22.1.2015

MT

Il-Ġurnal Uffiċjali tal-Unjoni Ewropea

L 15/103

---

DEĊIŻJONI TAL-AWTORITÀ TA' SORVELJANZA TAL-EFTA

Nru 302/14/COL

tas-16 ta' Lulju 2014

li temenda għad-disgħa u disgħin darba r-regoli proċedurali u sostantivi fil-qasam tal-għajnuna mill-Istat billi timmodifika ċerti Linji Gwida għall-għajnuna mill-istat [2015/95]

L-AWTORITÀ TA' SORVELJANZA TAL-EFTA (“l-Awtorità”),

WARA Li KKUNSIDRAT il-Ftehim dwar iż-Żona Ekonomika Ewropea (“il-Ftehim ŻEE”), b'mod partikolari l-Artikoli minn 61 sa 63 u l-Protokoll 26 tiegħu,

WARA LI KKUNSIDRAT il-Ftehim bejn l-Istati tal-EFTA dwar it-Twaqqif ta' Awtorità ta' Sorveljanza u ta' Qorti tal-Ġustizzja (“il-Ftehim dwar is-Sorveljanza u l-Qorti”), b'mod partikolari l-Artikoli 5(2)(b) u 24 tiegħu u l-Artikolu 1 fil-Parti I tal-Protokoll 3 tiegħu,

Billi:

Skont l-Artikolu 24 tal-Ftehim dwar is-Sorveljanza u l-Qorti, l-Awtorità ddaħħal fis-seħħ id-dispożizzjonijiet tal-Ftehim ŻEE dwar l-għajnuna mill-Istat,

Skont l-Artikolu 5(2)(b) tal-Ftehim dwar is-Sorveljanza u l-Qorti, l-Awtorità toħroġ avviżi jew linji gwida dwar kwistjonijiet ittrattati fil-Ftehim ŻEE, jekk dan il-Ftehim jew il-Ftehim dwar is-Sorveljanza u l-Qorti jipprovdi dan b'mod espressiv jew jekk l-Awtorità tikkunsidra li hu meħtieġ,

Fil-21 ta' Mejju 2014, il-Kummissjoni Ewropea adottat Komunikazzjoni li temenda l-Komunikazzjonijiet mill-Kummissjoni dwar Linji Gwida tal-UE għall-applikazzjoni tar-regoli dwar l-għajnuna mill-Istat b'rabta mal-implimentazzjoni rapida tan-netwerks tal-banda wiesgħa, dwar Linji Gwida dwar l-għajnuna reġjonali mill-Istat għall-2014-2020, dwar għajnuna mill-Istat għal films u xogħlijiet awdjoviżivi oħra, dwar Linji Gwida dwar l-għajnuna mill-Istat biex jiġu promossi investimenti ta' finanzjament tar-riskju u dwar Linji Gwida dwar għajnuna mill-Istat għall-ajruporti u l-linji tal-ajru. (1) L-għanijiet tal-emendi għandhom jallinjaw id-dispożizzjonijiet ta' trasparenza ta' Linji Gwida dwar l-għajnuna mill-Istat differenti u għas-simplifikazzjoni tad-dispożizzjonijiet attwali,

Din il-Komunikazzjoni hija rilevanti għaż-Żona Ekonomika Ewropea,

Għandha tiġi żgurata l-applikazzjoni uniformi tar-regoli taż-ŻEE dwar għajnuna mill-Istat madwar iż-Żona Ekonomika Ewropea kollha skont l-għan ta' omoġeneità stabbilit fl-Artikolu 1 tal-Ftehim ŻEE,

Skont il-punt II taħt l-intestatura “ĠENERALI” tal-Anness XV tal-Ftehim ŻEE, l-Awtorità, wara konsultazzjoni mal-Kummissjoni Ewropea, għandha tadotta regoli ġodda, li jikkorrispondu ma' dawk adottati mill-Kummissjoni Ewropea,

WARA li kkonsultat mal-Kummissjoni Ewropea,

WARA li kkonsultat mal-Istati tal-EFTA b'ittra datata t-30 ta' Ġunju 2014 dwar is-suġġett,

ADOTTAT DIN ID-DEĊIŻJONI:

Artikolu 1

Ir-regoli sostantivi fil-qasam tal-għajnuna mill-Istat jiġu emendati kif ġej.

