12.3.2014   

MT

Il-Ġurnal Uffiċjali tal-Unjoni Ewropea

L 71/18

(1)

B’konformità mal-Artikolu 84 tar-Regolament Finanzjarju u l-Artikolu 94 tar-Regolament Delegat tal-Kummissjoni (UE) Nru 1268/2012 tad-29 ta’ Ottubru 2012 dwar ir-regoli tal-applikazzjoni tar-Regolament (UE, Euratom) Nru 966/2012 tal-Parlament Ewropew u tal-Kunsill dwar ir-regoli finanzjarji applikabbli għall-baġit ġenerali tal-Unjoni (2) (minn hawn ’il quddiem imsejħa “ir-Regoli ta’ Applikazzjoni”), l-impenn tan-nefqa mill-baġit tal-Unjoni għandu jkun ippreċedut minn deċiżjoni ta’ finanzjament li tistabbilixxi l-elementi essenzjali tal-azzjoni li tinvolvi n-nefqa u li tkun adottata mill-istituzzjoni jew mill-awtoritajiet li lilhom ġew iddelegati s-setgħat mill-istituzzjoni.

(2)

Id-Deċiżjoni 2009/470/KE tistabbilixxi l-proċeduri li jirregolaw il-kontribuzzjoni finanzjarja mill-Unjoni għal miżuri veterinarji speċifiċi, inklużi miżuri ta’ emerġenza. Bil-ħsieb li teqred il-marda tal-ilsien blu malajr kemm jista’ jkun, l-Unjoni għandha tikkontribwixxi finanzjarjament għal nefqa eliġibbli mġarrba mill-Istati Membri. L-ewwel inċiż tal-Artikolu 3(6) ta’ dik id-Deċiżjoni jistipula r-regoli dwar il-perċentwal li jrid jiġi applikat għall-ispejjeż imġarrba mill-Istati Membri.

(3)

L-Artikolu 3 tar-Regolament tal-Kummissjoni (KE) Nru 349/2005 tat-28 ta’ Frar 2005 li jistabbilixxi r-regoli rigward il-finanzjament Komunitarju għall-interventi urġenti u l-ġlieda kontra ċertu mard tal-annimali kif imsemmi fid-Deċiżjoni tal-Kunsill 90/424/KEE (3), jistabbilixxi regoli dwar in-nefqa eliġibbli għall-appoġġ finanzjarju tal-Unjoni.

(4)

Id-Deċiżjoni tal-Kummissjoni 2008/444/KE tal-5 ta’ Ġunju 2008 dwar kontribuzzjoni finanzjarja mill-Komunità għal miżuri ta’ emerġenza fil-ġlieda kontra l-marda tal-ilsien blu fil-Ġermanja fl-2007 (4) tipprevedi kontribuzzjoni finanzjarja mill-Unjoni għal miżuri ta’ emerġenza għall-ġlieda kontra l-marda tal-ilsien blu fil-Ġermanja fl-2007. Fis-6 ta’ Ġunju 2008, il-Ġermanja bagħtet talba uffiċjali għar-rimborż, kif stipulat fl-Artikoli 7(1) u 7(2) tar-Regolament (KE) Nru 349/2005.

(5)

Skont l-Artikolu 7 tar-Regolament (KE) Nru 349/2005 il-ħlas ta’ din il-kontribuzzjoni finanzjarja mill-Unjoni huwa soġġett għall-kundizzjoni li l-attivitajiet ippjanati kienu fil-fatt implimentati u li l-awtoritajiet ipprovdew it-tagħrif kollu meħtieġ fiż-żmien stipulat.

(6)

Id-Deċiżjoni 2008/444/KE stipulat li l-ewwel somma ta’ EUR 950 000,00 għandha titħallas bħala parti mill-kontribuzzjoni finanzjarja tal-Unjoni u d-Deċiżjoni ta’ Implimentazzjoni tal-Kummissjoni 2011/800/UE tat- 30 ta’ Novembru 2011 dwar kontribuzzjoni finanzjarja mill-Unjoni għal miżuri ta’ emerġenza fil-ġlieda kontra l-bluetongue fil-Ġermanja fl-2007 (5) sakemm it-tieni somma ta’ EUR 1 950 000,00 għandha titħallas bħala parti mill-kontribuzzjoni finanzjarja tal-Unjoni.

(7)

Wara l-ispezzjonijiet u l-kontrolli li saru waqt il-verifika fuq il-post ġestiti minn servizz ta’ verifika kompetenti, u filwaqt li jitqiesu r-riżultati preliminari, għandha tiġi ffissata t-tielet somma tal-appoġġ finanzjarju mill-Unjoni għan-nefqa eliġibbli mġarrba marbuta mal-qerda tal-marda tal-ilsien blu fil-Ġermanja fl-2007.

(8)

Il-miżuri previsti f’din id-Deċiżjoni huma skont l-opinjoni tal-Kumitat Permanenti dwar il-Katina tal-Ikel u s-Saħħa tal-Annimali,