

Is-supplimenti tal-ikel li jkun fihom il-Florotannini tal-Ecklonia cava għandu jkollhom id-dikjarazzjoni li ġejja:

(a)	Dan is-suppliment tal-ikel ma għandux jiġi kkunsmat mit-tfal/mill-adolexxenti ta’ taħt it-tnax/l-erbatax/it-tmintax(*)-il sena.

(b)	Dan is-suppliment tal-ikel ma għandux jiġi kkunsmat minn persuni li jbatu bil-marda tat-tirojde jew minn persuni li huma konxji jew li ġew identifikati li huma fir-riskju li jiżviluppaw il-marda tat-tirojde.

(c)	Dan is-suppliment tal-ikel ma għandux jiġi kkunsmat jekk jiġu kkunsmati wkoll supplimenti tal-ikel oħrajn li fihom il-jodju.

(*)	Skont il-grupp tal-età li jkun maħsub għalih is-suppliment tal-ikel.”

Is-supplimenti tal-ikel kif definiti fid-Direttiva 2002/46/KE maħsuba għall-popolazzjoni ġenerali, ħlief it-tfal taħt l-età ta’ 12-il sena

163 mg kuljum għall-adoloxxenti ta’ bejn it-12 u l-14-il sena

230 mg kuljum għall-adoloxxenti ta’ aktar minn 14-il sena

263 mg kuljum għall-adulti

(b)

l-entrata għall-“Estratt li fih ħafna tassifolina” hi sostitwita b’dan li ġej:

“Estratt li fih ħafna tassifolina

Kategorija tal-ikel speċifikat

Livelli massimi

Id-deżinjazzjoni tal-ikel ġdid fuq it-tikkettar tal-oġġetti tal-ikel li fihom minnu għandha tkun ‘Estratt li fih ħafna tassifolina’”

Jogurt abjad/Jogurt bil-frott(*)

0,020 g/kg

Kefir(*)

0,008 g/kg

Xorrox tal-butir(*)

0,005 g/kg

Trab tal-ħalib(*)

0,052 g/kg

Krema(*)

0,070 g/kg

Krema qarsa(*)

0,050 g/kg

Ġobon(*)

0,090 g/kg

Butir(*)

0,164 g/kg

Ħelu biċ-ċikkulata

0,070 g/kg

Xarbiet mhux alkoħoliċi

0,020 g/L

Is-supplimenti tal-ikel kif definiti fid-Direttiva 2002/46/KE maħsuba għall-popolazzjoni ġenerali, ħlief it-trabi, it-tfal żgħar u l-adoloxxenti taħt l-età ta’ 14-il sena

100 mg kuljum

(*)	Meta jintuża fil-prodotti tal-ħalib, l-estratt li fih ħafna tassifolina ma jista’ jissostitwixxi l-ebda kostitwent tal-ħalib, kompletament jew parzjalment

(c)

l-entrata għal-“L-ergotijoneina” hi sostitwita b’dan li ġej:

“L-ergotijoneina

Kategorija tal-ikel speċifikat

Livelli massimi

Id-deżinjazzjoni tal-ikel ġdid fuq it-tikkettar tal-oġġetti tal-ikel li fihom minnu għandha tkun ‘L-ergotijoneina’”

Xarbiet mhux alkoħoliċi

0,025 g/kg

Xarbiet magħmulin mill-ħalib

0,025 g/kg

“Prodotti tal-ħalib friski(*)

0,040 g/kg

Bars taċ-ċereali

0,2 g/kg

Ħelu biċ-ċikkulata

0,25 g/kg

Is-supplimenti tal-ikel kif definiti fid-Direttiva 2002/46/KE

30 mg kuljum għall-popolazzjoni ġenerali (ħlief in-nisa tqal u li qegħdin ireddgħu)

20 mg kuljum għat-tfal li għandhom aktar minn 3 snin

(*)	Meta tintuża fil-prodotti tal-ħalib, l-L-ergotijoneina ma tista’ tissostitwixxi l-ebda kostitwent tal-ħalib, kompletament jew parzjalment

(d)

l-entrata li ġejja tiddaħħal bejn l-entrata għal-“L-ergotijoneina” u l-entrata għall-“EDTA tas-sodju ferriku”:

“Estratt tat-tliet għeruq erbali (Cynanchum wilfordii Hemsley, Phlomis umbrosa Turcz. u Angelica gigas Nakai)

Kategorija tal-ikel speċifikat

Livelli massimi

Id-deżinjazzjoni tal-ikel ġdid fuq it-tikkettar tal-oġġetti tal-ikel li fihom minnu għandha tkun ‘estratt tat-tliet għeruq erbali (Cynanchum wilfordii Hemsley, Phlomis umbrosa Turcz. u Angelica gigas Nakai)’.

