Šis dokumentas gautas iš interneto svetainės „EUR-Lex“
Dokumentas 32019R0962
Commission Regulation (EU) 2019/962 of 12 June 2019 amending Annex I to Regulation (EC) No 1831/2003 of the European Parliament and of the Council as regards the establishment of two new functional groups of feed additives (Text with EEA relevance.)
Regolament tal-Kummissjoni (UE) 2019/962 tat-12 ta' Ġunju 2019 li jemenda l-Anness I tar-Regolament (KE) Nru 1831/2003 tal-Parlament Ewropew u tal-Kunsill fir-rigward tat-twaqqif ta' żewġ gruppi funzjonali ġodda tal-addittivi tal-għalf (Test b'rilevanza għaż-ŻEE.)
Regolament tal-Kummissjoni (UE) 2019/962 tat-12 ta' Ġunju 2019 li jemenda l-Anness I tar-Regolament (KE) Nru 1831/2003 tal-Parlament Ewropew u tal-Kunsill fir-rigward tat-twaqqif ta' żewġ gruppi funzjonali ġodda tal-addittivi tal-għalf (Test b'rilevanza għaż-ŻEE.)
C/2019/4234
ĠU L 156, 13.6.2019, p. 1—2
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
Galioja
|
13.6.2019 |
MT |
Il-Ġurnal Uffiċjali tal-Unjoni Ewropea |
L 156/1 |
REGOLAMENT TAL-KUMMISSJONI (UE) 2019/962
tat-12 ta' Ġunju 2019
li jemenda l-Anness I tar-Regolament (KE) Nru 1831/2003 tal-Parlament Ewropew u tal-Kunsill fir-rigward tat-twaqqif ta' żewġ gruppi funzjonali ġodda tal-addittivi tal-għalf
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 1831/2003 tal-Parlament Ewropew u tal-Kunsill tat-22 ta' Settembru 2003 fuq l-addittivi għall-użu fl-għalf tal-annimali (1), u b'mod partikolari l-Artikolu 6(3) tiegħu,
Billi:
|
(1) |
Ir-Regolament (KE) Nru 1831/2003 jipprevedi l-allokazzjoni tal-addittivi fl-għalf f'kategoriji u anke fi gruppi funzjonali fi ħdan dawk il-kategoriji skont il-funzjonijiet u l-proprjetajiet tagħhom. |
|
(2) |
Minħabba l-iżvilupp teknoloġiku u xjentifiku, hemm diversi sustanzi li jista' jkollhom effett teknoloġiku fuq l-għalf li mhuwiex deskritt b'rabta ma' xi grupp funzjonali li jeżisti diġà. Għaldaqstant, jixraq li jinħoloq grupp funzjonali ġeneriku ġdid fil-kategorija tal-“addittivi teknoloġiċi” biex jinkludi lil dawn is-sustanzi. |
|
(3) |
Minbarra l-prattiki tajba tal-biedja li jiżguraw il-benessri tal-annimali u r-rispett tad-dispożizzjonijiet dwar il-benessri tal-annimali fl-UE, l-istudji xjentifiċi juru li xi addittivi tal-għalf jistgħu jgħinu lill-annimali f'saħħithom biex iżommu kundizzjoni fiżjoloġika tajba, jikkontribwixxu għall-benessri tal-annimali, jaffettwaw favorevolment ir-reżiljenza tal-annimali għall-fatturi tal-istress jew jappoġġaw il-benessri tagħhom f'ċerti sitwazzjonijiet. Peress li l-funzjoni ewlenija ta' dawn l-addittivi tal-għalf ma tista' tiġi allokata lill-ebda wieħed mill-gruppi funzjonali speċifiċi previsti mir-Regolament (KE) Nru 1831/2003, jixraq li jinħoloq grupp funzjonali ġdid fil-kategorija tal-“addittivi żootekniċi”. Dan għandu jippermetti li jkun hemm definizzjoni aħjar tal-iskop intiż għal dawk l-addittivi, li jiġu stabbiliti l-kriterji għall-evalwazzjoni tal-effikaċja u li tinħoloq iċ-ċarezza ġuridika għall-applikanti. |
|
(4) |
Sabiex jiġu introdotti dawk iż-żewġ gruppi funzjonali l-ġodda, jenħtieġ li l-Anness I tar-Regolament (KE) Nru 1831/2003 jiġi emendat skont dan. |
|
(5) |
Il-miżuri previsti f'dan ir-Regolament huma konformi mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DAN IR-REGOLAMENT:
Artikolu 1
Emendi lir-Regolament (KE) Nru 1831/2003
L-Anness I tar-Regolament (KE) Nru 1831/2003 huwa emendat kif ġej:
|
(1) |
fil-punt 1 jiddaħħal il-punt li ġej:
|
|
(2) |
fil-punt 4 jiddaħħal il-punt li ġej:
|
Artikolu 2
Dħul fis-seħħ
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-12 ta' Ġunju 2019.
Għall-Kummissjoni
Il-President
Jean-Claude JUNCKER