EUR-Lex Access to European Union law
This document is an excerpt from the EUR-Lex website
Document 32014D0469
2014/469/EU: Council Decision taken by common accord with the President of the Commission, of 17 July 2014 appointing a Member of the European Commission
2014/469/UE: Deċiżjoni tal-Kunsill meħuda bi qbil komuni mal-President tal-Kummissjoni, tas- 17 ta' Lulju 2014 li taħtar Membru tal-Kummissjoni Ewropea
2014/469/UE: Deċiżjoni tal-Kunsill meħuda bi qbil komuni mal-President tal-Kummissjoni, tas- 17 ta' Lulju 2014 li taħtar Membru tal-Kummissjoni Ewropea
ĠU L 212, 18.7.2014, p. 16–16
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
No longer in force, Date of end of validity: 31/10/2014
18.7.2014 |
MT |
Il-Ġurnal Uffiċjali tal-Unjoni Ewropea |
L 212/16 |
DEĊIŻJONI TAL-KUNSILL
meħuda bi qbil komuni mal-President tal-Kummissjoni,
tas-17 ta' Lulju 2014
li taħtar Membru tal-Kummissjoni Ewropea
(2014/469/UE)
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea, u b'mod partikolari t-tieni paragrafu tal-Artikolu 246 tiegħu,
Wara li kkunsidra l-opinjoni tal-Parlament Ewropew (1),
Billi:
(1) |
Fid-9 ta' Frar 2010, il-Kunsill Ewropew adotta d-Deċiżjoni 2010/80/UE (2) dwar il-ħatra tal-Kummissjoni Ewropea għall-perijodu sal-31 ta' Ottubru 2014. |
(2) |
Fl-ittra bid-data tat-18 ta' Ġunju 2014, is-Sur José Manuel DURÃO BARROSO, President tal-Kummissjoni, informa lill-Kunsill li s-Sur Janusz LEWANDOWSKI kien irriżenja mill-kariga tiegħu bħala Membru tal-Kummissjoni b'effett mit-30 ta' Ġunju 2014. |
(3) |
F'konformità mat-tieni paragrafu tal-Artikolu 246 tat-Trattat dwar il-Funzjonament tal-Unjoni Ewropea, post battal ikkawżat b'riżenja għandu jimtela għall-bqija tal-mandat tal-Membru minn Membru ġdid tal-istess nazzjonalità. |
(4) |
Għalhekk, għandu jinħatar Membru ġdid tal-Kummissjoni, |
ADOTTA DIN ID-DEĊIŻJONI:
Artikolu 1
Bi qbil komuni mas-Sur José Manuel DURÃO BARROSO, il-President tal-Kummissjoni, il-Kunsill jaħtar lis-Sur Jacek DOMINIK bħala Membru tal-Kummissjoni għall-bqija tal-mandat, jiġifieri sal-31 ta' Ottubru 2014.
Artikolu 2
Din id-Deċiżjoni għandha tidħol fis-seħħ fid-data tal-adozzjoni tagħha.
Magħmul fi Brussell, is-17 ta' Lulju 2014.
Għall-Kunsill
Il-President
S. GOZI
(1) Opinjoni tas-16 ta' Lulju 2014 (għadha mhijiex ippubblikata fil-Ġurnal Uffiċjali).