It-tikkettar tas-supplimenti tal-ikel li fihom l-estratt tat-taħlita tat-tliet għeruq erbali għandu jkollu dikjarazzjoni qrib il-lista tal-ingredjenti li tindika li ma għandhomx jiġu kkunsmati minn individwi li jafu li huma allerġiċi għall-karfus.”

Is-supplimenti tal-ikel kif definiti fid-Direttiva 2002/46/KE għall-popolazzjoni adulta

175 mg kuljum

(e)

l-entrata li ġejja tiddaħħal bejn l-entrata għall-Oleoraża tal-likopen mit-tadam” u l-entrata għaċ-“Ċitrat malat tal-manjeżju”:

“Liżożima idrolizzata tal-abjad tal-bajd tat-tiġieġ	Kategorija tal-ikel speċifikat	Livelli massimi	Id-deżinjazzjoni tal-ikel ġdid fuq it-tikkettar tas-supplimenti tal-ikel li fihom minnu għandha tkun “Liżożima idrolizzata tal-abjad tal-bajd tat-tiġieġ”.”
	Is-supplimenti tal-ikel kif definiti fid-Direttiva 2002/46/KE maħsuba għall-popolazzjoni adulta	1000 mg kuljum

(f)

l-entrata għall-“Faqqiegħ ittrattat bil-UV (Agaricus bisporus)” hi sostitwita b’dan li ġej:

“Faqqiegħ ittrattat bil-UV (Agaricus bisporus)

Kategorija tal-ikel speċifikat

Livelli massimi ta’ vitamina D2

1.	Id-deżinjazzjoni fuq it-tikketta tal-ikel ġdid bħala tali jew tal-oġġetti tal-ikel li fihom minnu għandha tkun ‘Faqqiegħ ittrattat bil-UV (Agaricus bisporus)’.

2.	Id-deżinjazzjoni fuq it-tikketta tal-ikel ġdid bħala tali jew tal-oġġetti tal-ikel li fihom minnu għandha tkun akkumpanjata minn indikazzjoni ‘intuża trattament b’dawl ikkontrollat biex jiżdiedu l-livelli ta’ vitamina D’ jew ‘intuża trattament b’dawl UV biex jiżdiedu l-livelli ta’ vitamina D2’.”

Faqqiegħ (Agaricus bisporus)

20 μg ta’ vitamina D2/100 g piż frisk

(g)

L-entrata għall-“Ħmira tal-furnara ttrattata bil-UV (Saccharomyces cerevisiae)” hija sostitwita b’dan li ġej:

“Ħmira tal-furnara ttrattata bil-UV (Saccharomyces cerevisiae)

Kategorija tal-ikel speċifikat

Livelli massimi ta’ vitamina D2

Id-deżinjazzjoni tal-ikel ġdid fuq it-tikkettar tal-oġġetti tal-ikel li fihom minnu għandha tkun ‘Ħmira tal-vitamina D’ jew ‘Ħmira tal-vitamina D2’

Ħobż u bziezen imħemmra bil-ħmira

5 μg ta’ vitamina D2/100 g

Prodotti fini tal-forn li jkunu mħemmra bil-ħmira

5 μg ta’ vitamina D2/100 g

Is-supplimenti tal-ikel kif definiti fid-Direttiva 2002/46/KE

Ħmira friska jew niexfa ppakkjata bil-lest biex tinħema d-dar

45 μg/100 g għall-ħmira friska

200 μg/100 g għall-ħmira mnixxfa

1.	Id-deżinjazzjoni tal-ikel ġdid fuq it-tikkettar tal-oġġetti tal-ikel għandha tkun “Ħmira tal-vitamina D” jew “Ħmira tal-vitamina D2”.

