32016R1964

EUR-Lex

Access to European Union law

This document is an excerpt from the EUR-Lex website

EUROPA
EUR-Lex home
Regolament implimentattiv - 2016/1964 - EN - EUR-Lex

Help

Search tips

Need more search options? Use the Advanced search

Document 32016R1964

Regolament ta' Implimentazzjoni tal-Kummissjoni (UE) 2016/1964 tad-9 ta' Novembru 2016 dwar l-awtorizzazzjonijiet ta' preparat tad-dolomit-manjeżit għall-baqar tal-ħalib u għal ruminanti oħrajn għall-produzzjoni tal-prodotti tal-ħalib, għall-ħnienes tal-fatma u għall-ħnieżer għat-tismin u ta' preparat tal-montmorillonit-illit għall-ispeċijiet kollha tal-annimali bħala addittivi tal-għalf (Test b'rilevanza għaż-ŻEE )

C/2016/7076

ĠU L 303, 10.11.2016, p. 7–13 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

Legal status of the document In force: This act has been changed. Current consolidated version: 06/01/2021

ELI: http://data.europa.eu/eli/reg_impl/2016/1964/oj

HTML

PDF

Official Journal

10.11.2016

Il-Ġurnal Uffiċjali tal-Unjoni Ewropea

L 303/7

REGOLAMENT TA' IMPLIMENTAZZJONI TAL-KUMMISSJONI (UE) 2016/1964

tad-9 ta' Novembru 2016

dwar l-awtorizzazzjonijiet ta' preparat tad-dolomit-manjeżit għall-baqar tal-ħalib u għal ruminanti oħrajn għall-produzzjoni tal-prodotti tal-ħalib, għall-ħnienes tal-fatma u għall-ħnieżer għat-tismin u ta' preparat tal-montmorillonit-illit għall-ispeċijiet kollha tal-annimali bħala addittivi tal-għalf

(Test b'rilevanza għaż-ŻEE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (KE) Nru 1831/2003 tal-Parlament Ewropew u tal-Kunsill tat-22 ta' Settembru 2003 fuq l-addittivi għall-użu fl-għalf tal-annimali (1), u b'mod partikolari l-Artikolu 9(2) tiegħu,

Billi:

(1)	Ir-Regolament (KE) Nru 1831/2003 jipprevedi l-awtorizzazzjoni tal-addittivi għall-użu fin-nutrizzjoni tal-annimali u r-raġunijiet u l-proċeduri għall-għoti ta' din l-awtorizzazzjoni.

(2)

Skont l-Artikolu 7 tar-Regolament (KE) Nru 1831/2003 l-applikazzjonijiet ġew sottomessi għall-awtorizzazzjonijiet ta' preparat tad-dolomit-manjeżit u ta' preparat tal-montmorillonit-illit. Ma' dawk l-applikazzjonijiet intbagħtu d-dettalji u d-dokumenti meħtieġa skont l-Artikolu 7(3) tar-Regolament (KE) Nru 1831/2003.

(3)

Dawk l-applikazzjonijiet jikkonċernaw l-awtorizzazzjonijiet ta' preparat tad-dolomit-manjeżit għall-baqar tal-ħalib u għal ruminanti oħrajn għall-produzzjoni tal-prodotti tal-ħalib, għall-ħnienes tal-fatma u għall-ħnieżer għat-tismin u ta' preparat tal-montmorillonit-illit bħala addittivi tal-għalf għall-ispeċijiet kollha tal-annimali biex jiġu kklassifikati fil-kategorija tal-addittivi “addittivi teknoloġiċi”.

(4)

Fl-Opinjoni tagħha tal-1 ta' Diċembru 2015 (2), l-Awtorità Ewropea dwar is-Sigurtà fl-Ikel (“l-Awtorità”) ikkonkludiet li l-preparat tad-dolomit-manjeżit ma għandux effett avvers fuq is-saħħa tal-annimali, fuq l-ambjent jew fuq is-saħħa tal-bniedem. L-Awtorità kkonkludiet ukoll li hija effikaċi bħala antiagglomerant. L-Awtorità ma tqisx li hemm bżonn rekwiżiti speċifiċi għall-monitoraġġ ta' wara t-tqegħid fis-suq. Ivverifikat ukoll ir-rapport dwar il-metodu ta' analiżi tal-addittiv tal-għalf fl-għalf sottomess mil-Laboratorju ta' Referenza stabbilit permezz tar-Regolament (KE) Nru 1831/2003.

(5)	Minħabba s-similarità fiżjoloġika tal-baqar tal-ħalib mar-ruminanti kollha għall-produzzjoni tal-prodotti tal-ħalib, jixraq li l-użu ta' dan l-addittiv jiġi estiż għal ruminanti oħrajn għall-produzzjoni tal-prodotti tal-ħalib.

