(1)

Ir-Regolament ta’ Implimentazzjoni tal-Kummissjoni (UE) 2018/329 (2) ħatar lill-konsorzju mmexxi minn Wageningen Livestock Research u li hu magħmul ukoll mill-Università ta’ Aarhus u minn Friedrich-Loeffler-Institut, bħala Ċentru ta’ Referenza tal-Unjoni Ewropea għat-Trattament Xieraq tal-Annimali responsabbli għall-appoġġ tal-attivitajiet orizzontali tal-Kummissjoni u tal-Istati Membri fil-qasam tar-rekwiżiti dwar it-trattament xieraq tal-annimali, li jissemma fl-Artikolu 1(2)(f) tar-Regolament (UE) 2017/625. Skont il-kompiti stabbiliti fil-programm ta’ ħidma pluriennali taċ-ċentri ta’ referenza tal-Unjoni Ewropea, l-attivitajiet ta’ dan iċ-Ċentru ta’ Referenza tal-Unjoni Ewropea għat-Trattament Xieraq tal-Annimali jiffukaw fuq it-trattament xieraq tal-ħnieżer.

(2)

Sussegwentement, skont l-Artikolu 95 tar-Regolament (UE) 2017/625, il-Kummissjoni għamlet sejħa pubblika għall-għażla u l-ħatra ta’ Ċentru ta’ Referenza tal-Unjoni Ewropea għat-Trattament Xieraq tal-Annimali ieħor, li jenħtieġ li jappoġġa l-attivitajiet orrizzontali tal-Kummissjoni u tal-Istati Membri marbuta mal-applikazzjoni tar-regoli li jistabbilixxu r-rekwiżiti dwar it-trattament xieraq tal-annimali għat-tjur u għal annimali żgħar oħra tar-razzett.

(3)

Il-kumitat ta’ evalwazzjoni u ta’ għażla maħtur għal dik is-sejħa pubblika kkonkluda li l-konsorzju mmexxi mill-Agence Nationale de Sécurité Sanitaire de l’Alimentation (Franza) u magħmul ukoll mill-Institut de Recerca I Tecnologia Agroalimentàries (Spanja), mill-Aarhus Universitet — Institut for Husdyrvidenskab (id-Danimarka), mill-Istituto Zooprofilattico Sperimentale della Lombardia e dell’Emilia Romagna (l-Italja), jikkonforma mar-rekwiżiti stipulati fl-Artikolu 95(3) tar-Regolament (UE) 2017/625 u jista’ jkun responsabbli għall-kompiti stabbiliti fl-Artikolu 96 ta’ dak ir-Regolament, fir-rigward tat-tjur u ta’ annimali żgħar oħra tar-razzett.

(4)

Għaldaqstant, jenħtieġ li dak il-konsorzju jinħatar bħala Ċentru ta’ Referenza tal-Unjoni Ewropea għat-Trattament Xieraq tal-Annimali fir-rigward tat-tjur u ta’ annimali żgħar oħra tar-razzett, responsabbli għall-kompiti ta’ appoġġ sakemm ikunu inklużi fil-programmi ta’ ħidma annwali jew pluriennali taċ-ċentri ta’ referenza tal-Unjoni Ewropea. Jeħtieġ li l-programmi ta’ ħidma annwali jew pluriennali jiġu stabbiliti f’konformità mal-objettivi u mal-prijoritajiet tal-programmi ta’ ħidma rilevanti adottati mill-Kummissjoni skont l-Artikolu 36 tar-Regolament (UE) Nru 652/2014 tal-Parlament Ewropew u tal-Kunsill (3).

(5)

L-Artikolu 95 tar-Regolament (UE) 2017/625 jeħtieġ li l-ħatra ta’ Ċentru ta’ Referenza tal-Unjoni Ewropea għat-Trattament Xieraq tal-Annimali tkun limitata fiż-żmien jew riveduta regolarment. Għalhekk, jenħtieġ li l-ħatra taċ-Ċentru ta’ Referenza tal-Unjoni Ewropea għat-Trattament Xieraq tal-Annimali għat-tjur u għal annimali żgħar oħra tar-razzett, tiġi riveduta kull ħames snin.

(6)

Jenħtieġ li ċ-Ċentru ta’ Referenza tal-Unjoni Ewropea għat-Trattament Xieraq tal-Annimali għat-tjur u għal annimali żgħar oħra tar-razzett maħtur, jingħata żmien biżżejjed biex iħejji l-programm ta’ ħidma tiegħu għall-perjodu baġitarju li jmiss. Għalhekk, jenħtieġ li dan ir-Regolament japplika mill-1 ta’ Jannar 2020,