2.	It-tikkettar tal-ikel ġdid għandu jkollu fuqu dikjarazzjoni li l-oġġett tal-ikel hu maħsub biss għall-ħami u li ma jridx jittiekel nej.

3.	It-tikkettar tal-ikel ġdid għandu jkollu fuqu struzzjonijiet għall-użu għall-konsumaturi finali sabiex ma tinqabiżx il-konċentrazzjoni massima ta’ 5 μg/100 g ta’ vitamina D2 fil-prodotti finali li jinħmew id-dar.”

(h)

l-entrata għaż-“Żejt tas-Schizochytrium sp. (T18)” hi sostitwita b’dan li ġej:

“Żejt tas-Schizochytrium sp. (T18)	Kategorija tal-ikel speċifikat	Livelli massimi	Id-deżinjazzjoni tal-ikel ġdid fuq it-tikkettar tal-oġġetti tal-ikel li fihom minnu għandha tkun ‘Żejt tal-mikroalgi Schizochytrium sp’”
	Prodotti magħmulin mill-ħalib ħlief xarbiet magħmulin mill-ħalib	200 mg/100 g jew għall-prodotti tal-ġobon 600 mg/100 g
	Analogi ta’ prodotti tal-ħalib ħlief xarbiet	200 mg/100 g jew għall-analogi għall-prodotti tal-ġobon 600 mg/100 g
	Xaħam li jiddellek u taħwir tal-ikel	600 mg/100 g
	Ċereali għall-kolazzjon	500 mg/100 g
	Is-supplimenti tal-ikel kif definiti fid-Direttiva 2002/46/KE	250 mg DHA kuljum għall-popolazzjoni ġenerali
		450 mg DHA kuljum għan-nisa tqal u li qegħdin ireddgħu
	Sostituti tad-dieta kollha għall-kontroll tal-piż kif iddefinit fir-Regolament (UE) Nru 609/2013 u sostituti ta’ ikliet għall-kontroll tal-piż	250 mg/ikla
	Xarbiet magħmulin mill-ħalib u prodotti simili maħsuba għat-tfal żgħar	200 mg/100 g
	Ikel maħsub biex jagħmel tajjeb għall-użu ta’ sforz muskolari qawwi, speċjalment għall-isportivi
	Oġġetti tal-ikel li fuqhom ikollhom dikjarazzjonijet tan-nuqqas jew tal-preżenza mnaqqsa tal-glutina f’konformità mar-rekwiżiti tar-Regolament ta’ Implimentazzjoni tal-Kummissjoni (UE) Nru 828/2014
	Ikel għal skopijiet mediċi speċjali kif iddefinit fir-Regolament (UE) Nru 609/2013	Skont il-bżonnijiet nutrittivi partikolari tal-persuni li għalihom huma maħsubin il-prodotti
	Prodotti tal-furnara, (ħobżiet, bziezen u gallettini ħelwin)	200 mg/100 g
	Bars taċ-ċereali	500 mg/100 g
	Xaħam għat-tisjir	360 mg/100 g
	Xarbiet mhux alkoħoliċi (inklużi analogi ta’ prodotti tal-ħalib u xarbiet magħmulin mill-ħalib)	80 mg/100 ml
	Formula tat-trabi u formula tal-prosegwiment kif iddefinit fir-Regolament (UE) Nru 609/2013	F’konformità mar-Regolament (UE) Nru 609/2013
	Ikel ipproċessat biċ-ċereali u ikel tat-trabi maħsub għat-trabi u għat-tfal żgħar kif iddefinit fir-Regolament (UE) Nru 609/2013	200 mg/100 g
	Puree tal-frott/ħxejjex	100 mg/100 g”

(2)

It-Tabella 2 (Speċifikazzjonijiet) hija emendata kif ġej:

(a)

l-entrata li ġejja qed tiddaħħal bejn l-entrata għaż-“Żejt tal-Echium plantagineum” u l-entrata għall-“Idroliżat tal-membrana tal-bajd”:

Ikel Ġdid Awtorizzat

Speċifikazzjoni

“Florotannini tal-Ecklonia cava

Deskrizzjoni/Definizzjoni

Il-Florotannini tal-Ecklonia cava jinkisbu permezz ta’ estrazzjoni tal-alkoħol mill-alga tal-baħar li tittiekel Ecklonia cava. L-estratt huwa trab kannella skur, li fih ħafna florotannini, b’kontenut għoli ta’ komposti polifenoliċi preżenti bħala metaboliti sekondarji f’ċerti speċi tal-alga kannella.