(6)

Fl-Opinjonijiet tagħha tat-30 ta' Ottubru 2014 u tal-10 ta' Settembru 2015 (3), l-Awtorità kkonkludiet li l-preparat tal-montmorillonit-illit ma għandux effett avvers fuq is-saħħa tal-annimali, fuq l-ambjent jew fuq is-saħħa tal-bniedem. L-Awtorità kkonkludiet ukoll li hija effikaċi bħala antiagglomerant u bħala legant. L-Awtorità ma tqisx li hemm bżonn rekwiżiti speċifiċi għall-monitoraġġ ta' wara t-tqegħid fis-suq. Ivverifikat ukoll ir-rapport dwar il-metodu ta' analiżi tal-addittiv tal-għalf fl-għalf sottomess mil-Laboratorju ta' Referenza stabbilit permezz tar-Regolament (KE) Nru 1831/2003.

(7)

Il-valutazzjoni tal-preparat ta' dolomit-manjeżit u tal-preparat ta' montmorillonit-illit turi li l-kundizzjonijiet għall-awtorizzazzjoni, kif previst fl-Artikolu 5 tar-Regolament (KE) Nru 1831/2003, huma ssodisfati. Għaldaqstant, l-użu ta' dawk il-preparati għandu jiġi awtorizzat kif speċifikat fl-Annessi ta' dan ir-Regolament.

(8)	Il-miżuri previsti f'dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

ADOTTAT DAN IR-REGOLAMENT:

Artikolu 1

Il-preparat speċifikat fl-Anness I, li huwa parti mill-kategorija ta' addittivi “addittivi teknoloġiċi” u mill-grupp funzjonali “antiagglomeranti”, huwa awtorizzat bħala addittiv fin-nutrizzjoni tal-annimali, soġġett għall-kundizzjonijiet stipulati f'dak l-Anness.

Artikolu 2

Il-preparat speċifikat fl-Anness II, li huwa parti mill-kategorija ta' addittivi “addittivi teknoloġiċi” u mill-grupp funzjonali “antiagglomeranti” u “leganti”, huwa awtorizzat bħala addittiv fin-nutrizzjoni tal-annimali, soġġett għall-kundizzjonijiet stipulati f'dak l-Anness.

Artikolu 3

Dan ir-Regolament għandu jidħol fis-seħħ fl-għoxrin jum wara l-pubblikazzjoni tiegħu f'Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, id-9 ta' Novembru 2016.

Għall-Kummissjoni

Il-President

Jean-Claude JUNCKER

(1) ĠU L 268, 18.10.2003, p. 29.

(2) EFSA Journal 2016;14(1):4341

(3) EFSA Journal 2014;12(11):3904 u EFSA Journal 2015;13(9):4237

ANNESS I

Numru ta' identifikazzjoni tal-addittiv

Addittiv

Formola kimika, deskrizzjoni, metodi ta' analiżi

Speċi jew kategorija tal-annimal

Età massima

Kontenut minimu

Kontenut massimu

Dispożizzjonijiet oħra

Tmiem il-perjodu tal-awtorizzazzjoni

mg tal-addittiv/kg ta' għalf komplet b'kontenut ta' ndewwa ta' 12 %

Addittivi teknoloġiċi: antiagglomeranti

1g598

Dolomit-Manjeżit

Kompożizzjoni tal-addittiv

Tħejjija ta' taħlita naturali ta'

dolomit u manjeżit ≥ 40 % (b'kontenut minimu ta': karbonati 24 %).

Karatterizzazzjoni tas-sustanza attiva

Dolomit:

numru CAS 16389-88-1

(CaMg)(CO3)2

Manjeżit:

numru CAS 546-93-0

MgCO3

Talk (silikati idrati tal-manjeżju):

numru CAS 14807-96-6

Mg3Si4O10(OH)2

Talk ≥ 35 %

Klorit (aluminju–manjeżju):

numru CAS 1318-59-8

(Mg,Fe,Al)6(Si, Al)4O10(OH)8

Ħadid (strutturali) 6 % (medja)

Klorit ≥ 16 %

Mingħajr kwarz u asbestos

Metodu analitiku (1)

Karatterizzazzjoni tal-addittiv tal-għalf:

—	Diffrazzjoni tar-raġġi X (XRD) flimkien ma'

—	Spettrofotometrija tal-Assorbiment Atomiku (AAS).

Baqar tal-ħalib u ruminanti oħrajn għall-produzzjoni tal-prodotti tal-ħalib

Ħnienes tal-fatma

Ħnieżer għat-tismin

—

5 000

20 000

1.	Għall-użu fil-każ ta' ħnienes tal-fatma sakemm jilħqu l-35 kg.

2.	Fit-tikkettar tal-addittiv u t-taħlitiet lesti minn qabel għandu jiġu indikat dan li ġej: “L-addittiv dolomit-manjeżit huwa rikk fil-ħadid (inert)”.