Artikolu 2

Din id-Deċiżjoni tissostitwixxi l-paragrafi li ġejjin:

—	dwar Linji Gwida għall-applikazzjoni ta' regoli dwar l-għajnuna mill-Istat b'rabta mal-implimentazzjoni rapida tan-netwerks tal-banda wiesgħa (2) l-ewwel żewġ sentenzi tal-paragrafu 74(j),

—	dwar il-Linji Gwida dwar l-għajnuna reġjonali mill-Istat għall-2014-2020 (3), paragrafu 135,

—	dwar il-Linji Gwida rigward għajnuna mill-Istat għal films u xogħlijiet awdjoviżivi oħra (4), il-paragrafu 51(7),

—	dwar il-Linji Gwida rigward għajnuna mill-Istat għall-ajruporti u l-linji tal-ajru (5), il-paragrafi 162 u 163,

b'dan:

“L-Istati tal-EFTA jiżguraw il-pubblikazzjoni tal-informazzjoni li ġejja fuq websajt komprensiva dwar l-għajnuna mill-Istat, f'livell nazzjonali jew reġjonali:

—	it-test sħiħ tal-iskema ta' għajnuna approvata jew id-deċiżjoni individwali għall-għoti tal-għajnuna u d-dispożizzjonijiet ta' implimentazzjoni tagħha, jew ħolqa għaliha,

—	l-identità tal-awtorità(jiet) awtorizzanti,

—

l-identità tal-benefiċjarji individwali, il-forma u l-ammont tal-għajnuna mogħtija lil kull benefiċjarju, id-data tal-għotja, it-tip ta' impriża (SME/kumpanija kbira), ir-reġjun li fih jinsab il-benefiċjarju (fil-livell 2 tar-reġjuni statistiċi) (*) u s-settur ekonomiku prinċipali li fih il-benefiċjarju għandu l-attività tiegħu (fil-livell tal-grupp NACE) (**).

Tali rekwiżit jista' jitneħħa fir-rigward tal-għotjiet ta' għajnuna individwali inqas minn EUR 500 000. Għal skemi ta' għajnuna fil-forma ta' benefiċċju fuq it-taxxa, l-informazzjoni dwar ammonti ta' għajnuna individwali (***) tista' tiġi pprovduta fil-firxiet li ġejjin (f'EUR miljuni): [0,5-1]; [1-2]; [2-5]; [5-10]; [10-30]; [30 u iktar].

Tali informazzjoni trid tiġi ppubblikata wara li tkun ittieħdet id-deċiżjoni tal-għoti tal-għajnuna, trid tinżamm għal mill-inqas 10 snin u trid tkun disponibbli għall-pubbliku ġenerali mingħajr restrizzjonijiet (****). L-Istati tal-EFTA ma jkunux meħtieġa jippubblikaw l-informazzjoni msemmija hawn fuq qabel l-1 ta' Lulju 2016 (*****).

Artikolu 3

1.   Din id-Deċiżjoni timmodifika l-Linji Gwida dwar l-għajnuna reġjonali mill-Istat għall-2014-2020 u l-kundizzjonijiet ta' monitoraġġ imposti fuq l-iskemi ta' għajnuna reġjonali mill-Istat, kif ġej:

—	il-paragrafu 169 tal-Linji Gwida dwar l-għajnuna reġjonali mill-Istat għall-2014-2020, inkluża kundizzjoni ta' monitoraġġ, jitħassar.

—	L-Anness IV tal-Linji Gwida dwar l-għajnuna reġjonali mill-Istat għall-2014-2020, jitħassar.

2.   Għal dawk l-iskemi ta' għajnuna reġjonali mill-Istat diġà approvati f'konformità mal-Linji Gwida dwar l-għajnuna reġjonali mill-Istat għall-2014-2020, inkluża l-kundizzjoni ta' monitoraġġ stabbilita fil-paragrafu 169 tal-Linji Gwida msemmija hawn fuq, il-kundizzjoni ta' monitoraġġ titneħħa. F'dan is-sens, il-paragrafu 65 tad-Deċiżjoni 225/14/COL, datata t-18 ta' Ġunju 2014, dwar l-kontribuzzjonijiet tas-sigurtà soċjali reġjonalment differenzjati 2014-2020, jitħassar.