Karatteristiki/Kompożizzjoni

Kontenut ta’ Florotannini: 90 ± 5 %

Attività tal-antiossidanti: > 85 %

Ndewwa: > 5 %

Irmied: > 5 %

Kriterji mikrobijoloġiċi

Għadd totali ta’ ċelloli vijabbli: < 3 000 CFU/g

Moffa/ħmira: < 300 CFU/g

Koliformi: Negattiv fit-test

Salmonella spp.: Negattiv fit-test

Staphylococcus aureus: Negattiv fit-test

Metalli tqal u Aloġeni

Ċomb: < 3,0 mg/kg

Merkurju: < 0,1 mg/kg

Kadmju: < 3,0 mg/kg

Arseniku: < 25,0 mg/kg

Arseniku inorganiku: < 0,5 mg/kg

Jodju: 150,0 – 650,0 mg/kg

CFU: Unitajiet li Jiffurmaw Kolonji”

(b)

l-entrata għad-“Definizzjoni” għall-“Estratt li fih ħafna tassifolina” hi sostitwita b’dan li ġej:

“Estratt li fih ħafna tassifolina

Definizzjoni

Isem kimiku: [(2R,3R)-2-(3,4 diidrossifenil)-3,5,7-triidrossi-2,3-diidrokromen-4-on, imsejjaħ ukoll (+) trans (2R,3R)- diidrokwerċetin] u b’mhux aktar minn 2 % tal-forma ċis-”

(c)

l-entrata li ġejja tiddaħħal bejn l-entrata għal-“L-ergotijoneina” u l-entrata għall-“EDTA tas-sodju ferriku”:

“Estratt tat-tliet għeruq erbali (Cynanchum wilfordii Hemsley, Phlomis umbrosa Turcz. u Angelica gigas Nakai)

Deskrizzjoni/Definizzjoni

It-taħlita tat-tliet għeruq erbali hija trab fin kannella fl-isfar prodott permezz tal-ilma sħun, konċentrazzjoni permezz tal-evaporazzjoni, u tnixxif bl-isprej

Kompożizzjoni tal-estratt ta’ taħlita tat-tliet għeruq erbali

Għerq tal-Cynanchum wilfordii: 32,5 % (w/w)

Għqer tal-Phlomis umbrosa: 32,5 % (w/w)

Għerq tal-Angelica gigas: 35,0 % (w/w)

Speċifikazzjonijiet

Telf mit-tnixxif: NMT 100 mg/g

Assaġġ

Aċidu ċinnamiku: 0,012 – 0,039 mg/g

Esteri metiliċi tax-shanzhiside: 0,20 – 1,55 mg/g

Nodakenina: 3,35 – 10,61 mg/g

Metossalin: < 3 mg/g

Fenoli: 13,0 – 40,0 mg/g

Kumarini: 13,0 – 40,0 mg/g

Iridojdi: 13,0 – 39,0 mg/g

Saponini: 5,0 – 15,5 mg/g

Komponenti nutrittivi

Karboidrati: 600 – 880 mg/g

Proteini: 70 – 170 mg/g

Xaħmijiet: < 4 mg/g

Parametri mikrobijoloġiċi

Għadd totali ta’ kolonji vijabbli: < 5000 CFU/g

Ħmira u moffa totali: < 100 CFU/g

Batterji koliformi: < 10 CFU/g

Salmonella: Negattiv/25 g

Escherichia coli: Negattiv/25 g

Staphylococcus aureus: Negattiv/25 g

Metalli tqal

Ċomb: < 0,65 mg/kg

Arseniku: < 3,0 mg/kg

Merkurju: < 0,1 mg/kg

Kadmju: < 1,0 mg/kg

CFU: Unitajiet li Jiffurmaw Kolonji”

(d)

l-entrata li ġejja tiddaħħal bejn l-entrata għall-“Oleoraża tal-likopen mit-tadam” u l-entrata għaċ-“Ċitrat malat tal-manjeżju”:

“Liżożima idrolizzata tal-abjad tal-bajd tat-tiġieġ

Deskrizzjoni/Definizzjoni

Il-liżożima idrolizzata tal-abjad tal-bajd tat-tiġieġ tinkiseb mil-liżożima tal-abjad tal-bajd tat-tiġieġ permezz ta’ proċess enżimatiku, bl-użu tas-subtiliżina mill-Bacillus licheniformis.