Għall-utenti tal-addittiv u tat-taħlitiet lesti minn qabel, l-operaturi tan-negozju tal-għalf għandhom jistabbilixxu l-proċeduri operattivi u l-miżuri organizzattivi sabiex jindirizzaw ir-riskji potenzjali tal-użu tiegħu. Meta dawn ir-riskji ma jkunux jistgħu jiġu eliminati jew imnaqqsa għall-minimu bi proċeduri u miżuri ta' dan it-tip, l-addittiv u t-taħlitiet lesti minn qabel għandhom jintużaw b'tagħmir ta' protezzjoni personali, inkluż il-protezzjoni tan-nifs.

it-30 ta' Novembru 2026

(1) Id-dettalji dwar il-metodi analitiċi huma disponibbli fl-indirizz li ġej tal-Laboratorju ta' Referenza għall-Addittivi tal-Għalf: https://ec.europa.eu/jrc/en/eurl/feed-additives/evaluation-reports

ANNESS II

Numru ta' identifikazzjoni tal-addittiv

Addittiv

Formola kimika, deskrizzjoni, metodi ta' analiżi

Speċi jew kategorija tal-annimal

Età massima

Kontenut minimu

Kontenut massimu

Dispożizzjonijiet oħra

Tmiem il-perjodu tal-awtorizzazzjoni

mg tal-addittiv/kg ta' għalf komplet b'kontenut ta' ndewwa ta' 12 %

Addittivi teknoloġiċi: leganti

1g557

Montmorillonit-Illit

Kompożizzjoni tal-addittiv

Tħejjija ta' saff imħallat tal-mineral tat-tafal montmorillonit-illit: fillosilikati ≥ 75 %.

Karatterizzazzjoni tas-sustanza attiva

Fillosilikati ≥ 75 %:

≥ 35 % montmorillonit-illit (jintefaħ)

≥ 30 % illit/muskovit

≤ 15 % kawlinite (ma jintefaħx)

Kwarz ≤ 20 %

Ħadid (strutturali) 3,6 % (medja)

Mingħajr asbestos

Metodu analitiku (1)

Għad-determinazzjoni tal-addittiv tal-għalf:

—	Diffrazzjoni tar-raġġi X (XRD).

—	Spettroskopija tal-emissjoni atomika bi plażma akkopjata induttivament (ICP-AES)

L-ispeċijiet kollha tal-annimali

—

10 000

20 000

L-istruzzjonijiet għall-użu għandhom jindikaw li ġej:

—	“Għandu jiġi evitat l-użu orali simultanju mal-makrolidi”;

—	“Barra minn hekk, għat-tjur, għandu jiġi evitat l-użu simultanju mar-robenidina”.

2.	Għat-tjur: l-użu orali simultanju ma' koċċidijostatiċi oħra għajr ir-robenidina huwa kontraindikat mal-livell ta' montmorillonit-illit ogħla minn 10 000 mg/kg ta' għalf komplet.

3.	Fit-tikkettar tal-addittiv tal-għalf u tat-taħlitiet lesti minn qabel għandu jiġu indikat dan li ġej: “L-addittiv, montmorillonit-illit, huwa rikk fil-ħadid (inert)”.

5.	L-ammont totali ta' sorsi differenti ta' montmorillonit-illit fl-għalf komplet ma għandux jaqbeż il-livell massimu permess ta' 20 000 mg/kg ta' għalf komplet.

it-30 ta' Novembru 2026

Addittivi teknoloġiċi: antiagglomerant

1g557

Montmorillonit-Illit

Kompożizzjoni tal-addittiv

Tħejjija ta' saff imħallat tal-mineral tat-tafal montmorillonit-illit: fillosilikati ≥ 75 %

Karatterizzazzjoni tas-sustanza attiva

Fillosilikati ≥ 75 %:

≥ 35 % montmorillonit/illit (jintefaħ)

≥ 30 % illit/muskovit

≤ 15 % kawlinite (ma jintefaħx)

Kwarz ≤ 20 %

Ħadid (strutturali) 3,6 % (medja)

Mingħajr asbestos

Metodu analitiku (1)

Għad-determinazzjoni tal-addittiv tal-għalf:

—	Diffrazzjoni tar-raġġi X (XRD);

—	Spettroskopija tal-emissjoni atomika bi plażma akkopjata induttivament (ICP-AES).

L-ispeċijiet kollha tal-annimali

—

20 000

Fl-istruzzjonijiet għall-użu indika:

—	“Għandu jiġi evitat l-użu orali simultanju mal-makrolidi”;

—	fit-tjur: “Għandu jiġi evitat l-użu simultanju mar-robenidina”.

2.	Għat-tjur: l-użu orali simultanju ma' koċċidijostatiċi oħra għajr ir-robenidina huwa kontraindikat.

3.	Fit-tikkettar tal-addittiv tal-għalf u tat-taħlitiet lesti minn qabel li fihom dan, għandu jiġu indikat dan li ġej: “L-addittiv, montmorillonit-illit, huwa rikk fil-ħadid (inert)”.

5.	L-ammont totali ta' sorsi differenti ta' montmorillonit-illit fl-għalf komplet ma għandux jaqbeż il-livell massimu permess ta' 20 000 mg/kg ta' għalf komplet.

it-30 ta' Novembru 2026

Top

Choose the experimental features you want to try