Artikolu 4

Din id-Deċiżjoni timmodifika l-Linji Gwida dwar l-għajnuna mill-Istat biex jiġu promossi investimenti ta' finanzjament ta' riskju (6) kif ġej:

—

fil-paragrafu 166(v): — minflok:“Tali rekwiżit jista' jitneħħa fir-rigward tal-SMEs li ma wettqu l-ebda bejgħ kummerċjali fi kwalunkwe suq u għal investimenti taħt il-EUR 200 000 f'impriża benefiċjarja finali.” — aqra:“Tali rekwiżit jista' jitneħħa fir-rigward tal-SMEs li ma wettqu l-ebda bejgħ kummerċjali fi kwalunkwe suq u għal investimenti taħt il-EUR 500 000 f'impriża benefiċjarja finali”.

—

fil-paragrafu 166(vi): — minflok:“l-ammont tal-vantaġġ fiskali riċevut, fejn tal-aħħar jaqbeż il-EUR 200 000. Tali ammont jista' jkun ipprovdut f'firxiet ta' EUR 2 miljun.” — aqra:“l-ammont tal-vantaġġ fiskali riċevut, fejn tal-aħħar jaqbeż il-EUR 500 000. Tali ammont jista' jkun ipprovdut fil-firxiet li ġejjin (f'EUR miljun): [0,5-1]; [1-2]; [2-5]; [5-10]; [10-30]; [30 u iktar].”

—	u fl-aħħar tal-paragrafu 166 jiddaħħal it-test li ġej: “L-Istati tal-EFTA mhumiex meħtieġa jipprovdu l-informazzjoni msemmija hawn fuq qabel l-1 ta' Lulju 2016 (******).

Artikolu 5

Din id-Deċiżjoni ddaħħal it-test li ġej:

—	fl-aħħar tal-paragrafu 49, tal-Linji Gwida għall-applikazzjoni ta' regoli dwar l-għajnuna mill-Istat b'rabta mal-implimentazzjoni rapida tan-netwerk tal-banda wiesgħa,

—	fl-aħħar tal-paragrafu 138, tal-Linji Gwida dwar l-għajnuna reġjonali mill-Istat għall-2014-2020,

—	fl-aħħar tal-paragrafu 167, tal-Linji Gwida dwar l-għajnuna mill-Istat għall-ajruporti u l-linji tal-ajru,

—	fl-aħħar tal-paragrafu 172, tal-Linji Gwida dwar l-għajnuna mill-Istat biex jiġu promossi investimenti ta' finanzjament tar-riskju.

Artikolu 6

Il-verżjoni bl-Ingliż biss hi awtentika.

---

(1)  ĠU C 198, 27.6.2014, p. 30.

(2)  Għadhom mhux ippubblikati fil-ĠU. Disponibbli fuq: http://www.eftasurv.int/media/state-aid-guidelines/Part-IV---Application-of-state-aid-rules-in-relation-to-rapid-deployment-of-broadband-networks.pdf

(3)  Għadhom mhux ippubblikati fil-ĠU. Disponibbli fuq: http://www.eftasurv.int/media/state-aid-guidelines/Part-III---Guidelines-on-regional-State-Aid-for-2014-2020.pdf

(4)  Għadhom mhux ippubblikati fil-ĠU. Disponibbli fuq: http://www.eftasurv.int/media/state-aid-guidelines/Part_IV_-_State_aid_for_films_and_other_audiovisual_works.pdf

(5)  Għadhom mhux ippubblikati fil-ĠU. Disponibbli fuq: http://www.eftasurv.int/media/state-aid-guidelines/Part-IV---Aviation-Guidelines.pdf

(6)  Għadhom mhux ippubblikati fil-ĠU. Disponibbli fuq http://www.eftasurv.int/media/state-aid-guidelines/Part-III---State%20aid-to-promote-risk-finance-investments-- (applicable-from-1-july-2014).pdf

---