Il-prodott huwa trab abjad għal isfar ċar.

Speċifikazzjoni

Proteina (TN(*) x 5,30): 80-90 %

Triptofan: 5-7 %

Proporzjon ta’ Triptofan/LNAA(**): 0,18-0,25

Grad ta’ idroliżi: 19-25 %

Ndewwa: > 5 %

Irmied: > 10 %

Sodju: > 6 %

Metalli tqal

Arseniku: < 1 ppm

Ċomb: < 1 ppm

Kadmju: < 0,5 ppm

Merkurju: < 0,1 ppm

Kriterji mikrobijoloġiċi

Għadd totali tal-kolonji aerobiċi: < 103 CFU/g

Għadd totali tal-ħmira u l-moffa kkombinati: < 102 CFU/g

Enterobatterji: < 10 CFU/g

Salmonella spp: Assenti f’25 g

Escherichia coli: Assenti f’10 g

Staphylococcus aureus: Assenti f’10 g

Pseudomonas aeruginosa: Assenti f’10 g

(*)	TN: nitroġenu totali

(**)	LNAA: aċidi amminiċi newtrali kbar”

(e)

l-entrata għall-“Faqqiegħ ittrattat bil-UV (Agaricus bisporus)” hi sostitwita b’dan li ġej:

“Faqqiegħ ittrattat bil-UV (Agaricus bisporus)

Deskrizzjoni/Definizzjoni

Faqqiegħ Agaricus bisporus imkabbar kummerċjalment li jiġi ttrattat b’dawl UV meta jinħasad.

Radjazzjoni UV: proċess ta’ radjazzjoni bid-dawl ultravjola fil-frekwenza ta’ 200-800 nm.

Vitamina D2

Isem kimiku: (3β,5Z,7E,22E)-9,10-sekoergosta-5,7,10(19),22-tetraen-3-ol

Sinonimu: Ergokalċiferol

Nru CAS: 50-14-6

Piż molekulari: 396,65 g/mol

Kontenut

Vitamina D2 fil-prodott finali: 5-20 μg/100 g piż frisk mal-iskadenza tal-ħajja tal-prodott fuq l-ixkaffa.”

(f)

L-entrata għall-“Ħmira tal-furnara ttrattata bil-UV (Saccharomyces cerevisiae)” hija sostitwita b’dan li ġej:

“Ħmira tal-furnara ttrattata bil-UV (Saccharomyces cerevisiae)

Deskrizzjoni/Definizzjoni

Il-ħmira tal-furnara (Saccharomyces cerevisiae) tiġi ttrattata b’dawl ultravjola biex l-ergosterol jiġi kkonvertit f’vitamina D2 (ergokalċiferol). Il-kontenut tal-vitamina D2 fil-konċentrat tal-ħmira jvarja bejn 800 000 -3 500 000 IU vitamina D/100 g (200-875 μg/g). Il-ħmira tista’ tkun diżattivata.

Il-konċentrat tal-ħmira hija mħallta mal-ħmira regolari tal-furnara sabiex ma taqbiżx il-livell massimu tal-ħmira ppakkjata minn qabel friska jew imnixxfa biex tinħema d-dar.

Granuli ġierja lewn il-kannella ċar.

Vitamina D2

Isem kimiku: (5Z,7E,22E)-(3S)-9,10-sekoergosta-5,7,10(19),22-tetraen-3-ol

Sinonimu: Ergokalċiferol

Nru CAS: 50-14-6

Piż molekulari: 396,65 g/mol

Kriterji mikrobijoloġiċi tal-konċentrat tal-ħmira

Koliformi: ≤ 103/g

Escherichia coli: ≤ 10/g

Salmonella: Assenti f’25 g”

Top

Choose the experimental features you want to try